Maˍkuˆ 8
8
Changˉ hanˍ hingˍ hu na ang caˍ piˉ yaˍ jiˍ
1Haeˉ mae beu, changˉ ang muˉ ang byaˍ uiˍ chawnˉ hko laˉ laeˍ yao, yawng beu caˍ keungˍ caˍ seuˍ baˍ ca. Yeˍsuˆ maˇ yang ta peˍ uiˍ na ha biˍ jiˍ. 2Changˉ ang muˉ ningˉ uiˉ na ga saˍ kyaˍ ang kyaˍ yaˇ. Yawng ga kawngˉ ca naeˉ ningˉ ngaˍ sumˍ nuing hkeu byaˇ. Ang caˍ caˍ seuˍ htiˍ ceuˍ baˍ ca. 3Yawng hkaoˉ veu changˉ htiˍ baˍ uiˉ aˍ kaˉ ba ang veuˍ veu ca yao lui jiˉ. Hingˉ pa nae yawng na htiˍ ceuˍ baˍ piˍ ya nae piˉ lae laeˍ baoˉ vaˍ, kaˉ ba veu hpeuˍ meutˍ hko naˇ nae ha biˍ jiˍ. 4Yeˍsuˆ beu, ta peˍ uiˍ muiˉ changˍ kawngˍ ang kui ningˉ keung changˉ ang byaˍ ningˍ uiˉ na aˍ sangˍ hkaoˍ munˉ yuˉ yao yawng na kawˉ nae piˉ yaˍ taw naeˇ nae ha biˍ jiˍ. 5Yeˍsuˆ mangˉ muiˉ nawng beu hkaoˍ munˉ aˉ lawˍ suiˍ ca yaeˉ nae naˉ jiˉ. Yawng muiˉ hkaoˍ munˉ cetˍ suiˍ ang ca yaˇ nae ha biˍ jiˍ. 6Haeˉ mae beu, Yeˍsuˆ changˉ ang muˉ uiˉ na duingˉ hko voˍ nae ha biˍ jiˍ. Caˇ, hkaoˍ munˉ cetˍ suiˍ hingˍ na yuˉ yao ang buinˉ na chiˍ mawng laeˍ jiˍ. Hkaoˍ munˉ yangˍ hpaetˍ yao ta peˍ uiˍ na piˍ jiˍ. Ta peˍ uiˍ muiˉ changˉ uiˉ na peungˍ biˍ jiˍ. 7Yawng hkaoˉ veu nuingˍ taeˍ iˉ yaˍ ang ca nae yao nuingˍ taeˍ hingˍ uiˉ saˍ laiˍ ang buinˉ na chiˍ mawng laeˍ yao changˉ ang muˉ uiˉ na peungˍ biˍ jiˍ. 8Changˉ uiˉ muiˉ caˍ yao kawˉ hko jiˉ. Caˍ peunˍ yao ang canˉ ang hpaetˍ ang kvak uiˉ kaw chawnˉ laeˍ beu cetˍ bungˍ kaw ya laeˍ jiˍ. 9Hiˉ keung changˉ han hingˍ hu laˉ mawk ca jiˉ. Haeˉ mae yao Yeˍsuˆ changˉ uiˉ na piˉ aeˉ laeˍ jiˍ. 10Hingˉ nawngˍ veu, ta peˍ uiˍ kawngˉ nae htuˍ yaˍ laˉ mae heuˍ htaˍ veu ta aeˉ laeˍ yao, Daˍlaˍmaˍnuˆdaˆ ang meungˉ veu hkeu aeˉ laeˍ jiˍ.
