मरकुस 8
8
ईसु च्यार हजार माणहु ने खवाड़वा
(मत्ती 15:32-39)
1तीहया दाड़ा मे अळी एक माणहु नो मोट्लो मेळो ईसुन्तां भेळो हयो। अने तीहया माणहु पांह खावा वाटु कंय नी हतु। तां ईसु आह़फा ना चेला ने ह़ाते बोलावीन केदो, 2“मने आहया माणहु ना मेळा पोर दया आवे, काहाके आहया तीन दाड़ा गेथा मारी ह़ाते री र्या, अने खावा वाटु ईमनी पांह कंय बी नी हय। 3ईमनी मे गेथा काना घणा नाम्बे गेथा आवला से। कदी ईमने मे भुकला घोर मोकलही, ता आहया थाक जहे, अने वाट्येत झामा खाय्न पड़ जहे।” 4तीना चेला जपाप आप्या, “आञे उजाड़ी बड़ा मे आहया माणहु ने आफरीन खवाड़वा करीन एतरा ढेरका रोट्ला कां गेथा लावया?”
5ईसु चेला ने पुछ्यो “तमारी पांह केतरा रोट्ला से?” तीहया केदा, “ह़ात रोट्ला।”
6तत्यार ईसु माणहु ने भोयमे बह जावो करीन हुकम आप्यो, अने तीहयो ह़ात रोट्ला हात मे लीन रोट्ला वाटु भगवान ने तु घणो वारु से, केदो अने रोट्ला ढेरका हय ज्या। अने तीहयो माणहु ने वाट देवो करीन रोट्ला भांगीन आह़फा ना चेला ने आप्तो ज्यो, अने चेला माणहु ने वाट्ता ज्या। 7तीमनी पांह थोड़ाक झीन्ला माछला बी हता; माछला वाटु बी ईसु भगवान ने तु घणो वारु से केदो। अने माछला बी ढेरका हयता ज्या। अने आहया माछला बी माणहु ने वाट देवो करीन तीहयो आह़फा ना चेला ने हुकम आपीन केदो। 8ता आखा माणहु खायलीन आफरी ज्या, अने चेला बचला रोट्ला ना कटका भेळा कर्या, ता ह़ात चार्या भराय ज्या। 9अदमड़ा-अदमड़ा तां ह़ारीक च्यारेक हजार हता, अने अळतेण ईसु माणहुम ने वळाय देदो। 10अने तीहयो सोटो आह़फा ना चेला ह़ाते ढुंड्या मे बहीन दलमनुता मुलक मे जत र्यो।
ह़रग मे वाळी सेलाणी नी मांग
(मत्ती 12:38-42; 16:1-4; लुका 11:16-29)
11 #
मत्ती 12:38; लुका 11:16 अळतेण फरीसी दलवाळा ईसु ह़ाते वात मे जखड़ी पड़वा बाज ज्या, अने तीने पारखवा करीन तीनी पांह ईसम वीन्ती कर्या “ए ईसु आमने एक एवी जुदा काम नी सेलाणी देखाड़।”#मत्ती 12:38; लुका 11:16 12#मत्ती 12:39; लुका 11:29ईसु तीमना ढोंगड़ा देखीन आह़फा ना जीव मे डहकाय्न केदो, “तमारी ह़रका आहयी पीड़ी ना माणहु हमणे बी जुदा-काम नी सेलाणी काहा ह़ोद र्या? मे तमने ह़ाचली केम, तमारी ह़रका आहयी पीड़ी ना माणहु ने कंय बी सेलाणी नी जड़े।”#मत्ती 12:39; लुका 11:29
13अने ईसु फरीसी दलवाळा ने सोड़ीन अळी पासो ढुंड्या मे बह ज्यो, अने ह़ेली धेड़े जवा बाज ज्यो।
फरीसी दलवाळा अने हेरोद राजा नु खमीर
(मत्ती 16:5-12)
14ईसु अने तीना चेला ढुंड्या मे जवा बाज रेला अने तीहया चेला रोट्ला लाव्वा भुली जेला हता, अने ढुंड्या मे तीमनी पांह एकीत रोट्लो हतो। 15#लुका 12:1अने ईसु आह़फा ना चेला ने दाखलान लारे आहयु कीन चेतायो, “फरीसी माणहु ना खमीर अने राजा हेरोद ना खमीर गेथा चेतीन रेवो।”#लुका 12:1
16एतरे चेला आंबा-सांबा वीच्यारीन केदा, “आपणु रोट्ला नी लाया, करीन ईसु ईसम की र्यो।”
17अने ईसु तीमनी आहयी वात जाणीन तीमने केदो, “तमु आंबा-सांबा अमारी पांह रोट्ला नी हय करीन काहा वीच्यार करवा बाज र्या? हजु बी तमु वण-अकल्या से ह़ु? तमने हजु बी आहयी वात नी ह़मजाती ह़ु? 18#मरकुस 4:12तमारा डोळा से, ते बी देखायतु नी ह़ु? अने कान्टा हय्न बी ह़मळायतु नी ह़ु?#यीरम्या 5:21; यहेजकेल 12:2; मरकुस 4:12 अने तमने आहयी वीतली वात फोम नी हय ह़ु? 19जत्यार मे पांच हजार माणहु वाटु पांच रोट्ला भांगीन आप्लो, ता तमु रोट्ला ना टुकड़ा चुटीन केतरा टोपल्या भरला?” तीहया केदा, “बारे टोपल्या।”
20जत्यार च्यार हजार माणहु जुगु ह़ात रोट्ला भांगीन आप्लो, ता तमु भांगला रोट्ला ना टुकड़ा केतरा चार्या भरला? तीहया ईसु ने केदा, “ह़ात चार्या।”
21अळतेण ईसु तीमने केदो, “जीवाय नु मतलब तमु हजु तक नी ह़मज्या ह़ु?”
