Maˍkuˆ 9
9
1Ga nawng na maˉ manˉ nae hkai hkaemˍ laˍ vaˍ. Ang suingˉ Hpaˍcaoˍ beu ang meungˉ hingˉ ngaˍ laˍ htiˍ hingˉ hkaoˉ veu nae ca naeˉ na ningˉ keung veu cung naeˉ changˉ htiˍ baˍ uiˍ baˍ ya myangˉ saˍ nae baoˉ vaˍ, baˍ ya siˉ laeˍ beun nae Yeˍsuˆ ha biˍ jiˍ.
Yeˍsuˆ ang to ang chit ang pa penˉ laˉ jiˉ
2Hkoˍ nuing caeˉ saˍ yao Yeˍsuˆ nawˍ Peˍtruˆ, Yaˍkok nae Yoˉhanˍ yawng na suiˍ yao miˉ kuingˍ ang mawng htaˍ veu lae jiˉ. Haeˉ mae beu, yawng tawngˍ naˍ veu Yeˍsuˆ beu ang to yangˍ hpenˍ laˉ jiˉ. 3Yang beu ang kaˍ ang tum uiˉ ang chit pa laˉ yao pawˍ lawˍ chawnˍ nae hpeuˍ laˉ jiˉ. Nuingˉ chaˍ htaˍ veu ang kaˍ ang tum cao yao muiˉ hingˉ laˉ mae baˍ cao pawnˍ taw. 4Moˉseˍ nae Eˉliˉyaˆ yaˇ yetˍ muiˍ yang tawngˍ naˍ veu awkˍ taw luiˍ yao, Yeˍsuˆ kawngˉ hkaˍ muˍ hkai lang jiˉ. 5Haeˉ mae beu, Peˍtruˆ maˇ Yeˍsuˆ veuˉ, gu nawˆ ca baoˉ vaˍ, ang maenˍ yaˇ. Gu ya changˉ sumˍ changˍ chaw naˇ. Nang saˍ laiˍ tiˍ changˍ. Moˉseˍ saˍ laiˍ tiˍ changˍ nae Eˉliˉyaˆ saˍ laiˍ tiˍ changˍ chaw naeˉ nae Yeˍsuˆ na ha biˍ jiˍ. 6Yawng na hkae did did biˍ yao, Peˍtruˆ aˉ mae hkai yaeˉ ceuˉ nae baˍ bae laeˍ nae Peˍtruˆ haeˉ mae ciˍ jiˍ. 7Haeˉ mae beu, buingˍ hkaiˍ yangˍ yawng na hpuingˍ kumˍ yao, Ningˉ maˇ ga hak naeˉ ga beu Ang yaˍ mangˍ yaˇ. Yang tangˍ na maenˍ nae naˉ voˍ nae buingˍ hkaiˍ hkaoˍ veu ang tangˍ taw luiˍ jiˍ. 8Htiˍ chitˍ nae, yawng kiˍ hu cangˉ yao Yeˍsuˆ htuˍ yaˍ naeˍ naˇ. Yawng htang veu changˉ htiˍ hu na muiˉ baˍ myangˍ. 9Miˉ kuingˍ hiˍ keung ca yao lungˍ luiˍ laeˍ beu, Yeˍsuˆ yawng na ningˉ mae ha biˍ jiˍ. Changˉ nawˍ siˉ yao baˍ teˍ laˉ laeˍ baoˉ vaˍ, nawng ya muiˉ ya myangˉ nga jiˉ ningˉ na aˍ sangˍ na muiˉ baˍ hkai biˍ jo nae ha biˍ jiˍ. 10Ta peˍ uiˉ aˍ ciˍ tangˍ hingˍ na ang cuiˍ yaˍ suiˍ nae siˉ yao taeˍ laˉ laeˍ naeˍ hingˉ ngaˍ aˉ mae na jeuˇ ha naeˉ nae yawng tawˉ yawng naˉ lang ga jiˉ. 11Nae yao, ta peˍ uiˉ aˍ Eˉliˉyaˆ nawˍ kaˉ huˍ veu lui naeˉ nae Camˉ lik ang hkiˍ saˍ laˉ uiˉ ba ceuˉ ha yao jeuˇ ha naeˉ nae naˉ jiˉ. 12Yeˍsuˆ maˇ Eˉliˉyaˆ nawˍ, Kaˉ huˍ veu lui yao hkaˉ hko laˉ hko uiˉ na ya taeng lui naeˉ nae hingˉ ngaˍ ang yaˍ yaˇ. Changˉ nawˍ tuk naeˉ hpan naeˉ na ya hkamˉ yao paek taw naeˉ nae aˉ mae yao Camˉ lik hkaoˉ veu taemˉ saˍ jeuˇ nae ha biˍ jiˍ. 13Caˇ, ga ha siˉ naeˉ yangˍ maˇ Eˉliˉyaˆ nawˍ hkeungˉ lui byaˇ. Yang beu awˍ lawng hingˉ na Camˉ lik veu taemˉ yao chiˉ jiˉ lawˉ changˉ uiˉ yang na hkaˉ ha siˉ naeˉ laˉ mae ha byaˇ nae ha biˍ jiˍ.
