熱門經文出自 PIENCILNA 49

分享

Ama tungah sieh le kaih a tun masang, mite in ama’ thu a man masangin, Judah panin kumpi ciengkhut le ama’ keng kikala uhpa’ ciengkhut kikhin lo ding hi

Joseph, singba gapha ahi a, ciatui gei-a po singba gapha hi-in, kul tungah a bate a zam hi. Thal kap siemte in nasie tahin ama a do vua, amate in thal tawh kapin ama a genthei bawl uhi.

Hinanle a thal nem ngai loin a bante gang mama hi. Jacob’ Vanglien Pa’ khut, Israel Suongpi, Tuucingpa’ min, ang hu ding na pa’ Pasien, thupha ang pie ding Vanglienpa, vantunga om thuphate, leinei a thuhna sunga thuphate, nawi le sul thuphate, na tungah ang pie hi.

Judah aw, na sanggamte in nang ang phat ding uhi; na galte’ ngawngah na khut a om ding hi; na mai-ah na pa’ tapate ang kun ding uhi. Judah, humpi khanglai ahi hi; ka ta aw, nangma in na samatsa na nehna panin na kipeito ta hi. Humpi apa bangin ama kize-in a lum hi. Humpi anu tawh a kibang ama koi in phong ngam ding ahei?

Reuben, nang ka tapa tapen, ka thahatna le ka tacil, zalien pente tunga zalien pen le thunei pente’ tunga thunei pen na hi hi. Tuihuol bangin na sih ding a, tungnung pen zong na hi sih ding hi. Bangzieh ahei cile na pa’ lupna-ah na kato hi; nang ka lupna tungah na ka a, ka lupna na buasah hi!