Mako Malizu Otatikila
Malizu Otatikila
Malizu otatikila olaŵililatu kuti buku iyi ni “Uthenga Uweme wa Yesu Kristu, Mwana wa Mulungu.” Malizu amubuku iyi owonesha kuti Yesu ni munthu wochita vinthu mosakayikila, mochetekela ulamulilo wake–wake; nipo ulamulilo wamene uyo uwoneka pa kasambizyiwe kake, na pa kufumya viŵanda na kulekelela ŵanthu ku machimo ŵawo. Yove mwine oziita kuti Mwana wa Munthu wamene echizotwala moyo wake, kuti akapulumushe ŵanthu ku machimo ŵawo. Maliko okonkholola nkhani ya Yesu molungama na mosatalimfya malizu; olaŵila maka–maka vochita va Yesu kupula na vosambizya vake.
Buku iyi yuwonesha kuti patontho–patontho asambili ŵala etatika kumvwisha za Yesu na kumuchetekela; koma lomba ŵala okana Yesu Kristu chilwani chawo chenzo kulilakulila.
1. Kutatika kwa Uthenga Uweme 1:1-13
2. Yesu oŵilizya Uthenga Uweme ku Galileya 1:14—9:50
3. Ulwendo kufumila ku Galileya kuluta ku Yelusalemu 10:1-52
4. Sabata yosilizya ku Yelusalemu 11:1—15:47
5. Yesu ouka kwa akufwa, nowonekela kwa asambili ŵake, nokwela kululu 16:1-20
Malizu ofwanika mu chiziŵikilo choteti [ ] alilini mu Malembo wonse a Chigiliki.
The Gospel of Mark in Nsenga © Bible Society of Zambia, 2013.