Забур 141
141
Куьмек паталай дуьа
1 Давудан насигьат. Давуда, вич магъарада авайла, авур дуьа.
Гьарайзава за, шел-хвал ийиз Реббидиз,
кӀевидаказ минетзава за Реббидиз.
2Адан вилик ичӀирзава за арза зи,
жуван хажалат ахъайзава Адаз.
3Гьалдай зи руьгь физвайла,
Ваз чизва зи рехъ.
Зун физвай рекьел абуру чинеба
къязава чил зун патал.
4ЭрчӀи патаз вил ягъа, жуван арха жагъура,
амма аквазва, садани зун кьатӀузвач,
квахьнава далда зи,
садани зи уьмуьрдин чӀугвазвач къайгъу.
5Минетзава за Ваз, Ребби,
лугьузва: «Вун далда я зи,
чан алайбурун чилел Вун зи пай я».
6Яб це зи гьарайдиз,
вучиз лагьайтӀа гзаф писдаказ
гьалдай фенва зун;
зи геле къекъвезвайбурукай хилас ая зун,
абуруз залай гзаф къуват ава.
7Зи къазаматдай азада зун,
за Ви тӀварцӀиз шукур авун паталди.
Зал алтӀушда гьахъ-михьибур,
куьз лагьайтӀа Вуна заз
хъсанвал ийида.
© Институт перевода Библии, 2010-2024