Esaburi 20
20
Esala Liowukhiri
Khu omwembesi. Esaburi ya Daudi.
1OMWAMI akhuwulire khunyinga eyi ova muwutinyu!
Elicha lia Nyasaye wa Yakopo likhulinde!
2Akhoya kakhulechera owuyeti okhuchula mu Etemperi
ne akhusiire okhuchula Siyoni!
3Akhoya kakhewulira evianwa vivio viosi,
nundi asimiswe nende evitiso vivio eviokhuchiinwa! Selah
4Akhuwerese eliekomba liomwoyo kukwo,
nundi koserese enganakani chichio chiosi!
5Khukhoya khwekhoyera owukhiri wuwo,
ne khuchia okhukingula ependera chiefwe mulicha lia Nyasaye wefwe!
OMWAMI akhoya koserese esava lilio liosi!
6Khanu manyire nji OMWAMI achia okhuyeta avakavakha amafucha,
achia okhumuchipa okhuchula mwikulu lilie echwenufu
nowukhiri wuwe owukali khumukhono kukwe mulungi.
7Valala velayiranga amakorokocho kawe akamahe, avandi velayira efarasi chiawe;
nausa efwe khwelayira elicha lia OMWAMI Nyasaye wefwe!
8Vachia khwekumula vakwe,
nausa efwe khuchia okhwinyokha khweme sikololofu.
9Ana owukhiri khumuchuki, Ewe OMWAMI;
chuchipe nikhukhulanga.
©The Bible Society of Kenya, 2024