Hpaˍriˆsaeˉ changˉ uiˉ naˍ mek laek hkaˍ naˍ na paˉ jiˉ
11Haeˉ mae beu, Hpaˍriˆsaeˉ changˉ uiˉ awkˍ taw luiˍ yao Yeˍsuˆ kawngˉ hteng lang beu yang na camˍ siˍ yao buingˍ htaˍ veu naˍ mek laek hkaˍ naˍ uiˍ paˉ jiˉ. 12Yeˍsuˆ maˇ nuing ba hkaoˉ veu ang saˍ kangˉ ba nae, A muiˉ a sak teˍ yaˍ yao ca naeˉ changˉ ningˉ uiˉ aˍ baˍ ceuˉ ha yao naˍ mek laek hkaˍ naˍ na paˉ laˍ naeˇ. Changˉ ceuˉ ningˉ uiˉ na aˉ mae uiˉ naˍ mek laek hkaˍ naˍ muiˍ ga baˍ piˍ hu laˍ nae ha biˍ jiˍ. 13Yawng na chiˉ saˍ yao htiˍ cangˍ heuˍ ta yao, lang awng htiˍ pakˍ kaˍ seu hpaiˍ lae laeˍ jiˍ.
Hpaˍriˆsaeˉ nae Heˍrot uiˉ beu awˍ lawng
14Ta peˍ uiˍ hkaoˍ munˉ yangˍ lumˉ yaˍ saˍ yao, heuˍ htaˍ veu yawng beu hkaoˍ munˉ htiˍ suiˍ nae naˇ ca jiˉ. 15Yeˍsuˆ yawng na ha biˍ jiˍ. Hpaˍriˆsaeˉ yawng beu tanˍ chiˍ hingˍ nae Heˍrot beu tangˍ chiˍ#8:15 Iˉsaˍreˍlaˆ meungˉ veu tanˍ chiˍ na hkaoˍ munˉ taeng beu naeˍ naˇ caiˍ yaˍ naeˍ. hingˍ na saˍ tiˍ ca yao cheˉ voˍ nae ha biˍ jiˍ. 16Ta peˍ uiˉ aˍ gu beu hkaoˍ munˉ baˍ ca nae yao ningˉ mae ciˍ naeˍ nae htiˍ hu nae htiˍ hu hkai lang ga jiˉ. 17Haeˉ mae beu, Yeˍsuˆ yawng na ciˍ sangˍ jiˍ. Nawng hkaoˍ munˉ baˍ hanˍ nae lawng hingˉ na ba ceuˉ ha yao hkai lang gangˉ ngaeˇ. Nawng baˍ naˍ baeˉ suing laˍ. Nawng ngaˍ nuing ba kaenˍ hka yao cangˉ suing ngaeˉ laˍ. 18Nawng ngaˍ mi nuing ang ca nae baˍ myangˍ la. Laˍ suingˍ ang ca nae baˍ kyaˍ laˍ. Nawng baˍ cuiˍ yaˍ laˉ laˍ. 19Hkaoˍ munˉ ngaˍ suiˍ nae changˉ ngaˍ hingˍ hu saˍ laiˍ ga hpaetˍ yao piˉ yaˍ beu hkaoˍ munˉ ang canˉ aˉ lawˍ bungˍ chawnˉ ya laeˍ yaeˇ nae naˉ jiˉ. Yawng muiˉ, Htiˍ cheˍ nyiˍ bungˍ nae ha biˍ jiˍ. 20Hkaoˍ munˉ cetˍ suiˍ hingˍ changˉ hanˍ hingˍ hu saˍ laiˍ ga hpaetˍ yao piˉ yaˍ beu hkaoˍ munˉ ang canˉ aˉ lawˍ bungˍ nae naˉ yao yawng muiˉ cetˍ bungˍ nae ha biˍ jiˍ. 21Htiˍ cangˍ Yeˍsuˆ maˇ nawng ngaˍ baˍ naˍ baeˉ suing laˍ nae ha laeˍ biˍ jiˍ.
