ᑎᐱᑦ ᐅᓂᑭᒧᐅᓇ 22
22
1ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ᐛᐱᓂᔨᓐ ?
ᑕᓇᒡ ᐛᒋ ᐅᓴᒻ ᔭᐅᓇᑯᓯᔨᓐ ᒐᒋ ᐎᒋᔨᓐ, ᑭᔭ ᒪᒃ ᒐᒋ ᐸᑐᐎᓐ ᐊ ᒥᑥᒪᔭᓐ᙮
2ᐅ ᓂᒋᓴᒪᓂᑐᒻ, ᓂᒋ ᒪᓐ ᒪᒂᒡ ᐊ ᒋᓯᑲᒡ, ᒪᒃ ᓇᒪᐎᔾ ᒋ ᐸᑕᓐ;
ᑭᔭ ᒪᒂᒡ ᐊ ᑎᐱᔅᑲᒡ, ᓇᒪ ᑭᔭ ᓂᒋ ᒋᒺᓐ᙮
3ᒪᒃ ᒋᔾ ᒋ ᐸᔭᒋᓯᓐ,
ᐅ ᒋᔾ ᐊ ᑕᐅᑦ ᐅᒪᒥᒋᒧᐛᐅᓂᒡ ᐃᔅᕋᐃᓪ᙮
4ᓄᑕᐎᓇᓐᒡ ᔅᒋ ᒪᒥᓯᑐᑕᑯᒡ:
ᔅᒋ ᒪᒥᓯᑐᑕᑯᒡ, ᔅᒋ ᐱᒪᒋᐊᐅᒡ ᒪᒃ᙮
5ᔅᒋ ᒧᔎᑎᑯᒡ, ᐊᑯ ᑲ ᐱᒪᒋᐊᑭᓄᐅᒡ:
ᔅᒋ ᒪᒥᓯᑐᑎᑯᒡ, ᐊᑯ ᓇᒪ ᐅᒋ ᓴᒂᔨᒧᐅᒡ᙮
6ᒪᒃ ᓂᔾ ᓂ ᒥᓐᑐᓱᐅᓐ;
ᐊ ᒥᒪᔭᔨᒥᒡ ᐃᔪᒡ, ᑭᔭ ᐊ ᐊᑐᐛᔨᒥᒡ ᐃᔪᒡ᙮
7ᒥᓯᐛ ᐊᓐᒡ ᑲ ᐛᐱᒥᒡ ᓂ ᒪᔭᔨᒥᑯᒡ:
ᒋᓱᔅᑐᐛᔪᐅᒡ, ᑭᔭ ᐊ ᐛᐛᐱᔎᔨᒡ, ᐃᔅᒋᔄᐅᒡ,
8“ᒋ ᒪᒥᓯᑐᑕᐛᐤ ᑎᐸᔨᒋᒐᓱᐛ ᒐᒋ ᐱᒪᒋᐃᑯᑦ;
ᐊᑯᔅ ᒋᑭ ᐱᒪᒋᐃᑯᐤ ᒪᔽᔨᒥᑯᒂ᙮”
9ᒪᒃ ᒋᔾ ᑲ ᐅᑎᓂᔨᓐ ᒥᔅᐸᔭᒡ ᐅᒡ:
ᔅᒋ ᐱᑯᓴᔨᒧᔨᓐ ᒪᒂᒡ ᓂᑲᐎᔾ ᐅᒋᒋᓯᒥᒡ ᑲ ᐃᓯ ᐱᒥᓯᓂᔭᓐ᙮
10ᓂᒋ ᐱᔅᑎᓂᑯᐅᓐ ᒋᑎᒋᒡ ᒥᔅᐸᔭᒡ ᐅᒋ:
ᒋᔾ ᓂᒋᓴᒪᓂᑐᒻ ᓂᑲᐎᔾ ᐊᑕᐅᒡ ᐅᒋ᙮
11ᐊᑲᐎᔾ ᔭᐛᐱᒥ;
ᐛᔅ ᐊᔨᒥᓯᐅᓐ ᐸᓱᓇᑯᓐ;
ᐛᔅ ᓇᒪ ᑕᐤ ᐊᐛᓐ ᒐ ᐎᒋᐃᐛᑦ᙮
12ᒥᒐᑦ ᒥᒋᑎᐧᑯᒡ ᓂᒋ ᐛᔅᑲᔅᑲᑯᒡ:
