2. Mose 26
26
I pesse plarhte ap o Debleskro kheer
1Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre#26:1 Ap hebretikes: keroubim; kolla hi bolepangre, kay hi len moussya har čirkle. dren sido an shoukar vastengri boudi. 2Kre haki plarhta 14 (deesh-te-star) metarya baro oun douy metarya bourhlo. 3Panč save plarhte venn khetne sido, oun kol vavar panč ninna. 4Ap kol rigya, kay kol douy bare kotya khetne pandlo venn, kre doryengre goustria dran blaueto kouč bakrengro bal: 550 (panč-deesh) ap hako baro kotar, yaake te vell yek doryengri goustri vergel ko vavar. 6Kre panč-deesh sonakangre rikepangre! Kolla čip yaake an i doryengre goustria, te pandess kol douy bare kotya khetne.
7Kre 11 (deesh-te-yek) pesse plarhte dran bouzyengre balla, te venn le pral o kheer čiddo. 8Yek plarhta vell 15 (deesh-te-panč) metarya lengsto oun douy metarya bourhlo. Haki plarhta vell yaake baro har koy vavar. 9Sib panč plarhte penge khetne! Oun i vavar shob sib ninna penge khetne! Oun čip koy shobti plarhta yaake ap i pančti plarhta, te venn glan ap o kheer douy plarhte yek ap o vavar.
10Kre 50 (paash-sheel) doryengre goustria oun pande len ap kol douy bare kotya kote, kay i kotya khetne pandlo venna. 11Palle kre panč-deesh rikepangre dran lolo saster, oun čip len yaake an i doryengre goustria, te venn kol douy bare kotya khetne pandlo.
12Ko kotar plarhta dran bouzyengre balla hi yek metari bareder har o kheer. Doleske mouk yek metari ap i palstouni rig pral tele bladell#26:12 bladell hengerell ! 13Oun serves oun čačes mouk yek paash metari pral tele bladell, te vell o kheer ap kol douy rigya čakedo.
14Palle kre i vavar kotar dran bakrengri ledertikre plarhte, hoy tou loles kral. Kova vell čiddo pral o Debleskro plarhteno kheer. Oun pral koleste vell i vavar kotar dran lače ledertikre plarhte čiddo.
O kasht o Debleskro khereske
15Dran ko rouk, hoy kharella Akatsia, kre činle kashta, te venn le pre tardo. 16Yek činlo kasht vell panč metarya baro oun 75 (efta-deesh-te-panč) centimetarya bourhlo. 17Hako kashtes vell douy tikne goushte, kolentsa venn i činle kashta khetne rikedo.
18Biish činle kashta venn pre tardo ap koy rig, kay o kham pralstounes hi. 19Tel ko biish činle kashta čivess tou star-deesh roupene herya, kay i goushte dren čiddo venna: tel hako činlo kasht douy herya, kay douy goushte dren čiddo venna.
20Ninna ap i vavar rig, kay o kham gar vella, venn biish činle kashta pre tardo. 21Tel kolende kress tou ninna star-deesh roupene herya: douy herya tel hako činlo kasht.
22Ap i palstouni rig, koy rig, kay o kham tele djal, venn shob činle kashta pre tardo, 23ninna douy vavar kashta, hoy krenn serves oun čačes i ekka ap i palstouni rig. 24Kol douy kashta venn tele oun pral khetne rikedo kol činle kashtentsa ap i servi rig oun ap i čači rig, yaake te krenn le serves oun čačes i ekka. 25Yaake venn orhta činle kashta ap i palstouni rig oun deesh-te-shob roupene herya: tel hako činlo kasht douy herya.
26Kre pandepangre kashta dran o kasht ko roukestar, hoy kharella Akatsia, oun čip panč lendar ap kol činle kashta ap koy yek lengsti rig o kherestar, 27pale panč ap i činle kashta ap i vavar lengsti rig, oun pale panč ap i palstouni rig o kherestar kote, kay o kham tele djala. 28Kre ninna i pandepaskro kasht, hoy djal mashkral ap i činle kashta foun yek rig ap i vavar. 29Čip sonakay troul kol činle kashta, ninna troul i pandepangre kashta! Oun kre sonakangre goustria! An kolende venn i pandepangre kashta dren čiddo.