Baetˆzaiˉdaˆ vengˍ veu mae paw mangˉ na taeng pyo biˍ jiˍ
22Hingˉ nawngˍ veu yawng Baetˆzaiˉdaˆ vengˍ veu hkeu lae jiˉ. Changˉ htiˍ baˍ uiˍ muiˉ mae paw mangˉ na suiˍ yao, Yeˍsuˆ ca naeˉ hingˉ keung suiˍ luingˉ yao, yang na vaˍ bu nae Yeˍsuˆ na paˉ jiˉ. 23Yeˍsuˆ mae paw mangˉ beu laˍ puˍ veu chu yao, vengˍ ang ngiˉ veu suiˍ taw aengˉ jiˉ. Mae paw mangˉ beu mi nuing veu Yeˍsuˆ hkanˍ hpitˍ na biˍ yao, yang htaˍ veu laˍ puˍ boeˉ yao htiˍ ceuˍ laˉ ceuˉ na myangˉ nga yaˉ laˍ nae naˉ jiˉ. 24Changˉ hingˉ mangˉ hu yao, Ga changˉ uiˉ na myangˉ yaeˉ yaˇ. Yawng ngaˍ suing cuingˉ pangˉ na tuˉ laˉ nae kaˉ ba yaw ngaeˉ jiˉ nae ha biˍ jiˍ. 25Htiˍ cangˍ yang mi nuing htaˍ veu laˍ puˍ boeˉ laeˍ biˍ yao yang beu mi nuing yangˍ hkaˉ hko laˉ hko uiˉ na ang anˉ lawˉ myangˉ maenˍ maenˍ laˉ laeˍ jiˍ. 26Haeˉ mae beu, Yeˍsuˆ maˇ hkawngˍ ningˍ keung baˍ awngˍ aeˉ laeˍ jo. Htiˍ hu na muiˉ baˍ hkai biˍ jo nae ha biˍ yao, yang yumˉ veu piˉ aeˉ laeˍ jiˍ.
Yeˍsuˆ awˍ lawng na Peˍtruˆ saˉ hkiˉ hkamˉ jiˉ
27Yeˍsuˆ nae yang ta peˍ uiˍ Hpiˆliˉhpiˆ Kaeˉsaˍriˆ vengˍ hkaoˍ veu ca naeˉ hkawngˍ htiˍ baˍ uiˍ beu aeˉ jiˉ. Kaˉ ba veu aeˉ beu Yeˍsuˆ yang ta peˍ uiˍ na naˉ jiˉ. Changˉ uiˉ aˍ Ga na aˍ sangˍ mangˉ nae ha lang gangˉ ngaeˉ nae naˉ jiˉ. 28Ta peˍ uiˍ muiˉ Changˉ htiˍ baˍ nawˍ nang na baˆtiˆsamˍ saˍ laˉ Yoˉhanˍ mangˍ nae ha lang gangˉ ngaeˉ nae ha biˍ jiˍ. Caˇ, htiˍ baˍ uiˉ aˍ Eˉliˉyaˆ nae ha lang yao htiˍ baˍ uiˉ aˍ muiˉ pa rawˉ hpaet hkaoˉ veu htiˍ hu hu mangˉ yaˇ nae ha lang ga ngaeˉ nae ha biˍ jiˍ. 29Yeˍsuˆ mangˉ muiˉ, Nawng ngaˍ Ga na aˍ sangˍ mangˉ nae kuitˆ langˍ ngaeˇ nae naˉ yao, Peˍtruˆ maˇ Naˇ Hkrit#8:29 Ningˉ ngaˍ Haeˍbraeˉ tangˍ Meˍsiˉyaˆ nae ha siˉ naeˉ. mangˉ yaˇ nae ha biˍ jiˍ. 30Haeˉ mae yao Yeˍsuˆ nawˍ ningˉ lawng ningˉ changˉ uiˉ na baˍ hkai biˍ jo nae yawng na saˍ tiˍ piˍ jiˍ.
Yeˍsuˆ yang ya siˉ naeˉ lawng na hkai biˍ jiˍ.
