Забур 114
114
Кьиникьикай хилас авунай шукур авун
1Заз кӀанда Ребби, вучиз лагьайтӀа
Адаз зи ван атана, зи дад-бидадрин ван,
2захъ яб акала,
гьавиляй Адаз эверда за
чан аламай кьван гагьда.
3Ажалди вичин галтӀамралди кьунва зун,
агъа дуьньядин азабрик акатнава зун;
за кьатӀана бедбахтвални хажалат.
4Гьа чӀавуз за Реббидин тӀвар кьуна эвернай:
«Я Ребби, Ваз минет я, зи чан хиласа!»
5Реббидив регьим гва, гьахъ гва,
чи Аллагьдихъ мергьемет ава.
6Реббиди хуьзва дуьзенаяр:
зун гьалдай фенвай, хиласна Ада зун.
7Хъша, зи рикӀ, элкъвена жуван секинвилихъди,
Реббиди ваз нуьсрет ганва.
8Ада, зи уьмуьр ажалдикай,
зи вилерни – накъварикай,
зи кӀвачерни – татаб хьуникай хилас авуна.
9Къекъведа зун Адан вилик
чан алайбурун чилел.
© Институт перевода Библии, 2010-2024