1 Timothy 6
6
1Ko wawa man a gi mizlinè ɓèlè, da slubordo babgi na, a ndohi ngiƌè ta dérƌè nzlembaƌ Zhiklè, a ma Zhiklè, azɓai. 2Ndohi man ta ngots babgihi ta man ta co a ndav, da kramam ga. Aman ɓèlèlihi sèi ta gi mizlinè holhola'a, te man babgihi ta ta co Yèsu a ndav, a ta woya man ta gi skwi man amba. Njè ta ma haha, fa ta ma haha a gèƋ:
3Man ndo ngiƋè a njè kinè ma ngiƋè tsaƋ, ma man a hümdè a ma mbela'a Bi nga Yèsu Kristi ka ɓai, a njè ma zlau Zhiklè azɓai, 4nenga'a a grè gèƋ, a sun skwa ɓai, mpataka nversl ma a keƋa'a. Te deɓa'a skwi haha a shkè auda: ngi dai, shèwa, ndérƌè ndo, nfi ma a va ndo, 5ndèvèƌ ma ambalai, gèƌ ndzakaɓa, ma nzura'a az a sam ta ɓai, ta hérè te ndav, a njèjèr Zhiklè ta da ngècè skwi te pa.
6A woy nga gi zlau Zhiklè, a nga wuffè a géƋ skwi nga; nasa nga ngots skwi mhia'a avava, man a zi azɓai. 7Nga shkè a herkeda aƋai, nga da jèkeda herkeda aƋai. 8Gar haha aman nga ngots skwi n'ndai, a maslaka, dèha nga! 9Tengahi man ta woy a ta ndi a ndohi mèshèlè, ta kèlèhi a skwi man a pe ta a wi tsaƌ tsaƌ, ta kèlèhi a gadda, a ntétékè man ambaɓi tsaƌ tsaƌ, man a gedas ta ndohai, a zede ta. 10Ntétékè sulai, zluzlor skwi ambaɓia tèlèba. Ndohi ngiâè, ntétékè sulai a mpèkètede ta te ncè-a-ndav, a ta ze ta. Skwi man a pe ta a wi tsaƋ tsaƋ, a ga ta matakwan kumba.
11Aman ka, ndo Zhiklè, hu ngaya a skwi haha, dzodzor ngizura'a: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwa'a. 12Gu var man amba te ncè-a-ndav, gso va a nshèffè a mèdèp, man ta baba ka a pa.
13I fa ka maya a gèƋ, a sam di Zhiklè, nenga'a man a vi nshèffè a skwi tèlèba, a sam di Yèsu Kristi, nenga'a man a ngreda ma nenga'a auda amba a sam Pilate: 14Sèi ka ɓir ma nkwèr Zhiklè, ka lizha ɓai, aman ta slaha a ta gi ma a géƋ ngaya azɓai, ba pats man Bi nga Yèsu Kristi a ngudoko nga va a dai. 15Ndo nkwar nga man amba, na staƋgenè, Bai a géƋ bi tèlè, bai a géƋ kokwar-Bihi tèlè, 16nenga'a staƋgenè, man a metsi azɓai, nenga'a man a nzi a sam nhéla'a, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuƋai pèc pècèk a mèdèp. Amen.
17Ngreda ta ndohi mèshèlè, man ta zhè t'herkeda antanta, aman da dzugor va ɓai, aman da gso ndav ta a skwi mèshèlè ta ɓai, man a nzi azɓai. Sèi ta pi ndav a Zhiklè, man a va nga skwi tèlèba a vata, aman nga nzi amba. 18GaƋa ta, aman ta gi skwi man amba, mizlinè man amba kumba da gu a skwi mèshèlè tenga'a; aman ta vi skwai, a ta woy ndo.
19Arsa ta ɓicè skwi man amba a géƋ patshi man a ma, a ta gshè va a nshèffè nzura'a. 20Timothée, ɓür skwi man ka ngots te ncè-a-ndav, kazla ngay auda a sam tsaval ambalai, man ambaɓai, man Mèzhèɓ Zhiklè az a pa ɓai, a sam gèjau a géƋ njèma ncèkèlma! 21Tengahi ngiƋè ta gshè va a nenga'a genè, ta pèkèt ta arsa, a ta jèkeda ncè-a-ndav. Pombai da zhè a nda kinè!
Mofa New Testament © The Bible Society of Cameroun, 1989