31Haeˉ mae beu, Yeˍsuˆ maˇ, Changˉ nawˍ tuk naeˉ hpan naeˉ na ya hkamˉ naeˉ. Awn hoˉ yaˍ mangˍ uiˍ, yit pa rawˉ hek ang huiˍ uiˍ nae Camˉ lik ang hkiˍ saˍ laˉ uiˉ cheˉ taw sawnˉ taw naeˉ na ya hkamˉ yao saeˍ naeˍ na ya hkamˉ naeˉ. Siˉ yao sumˍ nuing hkeungˉ beu taeˍ laˉ laeˍ naeˍ nae ta peˍ uiˍ na ha biˍ jiˍ. 32Yeˍsuˆ hingˉ lawng na hkai hkaemˍ hkaemˍ nga biˍ yao, Peˍtruˆ maˇ Yeˍsuˆ na yang htang veu haoˉ htaeˉ langˉ yao naˍ hokˍ chiˉ yao ciˍ jiˍ. 33Yeˍsuˆ maˇ yang ta peˍ uiˍ ca naeˉ kaˉ seu hpap aeˉ laeˍ beu Peˍtruˆ na seungˍ maˍ yao, Saˍtanˍ kawngˉ lui jiˉ hkamˍ kuit uiˉ na baˍ kuitˍ jo nae ha biˍ jiˍ. Nang hkamˍ kuit ningˉ ngaˍ Ang suingˉ Hpaˍcaoˍ kawngˉ nae lui jiˉ uiˉ baˍ aˍ. Changˉ uiˉ hkamˍ kuit veu naeˍ yaˇ lui jiˉ nae Peˍtruˆ na seungˍ maˍ jiˍ.
Hkaˍ tawng beu laˍ kang hingˉ paˍ vo
34Yeˍsuˆ changˉ ang muˉ uiˉ na nae yang nawngˍ veu hkeˍ naeˍ uiˉ na haoˉ chawnˉ yao ha biˍ jiˍ. Changˉ htiˍ hu hu ga nawngˍ veu hkeˍ naeˍ uiˉ changˉ hpeuˍ siˍ baoˉ vaˍ, yang beu a loˍ hingˍ na chiˉ saˍ yao hkaˍ tawng beu laˍ kang hingˉ na paˍ yao a sak hkamˉ siˉ beu tiˍ hkeu ga kawngˉ laˉ voˍ. 35Changˉ aˉ mangˉ na baˍ upˍ hkaˍ tawng a sak hingˉ na piˉ caeˉ taw naeˉ uiˉ saˍ laiˍ kuitˆ baoˉ vaˍ, a sak ya sumˍ naeˍ. Ga beu mawnˍ pyawˉ naeˉ uiˉ ang buingˉ tangˍ kanˉ saˍ laiˍ yang a sak hingˉ na piˉ sumˍ baoˉ vaˍ, yang a sak hingˉ na htaiˍ awkˍ naeˍ. 36Changˉ nawˍ nuingˉ chaˍ lawˉ kaˆ ningˉ na ya yao muiˉ yang beu ang hkawˍ laˉ hingˉ sumˍ yaˍ laeˍ baoˉ vaˍ, ba ceuˇ ang buinˉ ca naeˇ. 37Changˉ nawˍ ba ceuˉ hingˉ piˍ yao yang ang hkawˍ laˉ mangˉ na cheˉ yuˉ laeˍ taw naeˇ. 38Ningˉ coe veu suˉ yaˍ linˉ yaˍ naeˍ uiˉ puing kawˉ jiˉ ningˉ hkaoˉ veu aˍ sangˍ na baˍ upˍ ga na nae ga ciˍ tangˍ ningˍ na saˍ caw baoˉ vaˍ, Changˉ hingˍ mangˉ buingˍ htaˍ naiˍ htangˍ ang seungˍ sangˉ uiˉ kawngˉ a vangˉ Hpaˍcaoˍ beu mun hpungˉ hingˉ hanˉ yao lui laeˍ beu, yaˇ ya saˍ caw naeˉ nae ha biˍ jiˍ.
© 2022, Wycliffe Bible Translators, Inc.
