Vaeburania 11
11
Uhuvëi
1Utendeka wina uhuvëi unë utenda wina ighonje tutë tuutë ra mantu nëëjie udwëëra, uhuvëa tutë tuutë mantu nëgutiyaghune. 2Gusoko ësëë anyampaa vitu khae vëgasudangëwa.
3Gwa uhuvëi sese gumanyie mwino urëmi ugatundwa gwa ukhani wa Muungu, mantu nëëgunëkie udua mantu nëëtigunëkie.
4Gwa uhuvëi Abeli agamudwëëya Muungu ikumbëko në ija nanguu ukëra ëroo ramwa Kaini. Gwa uhuvëi wakwe agayanjëywa na Muungu mwino muntu wa uduvi në uja, Muungu mughonjo agayighenyifa dahwa yakwe. Gwa uhuvëi wakwe mbesa wakure, ëkëë ugurëghiityaa.
5Gwa uhuvëi Henoki agahorwa na Muungu, adëe ukuya. Inadwëëraa kangë gusoko Muungu naa agamuhora. Maandëko ëguhanya mwino nënaa akëë ainahorwa naa wamuyanjisiye Muungu. 6Uvii, nëgutie uhuvëi itiudahëka umuyanjisya Muungu. Gusoko muu muntu nëugumweendeaa Muungu imunoneye ahuvëi mwino Muungu urëfo, na mwino chuu uguvafaa gëfewa vasaa nëvëumufenjaa mweeso.
7Gwa uhuvëi Noa agaonywa na Muungu gwa mantu nënaa ëjie nënaa inadaha uyoona. Agamutegheeya Muungu, agajenga safina ëyoo fana naa agatyowa mweeso itambëëmwe na khaya akwe. Gwa ufuma na asaa urëmi ugaramwëywa, mweeso Noa agahanga uja ufuma mu uhuvëi.
8Gwa uhuvëi Iburahimu agamutegheeya Muungu nënaawataanwa ende ung'ë nënaa Muungu ugumufa itende akwe. Mbesa naatighune kunu naa winjë, agarughua. 9Gwa uhuvëi agaduva mwino mughenyi mung'ë nënaa Muungu wamufee iraghano. Agaduva kuuko mwi iheme mwino naa vëgaduva Isaka nanë Yakobo, vasaa noo nëvëgakhuvëa mu iraghano ërëëro ërëëro. 10Gusoko Iburahimu naa wiindëëre muji nëwina mësiingi nëmëkhamu, muji nënaa Muungu mughonjo unë mujengi nëagaughema na uwüjenga.
11Gwa uhuvëi nanë Sara agahuvëa mwino Muungu ugutendaa mwino iraghano rakwe, gwa uvii agadaha guucha wiito mbesanaa wakëire mëakha. 12Gwa uvii, ufuma kunë muntu wasuu umwedu, Iburahimu, wasuu nënaa waye mwino ukure, vëgadwëëra antu vingë nëvëtiuvaryeka mwino njota ya girunde na maharu a umpwani.
13Antu avaa voong'e vëgakuya vina uhuvii. Vëgakuya naaëkëë vinayahangaa mantu nënaa Muungu wawafee mëhadi, ëgweeso gwa kure vëgayoona, vëgiriirisya, na uhanya daaji mwino veeso naa aghenyi na anyagumba muurëmi. 14Antu nëvëurëghiitya mantu mwino asaa, vëuraghëëraa daaji vëumëfenja ng'ë awe aghonjo. 15Nësa naa vëumesëghanëya ng'ë nënaa vëdwëëre khae, naa vëuhanga iyoma rausüka küükü. 16Ëgweeso itungwee vëufenja ng'ë në njija nanguu, uu ng'ë a girunde. Gusoko ësëë Muungu atighune mënyaa nëvamutaana mweeso Muungu wawe, gusoko mweeso mughonjo wadahie uvaghondanëyaa muji.
17Gwa uhuvëi Iburahimu agamufunya mwanakwe Isaka në naa umwedu ikumbëko itungo nënaa Muungu agamufiima. Iburahimu wasuu unë wasuu nënaa agaghenyifa iraghano a Muungu, ëgweeso, mbesa uvii, agayanja umuduya ikumbëko mwanakwe nënaa imwenedu, 18mbesa Muungu naawadahie ümükhanëa: “Ufafo wako ugufuma kunë Isaka.” 19Iburahimu naa uhuvëë mwino Muungu udahitë uvafëtya akuyi: na gwa njëa igëtuunga tutë Iburahimu agamuhanga kangë mwanakwe ufuma gwa akuyi.
