ግብረ ሐዋርያት 23
23
ምዕራፍ 23
ዘከመ ነገረ ጳውሎስ ለሕዝብ
1 #
24፥16። ወነጺሮ ጳውሎስ ዐውደ ይቤሎሙ አንሰኬ ኦ አኀውየ በኵሉ ትምህርት ሠናይ ተፀመድክዎ ለእግዚአብሔር እስከ ዛቲ ዕለት። 2ወአዘዘ ሊቀ ካህናት ሐናንያ ይጽፍዕዎ አፉሁ ለጳውሎስ። 3ወይቤሎ ጳውሎስ ሀሎ እግዚአብሔር ይጸፍዐከ በመቅሠፍተ መዓቱ ኦ ነኪር ዘትመስል አረፍተ ግብስስተ አንተሰ ነበርከ ትኰንነኒ በሕጉሂ ወዘእንበለ ሕጉሂ ወናሁ ትኤዝዝ ይዝብጡኒ።
በእንተ እለ ገሠጽዎ ለጳውሎስ
4ወይቤልዎ ለጳውሎስ እለ ይቀውሙ በእፎ ትጼእል ሊቀ ካህናቲሁ ለእግዚአብሔር። 5#ዘፀ. 22፥28። ወይቤሎሙ ጳውሎስ ኢያመርኩ አኀውየ ለእመ ሊቀ ካህናት ውእቱ ወይብል መጽሐፍ ኢታሕሥም ዲበ መኰንነ ሕዝብከ።
በእንተ ሰዱቃውያን
6 #
26፥5። ወርእዮ ጳውሎስ ከመ አሐዱ ገጽ ሰዱቃውያን ወመንፈቆሙ ፈሪሳውያን ከልሐ በውስተ ዐውድ ወይቤ አንሰ ፈሪሳዊ ወልደ ፈሪሳዊ አነ በእንተ ተስፋ ሕይወተ ሙታን እትኴነን። 7ወሶበ ከመዝ ይብል ተበአሱ ፈሪሳውያን ወሰዱቃውያን ወተናፈቁ ሕዝብ። 8#ማቴ. 22፥23። እስመ ሰዱቃውያን ይብሉ ኢየሐይዉ ሙታን ወአልቦ መልአክ ወኢመንፈስ ቅዱስ ወፈሪሳውያንሰ የአምኑ ከመ ቦ ዝንቱ ኵሉ። 9#25፥25፤ 5፥39። ወኮነ ዐቢይ አውያት ወተንሥኡ ጸሐፍት ወፈሪሳውያን ወአኀዙ ይትአበሱ ወይትላኰዩ ወይቤሉ አልቦ ዘረከብነ እኩየ ላዕለ ዝ ብእሲ እንዳዒ ለእመ መንፈስ ቅዱስ ተናገሮ አው መልአክ ወኢንትበአስ ምስለ እግዚአብሔር#ቦ ዘኢይጽሕፍ «ወኢንትበዐስ ምስለ እግዚአብሔር» ። 10ወሶበ ተሀውኩ ፈድፋደ ፈርሀ መልአክ ኢይምሥጥዎ ለጳውሎስ ወአዘዘ ሠገራተ ይምጽኡ ወይንሥእዎ እማእከሎሙ ወይሰድዎ ኀበ ምኵናን። 11#18፥9፤ 19፥21። ወበካልእት ሌሊት አስተርአዮ እግዚእነ ለጳውሎስ ወይቤሎ ተአመን በከመ ኮንከኒ ሰማዕትየ በኢየሩሳሌም ከማሁ ሀለወከ ትኩነኒ ሰማዕትየ በሮሜሂ።
በእንተ እለ ተማሐሉ
12ወጸቢሖ ተጋብኡ አይሁድ ወተማሐሉ ወተሰካተዩ ወሐረሙ ኅብስተ ወማየ ወይቤሉ ኢንብላዕ ወኢንስተይ እስከ ንቀትሎ ለጳውሎስ። 13ወእለሰ ከመዝ ተማሐሉ ይበዝኁ እምአርብዓ ብእሲ። 14እሙንቱሰ ሖሩ ኀበ ሊቃነ ካህናት ወረበናት ወይቤልዎሙ ናሁኬ ተማሐልነ ወተሰካተይነ ከመ ኢንብላዕ ወኢንስተይ እስከ ንቅትሎ ለጳውሎስ። 15ወይእዜኒ ሑሩ ኀበ መልአክ ወበልዎ ከመ ያምጽኦ ለጳውሎስ ኀቤክሙ ከመ ዘተሐትትዎ ወትጤይቅዎ ወንሕነሰ ጥቡዓን ንሕነ ንቅትሎ ዘእንበለ ይብጻሕ ኀቤክሙ።
በእንተ ወልደ እኅቱ ለጳውሎስ
