2 Korantiyawa 8
8
Nawoo u ɓan bǝɗɗa ɓa wa
1Waso ɗǝm ɓaata ɓǝna, tǝn yau me sǝ maa mbuka a ɗuura kwasira Kaa yǝ nasǝ kwauwo ɓan bǝɗ Kaa ɓǝsǝ a put Makidoniya ɓa wa, 2pa tǝ maan me, hanaka ɓaa tiɓǝsǝ a pǝtara u ma kongsa dem ɓa wa, ɗǝm ɓǝ ɗaan a hano tiktik, pa ding siso, hur kuɗa ɓoso tiɓǝ, ɓǝ tom kwasira ɓaata dem. 3Nǝn nkeesǝ ɓongtǝra me, ɓǝ na keke ma mbu ɓǝsǝ ma siso ɓa, ɗǝm aa talǝ nhun. Ɓǝ na ma yauwo kuti ɓose wa, sem ma tommo ɗaɗ wa ra. 4Ɓǝ kǝnatǝ ɗǝɗa aa ɓaarǝ ɓaarǝ me, tǝɓǝ lee ɓǝ tǝmba ɗuura ma ɓaa ɓǝn tomsǝ tinima kwasira ɓan bǝɗ Kaa ɓa wa. 5Ɗǝm ɓǝ na aa faɗ mbu katǝn sensǝ ɓa. A ntiiri, ɓǝ na ɗuura ɓora a Ankundi ni, pa ɓǝ na ɗuura ɓora a taani, nga Kaa yǝn yausǝ wa. 6Tǝ wǝrsǝ maaso wa, pa tǝ kǝna Titus yǝ faɗ wiiyo ma tinima kwau kwasira siso ra, meka ndǝ sase yǝ ntiisǝ wa. 7A mbusa nsaad, ndǝ saase sǝ faɗsǝ aa wiiyo ɓa, hana a naɓongtǝra waaso ma lau Almaseho wa, hana a kanmǝra waaso, hana a maa ɓongtǝra waaso, hana a yau tom tinima Kaa ma waaso, ɗǝm ma yauta u sǝn tomtǝsǝ wa. Me sǝn tom maaso, tǝn yau ɗǝm me sǝ faɗ aa wiiyo aa tom tinima kwasira u nawoo neme hoo wa.
8Sem me nǝn tisǝ ɗaɗ ra, pa nǝn weɗɗasǝ kweeto ɓaata tomsǝ wa. U nwa kǝ mǝɗkǝ nkaamǝra yauta u sǝsǝ ma siso wa. 9Saase sǝ wee maa kwasira Ankundi Yeso Almaseho ran. Hanaka ndǝ sase an mbusa nsaad ya wa, ding siso, yǝ kang hanhanda men saase, me ma lau hano usu wa, saase kǝn sǝ taa mbusa nsaad a wiiyo a Kaa ni. 10Mbu kǝnǝsǝn nkee u faɗsǝ yaɓto a saani a ɗuura mara ra wa, ǝn siso me, meera talǝsǝ ra, sem saase sǝ ntiisǝ nawoo wa maɗ ɗa, pa ɗǝm ndǝ saase sǝ ntiisǝ weɗɗa me tǝǝsǝn me kǝsǝ na wa. 11Yaa waso, aa lee sǝ feɗ tinima sǝma ma nkamǝra kuɗa sǝ ntiisǝ ma siso ra, sǝ tom maaso keke ma kokrokto waaso. 12Me sǝ ma kuɗa u nawoo ra wa, Kaa kiyǝ kura nebto nawoo waaso wa, me sǝ na keke ma kokrokto waaso. Kaa yǝ yauwaa me sǝ tom mbu faɗsǝ kokrokto waaso wa ra. 13Sem me nǝn taa me nǝ ti ɓaata ɓǝ taa papa ra, ɗǝm waaso ǝsǝ ti lǝnglǝnggo ra. Pa me aa ɓaa tinima sǝma keke, 14aa lee sǝɓǝ kwasi waso sǝsǝ ma ɗǝɗa tom kwasira ra wa. Saase kǝn fer sǝ sem ma mbuka ra wa, ɓosa kǝn ɓǝ ma siso, pa ɓǝsǝ kwasi kǝn. Ma lau tommo maaso wa, mbusa nsaad kǝ tom keke. 15Nga ɓaa nyorsǝ a likarkar Kaa ra wa me, “Yaa yǝ kwausǝ dem ya, tomsǝ dem ra, ɗǝm yaa yǝ kwausǝ ngeek ya, usu tomsǝ ngeek ra.”
