Yahana 1
1
Beherya Bene Be Panga Muhondo
1Tun na Jigu o duniya azhe behenrya, behenrya henda be yo taba na Onhon, behenrya bene henda Onhon ne. 2Behera bene ton na Jigu be yo taba na Onhon. 3Bando beb ne ab shi ko nya kuchi, henda a za ko nya bando ene e ab shi ene ba taba na eb ba. 4Beherya bene beb bish repitu remuhondo, henda muhondo mune mob mush tubang wo ato. 5Tubanga tobe bangaryatumaga na so tush, ama tush to pwa su reto re tubanga ba.
6Onhon o tumane na butom bo ob, bone bwaba ogage Yohana. 7Bone bo kore bo zwammagaa ato mahinda ma tubanga, zwam bando ezwamagaa eb ato kuchi a hoge anabare a tubanga a yaje. 8Ba Yohana ebesh tubanga tune ba, ama e kore ne zwam e zwamga anabare a tubanga tone. 9Tubanga to mahinda tone to kore na duniya to bangaryatome ato kuchi.
10Da behenrya bini be yo na duniya, henda ko na ob ushi bando beb ne ab shi duniya, kuchi nanani duniya o daki bek ba. 11Be kore tonge to beb, ama ato beb a cheu bek ba. 12Ama kuchi ana a cheu Yesu, a yado henda na eb, e pa yek mahonre ashi awo Onhon. 13A shiu awo a Onhon bando kingi ta ato a matage awo ba ko nupi o bot ba, ama bando o nupi o Onhon.
14Behenrya bete be maringe bot, pa beb besh rehuga ryashi na so nuti. tu hya e dan duwa ob, e dan duwa ene ish e bwa bo che bando o buch bob buba, behera bini henda be yo na iyi bura̱̱ na mahinda denya. 15Yonaha e zwammagaa taaje o beb, e danduwa henda bigwabo nyangya, << Bone bushi bot bo gyam on zwammagaa na reto rebob gagu o gyam zwame nezwama, < Bone bwa kore na nesa nimi bona hyange e dan duwa, zwam kape ana machia, bob bo yo pab.> >>.
16Zwam udu o ehogo e yam e behenra bini, Kuchi nuti gatu hi iyi bura̱̱ bando iyi bura̱̱. 17Zwam Onhon o pa hadoba bando o Musa, ama iyi bura̱̱ na mahinda e sher bando Yesu Botʻbwakimga. 18Aza bone bo tabo hya Onhon dududu. Ka bwa suba, bone bo yo ta Onhon oyo, bone henda boyo wo buchi, boba bo chibane oik.
Tutom To Yohana e Shagu e Baptisma Na Reto re Yesu
19Uni henda oboshi tutom to Yohana, wato, gagu owa Yahudawa atoma pristochi na lawiyawa na Urushalima a kaba Yohana ko eb ishi ga. 20Pa Yohana e zwama yek mahinda e shiu mowondo ba, nyangya, <<Gyamshi Botʻbwakimga ba.>> 21Pa Pritochi na Lawiyawa a kabaka ek, <<To, gabush Iliya?>> Yohana nyange, <<A'a, ba eb ba,>> angya, <<Gabush butoma botiya?>> Yohana nyange <<Ko>>.
22Pristochi na Lawiyawa ange na Yohana, <<To, tuzwama ko gapshiga zwam tu hi iyi gatwa zwama ato a te ane a tu tuma nya gab on ogaga na reto na rebe?>>.
23Yohana e chane yek nyange naba,<< Gyamshi bigwabo be bot mai bene be on ogo na uzanga, bebe zwammagaa, <E benbige yena o Botʻbutuwaga honzhe o bob bwa swabo,> Ta echibana e butom Ishaya nyange.>>.
24Ab henda, parisiyawa ne a tuma yek, 25Pa ana ab tuma a kaba Yohana angya, <<Shi gabushi Botʻbwakimga ba, ba Eliya ba, ba butom bo te ba, zwam nya gab on shagyaga ato Baptisma?>> 26Pa yohana e chane nyange,<<Gyam kam na mani gyam shagi Baptisma ama azhe bot boink bando nuhi boyo yesane bando numi bone bo gahi daki ba. 27Bob ne bo on kore na Yesa nimi bone bo ko anini a otak obob gyam dama yachig ba. 28Kuchi uni ashi na tonge to Betanya, wo onhwanho oraga shiraga na hiro o rwaga o urdun, pane pa Yahaya e raga shagyaga ato Baptisma.