Deˍ yaˍ awngˉ ngangˉ biˍ jiˍ kaˍ hpaˍ yaˍ mangˍ na Yeˍsuˆ taeng pyo biˍ jiˍ
14Yeˍsuˆ nae yang ta peˍ sumˍ hu uiˉ ta peˍ uiˍ kawngˉ laˉ laeˍ yao, changˉ ang byaˍ uiˍ yawng na cung cawtˍ biˍ yao, Camˉ lik ang hkiˍ saˍ laˉ uiˉ yawng kawngˉ hteng lang yao ca naeˉ na myangˉ lae jiˉ. 15Changˉ ang muˉ uiˉ Yeˍsuˆ na myangˉ yao, tiˍ chitˍ nae manˍ hko yao Yeˍsuˆ na huinˍ yao hap yuˉ aeˉ jiˉ. 16Haeˉ mae beu, Yeˍsuˆ yawng na, Ba ceuˉ lawng na nawng ngaˍ yawng kawngˉ hteng lang yao ca ngaeˇ nae naˉ jiˉ. 17Changˉ ang muˉ hingˉ hkaoˉ veu changˉ htiˍ hu maˇ Yeˍsuˆ na ciˍ sangˍ jiˍ. Saˍ laˉ veuˉ, ga beu ang yaˍ kaˍ hpaˍ yaˍ htiˍ hu maˇ baˍ ciˍ hkiˍ nae uiˉ deˍ yaˍ awngˉ ngangˉ biˍ yao nang kawngˉ suiˍ langˉ byaˇ. 18Yang na deˍ yaˍ awngˉ ngangˉ biˍ beu cu pawk, yang na nuingˉ chaˍ htaˍ veu tiˍ heung ngangˉ yao, yang miˍ tu hkaoˉ veu hkaˍ muˍ taw lui nae miˍ tu tiˍ kaenˍ laeˍ nae ang to tiˍ kaenˍ laeˍ nae ca naeˉ nae ha biˍ jiˍ. Deˍ yaˍ niˍ mangˉ na kaˍ taw bu nae nang ta peˍ uiˍ na ha biˍ yao muiˉ yawng baˍ kaˍ taw jiˉ nae ha biˍ jiˍ. 19Yeˍsuˆ yawng na ha biˍ jiˍ. Yumˉ naeˉ saˉ naeˉ uiˉ baˍ ca nae uiˉ changˉ ceuˉ yawng ngeuˉ, ga nawng kawngˉ aˉ mae beu tiˍ hkeu ya ca naeˇ. Aˉ mae beu tiˍ hkeu ya otˆ yaˍ laˍ naeˇ. Kaˍ hpaˍ yaˍ hiˍ mangˉ na ga kawngˉ suiˍ langˉ voˍ nae ha biˍ jiˍ. 20Nae yao, yawng muiˉ kaˍ hpaˍ yaˍ hiˍ mangˉ na Yeˍsuˆ kawngˉ suiˍ laˉ jiˉ. Deˍ yaˍ hingˍ mangˉ muiˉ Yeˍsuˆ na myangˉ yao, tiˍ chitˍ nae yaˍ ke mangˉ na ang to tiˍ kaenˍ biˍ jiˍ. Yaˍ ke mangˉ muiˉ nuingˉ chaˍ htaˍ veu keukˍ yao lao nga cangˉ nae hkaˍ muˍ taw lui biˍ jiˍ. 21Yeˍsuˆ maˇ yang vangˉ na, Ang yaˍ ningˉ mae hpeuˍ jiˉ ningˉ ngaˍ aˉ mawk mangˍ ngangˍ yaˇ nae naˉ jiˉ. Haeˉ mae beu, Yang na keutˆ yaˍ beu nae yaˇ nae ha biˍ jiˍ. 22Deˍ yaˍ maˇ yang na piˉ siˉ ceuˉ nae miˍ htawˍ veu ta ta langˉ hkaoˉ veu ta ta tiˍ chitˉ tiˍ chitˍ paek awngˉ naeˉ. Caˇ, nang ang ha taw nae saˍ kyaˍ kyaˍ laˍ baoˉ vaˍ, gu na htiˍ ceuˍ ceuˍ pawngˍ lao nae ha biˍ jiˍ. 23Yeˍsuˆ mangˉ muiˉ, Ang ha taw baoˉ vaˍ, nae ang ciˍ jiˉ leˍ. Yumˉ naeˉ uiˉ ca baoˉ vaˍ, changˉ saˍ laiˍ hkaˉ hko laˉ hko ang hpeuˍ laˍ taw yaˇ nae ha biˍ jiˍ. 24Ang yaˍ mangˍ beu ang vangˉ mangˉ muiˉ, Ga ang yumˉ yaˇ. Ga beu baˍ yumˍ nae hingˉ na muiˉ pawng laˍ bao nae kaˍ haengˍ nae haoˉ yao ciˍ jiˍ. 25Changˉ ang byaˍ yang kawngˉ huinˍ laˍ naeˍ na Yeˍsuˆ myangˉ beu, deˍ yaˍ uiˍ na seungˍ maˍ jiˍ. Deˍ yaˍ laˍ pangˍ nae baˍ ciˍ hkiˍ nae mangˉ veuˉ, nang na ga aˉ mingˍ piˍ laˍ naeˍ. Yang hkaoˉ veu awkˍ taw aengˉ bao htiˍ cangˍ yang hkaoˉ veu baˍ awngˍ laˉ laeˍ jao nae ha biˍ jiˍ. 26Haeˉ mae yao deˍ yaˍ mangˍ muiˉ haoˉ yao, yaˍ ke mangˉ na tiˍ kaenˍ saˍ yao awkˍ taw aengˉ jiˉ. Yaˍ ke mangˉ siˉ jiˉ laˉ mae hpeuˍ yao changˉ ang muˉ ang byaˍ uiˍ muiˉ yaˍ ke mangˉ siˉ jaˇ nae hkai lang ga jiˉ. 27Caˇ, Yeˍsuˆ yaˍ ke mangˉ beu laˍ puˍ veu chu yao chuingˉ hta laeˍ beu yaˍ ke mangˉ muiˉ hta laˉ jiˉ. 28Yeˍsuˆ yumˉ hkaoˉ veu awngˉ peunˉ laeˍ yao, yang ta peˍ uiˍ yang na hkaoˍ naˍ jiˉ. Gu aˍ baˍ ceuˉ ha yao jeuˇ deˍ yaˍ mangˍ na baˍ kaˍ awkˍ taw naeˉ nae naˉ jiˉ. 29Yeˍsuˆ mangˉ muiˉ, Deˍ yaˍ ningˍ uiˉ na nawˍ ang caˍ cheˉ yao ang buinˉ paˉ naeˉ baˍ baoˇ vaˍ aˉ mae ha yao muiˉ baˍ kaˍ awkˍ taw nae ha biˍ jiˍ.