Maˍkuˆ 8
8
Changˉ hanˍ hingˍ hu na ang caˍ piˉ yaˍ jiˍ
1Haeˉ mae beu, changˉ ang muˉ ang byaˍ uiˍ chawnˉ hko laˉ laeˍ yao, yawng beu caˍ keungˍ caˍ seuˍ baˍ ca. Yeˍsuˆ maˇ yang ta peˍ uiˍ na ha biˍ jiˍ. 2Changˉ ang muˉ ningˉ uiˉ na ga saˍ kyaˍ ang kyaˍ yaˇ. Yawng ga kawngˉ ca naeˉ ningˉ ngaˍ sumˍ nuing hkeu byaˇ. Ang caˍ caˍ seuˍ htiˍ ceuˍ baˍ ca. 3Yawng hkaoˉ veu changˉ htiˍ baˍ uiˉ aˍ kaˉ ba ang veuˍ veu ca yao lui jiˉ. Hingˉ pa nae yawng na htiˍ ceuˍ baˍ piˍ ya nae piˉ lae laeˍ baoˉ vaˍ, kaˉ ba veu hpeuˍ meutˍ hko naˇ nae ha biˍ jiˍ. 4Yeˍsuˆ beu, ta peˍ uiˍ muiˉ changˍ kawngˍ ang kui ningˉ keung changˉ ang byaˍ ningˍ uiˉ na aˍ sangˍ hkaoˍ munˉ yuˉ yao yawng na kawˉ nae piˉ yaˍ taw naeˇ nae ha biˍ jiˍ. 5Yeˍsuˆ mangˉ muiˉ nawng beu hkaoˍ munˉ aˉ lawˍ suiˍ ca yaeˉ nae naˉ jiˉ. Yawng muiˉ hkaoˍ munˉ cetˍ suiˍ ang ca yaˇ nae ha biˍ jiˍ. 6Haeˉ mae beu, Yeˍsuˆ changˉ ang muˉ uiˉ na duingˉ hko voˍ nae ha biˍ jiˍ. Caˇ, hkaoˍ munˉ cetˍ suiˍ hingˍ na yuˉ yao ang buinˉ na chiˍ mawng laeˍ jiˍ. Hkaoˍ munˉ yangˍ hpaetˍ yao ta peˍ uiˍ na piˍ jiˍ. Ta peˍ uiˍ muiˉ changˉ uiˉ na peungˍ biˍ jiˍ. 7Yawng hkaoˉ veu nuingˍ taeˍ iˉ yaˍ ang ca nae yao nuingˍ taeˍ hingˍ uiˉ saˍ laiˍ ang buinˉ na chiˍ mawng laeˍ yao changˉ ang muˉ uiˉ na peungˍ biˍ jiˍ. 8Changˉ uiˉ muiˉ caˍ yao kawˉ hko jiˉ. Caˍ peunˍ yao ang canˉ ang hpaetˍ ang kvak uiˉ kaw chawnˉ laeˍ beu cetˍ bungˍ kaw ya laeˍ jiˍ. 9Hiˉ keung changˉ han hingˍ hu laˉ mawk ca jiˉ. Haeˉ mae yao Yeˍsuˆ changˉ uiˉ na piˉ aeˉ laeˍ jiˍ. 10Hingˉ nawngˍ veu, ta peˍ uiˍ kawngˉ nae htuˍ yaˍ laˉ mae heuˍ htaˍ veu ta aeˉ laeˍ yao, Daˍlaˍmaˍnuˆdaˆ ang meungˉ veu hkeu aeˉ laeˍ jiˍ.
