मूल स्यूस्स्यायूजे कामजे किताब 23
23
1पावलदे पात्ता केन् सभातेले ताक-ताक लेजे ले चीत्देबे यदे, “च्योन्यू, दीनीसेमे परमेश्वरजे खूम्ने ङैदे शुद्ध विवेकदे जीया च ख्यङ्।”
2अम्ब पोने पात्ता केन् पूस्र्या हननियादे पावलजे ट्याने मेर्नब मीयूने ङूजे ङूर्ने केर्पूबी यदेबे हुकुम पीन्दे।
3 #
मत्ती 23:27,28 होर्दे पावलदे ङूने यदे, “ओ चून्दे स्येलेब भीत्त! न नेये परमेश्वरदे न्याय चीक्क्य। न नियम अनुसार ङैजे न्याय चेने टूङ्देबे चेने न्यायजे उल्टो ङैने ठरेब हुकुम पीन?”
4होर्दे ट्याने मेर्नब मीयूदे यदे, “नदे परमेश्वरजे पात्ता केन् पूस्र्याजे चेने न-प्वे?”
5 #
प्रस्थान 22:28
होर्दे पावलदे यदे, “च्योन्यू, ङू पात्ता केन् पूस्र्या यदेबे ङैने था त्वो। चेनेयलो लिख्दीय ख्यङ्, ‘नदे रङ्से जनताजे हुकुम चील्लेब मीजे विरोधने अन्ज्य पो अन्क्यम्लाची’।”
6 #
मूल स्यूस्स्यायूजे कामजे किताब 26:5; फिलिप्पी 3:5 तर हम्ब पात्ता केन् सभाजे सदुकीयू हुलत्या मेस्ये सूजो फरिसीयू हुलत्या टोङ् यब पो था प्रेत्देबे पावलदे के केन् योन्देबे यदे, “च्योन्यू, ङब फरिसीयूजे च फरिसी ख्यङ्। सीयेबयूजे आशा मेस्ये सीबदेबे सोम्बो क्यूरब बारेने ङैजे मुद्धा चील्लीन ख्यङ्।” 7ङूदे येरे यमेस्ये फरिसीयू मेस्ये सदुकीयू नङ्ने पो अम्मील्ले क्यूत्देबे मी हुलजे फाटो क्यूरी। 8#मत्ती 22:23; मर्कूस 12:18; लूका 20:27चेनेयलो सदुकीयूदे य ख्यङ् यी सीबदेबे सोम्बो क्यूरब, स्वर्गदूत, आत्मा यब चैत्याये त्वो। तर फरिसीयू हम्ब टक्कने मन्दे ख्यङ्।
9हैयाने बेस्से पारा पूत्देबे फरिसी हुलजे कोइ पन्डेयू मेर्देबे येर्बे यदेबे विरुद्ध चे मैदे, “अम्ब मीने ङीदे अन्ज्य चैत्याये अम्प्रे। कादेये आत्मा या स्वर्गदूतदे ङूने येरे य ख्यङ् यलो च क्यूत्दे स्व?” 10हैयाने सोरो कूम विरुद्ध क्यूरमेस्ये थमयूजे लादे पावल लूछ्तीकने यदेबे फदेबे सिपाईजे पात्ता केन् मीदे सिपाईयूने मो गीलीदेबे ङूने थमयूजे अन्द्रगूङ्दे जबरजस्ती रेत्देबे ब्यारेक नङ्ने कूब यदेबे सिपाईयू कूल्बीदे।
11नेदेरे मून्दे प्रभुदे ङूट्याने मेर्देबे यदे, “बोङ् ची, पावल, चेनेयलो केर्बे नदे यरूशलेमने ङैजे बारेने गवाही पीन्दे, होरप्रने नदे रोमनेये गवाही पीन पर्दीय।”
पावलने सेब जाल
12नप्दे म्यातङमेस्ये यहूदीयू टक्कने फूङ् क्यूत्देबे पावलने अन्सेत्दासेमे चैत्याये च-थूङ अन्ची यदेबे कसम चदे। 13अम्ब फूतूर् च्वब मीयू ङ्यील्लङ्यली थेप्ने ख्य। 14थमयू पूस्र्या केन्यू मेस्ये धर्म-गुरुयू ट्याने गीलीदेबे यदे, “पावलने अन्सेत्तासेमे ङी चैत्याये अन्च यदेबे पक्क कसम च ख्यङ्। 15अम्ब कारण नमयू मेस्ये पात्ता केन् सभा मील्लीदेबे सिपाईजे मी केन्ने बिन्ती ची, होर्दे हम्ब मुद्दाजे अझ ठीक चेलाबे चे पर्दीय यब ङ्यूङ् चीत्देबे पावलने योन्। होर्दे ङी ङू अने रबीतीक्ने सेने तयार क्यून्नीय।”
16होर्दे पावलजे कून्दे अम्ब पो था प्रेत्देबे ब्यारेक नङ्ने गीलीदेबे पावलने स्योम्मीदे।
17होर्दे पावलदे कप्तानयू नङ्ने त्याने कोदेबे यदे, “अम्ब स्योर्बने सिपाईजे पात्ता केन् मी ट्याने सब, चेनेयलो अम्बजे ङूप्रे य पर्देब पो त्या ङ्ही ख्यङ्।”
18होरेक्यूत्देबे ङूदे ङूने टेल्देबे सिपाईजे पात्ता केन् मीट्याने स्योल्गीदेबे यदे, “कैदने ख्यब पावलदे ङैने कोदेबे अम्ब स्योर्बने नैट्याने स्योल्गी य ख्यङ्, नने य पर्देब पो त्या ङ्ही ख्यङ् योन्?”