Yeˍsuˆ yang ya siˉ naeˉ lawng na htiˍ cangˍ upˍ laeˍ biˍ jiˍ
30Yawng hiˉ keung veu ca yao, Gaˍliˉlaeˉ ang meungˉ na hpaiˍ yao lae jiˉ. Yeˍsuˆ maˇ htiˍ hu na muiˉ baˍ biˍ bae siˉ. 31Aˉ mae yao nae baoˉ vaˍ, Changˉ nawˍ changˉ uiˉ beu laˍ puˍ hkaoˍ veu ap naeˉ na ya hkamˉ naeˉ. Yawng saeˍ naeˍ na ya hkamˉ naeˉ. Siˉ yao sumˍ nuing hkeu beu yaˇ teˍ laˉ laeˍ naeˍ nae Yeˍsuˆ nawˍ ta peˍ uiˍ na seungˍ maˍ biˍ jiˍ. 32Ta peˍ uiˉ aˍ hingˉ ciˍ tangˍ na baˍ naˍ bae nae yao muiˉ Yeˍsuˆ na baˍ naˍ caw nae ca jiˉ.
Hao htaˍ chae nae huiˍ naeˍ maˇ aˉ mangˇ
33Hingˉ nawngˍ veu, yawng Kaˍpeˍneˍongˍ vengˍ veu hkeu aeˉ jiˉ. Yumˉ hkaoˉ veu Yeˍsuˆ ca beu, Yeˍsuˆ ta peˍ uiˍ na, Nawng ngaˍ kaˉ ba veu ba ceuˉ lawng na hteng lang yao naˉ lang ngaeˇ nae naˉ jiˉ. 34Hta yao muiˉ, yawng ngaˍ kyapˆ nae ca jiˉ. Kaˉ ba yawˍ beu, Aˍ sangˍ jeuˇ hao htaˍ chae nae huiˍ sutˆ nae maˇ nae hteng lang jiˉ. 35Haeˉ mae beu, Yeˍsuˆ duingˉ yao, ta peˍ htiˍ cheˍ nyiˍ hu uiˉ na haoˉ yao, Aˍ sangˍ na baˍ upˍ hao htaˍ che nae huiˍ siˍ naeˉ maˇ hkaˉ hko laˉ hko uiˉ hkaoˉ veu hao htaˍ che nae iˉ naeˉ changˉ uiˉ ya hpeuˍ yao, hkaˉ hko laˉ hko uiˉ beu yaˍ cenˍ ya hpeuˍ naeˍ yaˇ. 36Yeˍsuˆ yaˍ ke htiˍ hu mangˉ na haoˉ yao, yawng kawngˉ nuingˉ veu piˉ cung jiˉ. Yeˍsuˆ yang na am nga laeˍ yao, yang yawng na ha biˍ jiˍ. 37Yaˍ ke ningˉ mangˉ laˉ mae changˉ htiˍ hu hu ga beu ang maengˉ na hap yuˉ jiˉ mangˉ ngaˍ ga na ang hap laˍ yaˇ. Ga na hap yuˉ laˍ naeˍ maˇ ga na baˍ aˍ nae ga na sa luiˍ laˍ jiˍ yumˉ suingˉ mangˉ na muiˉ ang hap yuˉ yaˇ nae ha biˍ jiˍ.