20Gwa uhuvëi Isaka agavaforya Yakobo ina Esau, vëhange mboto nëijie matiku a usonge.
21Gwa uhuvëi Yakobo nënaa, wahumbeera ukuya, agavaforya ang'ënya voong'e vamwa Yosefu, agamükürya Muungu uhaghamëe mwaanga wakwe uroo.
22Gwa uhuvëi Yosefu nënaa wahumbeera ukuya agahanya ufuma gwa Aisiraeli mung'ë a uMisiri, na kangë agavarekea maraghëëyo gwa makufa akwe.
23Gwa uhuvëi afafi vamwa Musa vëgamüfiha Musa mung'ënya wasuu gwa ikhondo ra mieri itatu nënaa akëra fana naa wafafiwe. Vëgamwoona mwino mung'ënya muja mbesa vinarëoghofaa iraghëëyo ra mutemi.
24Gwa uhuvëi Musa, nënaa watenda muntu müküü, agahita utaanwa mwana wa muncha wamwa Farao. 25Agoona bahu ukhasëka itambëëmwe na antu va Muungu ukëra giyanjisya gwa uja wa mahutye gwa ikhondo ikufë. 26Agamanya mwino ukhasëka gusoko amwa Masihi gwina nsao nküü nanguu ukëra ughwarë woong'e wa ng'ë a Misiri, gusoko naa wina ighoje ra gëfewa usongeayo.
27Gwa uhuvëi Musa agarughua udua ung'ë a Misiri gwa udëa ghooghofa ikuwo ra mutemi, na mbesa inasukaa unyuma, gusoko naa wëë mwino muntu nëwamughune Muungu wasuu nëatigoonëkanaa. 28Gwa uhuvëi agarëkürya itiku ra Fasaka, agaraghëëya saghami ëmyaghëwe gunto a ndurye, gusoko malaëka wasuu nëmuuraghi atavauraghee afafwa va mwandyo va Isiraeli.
29Gwa uhuvëi antu va Isiraeli vëganankëa irambo ra Samu, mwino ëtë naa ng'ë nkaku, ëgweeso Amisiri nënaa vasoya utenda uwuu vëgakuya na majë.
30Gwa uhuvëi nkhando ya muji wa uYeriko yigagwa, antu va Isiraeli nënaa vadaha uyifiimëya gwa itungo ra matiku müfungatë. 31Gwa uhuvëi Rahabu nëna müfümbu inameeywaa itambëëmwe na avoo nënaa vendie kure na Muungu, gusoko agavaghenyifa gwa majëghana asëmbüya avoo.
32Uvii, nëhanye ntuni nanguuhe? Itungo rëtimpee iyoma uyarighiitya amwa Gideoni, Baraki, Samsoni, Yefuta, Daudi, Samweli nanë anyagëdaghu. 33Gwa uhuvëi avaa voong'e vëgikhuva fëta na atemi, vëgahuma. Vëgatenda mantu maja, vëgahanga asaa nënaa Muungu wavëkie iraghano. Vëgamumunkaya mëomo a ng'imba, 34vëgarimya mëoto mëkharë, vëginegha guuraghwa gwa mpaanga. Naa alegheeku ëgweeso vëgahanga nguu. Naa anyampampaghu mufëta, vëgahuma maburi a urughu a aghenyi. 35Na akhema nënaa vëhuvëe vëgasuchëywa akuyi vawe kunu vafëtiwaa.
Mëkhatë awe vëgahita urughwëërwa, vëgakhasiwa faka ikuya gusoko vëdahe ufëtiwa na gingëa mu uduvi në uja nanguu. 36Vangëja vëgakünwa na ukhuwa mëkhova, na vangëja vëgatungwa mënyoo na ugumëwa ugeresa. 37Vëgaturwa magwe, vëgatamuwa mafëghamafëgha, vëgauraghwa gwa mpaanga.
Vëgafiimëyafiimëya vërie ndëë ya nkhoo nanë ndëë ya mbüri, naa antu në atuki, nëvëgakhasiwa na ugheerwa. 38Urëmi na utinoneye utenda sa wina antu vasaa. Vëgafiimanga umbugha na uvitanto, vëgaduva mumakhombo na makuro a fang'ë.
39Antu avaa voong'e vëgaonekana mwino anyampampaghu gusoko a uhuvëi wawe. Mbesa uvii, vinayahangaa ayoo nënaa Muungu waavëkëye mëhadi, 40gusoko Muungu naa wavëkie mufaango në uja nanguu gusoko itu, uu në veeso naa vëufikëa utënda vëkhondekie sa vëitambëëmwe nasee.
Kirimi New Testament © Bible Society of Tanzania, 2008.
