Malaquía 2
2
1“Prîs nani, nanara naha na man nani ra aisisna: 2Man nani sika yang bîli wali dauki, pulan lâka luha tara ai kulki kaia kapram. Sakuna baku daukras sma kaka, lahtubamna. Baku daukras sma bamna prîs warkka wina yamnika nani briaia katma ba, lamhtubanka ra lakamna.” Karnika sut alki bri Dawanka ba, naha aisisa.
3“Karnikam maikri ba mai dakbaisna, bara daiwan nani angkaia brih aula tâskika ba ni, man nani mamwanra yakabaisna. ¡Baha tâskika pahbi sakuya ba wal, man nani sin mai pahbi mai sâkbia! 4Baku man nani tânka brima, yang lâika ban kaia ra tâski daukaia apia, Libai#Kul K 3.11-13. wal lâ daukri ba.” Karnika sut bri Dawanka ba, baha aisisa.
5“Raya kaia bara yang wal kupia kumi kaia lâka ba Libai ra yabri.#Kul K 25.12-13. Witin ba yang ra ai kulkaia, sibrin ai lukaia yabri, bara witin bui yang ra sibrin luki tara ai kulki ba mairikan. 6Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.#Kli S 33.8-10. 7Baha sika prîs nani warkka, upla nani ra smalkaia yang wal kakaira takaia,#Lib 10.11; Kli S 21.5. upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.
8“Sakuna man nani prîska lika, yabal kasak ba wina tnaya ra tawram; smalkankam nani ba ni upla ailal batakram. Baku man nani upla nani ra smalkram lâika Libai ra yabri ba warha daukaia. 9Bamna man nani bui yang bîli wali daukras kapram ba mita, upla nani lâ kumi baman briaia smalkras kapram bamna, yang daukamna upla sut man nani ra saura pali bahki mai kulkaia.” Karnika sut bri Dawanka ba, naha aisisa.
Israel kasak lukras kan ba
10¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia?#Ais 63.16; 64.8; Os 11.1-4; Epe 4.6. ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa? 11Juda uplika nani Gâd ra kasak lukras, Jerusalem ra Israel tasbaya aiska ra watawi pali daukan. Dawan ai tempelka latwan kaiki lâka sunu ba sin tâski daukan, bara upla ai mihta ni paskan dawanka nani ra ai pura suni mairka nani ba Juda waitnika nani ai maya brin. 12¡Baku dauki uplika nani ba, ya ya kabia sin, sakuna Dawan karnika sut alki bri ba ra, sakripais daukaia brih balbia sin, Dawan mita Israel tila wina âpu daukaia kan si!
13Man nani kau diara wala sin daukisma: man nani ini yahwi Dawan altarka ba namkra laya ni banhkisma, prisantkam Dawan ra yabisma witin liliakira briras bamna. 14¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba! 15¿Gâd kumi ba mita man nani wînam rayakam ba sin paskan apia? ¿Bara baha Gâdka ba dîa makabisa? Man luhpiam nani ban, witin ai uplika nani sunu kaia. Bamna man nani lukankam pali wina luki kaiks: ¡Man wahma katma ra mayam wal lâ daukram ba krikpara! 16Israel Dawan Gâdka karnika sut bri ba aisisa: “¡Bamna man nani lukankam pali wina aman damra wali kaiks, pana pana kunin munpara; man mayam wal dakwi takisma tâskika watawika ba yang misbara kaikisna!”#Bla St 2.24; S L 5.18; Mk 10.2-9; Epe 5.21-33.
Lâka aisi daukaia yua ba
17Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa.#Job 21.7-16; Ab 1.2-4,13; Mal 3.14-15. ¡Gâd ba kasakkira sapa man nani tânka briras!
© 2010 Bible Society in Nicaragua