2 Korantiyawa 9
9
Kwasira men ɓan bǝɗ Kaa ɓa wa
1Sem me tommon ɗaɗ nǝsǝ nyor a ɗuura tinima kwasira u ɓan bǝɗ Kaa ɓa wa ra, 2me nǝ maa kweeto wa waaso a na kwasira wan, u kansǝ nǝn nheu ma saase a siso wa a ɓet Makidoniya ɓa ni. Nǝn nkee ɓǝ me, saase ɓet Akaya ɓa, sǝ feɗ werkon tǝng a meera talǝsǝ ra wa. Nkamǝra kweeto sǝsǝ ma siso ra, tiɓǝ ɓosa kǝn, ɓǝ nii. 3Pa waso ɗǝm, nǝn timi ɓaata a saani me tom nheuwo tǝn nheusǝ a ɗuura saa a tinima ma wa, aa tom sal ra. Pa nǝn taa me sǝ kaɗ ma waro, nga ka nǝ nkeesǝsǝ a ntiiri me sǝ tom wa. 4Pa me nǝ wo ke ma ɓaata ɓan bǝɗɗa u Makidoniya ɓa wa, nǝ yauwaa me ɓǝ wo ɓǝsǝ taasǝ feɗ werko kwasira waaso wa ra. Me tom maaso, kǝnǝ kura ɗuura nwaara me ka nǝ nheu dem a ɗuura saa, pa sem niina fin mana kǝna kura ɗuura nwaara wa ra, pa nsaad ma saase. 5Pa me maaso, nǝ wǝr tommon yaɓ nǝ kǝna ɓaata ɓǝ nkaa wo, me ɓǝ kwau mbu sǝ weesǝ nkee me kǝsǝ na ɓa, me tǝ wo tǝ wǝr a han fina. U nwa ǝn siso ka weɗɗa me sǝ na ma kuɗa fin wa, sem ma kwakwato ra.
6Sǝ ɗim ma mbu ɓa, yaa yǝ rǝksǝ nkaama ngeek ya, kiyǝ ɗaɗ mbu yǝ rǝksǝ ɓa ngeek, pa yaa usu yǝ rǝksǝ nkaama kwang ya wa, kiyǝ taa mbu yǝ rǝksǝ ɓa dem. 7Hana yamni yǝ na nga yǝ sesǝ a kuɗa ira wa, sem ma tǝblǝ kuɗa wa, hana nga ɓaa tisǝ ɗaɗ me yǝ na wa ra, me Kaa yǝn yau yaa yǝn nasǝ mbuka ma kuɗa fin ya. 8Kaa ɗǝm yǝn nkaa yǝsǝ na saltǝra faɗsǝ mbu sǝn taasǝ ɓa, me hana kamni sǝ taa nsaad mbu sǝn taasǝ ɓa, hana aa faɗ usu, me sǝ tom tinima kwasira man yaɓ. 9Nga ɓaa nyorsǝ a likarkar Kaa wa me,
“Yǝn na hanhanta neme hoo.
Tom mbusa keke usu kaɗɗan pakarese.”
10Kaa ndǝ sase yǝn nasǝ an rǝko ya nkaama yǝ rǝk ya, ɗǝm yaa na mbuseya. Ɗǝm maaso, kiyǝ na nkaama, ɗǝm yǝ sookǝ nkaama ngǝsǝ ma siso wa, ɗǝm ma tom mbusa keke waango ɓa, kiyǝ ti aa sookǝ aa wiiyo, ɗǝm aa tom mbu hima ɓeta ɓa dem. 11Hana kauni kiyǝsǝ ti saltǝra a mbusa nsaad, me nfee sǝ kaɗ ɓan nawoo ɓa, ma kuɗa fin. A tommo maaso wa, ɓeta dem ɓǝkǝ na himara a Kaa ni a ɗuura kwasira sǝ naɓǝsǝ ma lau waato wa.
12Tinima kwasira sǝn tomsǝ sǝma, sem ɓan bǝɗ Kaa ɓa seɗɗe ǝn kwasi ɓǝsǝ wa ra, pa ǝn ti ɓeta ɓǝ sookǝ na himara wa a Kaa ni. 13Pa tinima saa u kwasira wa, ǝn weɗɗa na ɓongtǝra waaso wa, ɗǝm ɓaa kǝ too Kaa me sǝ weɗɗa yauwon, me sǝ kon mara kwalari u Almaseho ra wan, ɗǝm me kwasira neme hoo u sǝ tomɓǝsǝ wa, ma pepere ɓeta ya nsaad. 14Ɓosa kǝn ɓǝ kǝsǝ tom kǝnara, ɗǝm ɓǝn ɗim ma saase a kuti ɓose a ɗuura nkamǝra kwasira u Kaa yǝ tomsǝsǝ u aa nkaa aa mǝɗkǝ ra wa. 15Ndǝ hima Kaa ma nkamǝra kwasira yǝ tom ndǝsǝ ra, kwasira u aa nkaa aa kan mara a si ra wa.
