Kula ɗa Njeka̰ykulaje 17
17
Pɔl aw ɓebo gə Tesaloniki gə Bere
1Te 1; 2.1-16
1Go-e gə ɗaa ꞌnday-je gə ɗəw gə Aməpipolis, gə Apoloni ngaɓa ꞌce-je ne Tesaloniki gə kəy nendo lə Jiibije to kəne. 2Ɗaa Pɔl andə kəne to to gə aw andə ne kede-kede le, asə ndɔ kuwa kɔrje munda ja n-pa tar gə Jiibije ɔji dɔ mbede lə Luba, 3be ɓa Pɔl ɔr gəl-e ngaɓa tɔji to gə Kirisi a ko ꞌməsərə ngaɓa a ndol horo nje d-uy gə. N-təl n-pa na: Jeju gə m-aw m-pa tar lə-a m-ar-si nee le, ꞌne ja n-to Kirisi. 4Tar le oso ur Jiibije gə kɛm ar d-um naa gə gə Pɔl je gə Silas ngaɓa dəwje gə ꞌgərə Luba ang bula gə to nje ɓəəl Lubaje, gə jeneje bula gə to jene nembaje nəm tɔ. 5Ngaa Jiibije gə nje ɗa mə-je, d-aw d-odo gayim dəwje ta nada d-um-je dɔ-je gə ꞌmbo̰ ne bula bo dəwje dɔ naa gə ngaɓa d-ar bangə ɓar ne mə ɓebo gə wu-wu. Cibi d-ɔdə d-aw kəy lə Jaso̰ d-aw ꞌsangə Pɔl je gə Silas mba tuwa-je ɗe gə je no dəw mə ɓeje gə. 6Ngaa logə d-aw ɗaa d-inga-je ang, be ɓa ꞌndɔr-je Jaso̰ je gə ngan ko̰ naaje gə kɛm ꞌɗe gə je no nje gangə tarje gə d-uru ne ꞌkuwi dɔ-je gə na: Dəwje gə d-ar nee ja ꞌturu kəji lə dəwje gə ɓe-ɓe ngaɓa ɓogəne ꞌce ɓe lə-si nee, 7ɗaa Jaso̰ ja uwa-aje mba ꞌjejee nee tɔ̰y ja ꞌsula dəwje ꞌtila ne kəm toronduje lə Sejar cibi ꞌpa d-ar dəwje na mbay gə ɗangə gə ri-a na Jeju ga̰ kəne əng ɓi. 8Tar gə nee le turu kəji lə bula dəwje gə njeko̰ ɓeje nəm, 9ɗaa d-unda lar dɔ Jaso̰ gə je nje gə kɛm gə d-ar-je d-uga ngaɓa d-ḭya̰-je ɓi.
10Be ɓa dɔ ndɔ-ɛ gə əng ja londul ɗaa ngan ko̰ naaje d-ar Pɔl je Silas d-ɔdə d-aw Bere. Logə ꞌce-je be ja ɗaa d-andə kəy nendo gə lə Jiibije. 11Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa? 12Dəwje bula horo-je gə ta kagə Mbayɓe ngaɓa jene Gərɛgəje gə ꞌto jene nembaje, gə jingawje bula asə mbagə nəm tɔ. 13Ngaa logə Jiibije gə Tesaloniki d-o tar-ɛ to gə Pɔl aw pa tar lə Luba gə Bere tɔ ɗaa d-a̰y d-aw kəne d-aw d-ula njuma mə bula dəwje gə d-ar unda bangə. 14Be ɓa gə tɔg-ɛ baa ja ngan ko̰ naaje d-ar Pɔl un ɗəw aw dɔ-ɛ gə ta babo gə, ngaa Silas je gə Timoce ꞌna̰y Bere.
15Nje gə dan Pɔl le d-ɔr no-ɛ saar ꞌce sə-a Atɛn. Ɗaa təl lə-je le Pɔl un ndu ar-je mba kar d-ula Silas je gə Timoce d-ar ꞌɗe gə tɔg-ɛ d-inga-a.