ईसु बेतसेदा मे आंदळु माणेह ने वारु कर्यो
22अने अळतेण ईसु अने तीना चेला बेतसेदा गाम मे पुग्या; अने माणहु एक आंदळु ने ईसुन्तां लाया, अने ईसु सी वीन्ती कर्या के “आंदळु ने सीमीन वारु कर दे।” 23अने ईसु आंदळु नो हात धरीन तीने फळ्या मे गेथो बारो ली ज्यो, अने तीना डोळा मे थुप्यो अने आह़फा ना हात तीना डोळा पोर मेक्यो, अने तीने पुछ्यो, “तने देखाय ह़ु?”
24तीहयो उपर भाळीन केदो, “माणहु ने देख र्यो पण तीहया मने आसम देखाय जीसम झाटवा चालवा बाज र्या हय।”
25तत्यार ईसु अळी तीना डोळा पोर हात मेक्यो, अने तीहयो आंदळो आह़फा ना डोळा उगाड़ीन देखवा बाज ज्यो। तीहयो पासो आखु आसुझण देखवा बाज ज्यो। 26“अने आहया ह़ेर ना फळ्या मे पासो ना जाय, आसम कीन ईसु तीने तीना घोर मोकल्यो।”
भगवान नी लारे टाळलो मसी
(मत्ती 16:13-20; लुका 9:18-21)
27ईसु अने तीना चेला केसर्या फीलीपुस ह़ेर धेड़्ये वाळा फळ्या-फळ्या मे हय्न जवा बाज रेला; अने वाट्ये ईसु चेला ने पुछ्यो, “माणहु मारा बारा मे ह़ु की र्या?”
28 #
मरकुस 6:14,15; लुका 9:7,8 तीहया केदा, “काना केय, आहयो ते बपतीस्मा आपण्यो युहन्नो से” पण काना भगवान वगे गेथी वात केण्यो एलीया से केय, अने काना भगवान ना वात केण्या माणहु मे गेथो कानो बीजो से केय।#मरकुस 16:14,15; लुका 9:7,8
29 #
युहन्ना 6:68,69 ईसु तीमने पुछ्यो, “पण तमु मने ह़ु केवो?” पतरस केदो, “ह़ाचलीन तु भगवान नो मोकल्लो बचाड़न्यो मसी से।”#युहन्ना 6:68,69
30तत्यार तीहयो तीमने आहयु कीन चेतायो, “मारा बारा मे आहयी वात कोयने नी केजो।”
मोत अने ईसु पासो जीवतो हयवा ना बारा मे केय
(मत्ती 16:21-28; लुका 9:22-27)
31अने तीहयो चेला ने ह़ीकाड़्यो, “मे मनख्यान सोरो से, मार वाटु नक्खी से, के तीहयो घणो जबर वेला करहे, अने पुडार्या अने मंदीर ना डायला पुंजारा अने युहदी-धरम ह़ीकाड़न्या तीने हेटो ह़मजीन नीकारो करीन मार नाखहे, पण तीने तीन दाड़ा मे पासो जीवतो हय्न बठो हयवु से।” 32तीहयो आहयी वात चोखीझण आह़फा ना चेला ने उजन्ती की देदो। आहयु ह़मळीन पतरस ईसु ने सेटो ली जाय्न वडवा बाज ज्यो। 33पण ईसु पासो वळीन बीजा चेला भणी भाळ्यो अने तीमनी अगळ पतरस ने वडीन केदो, “ए भुतड़ा मारीन्तां गेथो सेटो जत रे; तु ते भगवान नी वात पोर नी, पण माणहु नी वात पोर मन लगाड़ीन केवा बाज र्यो।”
