मूल स्यूस्स्यायूजे कामजे किताब 22
22
1“अत-च्योन्यू प्रे पयू, नमयूजे खूम्ने ङ रङ्सेजे तर्फदे य पर्देब पो जेम्से ङ्यीनो।”
2ङू हिब्रू केने क्यमब तदेबे थमयू झन् पारा अम्पूल्लाबे टूङ्दे।
3 #
मूल स्यूस्स्यायूजे कामजे किताब 5:34-39
ङूदे यदे, “ङ किलिकियाजे टार्सस सहरने जन्मेदेब यहूदीयू नङ्जे ङैये त्या ख्यङ्, तर अम्ब सहरने गमलिएलजे नङ्ने छरक-ख्यङ्। ङीजे पीत्रजे पेक अनुसार ङैदे ठीक-ठीक शिक्षा प्रे ख्य। दीनी नमयू परमेश्वरतेले कोला जोसीलो ख्यङ्, ङैये होरप्रने जोसीलो ख्य। 4#मूल स्यूस्स्यायूजे कामजे किताब 8:3; 26:9-11ङैदे अम्ब शिक्षा मन्देब मीयूने सीबतासेमे सतनम् चीत्दे, होर्दे पती मदी ङ्हीनेने ख्यादेबे झ्यालखानने चङ्पीदे। 5पात्ता केन् पूस्र्या मेस्ये पात्ता केन् सभाजे क्वादेने ङैजे तर्फने गवाही पीन्क्य। थमयूजे तर्फदे च्योन्यूजे मीन्ने पूर्जी प्रेत्देबे ङ होने ख्यब विश्वासीयूने ख्यादेबे यरूशलेमने रेत्देबे सजाइ पीनने दमस्कसने गीले ख्य।
6“ङ लम्ने प्रेनूब दमस्कसतेले फ्योरब धन्ने: नोगूङ् क्यूर ख्य, त्याफेने स्वर्गदे सोरो केन् ओथ्याङ् ङैजे ख्यूरीरी चम्कीतीदे, 7मेस्ये ङ च्येने ग्यरी, होर्दे ङैदे येरे येनब आवाज त्या तदे, ‘ओ शाऊल, ओ शाऊल, न चैने ङैने येतार्ने सतनम् चे?’ 8होर्दे ङैदे लोत्दे, ‘ओ प्रभु, न सू? होर्दे ङूदे ङैने यदे, ‘ङ नासरतजे येशू ख्यङ्, नदे ङैने सतनम् चीन्न ख्यङ्।’ 9होर्दे ङैप्रे कोला जना ख्य, थमयूदे ओथ्याङ्ब तङ्दे, तर ङैप्रे क्यमब पो यलो अन्त।
10“ङैदे यदे, ‘ओ प्रभु, जेम्से कर्चे?’ होर्दे प्रभुदे ङैने यदे, ‘लङ्, दमस्कसने प्र, मेस्ये नदे चेपर्देब तोक्देब कामयू नने स्योमीय।’ 11हम्ब ओथ्याङ्जे सेर्दे चीत्देबे ङैदे चै तङ अङ्खू, हन्छ्वाब ङैप्रे ख्यब मीयूदे लादे चूङ्दे स्योल्देबे ङैने दमस्कसने रेत्दे।
12“हननिया यब मी त्या ख्य। ङू मोशादे पीनब नियम अनुसार फरब परमेश्वर मन्देब मी ख्य, मेस्ये दमस्कसने टूङब मीयू क्वादेने ङूने गेसेन् चे ख्य। 13ङै ट्याने ङू रदे, मेस्ये मेर्देबे ङैने यदे, ‘च्योन् शाऊल, फेरि तङ ख्व कयूस्स्य।’ ङैदे हन्छ्वाबने म्या तङ प्रेत्दे मेस्ये ङूने तङ्दे।
14“होर्दे ङूदे यदे, ‘ङीनजे मेमेजे परमेश्वरदे ङूजे इच्छा नदे स्येस्य, मेस्ये हम्ब धार्मिक पतीने तङने, होर्दे ङूजे ङूर्जे पो ङ्यीनजे लागि नने सेल ख्यङ्। 15चेनेयलो नदे ङूजे साक्षी क्यूत्देबे रङ्सेदे तङब मेस्ये तब पो मीयू क्वाजे खूम्ने स्य्वे पर्दीय। 16जेम्से चैने गला चे? लङ् मेस्ये बप्तिस्मा कीन्, होर्दे येशूजे मीन् गोम्देबे रङ्सेजे पाप ठू।’
