2. Mose 25
25
O Debleskro plarhteno kheer
1Oun o baro Devel rakras o Moseha oun penas: 2Pen ap i Israelitarya: Hakeno, hoy les an o dji rhačella, te dell lo man pestar čomone, kova anell les pash t'mende.
3Kava hi ko koova, hoy yon t'menge anenna: Sonakay, roup, oun lolo saster#25:3 lolo saster kupfero, 4ninna kouč bakrengro bal, hoy blaueto, lolo oun lolo har yag kerdo vas, lačo layntikro than oun bouzyengre balla. 5Bakreskri ledertikre plarhte, hoy lolo kerdo van, vavar lače ledertikre plarhte oun kasht i roukestar, hoy kharella Akatsia, 6momelengro djet, kouč soungepaskro koova, hoy vell rhačedo, ninna kouč soungepaskro koova, hoy vell an o makepaskro djet čiddo, te nay makenn le yekes dren. 7Lenn lendar ninna kol kouč barra, hoy kharenna Onyx oun vavar kouč barra, te venn le ap o rashayeskri damdira oun ap o bečeskri possita sido.
8Kamau lendar, te krenn le mange i kheer, te djivap nay mashkral lende. 9Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.
O sonakaskro morhton#25:10 Dik an o labengro liil ko lab: sonakaskro morhton.
10Kre i morhton#25:10 morhton kista dran o kasht ko roukestar, hoy kharella Akatsia, 125 (sheel-te-biish-te-panč) centimetarya lengsto, 75 (efta-deesh-te-panč) centimetarya bourhlo oun 75 (efta-deesh-te-panč) centimetarya pral. 11Pral o kasht, dren oun vin, čip lačo sonakay! Oun pral troul o tselo morhton čip i sonakaskro pandepen!
12Kre ninna star sonakangre goustria! Oun kre len ap o morhton, ap leskre star herya, douy ap kay yek rig oun douy ap i vavar rig! 13Palle čin lengste kashta dran akatstikro kasht oun čip sonakay troul lende! 14Kol kashta čip an kol goustria, hoy ap o morhton hi, yaake te nay hidjrenn le ko morhton trouyel. 15Kol kashta hounte ačenn an kol goustria oun kek lell len vin. 16An ko morhton čip kol douy barra kol deesh labentsa, hoy me tout dau.
17Kre i pralstouno kotar dran lačo sonakay, hoy čiveh ap o morhton. Ko pralstouno kotar vell 125 (sheel-biish-te-panč) centimetarya lengsto oun 75 (efta-deesh-te-panč) centimetarya bourhlo.#25:17 Ko pralstouno kotar his o Debleskri beshepaskri oun sikras, kay o Devel o maal peskre menshendar hi. 18-19Kre ninna douy bolepangre#25:18-19 Ap hebretikes: keroubim; kolla hi bolepangre, kay hi len moussya har čirkle., hakeno dran yek kotar sonakay. Oun čip ko yek glan ap o pralstouno kotar oun ko vavar palla ap o pralstouno kotar! 20Yon hadenn pengre moussya pre, yaake te čakrenn le o pralstouno kotar. Oun lengre shere dikenn pen an. Oun lengre yaka dikenn tele ap o pralstouno kotar.
21Čip o pralstouno kotar pral ap o morhton. Oun an o morhton čip i douy barra kol deesh labentsa, hoy me tout dau.
22Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.
O Debleskri rhapaskri
23Kre ninna i rhapaskri dran o kasht ko roukestar, hoy kharella Akatsia, yek metari lengsto, yek paash metari bourhlo, oun 75 (efta-deesh-te-panč) centimetarya pral. 24Čip troul i tseli rhapaskri lačo sonakay! Oun pral troul i tseli rhapaskri čip i sonakaskro pandepen! 25Čip ninna i tikno kasht troul i rhapaskri, hoy yek vast bourhlo hi. Oun troul kava kasht vell ninna i sonakaskro pandepen. 26-27Kre star sonakangre goustria! Oun čip yek goustri ap haki heri tel ko kasht, hoy troul i rhapaskri djal, yaake te nay čivenn le lengste kashta dren, kolentsa nay hidjrenn le koy rhapaskri. 28Kol hidjepaskre kashta kress tou dran o kasht ko roukestar, hoy kharella Akatsia. Oun makess sonakay troul lende!