Yesu Eshe Edumaga e Onhon
29Na bungo o bunge Yohana e hya Yesu e be kore wo eb, pa Yohana nyange ene ishi e gyame zwama, <<Hingyana, bone bu shi e dumaga e Onhon, bone bwa zhangu turiya to ato duniya! 30Ene ishi e gyam Yonaha na raga shaga taaje nezwama, <<Bo mai bo on kore na yesa nimi, bone bushi bo tuwaga nabumi, zwama da bokayo kame aka machie gyam>. 31Na daki ko eb ishi ga ba, ama na kore ne shagiu Baptisma zwam a chibano ek wo ato eb Isra'ila.>>.
32Yohana ishi uni taaje na reto re Yesu nyangya, <<Na hya uhunchi obe kazhiya ta Ihurugu wari na turwana, e kazhiya wo Yesu. 33Da kam, na daki ek ba, se de bone bona tuma ishi Baptisma na mani, bob bona zwama, <Bone bo gab hya uhunchi obe kazhiya wo bob obe henda tanaga wo kingi ka bob, bob ne bwashi Baptisma na uhunchi o Onhon.> 34Yohana nyange, Na hya boik henda,>> henda na on kame zwammagaa nezwama, <<Eb ishi bwa bo Onhon.>>.
Yesu e Yinga Aswabo A bune Eb a Jigu
35Na bungu o bunge henda, Yohana eb yinsa ne na aswabo a eb ryariya. 36Yohana e be yingyaga Yesu ebishi tuhano pa Yohana nyange, <<Ehya, edumaga e onhon!>> 37Na aswabo a te a Yohana ryaryi a hoge Yohana e zwame nani naba swabe Yesu. 38Yesu e mai bariki e hya yek a be swabi ek, pa Yesu nyange naba, << nya gahi on yingyaga!>> Ange na Yesu, <<Gab Rabbi, wato, Umarumi, pa gab yo shani?>>.
39Pa Yesu nyange na aswabo ani, << Kuryanji e hya.>> Pa yek a karege a hya wo Yesu e shani, yek henda a hurumi pate, taba na eba. gagu o biroma be nashi henda be rombe ne. 40Boink bando ryaryi a te ana a hoge taaje o Yohana yek henda a swabe Yesu, bob ne Andarawus buhunwa bo Bitrus. 41Pa Andarawus a rwage hya buhuwa bo ab Bitrus ange na beb, << Tu hya Botʻbwakimga.>> wato << Kristi>>. 42Kapaba ab a zhange Bitrus wo Yesu. Yesu e yingyane Bitrus, nyange, << Wato gabshi Saminu bwa bo Yohana? A bu ogago Kepas,>> wato Bitrus.
Yesu e Yinga Plibus Na Nata'ala
43Na bungu o bonge henda pa Yesu emakimga nya koro shepo o Galili. Pa eb e bangi Pilibus, nyange na eb, << Na swabya>>. 44Pilibus henda ishi bot bo Betseda, shepo o Andarawus na Bitrus. 45Pilibus e bangi Nata'ala, nyange na ab, <<Tu bangu bone bo Musa o herange taaje o bob na so atak a hadoba a ob, hatuma henda a herango taaje o bob, wato Yesu banazare, bwa bo Yusupu. 46Pa Nata'ala nyange na pilibus, <<Apwa hi iyi mai e bura̱̱ henda na tonge to Nazarata?>> Pa pilibus nyange na ab, << Kurya de o hya.>> 47Yesu e hya Nata'ala e be kore wo eb, pa eb ishi taaje o eb nyange, << E hya, Ba'isra'ila bo mahinda bone boza ha'inci!>> 48Nata'ala ange na Yesu, << Pa gab na daki gyam?>> Yesu e chane ek nyange, << Tun pilibus ebo ogagewa, gagu o gab yo na ambi a eʻo itu, gyam bo hya!>> 49Pa Nata'ala e chane Yesu ange, Gab Umarumi, gabshi bwa bo Onhon! Gabshi bugwam bo ato Isra'ila!>>. 50Yesu e chane nyange, << Wato, zwam gyam bo zwama nezwama nabo hya na ambi a eʻo itu gab tane mahinda? Ai, bwa hya iyi mai etuwaga ene e hyange iri ni.>> 51Yesu henda nyange na ab, << Lalle tamahinda na on kame zwammagaa, nya hya turwana toma sabchiu, a tuma a bura̱̱ a hagamba a Onhon a be dende a be kazhiyaga wo bwa bo bot.
The Word for the World International and The word for the World Nigeria