BibleProject | ಲೂಕ ಮತ್ತು ಅಪೊಸ್ತಲರ ಕೃತ್ಯಗಳ ಮೂಲಕ ಪ್ರಯಾಣ预览

ರಾಜ್ಯದ ಸಂದೇಶವು ಜೆರುಸಲೆಮ್ನಾದ್ಯಂತ ಹರಡುತ್ತಿದೆ, ಮತ್ತು ಶಿಷ್ಯರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಹೆಚ್ಚಿನ ನಾಯಕರು ಬೇಕಾಗಿದ್ದಾರೆ, ಆದ್ದರಿಂದ ಅಪೊಸ್ತಲರು ಯೇಸುವಿನ ಸಂದೇಶವನ್ನು ಹಂಚಿಕೊಳ್ಳುತ್ತಲೇ ಇರುಬೇಕಾದರೆ ಸ್ಟೀಫನ್ ಎಂಬ ವ್ಯಕ್ತಿ ಬಡವರಿಗೆ ಸೇವೆ ಸಲ್ಲಿಸಲು ಮುಂದಾಗುತ್ತಾನೆ. ಸ್ಟೀಫನ್ ದೇವರ ರಾಜ್ಯದ ಶಕ್ತಿಯನ್ನು ಪ್ರದರ್ಶಿಸುತ್ತಾನೆ, ಮತ್ತು ಅನೇಕ ಯಹೂದಿ ಯಾಜಕರು ನಂಬಿ ಯೇಸುವನ್ನು ಹಿಂಬಾಲಿಸಲು ಪ್ರಾರಂಭಿಸುತ್ತಾರೆ. ಆದರೆ ಸ್ಟೀಫನ್ ಅವರೊಂದಿಗೆ ವಿರೋಧಿಸುವ ಮತ್ತು ವಾದಿಸುವ ಇನ್ನೂ ಅನೇಕರು ಇರುವರು. ಅವರಿಗೆ ಸ್ಟೀಫನ್ ಅವರ ಪ್ರತಿಕ್ರಿಯೆಗಳ ಜ್ಞಾನವನ್ನು ಎದುರಿಸಲು ಸಾಧ್ಯವಾಗುತ್ತಿಲ್ಲ, ಆದ್ದರಿಂದ ಅವರು ಮೋಶೆಗೆ ಅಪಮಾನ ಮಾಡಿದ್ದಾರೆ ಮತ್ತು ದೇವಾಲಯಕ್ಕೆ ಬೆದರಿಕೆ ಹಾಕಿದ್ದಾರೆಂದು ಆರೋಪಿಸಲು ಸುಳ್ಳು ಸಾಕ್ಷಿಗಳನ್ನು ಕಂಡುಕೊಳ್ಳುತ್ತಾರೆ. 

ಪ್ರತಿಕ್ರಿಯೆಯಾಗಿ, ಸ್ಟೀಫನ್ ಅವರ ಮೇಲಿನ ದೌರ್ಜನ್ಯವು ಹೇಗೆ ಒಂದು ಊಹಿಸತಕ್ಕ ಮಾದರಿಯನ್ನು ಅನುಸರಿಸುತ್ತಿದೆ ಎಂಬುದನ್ನು ತೋರಿಸಲು ಹಳೆಯ ಒಡಂಬಡಿಕೆಯ ಕಥೆಯನ್ನು ಪುನರಾವರ್ತಿಸುವ ಒಂದು ಪ್ರಬಲ ಭಾಷಣವನ್ನು ನೀಡುತ್ತಾನೆ ಅವರು ತಮ್ಮ ಸ್ವಂತ ಜನರಿಂದ ನಿರಾಕರಿಸಲ್ಪಟ್ಟ ಮತ್ತು ಕಿರುಕುಳಕ್ಕೊಳಗಾದ ಜೋಸೆಫ್ ಮತ್ತು ಮೋಶೆಯಂತಹ ಪಾತ್ರಗಳನ್ನು ಎತ್ತಿ ತೋರಿಸುತ್ತಾರೆ. ಇಸ್ರೇಲ್ ದೇವರ ಪ್ರತಿನಿಧಿಗಳನ್ನು ಶತಮಾನಗಳಿಂದ ವಿರೋಧಿಸುತ್ತಿದೆ ಮತ್ತು ಆದ್ದರಿಂದ ಅವರು ಈಗ ಸ್ಟೀಫನ್ ಅವರನ್ನು ವಿರೋಧಿಸುತ್ತಿರುವುದರಲ್ಲಿ ಆಶ್ಚರ್ಯವೇನಿಲ್ಲ. ಇದನ್ನು ಕೇಳಿದ ಧಾರ್ಮಿಕ ಮುಖಂಡರು ಕೋಪಗೊಳ್ಳುತ್ತಾರೆ. ಅವರು ಅವನನ್ನು ನಗರದಿಂದ ಓಡಿಸಿ ಹೊಡೆದು ಸಾಯಿಸಾಲು ಕಲ್ಲುಗಳನ್ನು ಎತ್ತಿಕೊಳ್ಳುತ್ತಾರೆ. ಸ್ಟೀಫನ್ ಕಲ್ಲುಗಳಿಂದ ಹೊಡೆಯಲಾದಾಗ, ಇತರರ ಪಾಪಗಳ ಕಾರಣ ಶ್ರಮ ಪಟ್ಟ ಯೇಸುವಿನ ಮಾರ್ಗಕ್ಕೆ ತನ್ನನ್ನು ತೊಡಗಿಸಿಕೊಳ್ಳುತ್ತಾನೆ. ""ಕರ್ತನೇ, ಅವರ ವಿರುದ್ಧ ಈ ಪಾಪವನ್ನು ಇರಿಸಬೇಡಿ"" ಎಂದು ಕೂಗಿದ ಸ್ಟೀಫನ್ ಅನೇಕ ಹುತಾತ್ಮರಲ್ಲಿ ಮೊದಲಿಗನಾಗುತ್ತಾನೆ.