Lanˍ suˍ kaˍ seu baˍ ca nae uiˉ changˉ Gu ca naeˉ kaˉ seu ca naeˉ
38Yoˉhanˍ Yeˍsuˆ na ha biˍ jiˍ. Saˍ laˉ veuˉ, nang beu ang maengˉ veu nae deˍ yaˍ uiˍ na kaˍ taw naeˉ na gu myangˉ saˍ byaˇ. Yaˇ gu kawngˉ htuˍ yaˍ laˉ mae baˍ hkeˍ laˍ nae yao yang na ningˉ mae baˍ ha jo nae tap saiˍ nae ha biˍ jiˍ. 39Yeˍsuˆ ha biˍ jiˍ. Yang na baˍ tap biˍ jo. Ga ang maengˉ na cuˉ yao laˍ htiˍ manˍ kyaˍ ang ceuˉ vaˍ naeˍ uiˉ changˉ aˉ mangˉ na baˍ upˍ ga na baˍ maenˍ nae htiˍ chitˍ nae ciˍ htamˉ laˍ yao baˍ kaˍ. 40Lanˍ suˍ kaˍ seu baˍ vaˍ nae uiˉ changˉ ngaˍ gu kaˉ seu ca naeˉ changˉ uiˉ yaˇ nae ha biˍ jiˍ. 41Ga nawng na maˉ manˉ nae hkai hkaemˍ laˍ vaˍ. Hkrit beu ang maengˉ na chaˍ lang naeˉ pa nae yao, aˍ sangˍ na baˍ upˍ nawng na langˉ tiˍ hkvak piˉ tangˉ laˍ baoˉ vaˍ, yang beu ang buinˉ hingˉ ngaˍ baˍ pyo nae ha biˍ jiˍ.
Yeˍsuˆ saˍ tiˍ piˍ jiˍ
42Ga na yumˉ yao ca naeˉ yaˍ ke htiˍ hu na piˉ si naeˉ changˉ aˉ mangˉ na baˍ upˍ yang beu nuingˉ chuiˍ hiˍ keung law ba ang huiˍ paenˍ na laeˍ yao chaˍ maeˍ langˍ ba veu ka awngˉ aeˉ laeˍ baoˉ vaˍ, yang saˍ laiˍ ya caeˉ yaˇ maenˍ naeˍ. 43Nang beu laˍ puˍ hingˍ nang na vaˍ si laeˍ biˍ laˍ baoˉ vaˍ, laˍ puˍ hingˍ na tawnˍ chae laeo. Laˍ puˍ nyiˍ pakˍ ca la nae yao miˍ htawˍ baˍ suˍ hkiˍ nae moˍ naˉ hokˍ hingˉ keung kla laeˍ naeˍ hingˉ nae laˍ puˍ htiˍ puˍ nae ang sak teˍ yaˍ naeˍ ningˉ ngaˍ nang saˍ laiˍ ya caeˉ yaˇ maenˍ naeˍ. 44Hingˉ keung veu aˍ ang ba baˍ siˍ hki, miˍ htawˍ muiˍ baˍ suˍ hkiˍ.#9:44 Camˉ lik htiˍ baˍ baˍ uiˍ beu, camˉ chak ningˉ ngaˍ baˍ ca. 45Nang beu laˍ hkuiˍ hingˍ nang na piˉ si laˍ baoˉ vaˍ, laˍ hkuiˍ hingˍ na tawnˍ chae laeo. Laˍ hkuiˍ nyiˍ hkuiˍ nae moˍ naˉ hokˍ veu ya kla laeˍ naeˍ ningˉ nae laˍ hkuiˍ htiˍ hkuiˍ nae a sak teˍ yaˍ naeˍ ningˉ nang saˍ laiˍ ya caeˉ maenˍ naeˍ. 46Hingˉ keung veu aˍ ang ba baˍ siˍ hki, miˍ htawˍ muiˍ baˍ suˍ hkiˍ.#9:46 Camˉ lik htiˍ baˍ baˍ uiˍ beu, camˉ chak ningˉ ngaˍ baˍ ca. 47Nang beu mi nuing hingˉ nang na piˉ si laˍ baoˉ vaˍ, nang beu mi nuing hingˉ hkongˍ taw laeo. Mi nuing nyiˍ suiˍ ca la nae moˍ naˉ hokˍ veu ya kaˍ laeˍ naeˍ hingˉ muiˉ mi nuing htiˍ suiˍ nae Ang suingˉ Hpaˍcaoˍ beu ang meungˉ hkaoˉ veu ya awngˉ lae naeˉ hingˉ ngaˍ ya caeˉ maenˍ naeˍ. 48Hingˉ keung veu aˍ ang ba baˍ siˍ hki, miˍ htawˍ muiˍ baˍ suˍ hkiˍ. 49Aˉ mae yao nae baoˉ vaˍ, chaˍ maeˍ yuˉ yao tanˍ seuˍ hingˍ na pyak biˍ naeˍ laˍ mae, miˍ htawˍ pyak biˍ naeˍ na changˉ hkaˉ hko laˉ hko ya hkamˉ buˉ naeˉ. 50Chaˍ maeˍ nawˍ ang maenˍ yaˇ. Hta yao muiˉ, chaˍ maeˍ nawˍ yang beu hkaˍ naeˍ hingˉ keuˉ hko baoˉ vaˍ, aˉ mae piˉ hkaˍ laˉ laeˍ taw naeˇ. Nawng ngaˍ hkaˍ tawng beu ang to hkaoˉ veu chaˍ maeˍ laˍ mae ca biˍ yao htiˍ hu nae htiˍ hu yaˍ lang tuingˉ lang nae ca voˍ nae ha biˍ jiˍ.
© 2022, Wycliffe Bible Translators, Inc.