30Dran kol tsele kotya čivess tou ko kheer yaake pre, har sikrom touke ap i berga.
O kouč layntikro kotar, hoy hi mank kol douy iseme
31Mouk ninna i kotar lačo zorelo layntikro than te krell, kay ninna kouč bakrengro bal dren hi. Kova hi blaueto, lolo oun lolo har yag. An ko kotar than venn bolepangre#26:31 Ap hebretikes: keroubim; kolla hi bolepangre, kay hi len moussya har čirkle. dren sido an shoukar vastengri boudi. 32-33Čin star pesse kashta dran akatstikro kasht, čip sonakay troul lende oun čip len ap star roupene herya. Čip sonakangre rikepangre pral ap lende oun pande ko kouč kotar than koy pre. Kava kouč than vell o voudar mank o Debleskri glanstouni isema#26:32-33a Dik an o labengro liil ko lab: Debleskri glanstouni isema.oun o Debleskri palstouni isema#26:32-33b Dik an o labengro liil ko lab: Debleskri kouč isema., hoy leskri koučeder isema hi.
Palle an ko morhton, kay o Debleskre deesh laba dren hi, oun čip les pal ko voudar dran o kouč kotar than an o Debleskri palstouni isema! 34Oun ap o morhton, kay o Debleskre deesh laba dren hi, čip ko pralstouno kotar, hoy sikrella, kay o Devel peskre menshenge lačes hi.
35O Debleskri rhapaskri čip glan o voudar dran o kouč kotar than ap i servi rig! Oun i momelengri čip ap i čači rig!
36Kre ninna i plarhta, hoy vell an ko voudar, kay veh dren an o kheer. Kre lat an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. 37Čin panč pesse kashta dran akatstikro kasht. Čip sonakay troul lende! Oun kre lenge panč herya dran lolo saster, ninna sonakangre rikepangre! Ap lende vell koy plarhta pandlo.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Mose 26
26
I pesse plarhte ap o Debleskro kheer
1Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre#26:1 Ap hebretikes: keroubim; kolla hi bolepangre, kay hi len moussya har čirkle. dren sido an shoukar vastengri boudi. 2Kre haki plarhta 14 (deesh-te-star) metarya baro oun douy metarya bourhlo. 3Panč save plarhte venn khetne sido, oun kol vavar panč ninna. 4Ap kol rigya, kay kol douy bare kotya khetne pandlo venn, kre doryengre goustria dran blaueto kouč bakrengro bal: 550 (panč-deesh) ap hako baro kotar, yaake te vell yek doryengri goustri vergel ko vavar. 6Kre panč-deesh sonakangre rikepangre! Kolla čip yaake an i doryengre goustria, te pandess kol douy bare kotya khetne.
7Kre 11 (deesh-te-yek) pesse plarhte dran bouzyengre balla, te venn le pral o kheer čiddo. 8Yek plarhta vell 15 (deesh-te-panč) metarya lengsto oun douy metarya bourhlo. Haki plarhta vell yaake baro har koy vavar. 9Sib panč plarhte penge khetne! Oun i vavar shob sib ninna penge khetne! Oun čip koy shobti plarhta yaake ap i pančti plarhta, te venn glan ap o kheer douy plarhte yek ap o vavar.
10Kre 50 (paash-sheel) doryengre goustria oun pande len ap kol douy bare kotya kote, kay i kotya khetne pandlo venna. 11Palle kre panč-deesh rikepangre dran lolo saster, oun čip len yaake an i doryengre goustria, te venn kol douy bare kotya khetne pandlo.
12Ko kotar plarhta dran bouzyengre balla hi yek metari bareder har o kheer. Doleske mouk yek metari ap i palstouni rig pral tele bladell#26:12 bladell hengerell ! 13Oun serves oun čačes mouk yek paash metari pral tele bladell, te vell o kheer ap kol douy rigya čakedo.
14Palle kre i vavar kotar dran bakrengri ledertikre plarhte, hoy tou loles kral. Kova vell čiddo pral o Debleskro plarhteno kheer. Oun pral koleste vell i vavar kotar dran lače ledertikre plarhte čiddo.
