Vaeburania 12
12
Müküü ugugusëya sa gwina ntende në njija
1Sese gukweti iburi ërëë iküü ra masudanga usonge itu. Gwa uvii guheye muu gëfingo nëgëugughiiyaa, na ihutye ëroo nërëgughaghamëëre. Gumanke gwa ughimëëyi mu witinghanëëri nëuvëkiwe usonge itu. 2Gumughookëe Yesu wasuu nëwawandiye uhuvëi witu na nëuguutenda ukhondekeke. Gusoko a uyanjo nënaa umwiindëëre, mweeso agaghëmëëya ikuya umusalaba, gwa udëa ughema mënyaa ayo, na itungwee wikhee guuvaru wa gëlëlo wa itumbë ra utemi ra Muungu.
3Sëghanëëyi mantu nëëgamuhanga Yesu, mwino naa agaghëmëëya hiya gëkhuu ga antu nëvëna mahutye. Uvii, mutaitofie nkhoo, mbesa mutahiriee nkumbu. 4Gusoko gwa gëkhüva na mahutye, nyenye ëkëë mwinaaikhuvaa faka ufikëa uhunua saghami anyu. 5Wurë mwayieviwe nkhani ya ukhomya nkhoo yasëë në Muungu ugumutaana nyenye mwino anaakwehe?
“Mwananë,
utahoriee ikhüwa ra Müküü,
mbesa utaitofiee nkhoo
nëwagoonya.
6Gusoko Müküü ügümükhüvaa
muu wasuu nëumwaanjëte,
ugumufëngaa mu wasuu
nëuyanjëte utenda mwanakwe.”
7Ghimëëyi ukhuwa gusoko uu në masëyo, Muungu ugumutendeaa nyenye mwino anaakwe. Gusoko uu mwanakëhe nëatiukhuwaa na ihë? 8Ëgweeso nëmwadëa ukhuwa mwino vana vangëja, uvii, nyenye ti anaakwe, ëgweeso uu mwëë vana va günji. 9Nanguu ukëra asaa sese güüvaküryaa afafi vitu nëvagufafie namba vëügükhuvaa. Uvii, igunoneye umutegheeya nanguu Tata witu wa nkhoo gudahe uduva. 10Afafi vitu afaa müürëmi vëgagukhuva gwa itungo ikufë, mwino veeso aghonjo naavëgoona mwino inoneye, ëgweeso Muungu ugugukhuvaa gusoko a uja witu aghonjo, gudahe ukhuvëa mu weru wakwe. 11Ukhuwa ti intu ra uyanjisya ëgweeso ra goonia uvavi. Ëgweeso vasaa nëvasëyiwe utenda ntende në njija mpeoayo vëutënanga gëfewa ga majëghana udua mu uduvi në uja.
Masëyo nanë maonyo
12Uvii, hümbüchi mëkhono anyu nëëgulegheeka na ukhomya maru anyu në malegheeku. 13Fwaghëëri gweendeenda mu njëa nëëghookie, gusoko mughuu nëuremee utëvaariwee, ëgweeso uforiwe.
14Ikünkünyayi üdüva gwa majëghana na antu voong'e. Düvi uduvi në weru, gusoko gutie muntu nëujeumwoona Müküü nëatikweti uduvi mwino wasuu. 15Ikünkünyayi ino muntu gëkaku tajee aje umëyaghaya mboto a Muungu. Iraravi vija tajee mutë në ululu uhofoke mukhatë anyu na uvauragha vingë gwa uhungu wayo. 16Ighoji tajee mukhatë anyu atendeke urëfo muntu në mulehadi namba muntu nëatiumüküryaa Muungu mwino Esau, nëagarinja tutë akwe a mufafwa wa mwandyo gwa ilëwa rëmwedu. 17Nyenye mumanyie mwino mwino nënaawoofenja umëhanga kangë mboto ësëë nënaa akwe agahitëywa, gusoko agadëa uhanga kangë iyoma ra ufea, mbesa agarëfënja gwa ndighiigho.
18Nyenye mwinafikaa ugëtanto ga uSinai, gasëë nëgëudaha ukwatëka mwino vëgatenda antu va Isiraeli, mwinafikaa fana moto nëwakie, fana kiti, muyughoyugho, 19mwëëro wa ufembe na ruri wa nkhani. Vasaa nëvëgategheeya ruri wasuu vëgaromba vëtategheeyee kangë ukhani ungëja, 20gusoko vëgatumba ughimëëya iraghëëyo nërëgaduiywa: “Nëugugëtenia gëtanto ëkëë, mbesa uu në imwana rëuturwa magwe.” 21Asaa oong'e ëgadwëëra aghooghofya ino, faka Musa agahanya, “Ngooghofa na ukaghata.”
