熱門經文出自 Matai 5

分享

Nalyene ililangamuli angave umunu akotsitse pwu navigubikila nikiswiswi. Bako vivika pakyańa pakibatilo pwu likuvamulika voni avali nńumba, Vwu luvikage vuvule-vule ulumuli lwińo, pwu valanginya udadajińo kukyańa vwu vatsivwene imbombo tsińo innonu itswu muvomba.

Ńi lumuli lwa kilunga uńe. Uvutsenge uvuli pakidugala pakyańa navukwuva

Vandugataluko avali ninumbula imbalatse mańa vwu vikundolaga Unguluve.

Vandugataluko avatye ninzala jya vugolosu jivava nikyumilwa kya vugolosu vumilwe mańa vwu vikwigutaga.

Lola uńe ndikuvavula ndita: Ngananage navatavangwa vińo, mbasajage avikuvakotola, mbavombelage innonu avavasulile, mbisajilage avikuvahovela avikuvaswima.

Vandugataluko avidova UMepo vwu vivwene uvugatsu mańa uludeva lwa kukyańa lwa vene.

Vandugataluko avapelalunotsehetso mańa vwu vitsovwagwa ukuva vana va Nguluve.

Vandugataluko avilila ulwihotsi mańa vwu vitsesivwagwa.

Vandugataluko aviswimwa ulwakuva vagolosu mańa vwu uludeva lwa kukyańa lwa vene.

Vandugataluko uvwu likuvavona ilikungwava mwitumbu mańa vwu valalivonaga ilikungwava navene.

Ndi vandugataluko vangave avanu vikuvaduka, vangave vikuvaswima, vangave vikuvanwaṅila uvugalagala vwoni ulwakuva vavwene ndi vanu vango. Muhekelage mululutilage mańa isya kuvahomba syongosu vuvule kukyańa. Mańa vwu vagahile ukuvaswima navańamalago voni vwu mukanale uńe.

Vandugataluko avadekedeke mańa vwu ikilunga kyoni vuhale vwa vene.

Ńi mwińo gwa kilunga uńe, upwu gungave umwińo guvejangike, pwu upita sivetsagepwu isya kuvela nnonu? Bako pwu nagwiva nakavombo akange, vwu upita gutagwagwe panzi, vakadikilage mmalunde avanu.

Pwu mbetsage valuti vuvule nduvwu namwene udadajińo kukyańa iva nduti vuvule.

Mutsovage lilya kuta: Ena, nngave mukwidika, nilya kuta: Bako, nngave mubela vuvule. Aga kwongeletsa pakyańa pa gene gwu gahumile mbuvivi vuvule.

Mpulike ukuta litsovilwe ilya kuta: Paluvujitso muvikepwu iliho paliho nilino palino. Lola uńe ndikuvavula ndita: Kwu bako ukulwa numunu umbivi. Lola uvi ikukutova ilipi palitama lya kukyandyo, vi umpetsage nilinine, nalyene atovage.

Ungave uvwene iliho lyako ilya kukyandyo likukwambutsa, pwu usulage ulitagage. Mańa vwu uli nnonu vuvule kangave kiswa akapagika kapamato kene aka mumana gwako, gungave ugwene ummana gwako gwoni vuvule guponela mumwa ukulahwa ndugenge lwa mwoto. Ungave uvwene ikivoko kyako ikyandyo kikukwambutsa, pwu ukegetage ukitagage, Mańa vwu uli nnonu vuvule kangave kiswa akapagika kapamato kene aka mumana gwako, gungave ugwene ummana gwako gwoni vuvule guponela mumwa ukulahwa ndugenge lwa mwoto.