مقتطفات من الزبور 51
51
دعاء المغفرة للنبي داود عليه السلام
1يا ربّ، حنّ عليّي برحمتَك،
واغفرلي كلّ ذنب، بكرم لطفَك ومحبتَك.
2غسّلني من سيّئاتي كتير،
ومن ذنوبي طهّرني تطهير.
3فأنا بعرِف معاصيّي،
وذنوبي عم بتضلّ إدّام عينييّ.
4يا ربّ، أنا أكتر شي غلطت بحقّك،
وعملت شي محرّم عندَك.
فصَدَقت يا عظيم، لما قلت إنّي أذنبت،
وعادل حكمَك يا رحيم، على ما ارتكبت.
5ما أنا كلّي سيّئات من يوم ما خلقت،
وبالذنوب، من بطن إمّي طلعت.
6اللهمّ، لأنّك بتحبّ الإخلاص لّي من القلب،
فأرجوك، علّمني اتصرّف بحكمة، يا ربّ.
7دخيلَك، طهّرني من ذنوبي تطهير،
وغسّلني تَصير أبيض من التلج، أبيض بكتير.
8فسمّعني شي يفرّح روحي يا باريها،
وترجعلي صحتي لّي أخدتها، يا شافيها.
9عن ذنوبي، حجوب وجَّك الكريم،
واغفرلي عيوبي يا رحمن يا رحيم.
10وهبني وحطّ فيّي قلب طاهر جديد،
وجّدد روحي بالإستقامة والنزاهة من جديد.
11لا تحجب عنّي وجّك يا حميد،
ولا تحرمني من تأييد روحك القدّوس، يا مجيد.
12دخيلَك يا ربّ، رجاع فرّحني متل لمّا نجّيتني يا حليم،
وقوّي عزيمتي من عندَك يا عظيم.
13وهيك بْصير إرشُد الضّالين لصراطَك المستقيم،
فبتوبوا وبيرجعوا إلَك يا رحمن يا رحيم.
14اللهمّ يا منجّي، اغفرلي ذنب الدمّ لّي عإيدي،
فبِخَبِّر لساني عن عدلَك بأناشيدي.
15ووقتا بقدر إفتح تمّي، وجود، وقول،
وسبِّح بحمدَك وهلِّل إلَك على طول.
16فلو يا ربّ، الضْحية بترضيك،
والقربان مطلبَك كنت بعطيك.
17ولكن الأضاحي المقبولة عند الله، هي القلوب المنكسرة إدّامُه،
والقلب المنكسر المتواضع، عندُه إلُه إحترامُه.
18فيا ربّ تحنّن عالقدس وإرضى عن أهلها،
وإبني أسوار حولها.
19ووقتا بقدمولَك، بتواضع، أضاحي وقرابين صالحة بترضيك،
عجول عمنصّة الأضاحي، بتليق فيك.
© 2021 Sabeel Media