22Ëgweeso nyenye mwafikaa mugëtanto ga Sioni, kunë muji wa Muungu në mufanga. Mwafikaa uYerusalemu, muji wa girunde, fana vëhangwiye malaëka maghana anjou mingë nëvëtiuvaryieka. 23Mwafikaa fana mwirundo üküü wa afafwa va mwandyo va Muungu, vasaa në mina awe ëandëkiwe girunde. Mwimëkie usonge a Muungu në munya uramuië wa antu voong'e, na usonge a nkhoo ya antu nëaja nëvatendiwe vëkhondikie. 24Mwafikaa kunë Yesu nëwarësinkamie Iraghano në Ifya, nanë saghami akwe nëahunukie ëguhanya mantu në maja nanguu ukëra ëyoo në amwa Abeli.
25Uvii, ighoji mtajee uhita umutegheeya wasuu nëugurëghiitya nanyee. Mwino avoo vëgahita umutegheeya wasuu nëagavoonya afa müürëmi vinatyoeka, sese guudaha wurëhe utyoeka nëgwahita umutegheeya wasuu nëugugoonya ufuma girunde? 26Itungo rasëë ruri ugakaghatya ng'ë ëgweeso itungwee wavëkie mëhadi: “Ngukaghatya ng'ë kangë ëgweeso ti ng'ë gutufu ëgweesogwayo noo nanë irunde.” 27Ukhani uruu: “kangë” uguguraghëëra mwino mantu oong'e nëatundiwe ügukhakhatiwa na üwüreka ësaghe asaa nëëtiukhakhatiwa.
28Sese uvii, gürümbe gusoko guuhanga utemi nëutiuhingiisëka. Gutende gwina irümbi nanë ümükürya Muungu gwa njëa nëëgüyanjisya, gwa iküryo nanë choghofi, 29gusoko Muungu witu tutë uu moto nëukharë nëugurungwëëryaa rüngürüngü.
Kirimi New Testament © Bible Society of Tanzania, 2008.
Vaeburania 12
12
Müküü ugugusëya sa gwina ntende në njija
1Sese gukweti iburi ërëë iküü ra masudanga usonge itu. Gwa uvii guheye muu gëfingo nëgëugughiiyaa, na ihutye ëroo nërëgughaghamëëre. Gumanke gwa ughimëëyi mu witinghanëëri nëuvëkiwe usonge itu. 2Gumughookëe Yesu wasuu nëwawandiye uhuvëi witu na nëuguutenda ukhondekeke. Gusoko a uyanjo nënaa umwiindëëre, mweeso agaghëmëëya ikuya umusalaba, gwa udëa ughema mënyaa ayo, na itungwee wikhee guuvaru wa gëlëlo wa itumbë ra utemi ra Muungu.
3Sëghanëëyi mantu nëëgamuhanga Yesu, mwino naa agaghëmëëya hiya gëkhuu ga antu nëvëna mahutye. Uvii, mutaitofie nkhoo, mbesa mutahiriee nkumbu. 4Gusoko gwa gëkhüva na mahutye, nyenye ëkëë mwinaaikhuvaa faka ufikëa uhunua saghami anyu. 5Wurë mwayieviwe nkhani ya ukhomya nkhoo yasëë në Muungu ugumutaana nyenye mwino anaakwehe?
“Mwananë,
utahoriee ikhüwa ra Müküü,
mbesa utaitofiee nkhoo
nëwagoonya.
6Gusoko Müküü ügümükhüvaa
muu wasuu nëumwaanjëte,
ugumufëngaa mu wasuu
nëuyanjëte utenda mwanakwe.”
7Ghimëëyi ukhuwa gusoko uu në masëyo, Muungu ugumutendeaa nyenye mwino anaakwe. Gusoko uu mwanakëhe nëatiukhuwaa na ihë? 8Ëgweeso nëmwadëa ukhuwa mwino vana vangëja, uvii, nyenye ti anaakwe, ëgweeso uu mwëë vana va günji. 9Nanguu ukëra asaa sese güüvaküryaa afafi vitu nëvagufafie namba vëügükhuvaa. Uvii, igunoneye umutegheeya nanguu Tata witu wa nkhoo gudahe uduva. 10Afafi vitu afaa müürëmi vëgagukhuva gwa itungo ikufë, mwino veeso aghonjo naavëgoona mwino inoneye, ëgweeso Muungu ugugukhuvaa gusoko a uja witu aghonjo, gudahe ukhuvëa mu weru wakwe. 11Ukhuwa ti intu ra uyanjisya ëgweeso ra goonia uvavi. Ëgweeso vasaa nëvasëyiwe utenda ntende në njija mpeoayo vëutënanga gëfewa ga majëghana udua mu uduvi në uja.