29Dran lačo sonakay kress tou ninna kol čare oun khore, an kolende i mool o Debleske čoredo vell.
30Ap i rhapaskri venn hako tsiro i Debleskre mare čiddo, te dikap len.
I momelengri
31Oun tou kress i momelengri#25:31 Dik an o labengro liil ko lab: momelengri. Kote dikeh, har koy momelengri nay vi-dikas. dran yek kotar lačo sonakay. Lakre tsele kotya, o piro oun o mashkralstouno kotar, ninna i čare oun i bloume, hoy koy pre hi, lauter vell kerdo dran yek kotar sonakay. Hi save bloume koy pre, hoy hi pandlo oun vavar, hoy hi pre. 32Shob moussya djan latar vin: Triin djan ap yek rig vin, oun triin djan ap i vavar rig vin. 33Ap haki moussi hi triin čare, hoy dikenna vin har i bloume ko roukestar, hoy kharella mandeltikro rouk. Hi save bloume koy pre, hoy hi pandlo oun save, hoy hi pre. Yaake vell kova ap haki moussi kol shob moussyendar. 34Dran o mashkralstouno kotar venn star čare vin, hoy vin dikenna har mandeltikre bloume. Ap kolende hi bloume, hoy hi pandlo oun ninna save, hoy hi pre. 35Triin bloume, hoy pandlo hi, hi kote, kay i moussya vin venna, hako kopo yek blouma tel douy moussya. 36Koy tseli momelengri peskre moussyentsa oun bloume vell kerdo dran yek kotar lačo sonakay.
37Kre ninna efta momlia oun čip len pral ap i momelengri yaake, te dikenn le glan. 38Kre ninna čare, kay i momelengri čik dren vella, oun činepangre, kolentsa i dorya an i momlia tele činlo venna. Kolla lauter venn dran o lačo sonakay kerdo. 39Tout hounte vell 35 (triyanda-te-panč) kilogramme lačo sonakay, te kress kay momelengri peskre tsele koola. 40Oun tou kress lat yaake, har kova touke ap i berga sikedo vas.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
2. Mose 25
25
O Debleskro plarhteno kheer
1Oun o baro Devel rakras o Moseha oun penas: 2Pen ap i Israelitarya: Hakeno, hoy les an o dji rhačella, te dell lo man pestar čomone, kova anell les pash t'mende.
3Kava hi ko koova, hoy yon t'menge anenna: Sonakay, roup, oun lolo saster#25:3 lolo saster kupfero, 4ninna kouč bakrengro bal, hoy blaueto, lolo oun lolo har yag kerdo vas, lačo layntikro than oun bouzyengre balla. 5Bakreskri ledertikre plarhte, hoy lolo kerdo van, vavar lače ledertikre plarhte oun kasht i roukestar, hoy kharella Akatsia, 6momelengro djet, kouč soungepaskro koova, hoy vell rhačedo, ninna kouč soungepaskro koova, hoy vell an o makepaskro djet čiddo, te nay makenn le yekes dren. 7Lenn lendar ninna kol kouč barra, hoy kharenna Onyx oun vavar kouč barra, te venn le ap o rashayeskri damdira oun ap o bečeskri possita sido.
8Kamau lendar, te krenn le mange i kheer, te djivap nay mashkral lende. 9Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.
O sonakaskro morhton#25:10 Dik an o labengro liil ko lab: sonakaskro morhton.
10Kre i morhton#25:10 morhton kista dran o kasht ko roukestar, hoy kharella Akatsia, 125 (sheel-te-biish-te-panč) centimetarya lengsto, 75 (efta-deesh-te-panč) centimetarya bourhlo oun 75 (efta-deesh-te-panč) centimetarya pral. 11Pral o kasht, dren oun vin, čip lačo sonakay! Oun pral troul o tselo morhton čip i sonakaskro pandepen!
12Kre ninna star sonakangre goustria! Oun kre len ap o morhton, ap leskre star herya, douy ap kay yek rig oun douy ap i vavar rig! 13Palle čin lengste kashta dran akatstikro kasht oun čip sonakay troul lende! 14Kol kashta čip an kol goustria, hoy ap o morhton hi, yaake te nay hidjrenn le ko morhton trouyel. 15Kol kashta hounte ačenn an kol goustria oun kek lell len vin. 16An ko morhton čip kol douy barra kol deesh labentsa, hoy me tout dau.