Titus ma sik ɓisa
16Nǝ hima Kaan, yaa yǝ tisǝ Titus yǝ tom ma kuɗa u yauta kwasira saa wa ra, nga nǝsǝ ma siso a ɗuura saa wa. 17Titus yǝ yau me kiyǝ ko a saani maɗ nga tǝ kǝnasǝsǝ wa ra, pa yǝ yau me yǝ wo nga kayǝ weesǝ too a kuɗa ira wa. 18Waso tǝn timi ate ya ke ma sase, yaa yǝ tomsǝ ɗǝnda aa nkee mara kwalari ra a kwauwo ɓan bǝɗ Kaa ɓa wa nsaad. 19Sem maaso maɗ ɗa, nsaad kwauwo ɓan bǝɗ Kaa ɓa wa, ɓǝ tausǝ me yǝ siki ke ma taase a tinima kwasira u tǝn tomsǝ me aa too ɗǝnda Ankundi ra wa, ɗǝm me tǝ weɗɗa me tǝ ma kuɗa kwasira ra. 20Tǝn mon me tom yaake yǝtǝ sǝr a ɗuura ɗǝɗa tǝn tomsǝ tinima ma kwasira siso ra, u ɓaa natǝsǝ ma kuɗa hurhurto wa. 21A yauwo waato me tǝ tom mbu yǝsǝ keke ɓa, sem a wii Ankundi wa seɗɗe ra, pa a wii ɓeta wa nsaad.
22Pa nga waso tǝn tung ate yaate ke ma ɓosa, yaa tǝ pǝtasǝsǝ nfee a ɗǝta ɓolɓol wa ya, ɗǝm tǝ wǝr kweeto usun a tinimsa ɓolɓol, waso ɗǝm yǝ sookǝ kweeton, me yǝ yau ma saasen ɗuura kǝɗ. 23Sǝ ɗim me Titus ǝn sik tom tinima yaane, niina ma sase tǝn tom tinima sǝsa men saase. Ɓaata ɓǝna ɓǝsǝ ke ma sase a kwauwo ɓan bǝɗ Kaa ɓa wa, ɓǝ tungɓǝ ɓosa, tinima ɓosa ǝn wo ma too Almaseho wa. 24Me maaso, sǝ weɗɗa ɓet ɓa nkamǝra yauta saa ra. Kwauwo ɓan bǝɗ Kaa ɓǝ timiɓǝsǝ ɓa, kǝɓǝ kura mbu sǝ tomsǝ ɓa, u nwa kǝɓǝ weɗɗa me nheura tǝn tomsǝ a ɗuura saa ra, ndǝ ɓongtǝra.
©2023 Seed Company in collaboration with Language Developers and Bible Translators Association
2 Korantiyawa 8
8
Nawoo u ɓan bǝɗɗa ɓa wa
1Waso ɗǝm ɓaata ɓǝna, tǝn yau me sǝ maa mbuka a ɗuura kwasira Kaa yǝ nasǝ kwauwo ɓan bǝɗ Kaa ɓǝsǝ a put Makidoniya ɓa wa, 2pa tǝ maan me, hanaka ɓaa tiɓǝsǝ a pǝtara u ma kongsa dem ɓa wa, ɗǝm ɓǝ ɗaan a hano tiktik, pa ding siso, hur kuɗa ɓoso tiɓǝ, ɓǝ tom kwasira ɓaata dem. 3Nǝn nkeesǝ ɓongtǝra me, ɓǝ na keke ma mbu ɓǝsǝ ma siso ɓa, ɗǝm aa talǝ nhun. Ɓǝ na ma yauwo kuti ɓose wa, sem ma tommo ɗaɗ wa ra. 4Ɓǝ kǝnatǝ ɗǝɗa aa ɓaarǝ ɓaarǝ me, tǝɓǝ lee ɓǝ tǝmba ɗuura ma ɓaa ɓǝn tomsǝ tinima kwasira ɓan bǝɗ Kaa ɓa wa. 5Ɗǝm ɓǝ na aa faɗ mbu katǝn sensǝ ɓa. A ntiiri, ɓǝ na ɗuura ɓora a Ankundi ni, pa ɓǝ na ɗuura ɓora a taani, nga Kaa yǝn yausǝ wa. 6Tǝ wǝrsǝ maaso wa, pa tǝ kǝna Titus yǝ faɗ wiiyo ma tinima kwau kwasira siso ra, meka ndǝ sase yǝ ntiisǝ wa. 7A mbusa nsaad, ndǝ saase sǝ faɗsǝ aa wiiyo ɓa, hana a naɓongtǝra waaso ma lau Almaseho wa, hana a kanmǝra waaso, hana a maa ɓongtǝra waaso, hana a yau tom tinima Kaa ma waaso, ɗǝm ma yauta u sǝn tomtǝsǝ wa. Me sǝn tom maaso, tǝn yau ɗǝm me sǝ faɗ aa wiiyo aa tom tinima kwasira u nawoo neme hoo wa.
