ÏOANNIS 21
21
U Jisu u mihpaw ha ki hynñiew ngut ki synran
1Hadien kine kiei kiei ruh, U Jisu u la pynpaw ïa lade pat ha ki synran, harud ka duriaw Tiberias; te kumne U la pynpaw ïa lade. 2#Ïoan. 11:16; 1:45; Luk. 5:10.La don lem u Simon Petros, bad u Thomas ïa uba la khot “Didimos”, bad u Nathanael uba na Kana Galilaïa, bad kita ki khun u Sebedi, bad ar ngut kiwei de na ki synran jong U. 3#Luk. 5:3-7.U Simon Petros u ong ha ki, “Ngan leit tong dohkha.” Ki ong ha u, “Ngi ruh ngin ïaleit lem bad me.” Ki la ïamih noh, bad ki la ïakiew halor lieng: hynrei, ha kata ka miet, kim shym la ngat ei ei ruh em.
4 #
Ïoan. 20:14; Luk. 24:16. Te haba ka la shai, U Jisu u la ïeng ha ryngkew, hynrei, kita ki synran kim shym la tip ba u long U Jisu. 5#Luk. 24:41.Ynda kumta, U Jisu u ong ha ki, “Ko khynraw, phi don ka jingbam ei ei?” ki la ïathuh ha u, “Em.” 6#Luk. 5:6.U la ong te ha ki, “To bred ïa ka jar shaphang kamon jong ka lieng, te phin sa shem.” Ki la ïabred namar kata; te kim lah shuh ban ïaring ïa ka namar ka jingbun ki dohkha. 7#Ïoan. 13:23; 19:26; 20:2; 21:20.Namar kata, uta u synran ïa uba U Jisu u da ieit, u ong ha u Petros, “U long U Trai pleng!” Ynda kumta, u Simon Petros haba u la ïohsngew ba u long U Trai, u la panpoh da la ka jaiñkup (namar u la long lyngboit), bad u la pynnoh ïa lade sha ka duriaw. 8Hynrei, kita kiwei ki synran, ki la ïawan ha ka lieng (namar kim long jngai na ryngkew, hynrei, tang kumba arspah pruh), ki da ïaring ïa kata ka jar bad kita ki dohkha.
9Te katba ki la ïahiar ha ryngkew, ki la ïohi hangta ïa ka ding rnga ba la buh, bad ïa ki dohkha ba la buh halor, bad ïa u kpu de. 10U Jisu u ong ha ki, “To wallam na kita ki dohkha ïa kiba phi la ngat myntan.” 11U Simon Petros u la leit kiew, bad u la ring ïa kata ka jar sha ryngkew, kaba la dap da ki dohkha bakhraw, shispah sanphew lai; te haba la don katta katta ruh, kam shym kad kata ka jar. 12U Jisu u ong ha ki, “Ale, to ïabam ja noh.” Hynrei, ym don na kita ki synran uba la sngewnud ban kylli bniah noh ïa u, “Me, me long uei?” naba ki tip ba u long U Trai. 13Ynda kumta, U Jisu u wan, bad u shim ïa uta u kpu, bad u sam de ha ki, bad ïa ka dohkha ruh kumjuh. 14#Ïoan. 20:19,26.Kane ka balai sien mynta ba U Jisu u la mihpaw ha ki synran jong u, hadien ba u la lah mihpat na ki baïap.
U Jisu bad u Petros
15 #
Ïoan. 1:42; 13:37; Mrk. 14:29-31; Luk. 12:32. Kumta, haba ki la ïabam ja step, U Jisu u ong ha u Simon Petros, “Ko Simon, u khun u Jona, me kham ieit ma me ïa nga ban ïa kine?” U ïathuh ha U, “Ho-oid, ko Trai, me, me tip ba nga ieit ïa me.” U ïathuh ha u, “To bsa ïa ki khun langbrot jong nga.” 16#Mat. 2:6; Ki Kam. 20:28; 1 Pet. 5:2; Jpw. 7:17.U ong pat ha u ka ba-ar sien, “Ko Simon, u khun u Jona, me ieit ïa nga?” U ïathuh ha U, “Ho-oid, ko Trai; me, me tip ba nga ieit ïa me.” U ïathuh ha u, “To ap ïa ki langbrot jong nga.” 17U ong ha u ka balai sien, “Ko Simon, u khun u Jona, me ieit ïa nga?” U Petros u la sngewsih naba U la kylli ka balai sien ïa u, “Me ieit ïa nga?” U la ïathuh te ha U, “Ko Trai; me, me tip ïa kiei kiei baroh, me tip ba nga ieit ïa me.” U Jisu u ïathuh ha u, “To bsa ïa ki langbrot jong nga. 18Shisha, shisha nga ong ha me, mynba me dang samla, me la panpoh ïa lade, bad me la ïaid kai kat shaba me mon; hynrei, ynda me la tymmen, men kner noh ïa ki kti jong me, te uwei pat un pynpanpoh ïa me, bad un bah ïa me sha kaba mem mon.” 19#2 Pet. 1:14; Mrk. 1:17.U la kren ïa kane te, ba U da saham na ka jingïap kaba kumno un pyndonburom ïa U Blei. Bad haba U la lah kren ïa kane, U ong ha u, “To bud ïa nga.”
U Jisu bad u synran uba u ieit
20 #
Ïoan. 13:25. U Petros te haba u la kyrtiang, u ïohi ïa uta u synran ïa uba U Jisu u ieit ba u da bud, uba la shaniah ruh ha ka shadem jong U ha kata kaba bam ja miet, bad uba la kylli, “Ko Trai, u long uei u ban sa die noh ïa me?” 21U Petros, haba u la ïohi ïa uta, u ong ha U Jisu, “Ko Trai, une pat kumno?” 22#1 Kor. 4:5; Jak. 5:7; Jpw. 2:25; Mat. 16:28.U Jisu u ïathuh ha u, “Lada nga mon ba un sah tad ynda nga wan, ka pher aïu ïa me? to bud ma me ïa nga.” 23Namar kata, la phriang kane ka jingong hapdeng ki parabangeit, ba uta u synran un ym ïap: hynrei, U Jisu um shym la ong ha u ba un ym ïap, hynrei, “Lada nga mon ba un sah tad ynda nga wan, ka pher aïu ïa me?”
24 #
Ïoan. 15:27; 19:35. Une u long uta u synran uba phla shaphang kine kiei kiei ruh, bad uba la thoh ïa kine kiei kiei ruh; bad ngi tip ba ka jingphla jong u ka long kaba shisha.
25 #
Ïoan. 20:30. Te don ruh bun kiwei pat kiei kiei kiba U Jisu u la leh, kiba lada yn thoh ïa ki kawei pa kawei, nga tharai ba wat ka pyrthei hi kan ym ngiam ïa ki kitab ïa kiba dei ban thoh. Amen.
The Bible Society of India