熱門經文出自 Luke 10

分享

Ikpaŋ utɔŋ, Mono mmufo odudu ndidighi urukikɔd ye ikpeyen. Emi ɔwɔrɔde ete, ke Ami mono mmufo odudu ndikan kpukpri odudu asua nnyin. Ke akpaniko, baba mkpo ndumekied idinamke mmufo ibak.

Edi Jesus aboro enye, ete, Martha, Martha, ofo ayak ediwak mkpo afina fi. Edi mkpo kied atim edi se idide akpan mkpo. Mary onyuŋ emek ndinam akpan mkpo oro, ndin owo ndumekied ndiboho enye.

Ekpep ibed mme Jew oro aboro ete, Ibed ɔdɔhɔ ntem, ete, “Ofo enyene ndima Jehovah Abasi mfo ke ofri esid, ye ke ofri ukpɔŋ mfo, ye ke ofri odudu mfo, ye ke ofri ekikere mfo. Ofo onyuŋ enyene ndima mbɔhiduŋ mfo nte amade idem mfo.”

Mbemisi Enye eside mmo ɔdɔŋ, Enye ɔdɔhɔ mmo ete, ediwak owo ebeŋidem ndibuɔd idem ye Ami, edi mbun emi ɔkpɔkwɔrɔde iko Abasi ono mmo iwakke. Mmo etie nte akamba iŋwɔŋ ibokpod emi ɔsɔŋde ama edi se ekpeŋede, edi mbun utum iwakke. Ibɔŋ akam ndin ibeŋe Abasi emi ededi Ɔbɔŋ idɔhɔ ono uwak mbun utum edi.

Ndin Jesus ebup ekpep ibed mme Jew oro ete, “Ke ekikere mfo, ene ke otu owo ita emi, idi eti mbɔhiduŋ ino owo emi mbun ŋwo oro aka amiade?” Ekpep ibed mme Jew aboro ete, edi owo emi ekenyenede mbɔm abaŋa enye. Ekem Jesus ɔdɔhɔ enye ete, ka kanam kpasuk ntra ye mme owo.

Ika idahami, mesi mmufo ndɔŋ ika ibine mme owo. Edi ikpeme koro nside mmufo nduŋ ke otu mme idiɔk owo. Mmufo iyetie nte eyin erɔŋ eke minyeneke uŋwam ke ufuɔd mme ekpe ikɔd.