Hpaˍriˆsaeˉ changˉ uiˉ naˍ mek laek hkaˍ naˍ na paˉ jiˉ
11Haeˉ mae beu, Hpaˍriˆsaeˉ changˉ uiˉ awkˍ taw luiˍ yao Yeˍsuˆ kawngˉ hteng lang beu yang na camˍ siˍ yao buingˍ htaˍ veu naˍ mek laek hkaˍ naˍ uiˍ paˉ jiˉ. 12Yeˍsuˆ maˇ nuing ba hkaoˉ veu ang saˍ kangˉ ba nae, A muiˉ a sak teˍ yaˍ yao ca naeˉ changˉ ningˉ uiˉ aˍ baˍ ceuˉ ha yao naˍ mek laek hkaˍ naˍ na paˉ laˍ naeˇ. Changˉ ceuˉ ningˉ uiˉ na aˉ mae uiˉ naˍ mek laek hkaˍ naˍ muiˍ ga baˍ piˍ hu laˍ nae ha biˍ jiˍ. 13Yawng na chiˉ saˍ yao htiˍ cangˍ heuˍ ta yao, lang awng htiˍ pakˍ kaˍ seu hpaiˍ lae laeˍ jiˍ.
Hpaˍriˆsaeˉ nae Heˍrot uiˉ beu awˍ lawng
14Ta peˍ uiˍ hkaoˍ munˉ yangˍ lumˉ yaˍ saˍ yao, heuˍ htaˍ veu yawng beu hkaoˍ munˉ htiˍ suiˍ nae naˇ ca jiˉ. 15Yeˍsuˆ yawng na ha biˍ jiˍ. Hpaˍriˆsaeˉ yawng beu tanˍ chiˍ hingˍ nae Heˍrot beu tangˍ chiˍ#8:15 Iˉsaˍreˍlaˆ meungˉ veu tanˍ chiˍ na hkaoˍ munˉ taeng beu naeˍ naˇ caiˍ yaˍ naeˍ. hingˍ na saˍ tiˍ ca yao cheˉ voˍ nae ha biˍ jiˍ. 16Ta peˍ uiˉ aˍ gu beu hkaoˍ munˉ baˍ ca nae yao ningˉ mae ciˍ naeˍ nae htiˍ hu nae htiˍ hu hkai lang ga jiˉ. 17Haeˉ mae beu, Yeˍsuˆ yawng na ciˍ sangˍ jiˍ. Nawng hkaoˍ munˉ baˍ hanˍ nae lawng hingˉ na ba ceuˉ ha yao hkai lang gangˉ ngaeˇ. Nawng baˍ naˍ baeˉ suing laˍ. Nawng ngaˍ nuing ba kaenˍ hka yao cangˉ suing ngaeˉ laˍ. 18Nawng ngaˍ mi nuing ang ca nae baˍ myangˍ la. Laˍ suingˍ ang ca nae baˍ kyaˍ laˍ. Nawng baˍ cuiˍ yaˍ laˉ laˍ. 19Hkaoˍ munˉ ngaˍ suiˍ nae changˉ ngaˍ hingˍ hu saˍ laiˍ ga hpaetˍ yao piˉ yaˍ beu hkaoˍ munˉ ang canˉ aˉ lawˍ bungˍ chawnˉ ya laeˍ yaeˇ nae naˉ jiˉ. Yawng muiˉ, Htiˍ cheˍ nyiˍ bungˍ nae ha biˍ jiˍ. 20Hkaoˍ munˉ cetˍ suiˍ hingˍ changˉ hanˍ hingˍ hu saˍ laiˍ ga hpaetˍ yao piˉ yaˍ beu hkaoˍ munˉ ang canˉ aˉ lawˍ bungˍ nae naˉ yao yawng muiˉ cetˍ bungˍ nae ha biˍ jiˍ. 21Htiˍ cangˍ Yeˍsuˆ maˇ nawng ngaˍ baˍ naˍ baeˉ suing laˍ nae ha laeˍ biˍ jiˍ.