©2023 Seed Company in collaboration with Language Developers and Bible Translators Association
2 Korantiyawa 9
9
Kwasira men ɓan bǝɗ Kaa ɓa wa
1Sem me tommon ɗaɗ nǝsǝ nyor a ɗuura tinima kwasira u ɓan bǝɗ Kaa ɓa wa ra, 2me nǝ maa kweeto wa waaso a na kwasira wan, u kansǝ nǝn nheu ma saase a siso wa a ɓet Makidoniya ɓa ni. Nǝn nkee ɓǝ me, saase ɓet Akaya ɓa, sǝ feɗ werkon tǝng a meera talǝsǝ ra wa. Nkamǝra kweeto sǝsǝ ma siso ra, tiɓǝ ɓosa kǝn, ɓǝ nii. 3Pa waso ɗǝm, nǝn timi ɓaata a saani me tom nheuwo tǝn nheusǝ a ɗuura saa a tinima ma wa, aa tom sal ra. Pa nǝn taa me sǝ kaɗ ma waro, nga ka nǝ nkeesǝsǝ a ntiiri me sǝ tom wa. 4Pa me nǝ wo ke ma ɓaata ɓan bǝɗɗa u Makidoniya ɓa wa, nǝ yauwaa me ɓǝ wo ɓǝsǝ taasǝ feɗ werko kwasira waaso wa ra. Me tom maaso, kǝnǝ kura ɗuura nwaara me ka nǝ nheu dem a ɗuura saa, pa sem niina fin mana kǝna kura ɗuura nwaara wa ra, pa nsaad ma saase. 5Pa me maaso, nǝ wǝr tommon yaɓ nǝ kǝna ɓaata ɓǝ nkaa wo, me ɓǝ kwau mbu sǝ weesǝ nkee me kǝsǝ na ɓa, me tǝ wo tǝ wǝr a han fina. U nwa ǝn siso ka weɗɗa me sǝ na ma kuɗa fin wa, sem ma kwakwato ra.
6Sǝ ɗim ma mbu ɓa, yaa yǝ rǝksǝ nkaama ngeek ya, kiyǝ ɗaɗ mbu yǝ rǝksǝ ɓa ngeek, pa yaa usu yǝ rǝksǝ nkaama kwang ya wa, kiyǝ taa mbu yǝ rǝksǝ ɓa dem. 7Hana yamni yǝ na nga yǝ sesǝ a kuɗa ira wa, sem ma tǝblǝ kuɗa wa, hana nga ɓaa tisǝ ɗaɗ me yǝ na wa ra, me Kaa yǝn yau yaa yǝn nasǝ mbuka ma kuɗa fin ya. 8Kaa ɗǝm yǝn nkaa yǝsǝ na saltǝra faɗsǝ mbu sǝn taasǝ ɓa, me hana kamni sǝ taa nsaad mbu sǝn taasǝ ɓa, hana aa faɗ usu, me sǝ tom tinima kwasira man yaɓ. 9Nga ɓaa nyorsǝ a likarkar Kaa wa me,
“Yǝn na hanhanta neme hoo.
Tom mbusa keke usu kaɗɗan pakarese.”
10Kaa ndǝ sase yǝn nasǝ an rǝko ya nkaama yǝ rǝk ya, ɗǝm yaa na mbuseya. Ɗǝm maaso, kiyǝ na nkaama, ɗǝm yǝ sookǝ nkaama ngǝsǝ ma siso wa, ɗǝm ma tom mbusa keke waango ɓa, kiyǝ ti aa sookǝ aa wiiyo, ɗǝm aa tom mbu hima ɓeta ɓa dem. 11Hana kauni kiyǝsǝ ti saltǝra a mbusa nsaad, me nfee sǝ kaɗ ɓan nawoo ɓa, ma kuɗa fin. A tommo maaso wa, ɓeta dem ɓǝkǝ na himara a Kaa ni a ɗuura kwasira sǝ naɓǝsǝ ma lau waato wa.
12Tinima kwasira sǝn tomsǝ sǝma, sem ɓan bǝɗ Kaa ɓa seɗɗe ǝn kwasi ɓǝsǝ wa ra, pa ǝn ti ɓeta ɓǝ sookǝ na himara wa a Kaa ni. 13Pa tinima saa u kwasira wa, ǝn weɗɗa na ɓongtǝra waaso wa, ɗǝm ɓaa kǝ too Kaa me sǝ weɗɗa yauwon, me sǝ kon mara kwalari u Almaseho ra wan, ɗǝm me kwasira neme hoo u sǝ tomɓǝsǝ wa, ma pepere ɓeta ya nsaad. 14Ɓosa kǝn ɓǝ kǝsǝ tom kǝnara, ɗǝm ɓǝn ɗim ma saase a kuti ɓose a ɗuura nkamǝra kwasira u Kaa yǝ tomsǝsǝ u aa nkaa aa mǝɗkǝ ra wa. 15Ndǝ hima Kaa ma nkamǝra kwasira yǝ tom ndǝsǝ ra, kwasira u aa nkaa aa kan mara a si ra wa.
©2023 Seed Company in collaboration with Language Developers and Bible Translators Association