熱門經文出自 Oduu Nagayaa Ka Maatewoosii 5

分享

Namoonni ifaa ibsanii, akka nama mana keessa jiru maraaf ifutti, waan ifaan irra kaayamu irra kaayan malee, gonbisoo jala hin kaayan. Hujii mishaa keessan arganii, Abbaa keessan ka samii jiru akka kabajjan, ifni keessan nama maraa afo'otti haa ifuu» jedheen.

«Isin ifa adunya'aa ti. Qachaan gaara gubbaa jirtu dhokachuu hin dandeettu.

Worri yaanni garaa isaanii qulqulluu ta'e worra eebbifame; isaan Rabbiin waan arganiif!

«Worri qajeellummaa beelayanii fi dheebotan worra eebbifame; waan quufaniif.

Ani ammoo akkana isiniin jedha. Diinota keessan jaaladhaa'a; worra isin miidhuufillee faateffadhaa'a. Yoo kana gootan ijoollee abbaa keessan ka samii jiruu taatani; Inni worra hammeeyyi'ii fi worra misha'aafillee aduu baasa; worra qajeela'aa fi worra qajeelaa hin taaneefillee hin roobsa.

«Worri Ayyaanaan hiyyeeyyii ta'an, worra eebbifame, Jeennanni sami'ii ta isaanii waan taateef!

Worri nama wolitti araarsan worra eebbifame; isaan ijoollee Rabbii jedhamanii!

Worri gaddan worra eebbifame; jajjabina waan argataniif.

Worri qajeellumma'aaf ari'aman worra eebbifame; Jeennanni sami'ii ta isaanii waan taateef!

Worri namaa dhiifama godhan worra eebbifame; Rabbi waan isaanii araaramuuf!

«Anaaf jedhanii yoo namoonni isin arrabsan, yoo isin ari'an, yoo dharaan maqaa isin balleessan isin worra eebbifame. Isaan raattota isiniin duraatuu akkasuma ari'aa turan. Gatiin keessan samii gubba'atti guddaa waan ta'eef, gammadaa ililfadhaa'a» isaaniin jedhe.

Worri gad uf qabu worra eebbifame; waan biyya lafaa dhaalaniif.

Isin akka sooqidda lafaa ti. Sooqiddi mi'aa sooqiddummaa ufii yoo dhabe, maali'iin mi'aaya? Gara diidaa gatamee namoonni irra deeman malee, womaafuu bu'aa hin qabu.

Abbaan keessan ka sami'ii akkuma guutuu ta'e, isinillee guutuu ta'aa'a.»

Haata'uu ammoo dubbiin keessan dhugaa yoo ta'e ‹Ee› soba yoo ta'e ‹Wa'a› jedhaa'a; wonti kanarra caale hammeenna irraa dhufa» jedhe.

« ‹Ijji, ijaaf; ilkaan, ilkaaniif› akka jedhame isinuu dhageettaniirtan. Ani ammoo akkana isiniin jedha; nama waan badaa sirratti hojjate haluu hin bayin. Namni tokko boqoo mirgaa yoo si dhabanaase, taanillee itti deebis.

Ijji mirgaa yoo cubbuu si hojjachiifte, uf keessaa baasii gati; nafti kee guutuun gara asaabaa ka gatamee mannaa, nafa kee keessaa tokko fafaayuu sii woyya. Harki kee ka mirgaa yoo cubbuu si hojjachiise ufirraa murii gati; Nafti kee guutuun gara asaabaa ka gatamee mannaa, nafa kee keessaa tokko fafaayuu sii woyya.»