Baetˆzaiˉdaˆ vengˍ veu mae paw mangˉ na taeng pyo biˍ jiˍ
22Hingˉ nawngˍ veu yawng Baetˆzaiˉdaˆ vengˍ veu hkeu lae jiˉ. Changˉ htiˍ baˍ uiˍ muiˉ mae paw mangˉ na suiˍ yao, Yeˍsuˆ ca naeˉ hingˉ keung suiˍ luingˉ yao, yang na vaˍ bu nae Yeˍsuˆ na paˉ jiˉ. 23Yeˍsuˆ mae paw mangˉ beu laˍ puˍ veu chu yao, vengˍ ang ngiˉ veu suiˍ taw aengˉ jiˉ. Mae paw mangˉ beu mi nuing veu Yeˍsuˆ hkanˍ hpitˍ na biˍ yao, yang htaˍ veu laˍ puˍ boeˉ yao htiˍ ceuˍ laˉ ceuˉ na myangˉ nga yaˉ laˍ nae naˉ jiˉ. 24Changˉ hingˉ mangˉ hu yao, Ga changˉ uiˉ na myangˉ yaeˉ yaˇ. Yawng ngaˍ suing cuingˉ pangˉ na tuˉ laˉ nae kaˉ ba yaw ngaeˉ jiˉ nae ha biˍ jiˍ. 25Htiˍ cangˍ yang mi nuing htaˍ veu laˍ puˍ boeˉ laeˍ biˍ yao yang beu mi nuing yangˍ hkaˉ hko laˉ hko uiˉ na ang anˉ lawˉ myangˉ maenˍ maenˍ laˉ laeˍ jiˍ. 26Haeˉ mae beu, Yeˍsuˆ maˇ hkawngˍ ningˍ keung baˍ awngˍ aeˉ laeˍ jo. Htiˍ hu na muiˉ baˍ hkai biˍ jo nae ha biˍ yao, yang yumˉ veu piˉ aeˉ laeˍ jiˍ.
Yeˍsuˆ awˍ lawng na Peˍtruˆ saˉ hkiˉ hkamˉ jiˉ
27Yeˍsuˆ nae yang ta peˍ uiˍ Hpiˆliˉhpiˆ Kaeˉsaˍriˆ vengˍ hkaoˍ veu ca naeˉ hkawngˍ htiˍ baˍ uiˍ beu aeˉ jiˉ. Kaˉ ba veu aeˉ beu Yeˍsuˆ yang ta peˍ uiˍ na naˉ jiˉ. Changˉ uiˉ aˍ Ga na aˍ sangˍ mangˉ nae ha lang gangˉ ngaeˉ nae naˉ jiˉ. 28Ta peˍ uiˍ muiˉ Changˉ htiˍ baˍ nawˍ nang na baˆtiˆsamˍ saˍ laˉ Yoˉhanˍ mangˍ nae ha lang gangˉ ngaeˉ nae ha biˍ jiˍ. Caˇ, htiˍ baˍ uiˉ aˍ Eˉliˉyaˆ nae ha lang yao htiˍ baˍ uiˉ aˍ muiˉ pa rawˉ hpaet hkaoˉ veu htiˍ hu hu mangˉ yaˇ nae ha lang ga ngaeˉ nae ha biˍ jiˍ. 29Yeˍsuˆ mangˉ muiˉ, Nawng ngaˍ Ga na aˍ sangˍ mangˉ nae kuitˆ langˍ ngaeˇ nae naˉ yao, Peˍtruˆ maˇ Naˇ Hkrit#8:29 Ningˉ ngaˍ Haeˍbraeˉ tangˍ Meˍsiˉyaˆ nae ha siˉ naeˉ. mangˉ yaˇ nae ha biˍ jiˍ. 30Haeˉ mae yao Yeˍsuˆ nawˍ ningˉ lawng ningˉ changˉ uiˉ na baˍ hkai biˍ jo nae yawng na saˍ tiˍ piˍ jiˍ.
Yeˍsuˆ yang ya siˉ naeˉ lawng na hkai biˍ jiˍ.
