ZABUR 14
14
Kejahatan manusie
(Zbr. 53)
1 #
Rm. 3:10-12
Umaq pemimpin kor. Zabur Daud.
Dengan bebel bebase léq dalem angenne,
“Ndéq araq Allah.”
Perbuatan ie pade jahat dait ékék
ndéq araq saq gawéq hal saq solah.
2Léman sorge ALLAH merhatiang umat manusie
jari cingakin napi araq dengan saq bijak dait saq boyaq Allah.
3Laguq selapuq dengan sampun nyeléwéng dait bejat,
ndéq araq sopoq dengan saq gawéq hal saq solah, timaq sopoq dengan juaq.
4Manik ALLAH, “Napi dengan-dengan jahat nike ndéq sadar?
Ie pade idup siq care ngerampas umat Tiang
dait ndéq uwah bedo'e tipaq Tiang.”
5Dengan jahat gen takut gati,
séngaq Allah ngelindungin dengan saq taat léq Ie.
6Dengan jahat mélé ngalangin dengan miskin,
laguq ALLAH jari pelindungne.
7Semoge léman Sion
dateng keselametan tipaq Israel!
Make keturunan Yakub gen besukecite
lamun ALLAH nulakang keadaan umat-Ne.
LAI 2007