Vaeburania 11
11
Uhuvëi
1Utendeka wina uhuvëi unë utenda wina ighonje tutë tuutë ra mantu nëëjie udwëëra, uhuvëa tutë tuutë mantu nëgutiyaghune. 2Gusoko ësëë anyampaa vitu khae vëgasudangëwa.
3Gwa uhuvëi sese gumanyie mwino urëmi ugatundwa gwa ukhani wa Muungu, mantu nëëgunëkie udua mantu nëëtigunëkie.
4Gwa uhuvëi Abeli agamudwëëya Muungu ikumbëko në ija nanguu ukëra ëroo ramwa Kaini. Gwa uhuvëi wakwe agayanjëywa na Muungu mwino muntu wa uduvi në uja, Muungu mughonjo agayighenyifa dahwa yakwe. Gwa uhuvëi wakwe mbesa wakure, ëkëë ugurëghiityaa.
5Gwa uhuvëi Henoki agahorwa na Muungu, adëe ukuya. Inadwëëraa kangë gusoko Muungu naa agamuhora. Maandëko ëguhanya mwino nënaa akëë ainahorwa naa wamuyanjisiye Muungu. 6Uvii, nëgutie uhuvëi itiudahëka umuyanjisya Muungu. Gusoko muu muntu nëugumweendeaa Muungu imunoneye ahuvëi mwino Muungu urëfo, na mwino chuu uguvafaa gëfewa vasaa nëvëumufenjaa mweeso.
7Gwa uhuvëi Noa agaonywa na Muungu gwa mantu nënaa ëjie nënaa inadaha uyoona. Agamutegheeya Muungu, agajenga safina ëyoo fana naa agatyowa mweeso itambëëmwe na khaya akwe. Gwa ufuma na asaa urëmi ugaramwëywa, mweeso Noa agahanga uja ufuma mu uhuvëi.
8Gwa uhuvëi Iburahimu agamutegheeya Muungu nënaawataanwa ende ung'ë nënaa Muungu ugumufa itende akwe. Mbesa naatighune kunu naa winjë, agarughua. 9Gwa uhuvëi agaduva mwino mughenyi mung'ë nënaa Muungu wamufee iraghano. Agaduva kuuko mwi iheme mwino naa vëgaduva Isaka nanë Yakobo, vasaa noo nëvëgakhuvëa mu iraghano ërëëro ërëëro. 10Gusoko Iburahimu naa wiindëëre muji nëwina mësiingi nëmëkhamu, muji nënaa Muungu mughonjo unë mujengi nëagaughema na uwüjenga.
11Gwa uhuvëi nanë Sara agahuvëa mwino Muungu ugutendaa mwino iraghano rakwe, gwa uvii agadaha guucha wiito mbesanaa wakëire mëakha. 12Gwa uvii, ufuma kunë muntu wasuu umwedu, Iburahimu, wasuu nënaa waye mwino ukure, vëgadwëëra antu vingë nëvëtiuvaryeka mwino njota ya girunde na maharu a umpwani.
13Antu avaa voong'e vëgakuya vina uhuvii. Vëgakuya naaëkëë vinayahangaa mantu nënaa Muungu wawafee mëhadi, ëgweeso gwa kure vëgayoona, vëgiriirisya, na uhanya daaji mwino veeso naa aghenyi na anyagumba muurëmi. 14Antu nëvëurëghiitya mantu mwino asaa, vëuraghëëraa daaji vëumëfenja ng'ë awe aghonjo. 15Nësa naa vëumesëghanëya ng'ë nënaa vëdwëëre khae, naa vëuhanga iyoma rausüka küükü. 16Ëgweeso itungwee vëufenja ng'ë në njija nanguu, uu ng'ë a girunde. Gusoko ësëë Muungu atighune mënyaa nëvamutaana mweeso Muungu wawe, gusoko mweeso mughonjo wadahie uvaghondanëyaa muji.
17Gwa uhuvëi Iburahimu agamufunya mwanakwe Isaka në naa umwedu ikumbëko itungo nënaa Muungu agamufiima. Iburahimu wasuu unë wasuu nënaa agaghenyifa iraghano a Muungu, ëgweeso, mbesa uvii, agayanja umuduya ikumbëko mwanakwe nënaa imwenedu, 18mbesa Muungu naawadahie ümükhanëa: “Ufafo wako ugufuma kunë Isaka.” 19Iburahimu naa uhuvëë mwino Muungu udahitë uvafëtya akuyi: na gwa njëa igëtuunga tutë Iburahimu agamuhanga kangë mwanakwe ufuma gwa akuyi.