ईसु पसळ चालवा नु मतलब
(मत्ती 16:24-28; लुका 9:23-27)
34 #
मत्ती 10:38; लुका 14:27 अने तीहयो माणहु ना मेळा अने चेला ने ह़ाते बोलावीन केदो, “जे कोय मारो चेलो बणीन मारी ह़ाते आव्वा हीन्डे” तीहयो आह़फा नी मरजी नी पण मारी मरजी पुरी करतो जाय्न आह़फा नु कुरुस उचलीन मारी ह़ाते आव्वा जोवे।#मत्ती 10:38; लुका 14:27 35#मत्ती 10:39; लुका 17:33; युहन्ना 12:25काहाके जे कोय आह़फा ना जीव ने बचाड़वा हीन्डे, तीहयो आह़फा ना जीव ने खोवहे; पण जे कोय मारी वाटु अने मारी खुस-खबर वाटु आह़फा ना जीव ने खोवहे, तीहयो आह़फा ना जीव ने बचाड़हे।#मत्ती 10:39; लुका 17:33; युहन्ना 12:25 36कदी माणहु आखी कळजुग ने हात कर लेय, अने ते बी आह़फा नो जीव खोय देय, ता तीने ह़ु फायदो से? 37अने तीहयो आह़फा नो जीव पासो लाव्वा करीन आह़फा ना जीव नी अवजी पोर ह़ु आपहे? 38एक दाड़े मे जे मनख्या नो सोरो से, ह़रग वाळा चोखला ह़रगदुत ह़ाते अने मारा बाह नी बड़ाय भेळो आवही। तीहयी टेमे मे तीहया माणेह सी हुकारीन मानवा मे लजवाहे, जे आहयी पीड़ीन छीनाळ्या अने पापी माणहु नी अगळ मने अने मारी ह़ीकापण ने हुकारीन मानवा मे लजवायहे।
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025
मरकुस 8
8
ईसु च्यार हजार माणहु ने खवाड़वा
(मत्ती 15:32-39)
1तीहया दाड़ा मे अळी एक माणहु नो मोट्लो मेळो ईसुन्तां भेळो हयो। अने तीहया माणहु पांह खावा वाटु कंय नी हतु। तां ईसु आह़फा ना चेला ने ह़ाते बोलावीन केदो, 2“मने आहया माणहु ना मेळा पोर दया आवे, काहाके आहया तीन दाड़ा गेथा मारी ह़ाते री र्या, अने खावा वाटु ईमनी पांह कंय बी नी हय। 3ईमनी मे गेथा काना घणा नाम्बे गेथा आवला से। कदी ईमने मे भुकला घोर मोकलही, ता आहया थाक जहे, अने वाट्येत झामा खाय्न पड़ जहे।” 4तीना चेला जपाप आप्या, “आञे उजाड़ी बड़ा मे आहया माणहु ने आफरीन खवाड़वा करीन एतरा ढेरका रोट्ला कां गेथा लावया?”