16ወሰሚዖ ወልደ እኅቱ ለጳውሎስ ምክሮሙ ሖረ ወቦአ ቤተ ሞቅሕ ወነገሮ ለጳውሎስ። 17ወጸውዖ ጳውሎስ ለሐቢ ወይቤሎ አብጽሖ ሊተ ኀበ መልአክ ለዝ ወልድ እስመ ቦ ነገር ዘይነግሮ። 18ወነሥኦ ሐቢ ለወልድ ወወሰዶ ኀበ መልአክ ወይቤሎ ጳውሎስ ሙቁሕ አስተብቍዐኒ አብጽሖ ኀቤከ ለዝ ወልድ እስመ ቦ ዘይነግረከ። 19ወአኀዞ መልአክ ለወልድ በእዴሁ ወአግኀሦ በባሕቲቱ ወይቤሎ ምንትኑ ነገሩ ዘታየድዐኒ። 20ወይቤሎ ከመዝ ተማከሩ አይሁድ ያስተብቍዑከ ታምጽኦ ጌሠመ ለጳውሎስ ውስተ ዐውድ ከመ ትሕትቶ ወትጠይቆ። 21አንተኬ ኦሆ ኢትበሎሙ እስመ ይጸንሑ ይቅትልዎ ወይበዝኁ እምአርብዓ ዕደው እለ ከመዝ ተማሐሉ ኢይብልዑ ወኢይስተዩ እስከ ይቀትልዎ ወይእዜኒ ጥቡዓን እሙንቱ ዳእሙ እስከ ትልእክ ሎሙ ይጸንሕዎ። 22ወእምዝ ፈነዎ መልአክ ለውእቱ ወልድ ወይቤሎ ከመ ኢይንግር ወኢለመኑሂ እምዘነገሮ።
ዘከመ አዘዘ መልአክ
23ወጸውዐ ክልኤተ እምወዓልያኒሁ ወይቤሎሙ ንሥኡ ክልኤተ ምእተ ብእሴ እምውስተ ሐራ ወሰብዓ ሰብአ አፍራስ ወክልኤተ ምእተ#ቦ ዘይቤ «ወሰማንያ ሰብአ ቀስት» ሰብአ ቀስት ወይሑሩ ቂሳርያ ጊዜ ሠለስቱ ሰዓተ ሌሊት። 24ወአዘዞሙ ወይቤሎሙ ከመ ይንሥኡ አድገኒ ወያጽዕንዎ ለጳውሎስ ወያብጽሕዎ ኀበ ፊልክስ መልአከ ቂሳርያ ወገብሩ ከማሁ።
በእንተ መጽሐፍ ዘፈነዎ መልአክ
25ወጸሐፈ ሎቱ መጽሐፈ እንተ ትብል። 26እምቀላውዴዎስ ሉስዮስ ለጽኑዕ መኰንን ፊልክስ ሰላም ለከ። 27#21፥33፤ 22፥25። ለዝአ ብእሲአ አኀዝዎአ አይሁድአ ወፈቀዱአ ይቅትልዎአ ወቆምኩአ ሎቱአ ምስለአ ወዓልየአ ወአድኀንክዎአ አእሚርየአ ከመ ሰብአ ሮሜአ ውእቱአ። 28#22፥30። ወፈቂድየ አእምር ጌጋዮ አቅረብክዎ ውስተ ዐውድ ወሐተትኩ ከመ በእንተ ምንት ያስተዋድይዎ። 29#18፥14። ወኢረከብኩ ሎቱ ጌጋየ ወአእሚርየ ከመ በከ ያስተዋድይዎ በእንተ ሕገጊሆሙ ወአልቦ ባዕድ ጌጋይ በዘይመውት ወበዘይትሞቃሕ። 30#24፥8። ወሶበ ጠየቁ ኀለይኩ ዘይገብሩ አይሁድ ዲበ ዝ ብእሲ በጸኒሕ ፈነውክዎ ኀቤከ ፍጡነ ወአዘዝክዎሙ ለመስተዋድያንሂ ይምጽኡ ኀቤከ ወይትኳነንዎ በቅድሜከ ዳኅነ ሀሉ። 31ወገብሩ ሐራ በከመ አዘዞሙ ወነሥእዎ ለጳውሎስ በሌሊት ወአብጽሕዎ አንቲጳጥሪስ። 32ወበሳኒታ ተመይጡ ውስተ አህጉረ አድያም ወአውዐሉ አፍራሲሆሙ። 33ወእምዝ ቦኡ እሉ ቂሳርያ ወበጽሑ ኀበ መኰንን ወመጠውዎ መጽሐፈ መልእክት ለመኰንን ወአቅረብዎ ለጳውሎስ ኀቤሁ። 34ወአንቢቦ ሐተቶ ዘእምኵናነ መኑ ውእቱ ወአእሚሮ ከመ ዘሀገረ ቂልቅያ ውእቱ። 35ይቤ እንከሰ በጺሖሙ መስተዋድያን ንሰምዐከሙ ወአዘዘ ይዕቀብዎ ኀበ ምኵናነ ሄሮድስ።
