Mathiyu 24 的熱門經文

分享

Biya bibɔyɛ bi kɔŋ pɛyi ba thimiyande baa banɛnɔy baŋ ba kɔŋ key ka kɔtɔkɔy wudankande. Kɛrɛ wɔ wo ni muyuŋ woŋ haaŋ ka mapeye maŋ, ndɛ na niyɔ kisi.

Awa Huseri Huyɔhɔy haŋ haŋ baŋ ba Hugbakinɛ hu ka Masaala haŋ hu kɔŋ niya kɛwandi ka fay woŋ fooma, haliko ba niya maseri ka siyani baŋ fooma, awa kɛna ntiŋ mapeye ma ka lɔkɔ ba ka fay woŋ baŋ tɛŋ.

Awa beŋ kɔŋ yuyɛ masɔnkɔ ma ka ŋayombo wuthuriye bena mɛnɛ maseriŋ ma ka ŋayombo wuthokiye bena. Kɛrɛ baŋ ni thɔrɔ ka thathukuma ndeŋ, baa muŋ muŋ fooma mu kiŋ ba yenke niyɔ hintiŋ. Kɛrɛ mapeye ma ka lɔkɔ ba ka fay woŋ baŋ kutɛ hɛ.

Kuyɛkɛŋ ku kɔŋ dekeyi kuyɛkɛŋ, awa huybakine hu kɔŋ dekeyi huybakine, awa ŋakɔnthɔ ŋamandiŋ ŋa kɔŋ niyɔ, kuyɛkɛŋ koŋ ku kɔŋ thɛnɛŋ ka thani ka bɔyɛ. Kɛrɛ muŋ muŋ fooma athɔyande iŋ wuthoonɛ wumayoŋ wu naa yɛrɛmɛ bohe ba saa ka mpaa.

Kuthahinɛ kɔŋ iŋ ka fay woŋ mu kɔŋ daŋande fooma, kɛrɛ thampa niŋ thaŋ sa daŋande.

Biya bibɔyɛ bi kɔŋ see ka keŋ kukiyaŋ, awa wɔ o wɔ ka bindɛ kɔŋ dɔmɔkɔŋ, na ‘Yama Banikisi wo niyo nde lahiri woŋ,’ awa bi kɔŋ thɔkɔŋ biya bibɔyɛ.

“Awa beŋ kɔŋ bɔha e beŋ dunkuno ka biya bi bena gbasaŋati haaŋ e bindɛ bena kɔra, awa biyamɛti bi kɔŋ bena thambo saathɛ ba kiyaŋ. Ka lɔkɔ babɛina bibɔyɛ bi kɔŋ fuŋ ka lanɛya baŋ, awa biya bi kɔŋ niyande gbɔŋ ka bi iŋ sɛmbɛŋ baŋ beŋ, awa biya bi kɔŋ thambiyande. Banabiŋ bibahothiŋ bi kɔŋ fuŋ awa bi kɔŋ thɔkɔŋ biya bibɔyɛ.

Huna tepe Yisɔs bindɛ ba dɔma, na “Niyaŋ kuthɛgbɛ wɔ be tha bena thɔkɔŋ.

Huna niyɔŋ bendo dɛɛnkitɔkɔy timo tima, baa Hati ka Wɔ woŋ kɔŋ see ka wakathi wo be beŋ niŋ siyuwe.

Niyaŋ kuthɛgbɛ baa beŋ kɔita malɔkɔ ma Mariki ndeŋ woŋ see maŋ.

“Wɔ o ka wo kɔthɔ malɔkɔ mɛnɛ wakathi wo Hati ka Wɔ woŋ see, hali hintiŋ malekɛŋ bi ka ariana beŋ, maa Hati woŋ. Yɔkɔŋ Fandaŋ woŋ nagbɛti ndɛ na kɔthɛ.

baa bi dɔmɔkɔ beŋ na Baninikisiŋ bina bindɛ mahɛŋ ma bindɛ ka nɛŋ, mɛnɛ banabiŋ bibahothiŋ bi fuŋ beŋ, bi kɔŋ ni bɛyiniŋ bathakaba, haliko ba thɔkina biya bibɔyɛ. Bi kɔŋ yɔli ti punke bindɛ ba thɔkina bi thanki Masaala yɛtha beŋ, mɛnɛ wu kɔŋ ŋɛnɔ.

Hati ka Wɔ woŋ kɔŋ see e biya kɔ niya bɛyiniŋ nɔŋ na niyɔy nde nthɔŋ wuŋ na ka yamana ba ka Nowa baŋ. Ka lɔkɔ ba thenkiyiye mandi maŋ ka faido, biya bi kɔŋ nde thɔɔmi e bindɛ kɔ thiiyuwe mampani, bi kɔŋ nde yɛɛnti e bindɛ kɔ dunkuna ŋayɛntande, haaŋ Nowa thɔɔ ka gbe bamandiŋ baŋ. Awa bindɛ tha nde kɔthɔ ba niyɔ haaŋ yɔkɔŋ na thɛnkiyiyɔy mandi maŋ e bindɛ momino fooma. Nɛna nɔŋ wuŋ niyɔ na Hati ka Wɔ woŋ see.