31Haeˉ mae beu, Yeˍsuˆ maˇ, Changˉ nawˍ tuk naeˉ hpan naeˉ na ya hkamˉ naeˉ. Awn hoˉ yaˍ mangˍ uiˍ, yit pa rawˉ hek ang huiˍ uiˍ nae Camˉ lik ang hkiˍ saˍ laˉ uiˉ cheˉ taw sawnˉ taw naeˉ na ya hkamˉ yao saeˍ naeˍ na ya hkamˉ naeˉ. Siˉ yao sumˍ nuing hkeungˉ beu taeˍ laˉ laeˍ naeˍ nae ta peˍ uiˍ na ha biˍ jiˍ. 32Yeˍsuˆ hingˉ lawng na hkai hkaemˍ hkaemˍ nga biˍ yao, Peˍtruˆ maˇ Yeˍsuˆ na yang htang veu haoˉ htaeˉ langˉ yao naˍ hokˍ chiˉ yao ciˍ jiˍ. 33Yeˍsuˆ maˇ yang ta peˍ uiˍ ca naeˉ kaˉ seu hpap aeˉ laeˍ beu Peˍtruˆ na seungˍ maˍ yao, Saˍtanˍ kawngˉ lui jiˉ hkamˍ kuit uiˉ na baˍ kuitˍ jo nae ha biˍ jiˍ. Nang hkamˍ kuit ningˉ ngaˍ Ang suingˉ Hpaˍcaoˍ kawngˉ nae lui jiˉ uiˉ baˍ aˍ. Changˉ uiˉ hkamˍ kuit veu naeˍ yaˇ lui jiˉ nae Peˍtruˆ na seungˍ maˍ jiˍ.
Hkaˍ tawng beu laˍ kang hingˉ paˍ vo
34Yeˍsuˆ changˉ ang muˉ uiˉ na nae yang nawngˍ veu hkeˍ naeˍ uiˉ na haoˉ chawnˉ yao ha biˍ jiˍ. Changˉ htiˍ hu hu ga nawngˍ veu hkeˍ naeˍ uiˉ changˉ hpeuˍ siˍ baoˉ vaˍ, yang beu a loˍ hingˍ na chiˉ saˍ yao hkaˍ tawng beu laˍ kang hingˉ na paˍ yao a sak hkamˉ siˉ beu tiˍ hkeu ga kawngˉ laˉ voˍ. 35Changˉ aˉ mangˉ na baˍ upˍ hkaˍ tawng a sak hingˉ na piˉ caeˉ taw naeˉ uiˉ saˍ laiˍ kuitˆ baoˉ vaˍ, a sak ya sumˍ naeˍ. Ga beu mawnˍ pyawˉ naeˉ uiˉ ang buingˉ tangˍ kanˉ saˍ laiˍ yang a sak hingˉ na piˉ sumˍ baoˉ vaˍ, yang a sak hingˉ na htaiˍ awkˍ naeˍ. 36Changˉ nawˍ nuingˉ chaˍ lawˉ kaˆ ningˉ na ya yao muiˉ yang beu ang hkawˍ laˉ hingˉ sumˍ yaˍ laeˍ baoˉ vaˍ, ba ceuˇ ang buinˉ ca naeˇ. 37Changˉ nawˍ ba ceuˉ hingˉ piˍ yao yang ang hkawˍ laˉ mangˉ na cheˉ yuˉ laeˍ taw naeˇ. 38Ningˉ coe veu suˉ yaˍ linˉ yaˍ naeˍ uiˉ puing kawˉ jiˉ ningˉ hkaoˉ veu aˍ sangˍ na baˍ upˍ ga na nae ga ciˍ tangˍ ningˍ na saˍ caw baoˉ vaˍ, Changˉ hingˍ mangˉ buingˍ htaˍ naiˍ htangˍ ang seungˍ sangˉ uiˉ kawngˉ a vangˉ Hpaˍcaoˍ beu mun hpungˉ hingˉ hanˉ yao lui laeˍ beu, yaˇ ya saˍ caw naeˉ nae ha biˍ jiˍ.
© 2022, Wycliffe Bible Translators, Inc.