19सिपाईजे पात्ता केन् मीदे ङूजे ला चूङ्देबे छीत्या तीलाने कूदीदेबे आलाक्के लोत्दे, नदे ङैने य पर्देब पो च ख्यङ्?”
20ङूदे यदे, “यहूदीयूदे पावलजे बारेने अझ चेलाबे ल्वेब ङ्यूङ् चीत्देबे नैदे ङूने पात्ता केन् सभाने सीक यदेबे नैप्रे बिन्ती चेब मोतो चे ख्यङ्। 21तर नदे थमयूजे पो अम्मन्दीलाची, चेनेयलो थमयू नङ्ने ङ्यील्लङ्यली थेप् मीयूदे ङूने अन्सेत्तासेमे चैत्याये च-थूङ अन्चेब कसम चदेबे ङूने सेने च्यूक्दीदेबे टून ख्यङ्, मेस्ये जेम्से थमयू नैजे वचनजे आशा चीत्देबे तयार क्यून्न ख्यङ्।”
22अम्ब कारणदे सिपाईजे पात्ता केन् मीदे हम्ब स्योर्बने येरे यदेबे कूल्बीदे, “नदे ङैने अम्ब खबर पीनब पो सूनेये अन्-स्योल्लाची।”
पावल कैसरिया कूल्बेब
23होर्देङ्येदे ङूदे कप्तानयू नङ्जे मी ङ्हीने कोदेबे यदे, “दीनी मून्जे गू तप बीलतेले सै ङ्ही सिपाईयू, सोम्लङ्दे च्यू जना तने टब मेस्ये सै ङ्ही भाला छासे रब कैसरियासेमे प्रने तयार चीती। 24होर्दे पावलजे लागिये तजे चजो-पजो ची, मेस्ये ङूने चेलाबे हाकिम फेलिक्स ट्याने सब।” 25ङूदे अम्ब किसिमजे चिट्ठीये लिख्दीदे:
26“मान चेपर्देब हाकिम फेलिक्सने, ङ क्लौडियस लुसियसजे नमस्कार! 27अम्ब मीने यहूदीयूदे चूङ्देबे सै मे ख्य, तर अम्ब रोमी नगरिक टोङ् यदेबे ङैदे था प्रेत्दे फौजप्रे हैयाने फ्योइदेबे अम्बने छूर्तीदे। 28थमयूदे ङूने चेने दोष चे टोङ् यदेबे था प्रेजे लागि ङैदे ङूने यहूदीयूजे पात्ता केन् सभाने रेत्दे। 29थमयूदे मोशाजे नियमजे पोने पावलने दोष चे टोङ्। तर अम्बने से पर्देब मेस्ये कैद चेपर्दे लायकजे दोष ङैदे चैत्याये प्रे अन्खू। 30अम्ब मीजे विरुद्धने फूतूर् चीन्न ख्यङ् यब पोजे सूचना ङैने पीन्को, मेस्ये अम्बने तुरुन्तै नैजे खूम्ने कूल्बे ख्यङ्, मेस्ये अम्बजे विरुद्धने दोष लैदेब मीयूनेये नैजे खूम्ने बयान पीन् यदेबे हुकुम चे ख्यङ्।”
31होरेक्यूत्देबे आज्ञा प्रेमेस्ये सिपाईयूदे पावलने मून्देने एन्टिपाट्रिसने सयीदे। 32सूजो दिनने तने-टब मीयूने पावलप्रे प्रजे लागि जीम्म पीन्देबे सिपाईयू ब्यारेकने ल्वारदे। 33कैसरियाने फ्योयेङ्येदे थमयूदे हाकिमने चिट्ठी पीन्देबे पावलनेये ङूजे खूम्ने सूम्दीपीदे। 34ङूदे चिट्ठी छ्वेमेस्ये ङू कम्ब जिल्लाजे यदेबे लोत्दे। ङू किलिकियाजे यदेबे था प्रेमेस्ये ङूदे यदे, 35“नने दोष लैदेब मीयू रमेस्ये नैजे मुद्दा ङ्यीन्क्य।” होर्दे ङूदे ङूने हेरोददे बन्तेब दरबारने ये यदेबे हुकुम चीत्दे।
Ghale New Testament © Nepal Bible Society, 2011.