ایوب ۲۵
۲۵
بِلدَدٚ گبأن
۱ بأزین بِلدَدٚ شوحی وأگردسته بوگفته:
۲ «حکومت و هیبت خودا شینه؛
اون، آسمانأنٚ جور آرامشَ بپا کونه.
۳ شأ اونٚ لشکریأنَ ایشمأردن؟
کیسه کی خودا نور اونٚ رو نتأبه؟
۴ چوطویی ایتأ آدم خودا ورجأ پارسا بحیساب اَیه؟
اونی کی زنأکٚ جأ بدونیا بأیه، چوطویی تأنه پاک ببه؟
۵ اگه ماهم نور نأره
و ستاره‌یأن اونٚ چومٚ دورون پاک نی‌ییدی،
۶ چی فأرسه آدمی‌یَ کی ایتأ حشره جأ ویشتر نی‌یه
و آدمی‌زاد کی ایتأ کلمٚ جأ ویشتر نی‌یه!»
© 2010-2019 Gilak Media