17“यरूशलेमने ल्वारमेस्ये ङ मन्दिरने सूर् त्या क्यूत्देबे प्रार्थना चीत्दे। 18ङूदे ङैने येरे येनब ङैदे तङ्दे, ‘छ्योटो प्रदेबे यरूशलेमदे योङ्ब, चेनेयलो ङैजे बारेने नदे पीनब गवाही थमयूदे ग्रहण चीस्स्ये त्वो।’
19“ङैदे यदे, ‘ओ प्रभु, ङैदे सभा-कीम् त्या-त्याने गीलीदेबे नैफ्याने विश्वास चेब मीयूने झ्यालखानने स्योप्देबे ठरेब थमयू खोत्तादेने थाने ख्यङ्। 20#मूल स्यूस्स्यायूजे कामजे किताब 7:58नैजे साक्षी पीनब स्तिफनसने सेप्प ङैये ट्यानेने मेर्देबे ठीक ख्यङ् यदे, ङूने सेब मीयूजे कोला रेन्देबे टूङ्दे।’ 21“होर्दे प्रभुदे ङैने यदे, ‘प्र, चेनेयलो ङ नने यहूदी तेब मीयूट्याने चीन्तङ्-चीन्तङ्सेमे कूल्बीय’।”
22थमयूदे पावलजे पो अन्छ्वासेमे त्या तदे, मेस्ये येरे यदेबे थमयू के केन् योन्देबे पारा पूत्दे, “येर मी संसारदे हर्दीपीस्य। चेनेयलो हम्ब बच्दे खल्जे त्वो।”
23थमयूदे रङ्से कोला प्र्याङ्दे मेस्ये धूलो लङ्देबे पारा पूत्दे। 24सिपाईजे पात्ता केन् मीदे हुकुम चीत्दे, “हम्ब ब्यारेक नङ्ने रेस्स्य, मेस्ये कोर्रा लैदीदेबे जाँचदीस्य, चेने ङूजे विरुद्धने थमयू येर्बे पारा पून्न ख्यङ्।” 25होर्दे कन्छ्वाब पावलने थमयूदे खूस्यजे थबदे ख्यादे, हन्छ्वाब पावलदे ट्याने मेर्नब कप्तानने लोत्दे, “दोष त्वब रोमी नागरिकने कोर्रादे ठरेब न्यायदे पीन्क्या?”
26कप्तानदे अम्ब तदेबे सिपाईजे पात्ता केन् मीट्याने रदेबे येरे यदे, “नदे च चे मे? चेनेयलो अम्ब मी रोमजे नागरिक टोङ्।”
27होर्दे सिपाईजे पात्ता केन् मी रदेबे पावलने लोत्दे, ङैने य, न रोमी नागरिक औं?
ङूदे यदे, “अँ।”
28सिपाईजे पात्ता केन् मीदे जवाफ पीन्दे, “ङैदेब अम्ब नागरिकजे हक कूम नोर् फादेबे कीन ख्यङ्।”
पावलदे यदे, “तर ङब जन्मेदेमेस्येने रोमी न।”
29तर ङूने जाँच चेने तयार क्यून्नब मीयू क्वाने तूरून्तै हर्दीइ, मेस्ये पावल रोमी नागरिक टोङ् यदेबे था प्रेत्देबे सिपाईजे पात्ता केन् मीये फैगदे, चेनेयलो ङूदे पावलने ख्या ख्य।
पात्ता केन् सभाजे खूम्ने पावल
30तर नैदेरेदे यहूदीयूदे पावलने खास कम्ब कारणदे दोष चेटोङ् हम्ब था प्रेजे लागि ङूने फाबीदे, मेस्ये पूस्र्या केन्यू क्वाने पात्ता केन् सभाने फूङ् क्यूर् यदेबे हुकुम चीत्दे, होर्दे पावलने मो रेत्देबे थमयूजे खूम्ने मेर्से पीन्दे।
Ghale New Testament © Nepal Bible Society, 2011.