Maˍkuˆ 9
9
1Ga nawng na maˉ manˉ nae hkai hkaemˍ laˍ vaˍ. Ang suingˉ Hpaˍcaoˍ beu ang meungˉ hingˉ ngaˍ laˍ htiˍ hingˉ hkaoˉ veu nae ca naeˉ na ningˉ keung veu cung naeˉ changˉ htiˍ baˍ uiˍ baˍ ya myangˉ saˍ nae baoˉ vaˍ, baˍ ya siˉ laeˍ beun nae Yeˍsuˆ ha biˍ jiˍ.
Yeˍsuˆ ang to ang chit ang pa penˉ laˉ jiˉ
2Hkoˍ nuing caeˉ saˍ yao Yeˍsuˆ nawˍ Peˍtruˆ, Yaˍkok nae Yoˉhanˍ yawng na suiˍ yao miˉ kuingˍ ang mawng htaˍ veu lae jiˉ. Haeˉ mae beu, yawng tawngˍ naˍ veu Yeˍsuˆ beu ang to yangˍ hpenˍ laˉ jiˉ. 3Yang beu ang kaˍ ang tum uiˉ ang chit pa laˉ yao pawˍ lawˍ chawnˍ nae hpeuˍ laˉ jiˉ. Nuingˉ chaˍ htaˍ veu ang kaˍ ang tum cao yao muiˉ hingˉ laˉ mae baˍ cao pawnˍ taw. 4Moˉseˍ nae Eˉliˉyaˆ yaˇ yetˍ muiˍ yang tawngˍ naˍ veu awkˍ taw luiˍ yao, Yeˍsuˆ kawngˉ hkaˍ muˍ hkai lang jiˉ. 5Haeˉ mae beu, Peˍtruˆ maˇ Yeˍsuˆ veuˉ, gu nawˆ ca baoˉ vaˍ, ang maenˍ yaˇ. Gu ya changˉ sumˍ changˍ chaw naˇ. Nang saˍ laiˍ tiˍ changˍ. Moˉseˍ saˍ laiˍ tiˍ changˍ nae Eˉliˉyaˆ saˍ laiˍ tiˍ changˍ chaw naeˉ nae Yeˍsuˆ na ha biˍ jiˍ. 6Yawng na hkae did did biˍ yao, Peˍtruˆ aˉ mae hkai yaeˉ ceuˉ nae baˍ bae laeˍ nae Peˍtruˆ haeˉ mae ciˍ jiˍ. 7Haeˉ mae beu, buingˍ hkaiˍ yangˍ yawng na hpuingˍ kumˍ yao, Ningˉ maˇ ga hak naeˉ ga beu Ang yaˍ mangˍ yaˇ. Yang tangˍ na maenˍ nae naˉ voˍ nae buingˍ hkaiˍ hkaoˍ veu ang tangˍ taw luiˍ jiˍ. 8Htiˍ chitˍ nae, yawng kiˍ hu cangˉ yao Yeˍsuˆ htuˍ yaˍ naeˍ naˇ. Yawng htang veu changˉ htiˍ hu na muiˉ baˍ myangˍ. 9Miˉ kuingˍ hiˍ keung ca yao lungˍ luiˍ laeˍ beu, Yeˍsuˆ yawng na ningˉ mae ha biˍ jiˍ. Changˉ nawˍ siˉ yao baˍ teˍ laˉ laeˍ baoˉ vaˍ, nawng ya muiˉ ya myangˉ nga jiˉ ningˉ na aˍ sangˍ na muiˉ baˍ hkai biˍ jo nae ha biˍ jiˍ. 10Ta peˍ uiˉ aˍ ciˍ tangˍ hingˍ na ang cuiˍ yaˍ suiˍ nae siˉ yao taeˍ laˉ laeˍ naeˍ hingˉ ngaˍ aˉ mae na jeuˇ ha naeˉ nae yawng tawˉ yawng naˉ lang ga jiˉ. 11Nae yao, ta peˍ uiˉ aˍ Eˉliˉyaˆ nawˍ kaˉ huˍ veu lui naeˉ nae Camˉ lik ang hkiˍ saˍ laˉ uiˉ ba ceuˉ ha yao jeuˇ ha naeˉ nae naˉ jiˉ. 12Yeˍsuˆ maˇ Eˉliˉyaˆ nawˍ, Kaˉ huˍ veu lui yao hkaˉ hko laˉ hko uiˉ na ya taeng lui naeˉ nae hingˉ ngaˍ ang yaˍ yaˇ. Changˉ nawˍ tuk naeˉ hpan naeˉ na ya hkamˉ yao paek taw naeˉ nae aˉ mae yao Camˉ lik hkaoˉ veu taemˉ saˍ jeuˇ nae ha biˍ jiˍ. 13Caˇ, ga ha siˉ naeˉ yangˍ maˇ Eˉliˉyaˆ nawˍ hkeungˉ lui byaˇ. Yang beu awˍ lawng hingˉ na Camˉ lik veu taemˉ yao chiˉ jiˉ lawˉ changˉ uiˉ yang na hkaˉ ha siˉ naeˉ laˉ mae ha byaˇ nae ha biˍ jiˍ.