8Sem me nǝn tisǝ ɗaɗ ra, pa nǝn weɗɗasǝ kweeto ɓaata tomsǝ wa. U nwa kǝ mǝɗkǝ nkaamǝra yauta u sǝsǝ ma siso wa. 9Saase sǝ wee maa kwasira Ankundi Yeso Almaseho ran. Hanaka ndǝ sase an mbusa nsaad ya wa, ding siso, yǝ kang hanhanda men saase, me ma lau hano usu wa, saase kǝn sǝ taa mbusa nsaad a wiiyo a Kaa ni. 10Mbu kǝnǝsǝn nkee u faɗsǝ yaɓto a saani a ɗuura mara ra wa, ǝn siso me, meera talǝsǝ ra, sem saase sǝ ntiisǝ nawoo wa maɗ ɗa, pa ɗǝm ndǝ saase sǝ ntiisǝ weɗɗa me tǝǝsǝn me kǝsǝ na wa. 11Yaa waso, aa lee sǝ feɗ tinima sǝma ma nkamǝra kuɗa sǝ ntiisǝ ma siso ra, sǝ tom maaso keke ma kokrokto waaso. 12Me sǝ ma kuɗa u nawoo ra wa, Kaa kiyǝ kura nebto nawoo waaso wa, me sǝ na keke ma kokrokto waaso. Kaa yǝ yauwaa me sǝ tom mbu faɗsǝ kokrokto waaso wa ra. 13Sem me nǝn taa me nǝ ti ɓaata ɓǝ taa papa ra, ɗǝm waaso ǝsǝ ti lǝnglǝnggo ra. Pa me aa ɓaa tinima sǝma keke, 14aa lee sǝɓǝ kwasi waso sǝsǝ ma ɗǝɗa tom kwasira ra wa. Saase kǝn fer sǝ sem ma mbuka ra wa, ɓosa kǝn ɓǝ ma siso, pa ɓǝsǝ kwasi kǝn. Ma lau tommo maaso wa, mbusa nsaad kǝ tom keke. 15Nga ɓaa nyorsǝ a likarkar Kaa ra wa me, “Yaa yǝ kwausǝ dem ya, tomsǝ dem ra, ɗǝm yaa yǝ kwausǝ ngeek ya, usu tomsǝ ngeek ra.”
Titus ma sik ɓisa
16Nǝ hima Kaan, yaa yǝ tisǝ Titus yǝ tom ma kuɗa u yauta kwasira saa wa ra, nga nǝsǝ ma siso a ɗuura saa wa. 17Titus yǝ yau me kiyǝ ko a saani maɗ nga tǝ kǝnasǝsǝ wa ra, pa yǝ yau me yǝ wo nga kayǝ weesǝ too a kuɗa ira wa. 18Waso tǝn timi ate ya ke ma sase, yaa yǝ tomsǝ ɗǝnda aa nkee mara kwalari ra a kwauwo ɓan bǝɗ Kaa ɓa wa nsaad. 19Sem maaso maɗ ɗa, nsaad kwauwo ɓan bǝɗ Kaa ɓa wa, ɓǝ tausǝ me yǝ siki ke ma taase a tinima kwasira u tǝn tomsǝ me aa too ɗǝnda Ankundi ra wa, ɗǝm me tǝ weɗɗa me tǝ ma kuɗa kwasira ra. 20Tǝn mon me tom yaake yǝtǝ sǝr a ɗuura ɗǝɗa tǝn tomsǝ tinima ma kwasira siso ra, u ɓaa natǝsǝ ma kuɗa hurhurto wa. 21A yauwo waato me tǝ tom mbu yǝsǝ keke ɓa, sem a wii Ankundi wa seɗɗe ra, pa a wii ɓeta wa nsaad.
22Pa nga waso tǝn tung ate yaate ke ma ɓosa, yaa tǝ pǝtasǝsǝ nfee a ɗǝta ɓolɓol wa ya, ɗǝm tǝ wǝr kweeto usun a tinimsa ɓolɓol, waso ɗǝm yǝ sookǝ kweeton, me yǝ yau ma saasen ɗuura kǝɗ. 23Sǝ ɗim me Titus ǝn sik tom tinima yaane, niina ma sase tǝn tom tinima sǝsa men saase. Ɓaata ɓǝna ɓǝsǝ ke ma sase a kwauwo ɓan bǝɗ Kaa ɓa wa, ɓǝ tungɓǝ ɓosa, tinima ɓosa ǝn wo ma too Almaseho wa. 24Me maaso, sǝ weɗɗa ɓet ɓa nkamǝra yauta saa ra. Kwauwo ɓan bǝɗ Kaa ɓǝ timiɓǝsǝ ɓa, kǝɓǝ kura mbu sǝ tomsǝ ɓa, u nwa kǝɓǝ weɗɗa me nheura tǝn tomsǝ a ɗuura saa ra, ndǝ ɓongtǝra.
©2023 Seed Company in collaboration with Language Developers and Bible Translators Association