Pɔl ar Atɛn, pa tar nada
16Logə Pɔl aw ngina-je Atɛn ɗaa kəji lə-a turu buguju mba magəje gə bula mə ɓebo gə nee le. 17N-aw n-to̰ tam gə Jiibije mə kəy nendo gə lə-je ngaɓa gə dəwje gə ꞌpolo Luba ngaɓa gə dəwje n-inga-je nada gə ndɔ-ndɔ tɔ. 18Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy. 19Be ɓa d-ɔr-ɛ d-aw sə-a lo gə ꞌɓar-ɛ Areyopaje ngaɓa ꞌpa na: Se ɗəw a to kar ɔr gəl netɔji gə sigi gə aw pa tar-ɛ nee le gə maj-ɛ ar-si j-a gərə wa?#17.19 Areyopaje le to ri gə d-unda dɔ wuri gə, to lo gə ꞌgɔl gə lo kisi ɗa tar to to gə nadə be 20Mba tar nee le uru mbi-si gə gə ne gə sigi ɓi. Ɗaa j-a njigi gərə gəl-e.
21Njeɓeje gə Atɛn gə mbaje gə ꞌɗe horo-je gə le d-isi gə dɔ karje tɔ̰y ja mba to̰ tam ne gə sigi ose mba tuga mbi-je ko ne.
22Be ɓa Pɔl ar taar gə ngal-ɛ dan lo gə ꞌɓar-ɛ Areyopaje un tar pa na: Sisəy ngan njeɓeje gə Atɛn, ko gə m-o-si nee ɗaa tar polo ne o̰ si ya̰ ja tɔ. 23Mba logə m-aw nday ɗaa m-o neje gə aw poloje ngaɓa m-inga no kɔgə kara d-unja ne kəne na: Kar magə gə dəw gər-e ang. Ne gə ꞌgər-eje ang gə ꞌpolo-eje nee le ɓa m-aw m-pa tar-ɛ m-ar-si. 24Luba gə nje ɗa dɔ nangə gə neje tɔ̰y gə to kəne, ꞌNe gə n-to Mbayɓe gə dara gə dɔ nangə nee le, n-isi mə kəyje gə dəwje ꞌɗa gə ji-je ang, 25ji dəw a ɗa ne kar-ɛ ang, to to gə n-aw ndoo ne be, ꞌne gə n-ar dəwje tɔ̰y təbə gə kəm ngaɓa neje tɔ̰y. 26N-ɗa n-ar gəl kuji dəwje gə d-isi dɔ nangə nee gə lo-lo le, gar-je kara baa ja, n-ɔji dɔ ndɔje gə ɗəw nim ɓeje lə-je, 27n-ɗa be mba kar dəwje ꞌsangə ne Luba ɓo ɗəw to nama d-inga-a ne, mba na-na kara n-isi sə-a əw ang baa. 28Mba mbɔr dɔ-ɛ ꞌne ɓa d-inga ne təbə ja nja ne gə dəwje ngaɓa j-unda ne rɔ-si. Ye ja tɔ to tar gə njeno̰paje lə-si gə kɛm ꞌpa na: Ja to ngan m-e ja tɔ. 29Be ɓa ɓo ja to ngan mə Luba nama j-a kəji to gə Luba unda rɔ maa ose lar ose kɔr ər, gə kagə gə ꞌtɔl ngaɓa unda rɔ-ɛ to to gə dəw əji ne m-e gə ang. 30Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je, 31mba n-ɔr ndɔ kara n-unda doy, gə n-a gangə ne tar gə ɗəw gə gadə-gadə dɔ dəwje tɔ̰y gə dɔ nangə gə nee. N-ɔr dəw kara n-unda-a kar ye ɓa a ɗa tar nee le, uy ɓa təl ce mə buwa yo gə kəm kar dəwje ꞌta kag-ɛ.
32Logə d-o-je tar ce buwa yo gə ɗaa nje gə ɓe kara ꞌkogo-e gə kogo ngaa nje gə kɛm ꞌpa na: Ndɔ gə ɗangə ɓa a pa tar gə əng kar j-o ɓi. 33Be ɓa Pɔl ɔsə lo horo-je gə ce. 34Ngaa nje gə kɛm gə d-um sə-a naa gə ngaɓa ꞌta kagə, horo-je gə le Dənis gə to kara lə nje lo gə ɓar-ɛ Ayeropage, gə jene gə ri-a na Damaris ngaɓa nje gə kɛm ga̰ kəne ja cibi.
