2 Corinthians 11
11
1Ko i gèƋè a nrzlè te va kètè, da ambaba kinè genè! 2Aman i gi srak a géƌ kinè a srak Zhiklè; i woya kiné a ntsim staƌgenè, Kristi; ara medemai man nsossur ɓai. 3Aman i gi zlau, lemèlèmè ara zhüzhok a mpeda Eve a wai a maya na, nhér gèƋ kinè nzura'a a nlèɓèslèa te Kristi, a da gedas na.
4Aman ndo a Ƌè a sam kinè, a njè kinè Yèsu ngiƋè, man nga nje kinè ɓai, a kin ngècè mèzhèɓ ngiƋè, man kin ngots ka ɓai, a ma mbela'a ngiâè tsaƋ, man kin co ka ɓai, tsam tsam kin fi gèƋè'a. 5l gi hérè'a, ndohi sak kinè mbibihia'a ta fenyè azɓai. 6Ko i düdüɓè ma genè, aman te gèƌ i sun skwai. A skwi man i suna, nga ngreda kinè tèlèba.
7Aman i manda gèƌ a hai, a géƌ man ta nzal kinè. Man i njè kinè ma mbela'a man a Zhiklè ambalai i gu mali ƌè? 8I co skwi te ri mpi ndohi Zhiklè ngiƌè, i ngots suli te ri ta, aman i slaha a i gi mizlinè a sam kinè. 9Aman i nza a sam kinè, a i ngatsa skwi ɓai, i rzla na va a gèƋ a ndo ɓai. Aman kramamhi man tashkè te Macédoine, ta takahayè a skwi man i tèkwèna'a. Gar haha te skwi tèlèba i rzla kinè va a gèƋ ɓai, a i woy a i gi arsa a ma ma.
10Ara man ma nzura'a te Kristi a zhè te ndav ga a vava, labar njégèr va ga haha te kokwar Achaie da gedassa ɓai! 11Ehèmè? Te man i woy kinè ɓi Ƌè? Zhiklè a suna. 12Aman skwi man i gia'a, I woy a i gi a ma ma ba, a i gedassa ci vèƋ a tenga'a man ta woy maya, a ta jégèr va a géƋ man ta gaƋa. Nga lèmèlèmè ara tenga'a. 13Aman ndohi sak ncèkèlma a ndohi mizlinè n'ngwèdè ndo ta ngwèdè va ta a ndohi sak Kristi.
14Nara nrkedi ka ɓai. Ko Sadan a ri na ba a ngwèdè va na a gol skwi nhèl sam. 15Gar haha, ndohi ntakaha ba, ta ngwèdè va ta a ndohi ngi mizlinè nzura'a. Ndikèma tenga'a a da gi ara mizlinè ta. 16Aman i gaƋa kinè za'a: Ndo da rkayè ara ndo nrzla'a ɓai! Aman kin woya'a, vafiyè a madaƋau, a i jégèr va kètè ma ba.
17Ma man i gèƋè haha, a shkè te Bi Zhiklè ka ɓai, aman te nrzlè ga, te njégèr va. 18Aman ndohi kumba ta slèbèrdè va a géƌ va ta, i ba i woya a i slèbèrdè va ba. 19Kinè ndohi maya, ndohi nrzla ta ambaba kinè! 20Ndo ngiƋè a ga kinè ɓèlè, ndo ngiƋè a ga kinè wuƋai, ndo ngiƋè a gs kinè, ndo ngiƋè a sala va a sam kinè, ndo ngiƋè a tsama kinè dai, a kin cè genè, kin gèƋ skwa azɓai.
21Hori a dzayè; aman nga ga arsa ɓai, te man wuƋi nga azɓai. Aman ndo ngiƌè a fi va a géƌ skwi ngiƌè — i gèƌè ara ndo nrzla'a — i slaha a i fi va genè! 22Tenga'a ndohi Hèbreu — i ba arsa! Tenga'a ndohi lsrael — i ba arsa! Tengahi tser Aɓraham — i ba arsa! 23Tenga'a ndohi mizlinè Kristi i gèƋè ara man gèƋ ga nza: I ba holhola'a! I fen ta a mizlinè. I nza a dangai sak kumba a fena tenga'a. Ta ndahyè holhola'a. I beza a ndev matakwan m'metsai sak ngam ngam ba.
24Ndohi Juif ta tsyè 39,39, sak zlam. 25I ngotsgaƋasak makar. Ta kalyè a kwa sak staƋ. Wurom a géƋ iyam man iyè te pa, ngedas na sak makar, pats staƋ, m'mèn staƋ iyè a géƋwoyam mbia'a. 26I sawala kumba, i ngots civèƋ mwuƋitpa te woyam, te ndev metsar hèshèkèƋ, sam mwuƋitpa a sam ndohi Juif, sam mwuƋitpa te ndev ndohi nte deɓa, sam mwuƋitpa te kokwar mbia'a, sam mwuäitpa t'hèshèkèƋ, sam mwuƋitpa a géƋ woyam mbia'a, sam mwuƋitpa te ndev kramamhi ncèkèlma.
27I gu mizlinè a vazaza. I nza a dai, mi a nkeƋyè, iyam a ndzayè, i jèkeda skwi n'ndai pats ngiƋè pats ngiƋè kumba, a mtasl, maslaka azɓai. 28A va skwi man a gayè haha tèlèba, pèc pècèk i hér gèƋ a géƋ mpi ndohi Zhiklè tèlèba. Ko i gèƋè njèkèƋia a va azɓai. 29Ndo man wuƋi na azɓai, lèmèlèmè ara ga, ngiƋè a zhi Ƌè? Ndo man ta slafaƋama na sak, ndo man ndav a ndza na ara vogwa ara ga, ngiƋè a zhi Ƌè?
30Anai aman i woy a i fì va, i war man i fi va a géƋ man wuƋi ga azɓai. 31A Zhiklè, Bab Bi Yèsu, man ta slébèrdè'a a mèdèp, a suna, i tsakala ma azɓai. 32Te Damas gomna Bi Arétas a woya man a ngsyè, 33a ta bezdekay auda a nvakavar te gaƋagar, a ta viyè a hai a dergai, a i mbel ga te ri na.
Mofa New Testament © The Bible Society of Cameroun, 1989