O kasht o Debleskro khereske
15Dran ko rouk, hoy kharella Akatsia, kre činle kashta, te venn le pre tardo. 16Yek činlo kasht vell panč metarya baro oun 75 (efta-deesh-te-panč) centimetarya bourhlo. 17Hako kashtes vell douy tikne goushte, kolentsa venn i činle kashta khetne rikedo.
18Biish činle kashta venn pre tardo ap koy rig, kay o kham pralstounes hi. 19Tel ko biish činle kashta čivess tou star-deesh roupene herya, kay i goushte dren čiddo venna: tel hako činlo kasht douy herya, kay douy goushte dren čiddo venna.
20Ninna ap i vavar rig, kay o kham gar vella, venn biish činle kashta pre tardo. 21Tel kolende kress tou ninna star-deesh roupene herya: douy herya tel hako činlo kasht.
22Ap i palstouni rig, koy rig, kay o kham tele djal, venn shob činle kashta pre tardo, 23ninna douy vavar kashta, hoy krenn serves oun čačes i ekka ap i palstouni rig. 24Kol douy kashta venn tele oun pral khetne rikedo kol činle kashtentsa ap i servi rig oun ap i čači rig, yaake te krenn le serves oun čačes i ekka. 25Yaake venn orhta činle kashta ap i palstouni rig oun deesh-te-shob roupene herya: tel hako činlo kasht douy herya.
26Kre pandepangre kashta dran o kasht ko roukestar, hoy kharella Akatsia, oun čip panč lendar ap kol činle kashta ap koy yek lengsti rig o kherestar, 27pale panč ap i činle kashta ap i vavar lengsti rig, oun pale panč ap i palstouni rig o kherestar kote, kay o kham tele djala. 28Kre ninna i pandepaskro kasht, hoy djal mashkral ap i činle kashta foun yek rig ap i vavar. 29Čip sonakay troul kol činle kashta, ninna troul i pandepangre kashta! Oun kre sonakangre goustria! An kolende venn i pandepangre kashta dren čiddo.
30Dran kol tsele kotya čivess tou ko kheer yaake pre, har sikrom touke ap i berga.
O kouč layntikro kotar, hoy hi mank kol douy iseme
31Mouk ninna i kotar lačo zorelo layntikro than te krell, kay ninna kouč bakrengro bal dren hi. Kova hi blaueto, lolo oun lolo har yag. An ko kotar than venn bolepangre#26:31 Ap hebretikes: keroubim; kolla hi bolepangre, kay hi len moussya har čirkle. dren sido an shoukar vastengri boudi. 32-33Čin star pesse kashta dran akatstikro kasht, čip sonakay troul lende oun čip len ap star roupene herya. Čip sonakangre rikepangre pral ap lende oun pande ko kouč kotar than koy pre. Kava kouč than vell o voudar mank o Debleskri glanstouni isema#26:32-33a Dik an o labengro liil ko lab: Debleskri glanstouni isema.oun o Debleskri palstouni isema#26:32-33b Dik an o labengro liil ko lab: Debleskri kouč isema., hoy leskri koučeder isema hi.
Palle an ko morhton, kay o Debleskre deesh laba dren hi, oun čip les pal ko voudar dran o kouč kotar than an o Debleskri palstouni isema! 34Oun ap o morhton, kay o Debleskre deesh laba dren hi, čip ko pralstouno kotar, hoy sikrella, kay o Devel peskre menshenge lačes hi.
35O Debleskri rhapaskri čip glan o voudar dran o kouč kotar than ap i servi rig! Oun i momelengri čip ap i čači rig!
36Kre ninna i plarhta, hoy vell an ko voudar, kay veh dren an o kheer. Kre lat an shoukar vastengri boudi dran lačo zorelo layntikro than, kay ninna kouč bakrengro bal dren hi, hoy blaueto, lolo oun lolo har yag kerdo vas. 37Čin panč pesse kashta dran akatstikro kasht. Čip sonakay troul lende! Oun kre lenge panč herya dran lolo saster, ninna sonakangre rikepangre! Ap lende vell koy plarhta pandlo.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.