5ईसु चेला ने पुछ्यो “तमारी पांह केतरा रोट्ला से?” तीहया केदा, “ह़ात रोट्ला।”
6तत्यार ईसु माणहु ने भोयमे बह जावो करीन हुकम आप्यो, अने तीहयो ह़ात रोट्ला हात मे लीन रोट्ला वाटु भगवान ने तु घणो वारु से, केदो अने रोट्ला ढेरका हय ज्या। अने तीहयो माणहु ने वाट देवो करीन रोट्ला भांगीन आह़फा ना चेला ने आप्तो ज्यो, अने चेला माणहु ने वाट्ता ज्या। 7तीमनी पांह थोड़ाक झीन्ला माछला बी हता; माछला वाटु बी ईसु भगवान ने तु घणो वारु से केदो। अने माछला बी ढेरका हयता ज्या। अने आहया माछला बी माणहु ने वाट देवो करीन तीहयो आह़फा ना चेला ने हुकम आपीन केदो। 8ता आखा माणहु खायलीन आफरी ज्या, अने चेला बचला रोट्ला ना कटका भेळा कर्या, ता ह़ात चार्या भराय ज्या। 9अदमड़ा-अदमड़ा तां ह़ारीक च्यारेक हजार हता, अने अळतेण ईसु माणहुम ने वळाय देदो। 10अने तीहयो सोटो आह़फा ना चेला ह़ाते ढुंड्या मे बहीन दलमनुता मुलक मे जत र्यो।
ह़रग मे वाळी सेलाणी नी मांग
(मत्ती 12:38-42; 16:1-4; लुका 11:16-29)
11 #
मत्ती 12:38; लुका 11:16 अळतेण फरीसी दलवाळा ईसु ह़ाते वात मे जखड़ी पड़वा बाज ज्या, अने तीने पारखवा करीन तीनी पांह ईसम वीन्ती कर्या “ए ईसु आमने एक एवी जुदा काम नी सेलाणी देखाड़।”#मत्ती 12:38; लुका 11:16 12#मत्ती 12:39; लुका 11:29ईसु तीमना ढोंगड़ा देखीन आह़फा ना जीव मे डहकाय्न केदो, “तमारी ह़रका आहयी पीड़ी ना माणहु हमणे बी जुदा-काम नी सेलाणी काहा ह़ोद र्या? मे तमने ह़ाचली केम, तमारी ह़रका आहयी पीड़ी ना माणहु ने कंय बी सेलाणी नी जड़े।”#मत्ती 12:39; लुका 11:29
13अने ईसु फरीसी दलवाळा ने सोड़ीन अळी पासो ढुंड्या मे बह ज्यो, अने ह़ेली धेड़े जवा बाज ज्यो।
फरीसी दलवाळा अने हेरोद राजा नु खमीर
(मत्ती 16:5-12)
14ईसु अने तीना चेला ढुंड्या मे जवा बाज रेला अने तीहया चेला रोट्ला लाव्वा भुली जेला हता, अने ढुंड्या मे तीमनी पांह एकीत रोट्लो हतो। 15#लुका 12:1अने ईसु आह़फा ना चेला ने दाखलान लारे आहयु कीन चेतायो, “फरीसी माणहु ना खमीर अने राजा हेरोद ना खमीर गेथा चेतीन रेवो।”#लुका 12:1
16एतरे चेला आंबा-सांबा वीच्यारीन केदा, “आपणु रोट्ला नी लाया, करीन ईसु ईसम की र्यो।”
17अने ईसु तीमनी आहयी वात जाणीन तीमने केदो, “तमु आंबा-सांबा अमारी पांह रोट्ला नी हय करीन काहा वीच्यार करवा बाज र्या? हजु बी तमु वण-अकल्या से ह़ु? तमने हजु बी आहयी वात नी ह़मजाती ह़ु? 18#मरकुस 4:12तमारा डोळा से, ते बी देखायतु नी ह़ु? अने कान्टा हय्न बी ह़मळायतु नी ह़ु?#यीरम्या 5:21; यहेजकेल 12:2; मरकुस 4:12 अने तमने आहयी वीतली वात फोम नी हय ह़ु? 19जत्यार मे पांच हजार माणहु वाटु पांच रोट्ला भांगीन आप्लो, ता तमु रोट्ला ना टुकड़ा चुटीन केतरा टोपल्या भरला?” तीहया केदा, “बारे टोपल्या।”
20जत्यार च्यार हजार माणहु जुगु ह़ात रोट्ला भांगीन आप्लो, ता तमु भांगला रोट्ला ना टुकड़ा केतरा चार्या भरला? तीहया ईसु ने केदा, “ह़ात चार्या।”
21अळतेण ईसु तीमने केदो, “जीवाय नु मतलब तमु हजु तक नी ह़मज्या ह़ु?”
ईसु बेतसेदा मे आंदळु माणेह ने वारु कर्यो
22अने अळतेण ईसु अने तीना चेला बेतसेदा गाम मे पुग्या; अने माणहु एक आंदळु ने ईसुन्तां लाया, अने ईसु सी वीन्ती कर्या के “आंदळु ने सीमीन वारु कर दे।” 23अने ईसु आंदळु नो हात धरीन तीने फळ्या मे गेथो बारो ली ज्यो, अने तीना डोळा मे थुप्यो अने आह़फा ना हात तीना डोळा पोर मेक्यो, अने तीने पुछ्यो, “तने देखाय ह़ु?”