17Kre i pralstouno kotar dran lačo sonakay, hoy čiveh ap o morhton. Ko pralstouno kotar vell 125 (sheel-biish-te-panč) centimetarya lengsto oun 75 (efta-deesh-te-panč) centimetarya bourhlo.#25:17 Ko pralstouno kotar his o Debleskri beshepaskri oun sikras, kay o Devel o maal peskre menshendar hi. 18-19Kre ninna douy bolepangre#25:18-19 Ap hebretikes: keroubim; kolla hi bolepangre, kay hi len moussya har čirkle., hakeno dran yek kotar sonakay. Oun čip ko yek glan ap o pralstouno kotar oun ko vavar palla ap o pralstouno kotar! 20Yon hadenn pengre moussya pre, yaake te čakrenn le o pralstouno kotar. Oun lengre shere dikenn pen an. Oun lengre yaka dikenn tele ap o pralstouno kotar.
21Čip o pralstouno kotar pral ap o morhton. Oun an o morhton čip i douy barra kol deesh labentsa, hoy me tout dau.
22Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.
O Debleskri rhapaskri
23Kre ninna i rhapaskri dran o kasht ko roukestar, hoy kharella Akatsia, yek metari lengsto, yek paash metari bourhlo, oun 75 (efta-deesh-te-panč) centimetarya pral. 24Čip troul i tseli rhapaskri lačo sonakay! Oun pral troul i tseli rhapaskri čip i sonakaskro pandepen! 25Čip ninna i tikno kasht troul i rhapaskri, hoy yek vast bourhlo hi. Oun troul kava kasht vell ninna i sonakaskro pandepen. 26-27Kre star sonakangre goustria! Oun čip yek goustri ap haki heri tel ko kasht, hoy troul i rhapaskri djal, yaake te nay čivenn le lengste kashta dren, kolentsa nay hidjrenn le koy rhapaskri. 28Kol hidjepaskre kashta kress tou dran o kasht ko roukestar, hoy kharella Akatsia. Oun makess sonakay troul lende!
29Dran lačo sonakay kress tou ninna kol čare oun khore, an kolende i mool o Debleske čoredo vell.
30Ap i rhapaskri venn hako tsiro i Debleskre mare čiddo, te dikap len.
I momelengri
31Oun tou kress i momelengri#25:31 Dik an o labengro liil ko lab: momelengri. Kote dikeh, har koy momelengri nay vi-dikas. dran yek kotar lačo sonakay. Lakre tsele kotya, o piro oun o mashkralstouno kotar, ninna i čare oun i bloume, hoy koy pre hi, lauter vell kerdo dran yek kotar sonakay. Hi save bloume koy pre, hoy hi pandlo oun vavar, hoy hi pre. 32Shob moussya djan latar vin: Triin djan ap yek rig vin, oun triin djan ap i vavar rig vin. 33Ap haki moussi hi triin čare, hoy dikenna vin har i bloume ko roukestar, hoy kharella mandeltikro rouk. Hi save bloume koy pre, hoy hi pandlo oun save, hoy hi pre. Yaake vell kova ap haki moussi kol shob moussyendar. 34Dran o mashkralstouno kotar venn star čare vin, hoy vin dikenna har mandeltikre bloume. Ap kolende hi bloume, hoy hi pandlo oun ninna save, hoy hi pre. 35Triin bloume, hoy pandlo hi, hi kote, kay i moussya vin venna, hako kopo yek blouma tel douy moussya. 36Koy tseli momelengri peskre moussyentsa oun bloume vell kerdo dran yek kotar lačo sonakay.
37Kre ninna efta momlia oun čip len pral ap i momelengri yaake, te dikenn le glan. 38Kre ninna čare, kay i momelengri čik dren vella, oun činepangre, kolentsa i dorya an i momlia tele činlo venna. Kolla lauter venn dran o lačo sonakay kerdo. 39Tout hounte vell 35 (triyanda-te-panč) kilogramme lačo sonakay, te kress kay momelengri peskre tsele koola. 40Oun tou kress lat yaake, har kova touke ap i berga sikedo vas.
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.