20Gwa uhuvëi Isaka agavaforya Yakobo ina Esau, vëhange mboto nëijie matiku a usonge.
21Gwa uhuvëi Yakobo nënaa, wahumbeera ukuya, agavaforya ang'ënya voong'e vamwa Yosefu, agamükürya Muungu uhaghamëe mwaanga wakwe uroo.
22Gwa uhuvëi Yosefu nënaa wahumbeera ukuya agahanya ufuma gwa Aisiraeli mung'ë a uMisiri, na kangë agavarekea maraghëëyo gwa makufa akwe.
23Gwa uhuvëi afafi vamwa Musa vëgamüfiha Musa mung'ënya wasuu gwa ikhondo ra mieri itatu nënaa akëra fana naa wafafiwe. Vëgamwoona mwino mung'ënya muja mbesa vinarëoghofaa iraghëëyo ra mutemi.
24Gwa uhuvëi Musa, nënaa watenda muntu müküü, agahita utaanwa mwana wa muncha wamwa Farao. 25Agoona bahu ukhasëka itambëëmwe na antu va Muungu ukëra giyanjisya gwa uja wa mahutye gwa ikhondo ikufë. 26Agamanya mwino ukhasëka gusoko amwa Masihi gwina nsao nküü nanguu ukëra ughwarë woong'e wa ng'ë a Misiri, gusoko naa wina ighoje ra gëfewa usongeayo.
27Gwa uhuvëi Musa agarughua udua ung'ë a Misiri gwa udëa ghooghofa ikuwo ra mutemi, na mbesa inasukaa unyuma, gusoko naa wëë mwino muntu nëwamughune Muungu wasuu nëatigoonëkanaa. 28Gwa uhuvëi agarëkürya itiku ra Fasaka, agaraghëëya saghami ëmyaghëwe gunto a ndurye, gusoko malaëka wasuu nëmuuraghi atavauraghee afafwa va mwandyo va Isiraeli.
29Gwa uhuvëi antu va Isiraeli vëganankëa irambo ra Samu, mwino ëtë naa ng'ë nkaku, ëgweeso Amisiri nënaa vasoya utenda uwuu vëgakuya na majë.
30Gwa uhuvëi nkhando ya muji wa uYeriko yigagwa, antu va Isiraeli nënaa vadaha uyifiimëya gwa itungo ra matiku müfungatë. 31Gwa uhuvëi Rahabu nëna müfümbu inameeywaa itambëëmwe na avoo nënaa vendie kure na Muungu, gusoko agavaghenyifa gwa majëghana asëmbüya avoo.
32Uvii, nëhanye ntuni nanguuhe? Itungo rëtimpee iyoma uyarighiitya amwa Gideoni, Baraki, Samsoni, Yefuta, Daudi, Samweli nanë anyagëdaghu. 33Gwa uhuvëi avaa voong'e vëgikhuva fëta na atemi, vëgahuma. Vëgatenda mantu maja, vëgahanga asaa nënaa Muungu wavëkie iraghano. Vëgamumunkaya mëomo a ng'imba, 34vëgarimya mëoto mëkharë, vëginegha guuraghwa gwa mpaanga. Naa alegheeku ëgweeso vëgahanga nguu. Naa anyampampaghu mufëta, vëgahuma maburi a urughu a aghenyi. 35Na akhema nënaa vëhuvëe vëgasuchëywa akuyi vawe kunu vafëtiwaa.
Mëkhatë awe vëgahita urughwëërwa, vëgakhasiwa faka ikuya gusoko vëdahe ufëtiwa na gingëa mu uduvi në uja nanguu. 36Vangëja vëgakünwa na ukhuwa mëkhova, na vangëja vëgatungwa mënyoo na ugumëwa ugeresa. 37Vëgaturwa magwe, vëgatamuwa mafëghamafëgha, vëgauraghwa gwa mpaanga.
Vëgafiimëyafiimëya vërie ndëë ya nkhoo nanë ndëë ya mbüri, naa antu në atuki, nëvëgakhasiwa na ugheerwa. 38Urëmi na utinoneye utenda sa wina antu vasaa. Vëgafiimanga umbugha na uvitanto, vëgaduva mumakhombo na makuro a fang'ë.
39Antu avaa voong'e vëgaonekana mwino anyampampaghu gusoko a uhuvëi wawe. Mbesa uvii, vinayahangaa ayoo nënaa Muungu waavëkëye mëhadi, 40gusoko Muungu naa wavëkie mufaango në uja nanguu gusoko itu, uu në veeso naa vëufikëa utënda vëkhondekie sa vëitambëëmwe nasee.
Kirimi New Testament © Bible Society of Tanzania, 2008.