熱門經文出自 ڒخذايم 2

分享

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

عْلَاغَفْلَا يهْوَا-د يجّن ن ڒْحسّ زݣ وجنَّا اَم اَرِّيح إِي يتْصُوْضن س جّْهذ، يُوْذف ذِي مْكُڒ جِّهث ن ثدَّارْث مَانِي قِّيمن. ࢲْرِين يڒسَاون اَم يصْفضَاون ن ثْمسِّي يرُوْح كُڒ يِيڒس وَاحْذس يمَارْس يج يج خ كُڒ يجّن زَّايْسن. شُّوْرن س أَرُّوْح يقدّْسن مَارَّا إِذْسن، بْذَان سَّاوَاڒن س لُّغَاث وَار يدْجِين بو نْسن اَمشْنَاو مَامّش ذَاسن يُوْشَا أَرُّوْح اَذ سِّيوْڒن.

تْمُوْنن مَارَّا إِذْسن مكُڒ نْهَار ذِي ثمْزِيذَا ثَمقّْرَانْت ن أَيث-إِسْرَائِيل. تتّن اَغْرُوْم مَارَّا ذِي ثُوْذْرِين نْسن، تتّن مشَّا س ڒفْرَاحث ذ ڒْخَاضَر نْسن. حمّْذن أَربِّـي، رطَّان خَاسن يِوْذَان مَارَّا. كُڒ نْهَار يَرنِّي-يَاسن سِيذِي أَربِّـي ذِي لْعَدَد ن يِنِّي ينجّْمن.

أَربِّـي ينَّا: ذݣ وُوْسَّان ينݣُّوْرَا أَذ فَرْغغ أَرُّوْح ينُو خ مَارَّا يوْذَان. ثَارْوَا نْوم ذ يِيسِّيثْوم اَذ سِّيوْڒن س مِين عڒْمن زِي أَربِّـي. ئِحنْجِيرن نْوم اَذ ࢲْرن لْوَحِي، ئِوسُّوْرَا نْوم اَذ اَرْجَان ثِيرْجَا.

تْمُوْنن مَارَّا ڒْمُوْمِنِين شَرّْشن مَارَّا اَݣ وَايَاوْيَا. زْنُوْزَان اَݣْڒَا نْسن ذ ڒحْوَايج نْسن، فرّْقن خ مْكُڒ يجّن مِين يحْذَاج.

سّنِّي مَارَّا ونِّي إِي غَا يڒَاغَان س يِيسم ن سِيذِي أَربِّـي اَتَاف اَذ ينْجم.

ثْفُوْشْت اَذ تذْوڒ ذ ثَادْجسْت، ثَزِيرِي اَذ تذْوڒ ذ يذَامّن قْبڒ إِي د غَا يَاس نْهَار نِّي اَمقّْرَان لْعَضِيم ن سِيذِي أَربِّـي.