इफिसुस 1
1
1 #
काम 18:19–21; 19:1 म परमेसर की इंछ्या गेल मसी ईसुऊँ भेजेड़ो चेलो पोलुस, इफिसुस म रेह्बाळा ईसु मसी प बिस्वास करबाळा परमेसर का मिनखानै नमस्कार मांडू हूँ। 2आपणा परम-पिता परमेसर अर परबु ईसु मसी कानिऊँ थानै दया अर स्यांती मिलती रेह।
मसी म आत्मिक आसिरबाद
3-4परमेसर अर आपणा परबु ईसु मसी का परम-पिता की जे हो, जखो इ सरस्टिनै रचबा क पेल्याई आपा बिस्वास्यानै मसी म टाळ लिओ। बो आपानै टाळ्यो जिऊँ आपा बिकी नजर्या म पबितर अर निरदोस होवां। जणाई बो ईसु मसी म आपानै ईस्बर नगरी म सगळा भात का आत्मिक आसिरबाद#1:3–4 पाप भर्या जीवनऊँ छुटकारो, सचा परमेसरनै जाणबो, जुग-जुग को जीवन, परमेसर अर मिनखानै परेम करबो अंय्यां की ओर बी बोळी बाता आत्मिक आसिरबाद म सामिल ह। दिआ हीं। अर परमेसर खुदका परेम की बजेऊँ 5पेल्याऊँई आ ते करलिनी ही क ईसु मसी म आपा बिका गोद लियड़ा टाबर होवां, आई बिकी खुसी अर मकसद हो। 6परमेसर की मेमाभरी दया ताँई बिकी जे-जैकार होवै, जखी बिका लाडला बेटा म आपानै सितमित म मिली ह! 7#कलु 1:14ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह, 8जिनै बो बुदी अर सगळी समजदारी क सागै बेत्ती-बेत्ती आपानै दिनी ह! 9परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो। 10क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै। 11परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो। 12जणाई म्हें#1:12 म्हें यहूदि मसी प आस लगाबाळा पेला हां, परमेसर की मेमा ताँई जे-जैकार करां हां।
13अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि। 14आ पबितर आत्मा#1:14 परमेसर पिता, ईसु मसी अर पबितर आत्मा परमेसरनै दिखावै ह। इ बात की जामनी ह क परमेसर आपका मिनखा ताँई जखो बादो कर्यो ह बो पूरो होज्यासी, अर आपणानै ओ बिस्वास दिलावै क जखा बी बिका ह बानै परमेसर पूरो-पूरो छुटकारो दिलासी जिऊँ बिकी मेमा की जे-जैकार होवै।
पोलुस की अरदास
15इ ताँई, परबु ईसु प थारा बिस्वास अर परमेसर का मिनखा ताँई थारा प्यार-परेम क बारां म जदऊँ म सुण्यो बि टेमऊँ, 16मेरो, परमेसर पितानै थारै ताँई धनेवाद देबो कोनी रूक्यो। म जद बी परमेसर क सामै जाऊँ जणा म थानै याद करबो कोनी भूलूँ। 17अर आपणा परबु ईसु मसी का परमेसर जखो मेमाभर्यो परम-पिता ह, बिऊँ माँगु हूँ क बो थानै बुदी देबाळी अर परगट करबाळी आत्मा दे, जिऊँ थे बिनै चोखा ढंगऊँ जाण सको। 18अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह। 19अर थे आ जाणो की बिकी सक्ति जखी आपा बिस्वास करबाळा म काम करै ह बा कत्ती म्हान ह। आ सक्ति आपणा म बंय्यांई पूरी ताकत क सागै काम करै ह, 20जंय्यां बो इ सक्तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही। 21मसी सगळा राजकरबाळा प, अधिकार्या प, उपरी सक्तिया प अर परबुआ प, अर हरेक नाम प राज करै ह, बिको ओदो इ दुनिया प अर आबाळी दुनिया प अधिकार राखबाळा ओदाऊँ उचो ह। 22#कलु 1:18परमेसर सक्यु बिका पगा तळै कर दिओ; अर बिस्वास्या की बिस्वासी मंडळी ताँई मंडळी की सगळी चिजा प बिनै सीर बणा दिओ। 23बिस्वास्या की बिस्वासी मंडळी मसी की काया ह, अर बिकी सक्ति की भरपूरी च्यारूमेर ह।
(c) 2010-2017, New Life Computer Institute. All rights reserved