© 2020, ATALTRAB. All rights reserved
Kula ɗa Njeka̰ykulaje 17
17
Pɔl aw ɓebo gə Tesaloniki gə Bere
1Te 1; 2.1-16
1Go-e gə ɗaa ꞌnday-je gə ɗəw gə Aməpipolis, gə Apoloni ngaɓa ꞌce-je ne Tesaloniki gə kəy nendo lə Jiibije to kəne. 2Ɗaa Pɔl andə kəne to to gə aw andə ne kede-kede le, asə ndɔ kuwa kɔrje munda ja n-pa tar gə Jiibije ɔji dɔ mbede lə Luba, 3be ɓa Pɔl ɔr gəl-e ngaɓa tɔji to gə Kirisi a ko ꞌməsərə ngaɓa a ndol horo nje d-uy gə. N-təl n-pa na: Jeju gə m-aw m-pa tar lə-a m-ar-si nee le, ꞌne ja n-to Kirisi. 4Tar le oso ur Jiibije gə kɛm ar d-um naa gə gə Pɔl je gə Silas ngaɓa dəwje gə ꞌgərə Luba ang bula gə to nje ɓəəl Lubaje, gə jeneje bula gə to jene nembaje nəm tɔ. 5Ngaa Jiibije gə nje ɗa mə-je, d-aw d-odo gayim dəwje ta nada d-um-je dɔ-je gə ꞌmbo̰ ne bula bo dəwje dɔ naa gə ngaɓa d-ar bangə ɓar ne mə ɓebo gə wu-wu. Cibi d-ɔdə d-aw kəy lə Jaso̰ d-aw ꞌsangə Pɔl je gə Silas mba tuwa-je ɗe gə je no dəw mə ɓeje gə. 6Ngaa logə d-aw ɗaa d-inga-je ang, be ɓa ꞌndɔr-je Jaso̰ je gə ngan ko̰ naaje gə kɛm ꞌɗe gə je no nje gangə tarje gə d-uru ne ꞌkuwi dɔ-je gə na: Dəwje gə d-ar nee ja ꞌturu kəji lə dəwje gə ɓe-ɓe ngaɓa ɓogəne ꞌce ɓe lə-si nee, 7ɗaa Jaso̰ ja uwa-aje mba ꞌjejee nee tɔ̰y ja ꞌsula dəwje ꞌtila ne kəm toronduje lə Sejar cibi ꞌpa d-ar dəwje na mbay gə ɗangə gə ri-a na Jeju ga̰ kəne əng ɓi. 8Tar gə nee le turu kəji lə bula dəwje gə njeko̰ ɓeje nəm, 9ɗaa d-unda lar dɔ Jaso̰ gə je nje gə kɛm gə d-ar-je d-uga ngaɓa d-ḭya̰-je ɓi.
10Be ɓa dɔ ndɔ-ɛ gə əng ja londul ɗaa ngan ko̰ naaje d-ar Pɔl je Silas d-ɔdə d-aw Bere. Logə ꞌce-je be ja ɗaa d-andə kəy nendo gə lə Jiibije. 11Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa? 12Dəwje bula horo-je gə ta kagə Mbayɓe ngaɓa jene Gərɛgəje gə ꞌto jene nembaje, gə jingawje bula asə mbagə nəm tɔ. 13Ngaa logə Jiibije gə Tesaloniki d-o tar-ɛ to gə Pɔl aw pa tar lə Luba gə Bere tɔ ɗaa d-a̰y d-aw kəne d-aw d-ula njuma mə bula dəwje gə d-ar unda bangə. 14Be ɓa gə tɔg-ɛ baa ja ngan ko̰ naaje d-ar Pɔl un ɗəw aw dɔ-ɛ gə ta babo gə, ngaa Silas je gə Timoce ꞌna̰y Bere.
15Nje gə dan Pɔl le d-ɔr no-ɛ saar ꞌce sə-a Atɛn. Ɗaa təl lə-je le Pɔl un ndu ar-je mba kar d-ula Silas je gə Timoce d-ar ꞌɗe gə tɔg-ɛ d-inga-a.