Deˍ yaˍ awngˉ ngangˉ biˍ jiˍ kaˍ hpaˍ yaˍ mangˍ na Yeˍsuˆ taeng pyo biˍ jiˍ
14Yeˍsuˆ nae yang ta peˍ sumˍ hu uiˉ ta peˍ uiˍ kawngˉ laˉ laeˍ yao, changˉ ang byaˍ uiˍ yawng na cung cawtˍ biˍ yao, Camˉ lik ang hkiˍ saˍ laˉ uiˉ yawng kawngˉ hteng lang yao ca naeˉ na myangˉ lae jiˉ. 15Changˉ ang muˉ uiˉ Yeˍsuˆ na myangˉ yao, tiˍ chitˍ nae manˍ hko yao Yeˍsuˆ na huinˍ yao hap yuˉ aeˉ jiˉ. 16Haeˉ mae beu, Yeˍsuˆ yawng na, Ba ceuˉ lawng na nawng ngaˍ yawng kawngˉ hteng lang yao ca ngaeˇ nae naˉ jiˉ. 17Changˉ ang muˉ hingˉ hkaoˉ veu changˉ htiˍ hu maˇ Yeˍsuˆ na ciˍ sangˍ jiˍ. Saˍ laˉ veuˉ, ga beu ang yaˍ kaˍ hpaˍ yaˍ htiˍ hu maˇ baˍ ciˍ hkiˍ nae uiˉ deˍ yaˍ awngˉ ngangˉ biˍ yao nang kawngˉ suiˍ langˉ byaˇ. 18Yang na deˍ yaˍ awngˉ ngangˉ biˍ beu cu pawk, yang na nuingˉ chaˍ htaˍ veu tiˍ heung ngangˉ yao, yang miˍ tu hkaoˉ veu hkaˍ muˍ taw lui nae miˍ tu tiˍ kaenˍ laeˍ nae ang to tiˍ kaenˍ laeˍ nae ca naeˉ nae ha biˍ jiˍ. Deˍ yaˍ niˍ mangˉ na kaˍ taw bu nae nang ta peˍ uiˍ na ha biˍ yao muiˉ yawng baˍ kaˍ taw jiˉ nae ha biˍ jiˍ. 19Yeˍsuˆ yawng na ha biˍ jiˍ. Yumˉ naeˉ saˉ naeˉ uiˉ baˍ ca nae uiˉ changˉ ceuˉ yawng ngeuˉ, ga nawng kawngˉ aˉ mae beu tiˍ hkeu ya ca naeˇ. Aˉ mae beu tiˍ hkeu ya otˆ yaˍ laˍ naeˇ. Kaˍ hpaˍ yaˍ hiˍ mangˉ na ga kawngˉ suiˍ langˉ voˍ nae ha biˍ jiˍ. 20Nae yao, yawng muiˉ kaˍ hpaˍ yaˍ hiˍ mangˉ na Yeˍsuˆ kawngˉ suiˍ laˉ jiˉ. Deˍ yaˍ hingˍ mangˉ muiˉ Yeˍsuˆ na myangˉ yao, tiˍ chitˍ nae yaˍ ke mangˉ na ang to tiˍ kaenˍ biˍ jiˍ. Yaˍ ke mangˉ muiˉ nuingˉ chaˍ htaˍ veu keukˍ yao lao nga cangˉ nae hkaˍ muˍ taw lui biˍ jiˍ. 21Yeˍsuˆ maˇ yang vangˉ na, Ang yaˍ ningˉ mae hpeuˍ jiˉ ningˉ ngaˍ aˉ mawk mangˍ ngangˍ yaˇ nae naˉ jiˉ. Haeˉ mae beu, Yang na keutˆ yaˍ beu nae yaˇ nae ha biˍ jiˍ. 22Deˍ yaˍ maˇ yang na piˉ siˉ ceuˉ nae miˍ htawˍ veu ta ta langˉ hkaoˉ veu ta ta tiˍ chitˉ tiˍ chitˍ paek awngˉ naeˉ. Caˇ, nang ang ha taw nae saˍ kyaˍ kyaˍ laˍ baoˉ vaˍ, gu na htiˍ ceuˍ ceuˍ pawngˍ lao nae ha biˍ jiˍ. 23Yeˍsuˆ mangˉ muiˉ, Ang ha taw baoˉ vaˍ, nae ang ciˍ jiˉ leˍ. Yumˉ naeˉ uiˉ ca baoˉ vaˍ, changˉ saˍ laiˍ hkaˉ hko laˉ hko ang hpeuˍ laˍ taw yaˇ nae ha biˍ jiˍ. 24Ang yaˍ mangˍ beu ang vangˉ mangˉ muiˉ, Ga ang yumˉ yaˇ. Ga beu baˍ yumˍ nae hingˉ na muiˉ pawng laˍ bao nae kaˍ haengˍ nae haoˉ yao ciˍ jiˍ. 25Changˉ ang byaˍ yang kawngˉ huinˍ laˍ naeˍ na Yeˍsuˆ myangˉ beu, deˍ yaˍ uiˍ na seungˍ maˍ jiˍ. Deˍ yaˍ laˍ pangˍ nae baˍ ciˍ hkiˍ nae mangˉ veuˉ, nang na ga aˉ mingˍ piˍ laˍ naeˍ. Yang hkaoˉ veu awkˍ taw aengˉ bao htiˍ cangˍ yang hkaoˉ veu baˍ awngˍ laˉ laeˍ jao nae ha biˍ jiˍ. 26Haeˉ mae yao deˍ yaˍ mangˍ muiˉ haoˉ yao, yaˍ ke mangˉ na tiˍ kaenˍ saˍ yao awkˍ taw aengˉ jiˉ. Yaˍ ke mangˉ siˉ jiˉ laˉ mae hpeuˍ yao changˉ ang muˉ ang byaˍ uiˍ muiˉ yaˍ ke mangˉ siˉ jaˇ nae hkai lang ga jiˉ. 27Caˇ, Yeˍsuˆ yaˍ ke mangˉ beu laˍ puˍ veu chu yao chuingˉ hta laeˍ beu yaˍ ke mangˉ muiˉ hta laˉ jiˉ. 28Yeˍsuˆ yumˉ hkaoˉ veu awngˉ peunˉ laeˍ yao, yang ta peˍ uiˍ yang na hkaoˍ naˍ jiˉ. Gu aˍ baˍ ceuˉ ha yao jeuˇ deˍ yaˍ mangˍ na baˍ kaˍ awkˍ taw naeˉ nae naˉ jiˉ. 29Yeˍsuˆ mangˉ muiˉ, Deˍ yaˍ ningˍ uiˉ na nawˍ ang caˍ cheˉ yao ang buinˉ paˉ naeˉ baˍ baoˇ vaˍ aˉ mae ha yao muiˉ baˍ kaˍ awkˍ taw nae ha biˍ jiˍ.