24तीहयो उपर भाळीन केदो, “माणहु ने देख र्यो पण तीहया मने आसम देखाय जीसम झाटवा चालवा बाज र्या हय।”
25तत्यार ईसु अळी तीना डोळा पोर हात मेक्यो, अने तीहयो आंदळो आह़फा ना डोळा उगाड़ीन देखवा बाज ज्यो। तीहयो पासो आखु आसुझण देखवा बाज ज्यो। 26“अने आहया ह़ेर ना फळ्या मे पासो ना जाय, आसम कीन ईसु तीने तीना घोर मोकल्यो।”
भगवान नी लारे टाळलो मसी
(मत्ती 16:13-20; लुका 9:18-21)
27ईसु अने तीना चेला केसर्या फीलीपुस ह़ेर धेड़्ये वाळा फळ्या-फळ्या मे हय्न जवा बाज रेला; अने वाट्ये ईसु चेला ने पुछ्यो, “माणहु मारा बारा मे ह़ु की र्या?”
28 #
मरकुस 6:14,15; लुका 9:7,8 तीहया केदा, “काना केय, आहयो ते बपतीस्मा आपण्यो युहन्नो से” पण काना भगवान वगे गेथी वात केण्यो एलीया से केय, अने काना भगवान ना वात केण्या माणहु मे गेथो कानो बीजो से केय।#मरकुस 16:14,15; लुका 9:7,8
29 #
युहन्ना 6:68,69 ईसु तीमने पुछ्यो, “पण तमु मने ह़ु केवो?” पतरस केदो, “ह़ाचलीन तु भगवान नो मोकल्लो बचाड़न्यो मसी से।”#युहन्ना 6:68,69
30तत्यार तीहयो तीमने आहयु कीन चेतायो, “मारा बारा मे आहयी वात कोयने नी केजो।”
मोत अने ईसु पासो जीवतो हयवा ना बारा मे केय
(मत्ती 16:21-28; लुका 9:22-27)
31अने तीहयो चेला ने ह़ीकाड़्यो, “मे मनख्यान सोरो से, मार वाटु नक्खी से, के तीहयो घणो जबर वेला करहे, अने पुडार्या अने मंदीर ना डायला पुंजारा अने युहदी-धरम ह़ीकाड़न्या तीने हेटो ह़मजीन नीकारो करीन मार नाखहे, पण तीने तीन दाड़ा मे पासो जीवतो हय्न बठो हयवु से।” 32तीहयो आहयी वात चोखीझण आह़फा ना चेला ने उजन्ती की देदो। आहयु ह़मळीन पतरस ईसु ने सेटो ली जाय्न वडवा बाज ज्यो। 33पण ईसु पासो वळीन बीजा चेला भणी भाळ्यो अने तीमनी अगळ पतरस ने वडीन केदो, “ए भुतड़ा मारीन्तां गेथो सेटो जत रे; तु ते भगवान नी वात पोर नी, पण माणहु नी वात पोर मन लगाड़ीन केवा बाज र्यो।”
ईसु पसळ चालवा नु मतलब
(मत्ती 16:24-28; लुका 9:23-27)
34 #
मत्ती 10:38; लुका 14:27 अने तीहयो माणहु ना मेळा अने चेला ने ह़ाते बोलावीन केदो, “जे कोय मारो चेलो बणीन मारी ह़ाते आव्वा हीन्डे” तीहयो आह़फा नी मरजी नी पण मारी मरजी पुरी करतो जाय्न आह़फा नु कुरुस उचलीन मारी ह़ाते आव्वा जोवे।#मत्ती 10:38; लुका 14:27 35#मत्ती 10:39; लुका 17:33; युहन्ना 12:25काहाके जे कोय आह़फा ना जीव ने बचाड़वा हीन्डे, तीहयो आह़फा ना जीव ने खोवहे; पण जे कोय मारी वाटु अने मारी खुस-खबर वाटु आह़फा ना जीव ने खोवहे, तीहयो आह़फा ना जीव ने बचाड़हे।#मत्ती 10:39; लुका 17:33; युहन्ना 12:25 36कदी माणहु आखी कळजुग ने हात कर लेय, अने ते बी आह़फा नो जीव खोय देय, ता तीने ह़ु फायदो से? 37अने तीहयो आह़फा नो जीव पासो लाव्वा करीन आह़फा ना जीव नी अवजी पोर ह़ु आपहे? 38एक दाड़े मे जे मनख्या नो सोरो से, ह़रग वाळा चोखला ह़रगदुत ह़ाते अने मारा बाह नी बड़ाय भेळो आवही। तीहयी टेमे मे तीहया माणेह सी हुकारीन मानवा मे लजवाहे, जे आहयी पीड़ीन छीनाळ्या अने पापी माणहु नी अगळ मने अने मारी ह़ीकापण ने हुकारीन मानवा मे लजवायहे।
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025