熱門經文出自 Эклц 49

分享

Йудаһас йос күн булашго. Олн-әмтн алван эс авч иртл, Йудан өмн эс сөгдтл, Терүнә хөөт үйнр йос һарддг мотриг оньдин бәрх.

Йосип эрс давшч булгин хаҗуд урһдг уста үзмин ишмүд мет өслттә болх. Терүг саадгар хадг әмтн дәврв, Терүнлә өшәтн болв, терүг хацхав.

Болв саадган тер батар бәрнә. Яковин күчтә Бурхна күчәр терүнә һар эвтә болх. Яковин Бурхн – Хамгин Күчтә Бурхн, Израилин Һардачнь, Харсачнь болҗана. Эцкинчнь шүтдг Бурхн чамд дөң болх. Хамгин күчтә Бурхн деер бәәх теңгрин әдсәр, Йорал уга һазрин әдсәр чамаг әдслҗ, Чамд олн үр, олн мал өгх.

Йуда, чини ахнр-дүүнр чамаг магтх! Чини эцкин көвүд чамаг күндлх. Яһад гихлә чи эврәннь дәәсдиг дәәнд диилхич. Йуда, көвүн минь, чи олзан идчкәд хәрҗ ирдг баахн арслңгч. Арслң мет һазрт суняһад кевтнәч, терүг көндәх зөрг кенд бәәхмби?

Рубен, чи мини түрүңк көвүнч, мини күчн, залу күн болсна мини түрүңк үрн, цугтаһаснь даву, чидл-күчәрн түрүңкич. Усн мет дольгалҗ йовх чи түрүңк болҗ чадшгоч. Чи мини зарц гергнлә орндм кевтәд, нерим бузрдаввч.