Yeˍsuˆ yang ya siˉ naeˉ lawng na htiˍ cangˍ upˍ laeˍ biˍ jiˍ
30Yawng hiˉ keung veu ca yao, Gaˍliˉlaeˉ ang meungˉ na hpaiˍ yao lae jiˉ. Yeˍsuˆ maˇ htiˍ hu na muiˉ baˍ biˍ bae siˉ. 31Aˉ mae yao nae baoˉ vaˍ, Changˉ nawˍ changˉ uiˉ beu laˍ puˍ hkaoˍ veu ap naeˉ na ya hkamˉ naeˉ. Yawng saeˍ naeˍ na ya hkamˉ naeˉ. Siˉ yao sumˍ nuing hkeu beu yaˇ teˍ laˉ laeˍ naeˍ nae Yeˍsuˆ nawˍ ta peˍ uiˍ na seungˍ maˍ biˍ jiˍ. 32Ta peˍ uiˉ aˍ hingˉ ciˍ tangˍ na baˍ naˍ bae nae yao muiˉ Yeˍsuˆ na baˍ naˍ caw nae ca jiˉ.
Hao htaˍ chae nae huiˍ naeˍ maˇ aˉ mangˇ
33Hingˉ nawngˍ veu, yawng Kaˍpeˍneˍongˍ vengˍ veu hkeu aeˉ jiˉ. Yumˉ hkaoˉ veu Yeˍsuˆ ca beu, Yeˍsuˆ ta peˍ uiˍ na, Nawng ngaˍ kaˉ ba veu ba ceuˉ lawng na hteng lang yao naˉ lang ngaeˇ nae naˉ jiˉ. 34Hta yao muiˉ, yawng ngaˍ kyapˆ nae ca jiˉ. Kaˉ ba yawˍ beu, Aˍ sangˍ jeuˇ hao htaˍ chae nae huiˍ sutˆ nae maˇ nae hteng lang jiˉ. 35Haeˉ mae beu, Yeˍsuˆ duingˉ yao, ta peˍ htiˍ cheˍ nyiˍ hu uiˉ na haoˉ yao, Aˍ sangˍ na baˍ upˍ hao htaˍ che nae huiˍ siˍ naeˉ maˇ hkaˉ hko laˉ hko uiˉ hkaoˉ veu hao htaˍ che nae iˉ naeˉ changˉ uiˉ ya hpeuˍ yao, hkaˉ hko laˉ hko uiˉ beu yaˍ cenˍ ya hpeuˍ naeˍ yaˇ. 36Yeˍsuˆ yaˍ ke htiˍ hu mangˉ na haoˉ yao, yawng kawngˉ nuingˉ veu piˉ cung jiˉ. Yeˍsuˆ yang na am nga laeˍ yao, yang yawng na ha biˍ jiˍ. 37Yaˍ ke ningˉ mangˉ laˉ mae changˉ htiˍ hu hu ga beu ang maengˉ na hap yuˉ jiˉ mangˉ ngaˍ ga na ang hap laˍ yaˇ. Ga na hap yuˉ laˍ naeˍ maˇ ga na baˍ aˍ nae ga na sa luiˍ laˍ jiˍ yumˉ suingˉ mangˉ na muiˉ ang hap yuˉ yaˇ nae ha biˍ jiˍ.