Masëyo nanë maonyo
12Uvii, hümbüchi mëkhono anyu nëëgulegheeka na ukhomya maru anyu në malegheeku. 13Fwaghëëri gweendeenda mu njëa nëëghookie, gusoko mughuu nëuremee utëvaariwee, ëgweeso uforiwe.
14Ikünkünyayi üdüva gwa majëghana na antu voong'e. Düvi uduvi në weru, gusoko gutie muntu nëujeumwoona Müküü nëatikweti uduvi mwino wasuu. 15Ikünkünyayi ino muntu gëkaku tajee aje umëyaghaya mboto a Muungu. Iraravi vija tajee mutë në ululu uhofoke mukhatë anyu na uvauragha vingë gwa uhungu wayo. 16Ighoji tajee mukhatë anyu atendeke urëfo muntu në mulehadi namba muntu nëatiumüküryaa Muungu mwino Esau, nëagarinja tutë akwe a mufafwa wa mwandyo gwa ilëwa rëmwedu. 17Nyenye mumanyie mwino mwino nënaawoofenja umëhanga kangë mboto ësëë nënaa akwe agahitëywa, gusoko agadëa uhanga kangë iyoma ra ufea, mbesa agarëfënja gwa ndighiigho.
18Nyenye mwinafikaa ugëtanto ga uSinai, gasëë nëgëudaha ukwatëka mwino vëgatenda antu va Isiraeli, mwinafikaa fana moto nëwakie, fana kiti, muyughoyugho, 19mwëëro wa ufembe na ruri wa nkhani. Vasaa nëvëgategheeya ruri wasuu vëgaromba vëtategheeyee kangë ukhani ungëja, 20gusoko vëgatumba ughimëëya iraghëëyo nërëgaduiywa: “Nëugugëtenia gëtanto ëkëë, mbesa uu në imwana rëuturwa magwe.” 21Asaa oong'e ëgadwëëra aghooghofya ino, faka Musa agahanya, “Ngooghofa na ukaghata.”
22Ëgweeso nyenye mwafikaa mugëtanto ga Sioni, kunë muji wa Muungu në mufanga. Mwafikaa uYerusalemu, muji wa girunde, fana vëhangwiye malaëka maghana anjou mingë nëvëtiuvaryieka. 23Mwafikaa fana mwirundo üküü wa afafwa va mwandyo va Muungu, vasaa në mina awe ëandëkiwe girunde. Mwimëkie usonge a Muungu në munya uramuië wa antu voong'e, na usonge a nkhoo ya antu nëaja nëvatendiwe vëkhondikie. 24Mwafikaa kunë Yesu nëwarësinkamie Iraghano në Ifya, nanë saghami akwe nëahunukie ëguhanya mantu në maja nanguu ukëra ëyoo në amwa Abeli.
25Uvii, ighoji mtajee uhita umutegheeya wasuu nëugurëghiitya nanyee. Mwino avoo vëgahita umutegheeya wasuu nëagavoonya afa müürëmi vinatyoeka, sese guudaha wurëhe utyoeka nëgwahita umutegheeya wasuu nëugugoonya ufuma girunde? 26Itungo rasëë ruri ugakaghatya ng'ë ëgweeso itungwee wavëkie mëhadi: “Ngukaghatya ng'ë kangë ëgweeso ti ng'ë gutufu ëgweesogwayo noo nanë irunde.” 27Ukhani uruu: “kangë” uguguraghëëra mwino mantu oong'e nëatundiwe ügukhakhatiwa na üwüreka ësaghe asaa nëëtiukhakhatiwa.
28Sese uvii, gürümbe gusoko guuhanga utemi nëutiuhingiisëka. Gutende gwina irümbi nanë ümükürya Muungu gwa njëa nëëgüyanjisya, gwa iküryo nanë choghofi, 29gusoko Muungu witu tutë uu moto nëukharë nëugurungwëëryaa rüngürüngü.
Kirimi New Testament © Bible Society of Tanzania, 2008.