Pɔl ar Atɛn, pa tar nada
16Logə Pɔl aw ngina-je Atɛn ɗaa kəji lə-a turu buguju mba magəje gə bula mə ɓebo gə nee le. 17N-aw n-to̰ tam gə Jiibije mə kəy nendo gə lə-je ngaɓa gə dəwje gə ꞌpolo Luba ngaɓa gə dəwje n-inga-je nada gə ndɔ-ndɔ tɔ. 18Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy. 19Be ɓa d-ɔr-ɛ d-aw sə-a lo gə ꞌɓar-ɛ Areyopaje ngaɓa ꞌpa na: Se ɗəw a to kar ɔr gəl netɔji gə sigi gə aw pa tar-ɛ nee le gə maj-ɛ ar-si j-a gərə wa?#17.19 Areyopaje le to ri gə d-unda dɔ wuri gə, to lo gə ꞌgɔl gə lo kisi ɗa tar to to gə nadə be 20Mba tar nee le uru mbi-si gə gə ne gə sigi ɓi. Ɗaa j-a njigi gərə gəl-e.
21Njeɓeje gə Atɛn gə mbaje gə ꞌɗe horo-je gə le d-isi gə dɔ karje tɔ̰y ja mba to̰ tam ne gə sigi ose mba tuga mbi-je ko ne.
22Be ɓa Pɔl ar taar gə ngal-ɛ dan lo gə ꞌɓar-ɛ Areyopaje un tar pa na: Sisəy ngan njeɓeje gə Atɛn, ko gə m-o-si nee ɗaa tar polo ne o̰ si ya̰ ja tɔ. 23Mba logə m-aw nday ɗaa m-o neje gə aw poloje ngaɓa m-inga no kɔgə kara d-unja ne kəne na: Kar magə gə dəw gər-e ang. Ne gə ꞌgər-eje ang gə ꞌpolo-eje nee le ɓa m-aw m-pa tar-ɛ m-ar-si. 24Luba gə nje ɗa dɔ nangə gə neje tɔ̰y gə to kəne, ꞌNe gə n-to Mbayɓe gə dara gə dɔ nangə nee le, n-isi mə kəyje gə dəwje ꞌɗa gə ji-je ang, 25ji dəw a ɗa ne kar-ɛ ang, to to gə n-aw ndoo ne be, ꞌne gə n-ar dəwje tɔ̰y təbə gə kəm ngaɓa neje tɔ̰y. 26N-ɗa n-ar gəl kuji dəwje gə d-isi dɔ nangə nee gə lo-lo le, gar-je kara baa ja, n-ɔji dɔ ndɔje gə ɗəw nim ɓeje lə-je, 27n-ɗa be mba kar dəwje ꞌsangə ne Luba ɓo ɗəw to nama d-inga-a ne, mba na-na kara n-isi sə-a əw ang baa. 28Mba mbɔr dɔ-ɛ ꞌne ɓa d-inga ne təbə ja nja ne gə dəwje ngaɓa j-unda ne rɔ-si. Ye ja tɔ to tar gə njeno̰paje lə-si gə kɛm ꞌpa na: Ja to ngan m-e ja tɔ. 29Be ɓa ɓo ja to ngan mə Luba nama j-a kəji to gə Luba unda rɔ maa ose lar ose kɔr ər, gə kagə gə ꞌtɔl ngaɓa unda rɔ-ɛ to to gə dəw əji ne m-e gə ang. 30Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je, 31mba n-ɔr ndɔ kara n-unda doy, gə n-a gangə ne tar gə ɗəw gə gadə-gadə dɔ dəwje tɔ̰y gə dɔ nangə gə nee. N-ɔr dəw kara n-unda-a kar ye ɓa a ɗa tar nee le, uy ɓa təl ce mə buwa yo gə kəm kar dəwje ꞌta kag-ɛ.
32Logə d-o-je tar ce buwa yo gə ɗaa nje gə ɓe kara ꞌkogo-e gə kogo ngaa nje gə kɛm ꞌpa na: Ndɔ gə ɗangə ɓa a pa tar gə əng kar j-o ɓi. 33Be ɓa Pɔl ɔsə lo horo-je gə ce. 34Ngaa nje gə kɛm gə d-um sə-a naa gə ngaɓa ꞌta kagə, horo-je gə le Dənis gə to kara lə nje lo gə ɓar-ɛ Ayeropage, gə jene gə ri-a na Damaris ngaɓa nje gə kɛm ga̰ kəne ja cibi.
© 2020, ATALTRAB. All rights reserved