Lanˍ suˍ kaˍ seu baˍ ca nae uiˉ changˉ Gu ca naeˉ kaˉ seu ca naeˉ
38Yoˉhanˍ Yeˍsuˆ na ha biˍ jiˍ. Saˍ laˉ veuˉ, nang beu ang maengˉ veu nae deˍ yaˍ uiˍ na kaˍ taw naeˉ na gu myangˉ saˍ byaˇ. Yaˇ gu kawngˉ htuˍ yaˍ laˉ mae baˍ hkeˍ laˍ nae yao yang na ningˉ mae baˍ ha jo nae tap saiˍ nae ha biˍ jiˍ. 39Yeˍsuˆ ha biˍ jiˍ. Yang na baˍ tap biˍ jo. Ga ang maengˉ na cuˉ yao laˍ htiˍ manˍ kyaˍ ang ceuˉ vaˍ naeˍ uiˉ changˉ aˉ mangˉ na baˍ upˍ ga na baˍ maenˍ nae htiˍ chitˍ nae ciˍ htamˉ laˍ yao baˍ kaˍ. 40Lanˍ suˍ kaˍ seu baˍ vaˍ nae uiˉ changˉ ngaˍ gu kaˉ seu ca naeˉ changˉ uiˉ yaˇ nae ha biˍ jiˍ. 41Ga nawng na maˉ manˉ nae hkai hkaemˍ laˍ vaˍ. Hkrit beu ang maengˉ na chaˍ lang naeˉ pa nae yao, aˍ sangˍ na baˍ upˍ nawng na langˉ tiˍ hkvak piˉ tangˉ laˍ baoˉ vaˍ, yang beu ang buinˉ hingˉ ngaˍ baˍ pyo nae ha biˍ jiˍ.
Yeˍsuˆ saˍ tiˍ piˍ jiˍ
42Ga na yumˉ yao ca naeˉ yaˍ ke htiˍ hu na piˉ si naeˉ changˉ aˉ mangˉ na baˍ upˍ yang beu nuingˉ chuiˍ hiˍ keung law ba ang huiˍ paenˍ na laeˍ yao chaˍ maeˍ langˍ ba veu ka awngˉ aeˉ laeˍ baoˉ vaˍ, yang saˍ laiˍ ya caeˉ yaˇ maenˍ naeˍ. 43Nang beu laˍ puˍ hingˍ nang na vaˍ si laeˍ biˍ laˍ baoˉ vaˍ, laˍ puˍ hingˍ na tawnˍ chae laeo. Laˍ puˍ nyiˍ pakˍ ca la nae yao miˍ htawˍ baˍ suˍ hkiˍ nae moˍ naˉ hokˍ hingˉ keung kla laeˍ naeˍ hingˉ nae laˍ puˍ htiˍ puˍ nae ang sak teˍ yaˍ naeˍ ningˉ ngaˍ nang saˍ laiˍ ya caeˉ yaˇ maenˍ naeˍ. 44Hingˉ keung veu aˍ ang ba baˍ siˍ hki, miˍ htawˍ muiˍ baˍ suˍ hkiˍ.#9:44 Camˉ lik htiˍ baˍ baˍ uiˍ beu, camˉ chak ningˉ ngaˍ baˍ ca. 45Nang beu laˍ hkuiˍ hingˍ nang na piˉ si laˍ baoˉ vaˍ, laˍ hkuiˍ hingˍ na tawnˍ chae laeo. Laˍ hkuiˍ nyiˍ hkuiˍ nae moˍ naˉ hokˍ veu ya kla laeˍ naeˍ ningˉ nae laˍ hkuiˍ htiˍ hkuiˍ nae a sak teˍ yaˍ naeˍ ningˉ nang saˍ laiˍ ya caeˉ maenˍ naeˍ. 46Hingˉ keung veu aˍ ang ba baˍ siˍ hki, miˍ htawˍ muiˍ baˍ suˍ hkiˍ.#9:46 Camˉ lik htiˍ baˍ baˍ uiˍ beu, camˉ chak ningˉ ngaˍ baˍ ca. 47Nang beu mi nuing hingˉ nang na piˉ si laˍ baoˉ vaˍ, nang beu mi nuing hingˉ hkongˍ taw laeo. Mi nuing nyiˍ suiˍ ca la nae moˍ naˉ hokˍ veu ya kaˍ laeˍ naeˍ hingˉ muiˉ mi nuing htiˍ suiˍ nae Ang suingˉ Hpaˍcaoˍ beu ang meungˉ hkaoˉ veu ya awngˉ lae naeˉ hingˉ ngaˍ ya caeˉ maenˍ naeˍ. 48Hingˉ keung veu aˍ ang ba baˍ siˍ hki, miˍ htawˍ muiˍ baˍ suˍ hkiˍ. 49Aˉ mae yao nae baoˉ vaˍ, chaˍ maeˍ yuˉ yao tanˍ seuˍ hingˍ na pyak biˍ naeˍ laˍ mae, miˍ htawˍ pyak biˍ naeˍ na changˉ hkaˉ hko laˉ hko ya hkamˉ buˉ naeˉ. 50Chaˍ maeˍ nawˍ ang maenˍ yaˇ. Hta yao muiˉ, chaˍ maeˍ nawˍ yang beu hkaˍ naeˍ hingˉ keuˉ hko baoˉ vaˍ, aˉ mae piˉ hkaˍ laˉ laeˍ taw naeˇ. Nawng ngaˍ hkaˍ tawng beu ang to hkaoˉ veu chaˍ maeˍ laˍ mae ca biˍ yao htiˍ hu nae htiˍ hu yaˍ lang tuingˉ lang nae ca voˍ nae ha biˍ jiˍ.
© 2022, Wycliffe Bible Translators, Inc.