ᑲ ᒥᔅᑯᐅᓯᒡ ᒥᒋᑎᐧᑯᒡ ᐸᓴᓂᒡ ᐅᒋ ᓂ ᐛᔅᑲᑲᐳᐅᔅᑕᑯᒡ᙮
13ᓂᒋ ᑕᐅᑐᓇᔨᔅᑕᑯᒡ,
ᒧᔭᒻ ᐊ ᐱᒂᐧᑭᑕᑦ ᑭᔭ ᐊ ᐎᔪᑦ ᒥᓯᐱᓱᐤ᙮
14ᓂ ᓯᒋᓂᑯᐅᓐ ᒧᔭᒻ ᓂᐱᔾ,
ᑭᔭ ᒥᓯᐛ ᓂᔅᑭᓇ ᐸᐱᓯᑯᔅᒐᐱᔪᐛ,
ᓂᑕᐃ ᒧᔭᒻ ᐱᓴᒂᐃᑭᓐ;
ᑎᔅᑕᐤ ᑕᑕᐅᒡ ᐱᒡ ᓂᔭᒡ᙮
15ᓂ ᒥᔅᑯᐅᓯᐅᓐ ᐸᔅᑕᐤ ᒧᔭᒻ ᐊᒋ ᐅᒋ ᐱᓂᐱᔨᒡ ᒥᓂᒂᑭᓐ,
ᑭᔭ ᓂᑕᔨᔾ ᓂᑕᐱᔅᒋᑭᓂᒡ ᒋᑭᒧᐤ;
ᑭᔭ ᔅᒋ ᐸᓱᐅᓐ ᓂᐳᐅᓐ ᐊᓯᔅᒋᒡ᙮
16ᐛᔅ ᐊᑎᒧᒡ ᓂᒋ ᐛᔅᑲᔅᑲᑯᒡ;
ᑲ ᒪᒧᐎᔨᑐᒡ ᐅᒥᒋᑥᐅᒡ ᓂ ᐛᔅᑲᑲᐳᐅᔅᑕᑯᒡ:
ᒋ ᑕᐧᑲᑎᒧᒡ ᓂᑎᒋᔭ ᑭᔭ ᓂᓯᑕ᙮
17ᓂᒋ ᐊᒋᑕᓐ ᒥᓯᐛ ᓂᔅᑭᓇ:
ᓂ ᑭᓄᐛᐱᒥᑯᒡ ᑭᔭ ᓂ ᒥᔅᑲᓯᓇᑯᒡ᙮
18ᒋ ᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ,
ᑭᔭ ᒪᐃᑭᓇᑎᑯᒐᐅᒡ ᓂᑦ ᐊᑯᐱᔪᐤ᙮
Psalm 22:19-28 (Proper-7 Year C)
19ᒪᒃ ᐊᑲᐎᔾ ᔭᐛᐱᒥ, ᐅ ᑎᐸᔨᒋᒐᓱᐤ:
ᐅ ᓂᒥᔅᑯᐅᓯᐅᓐ, ᒋᐱᔾ ᐎᒋᐃ᙮
20ᐱᒪᒋ ᓂᑦ ᐊᒐᐧᒄ ᓂᑐᐱᔪᐅ-ᒧᐧᑯᒪᓂᔪᐤ ᐅᒋ:
ᓂᓴᒋᐊᑭᓐ ᐅᑭᔅᒋᐅᓂᔨᒡ ᐊᑎᒺ ᐅᒋ᙮
21ᐱᒪᒋᐃ ᒥᓯᐱᓱᐤ ᐅᑐᓂᒡ ᐅᒋ:
ᐛᔅ ᔅᒋ ᐸᑐᐅᓐ ᐅᑦ ᐊᔅᑭᓂᒡ ᐅᐸᔭᑯᑕᔅᑭᓇᐤ ᐅᒋ᙮
22ᓂᑭ ᐎᑎᒧᐛᐅᒡ ᒋᑦ ᐃᓯᓂᐧᑲᓱᐅᓂᔪᐤ ᓂᐧᑲᓂᓯᒡ;
ᐊᓐᑕ ᐊ ᐃᓯ ᒪᒧᒥᒐᑎᒡ ᒋᑭ ᒪᒥᒋᒥᑎᓐ᙮
Psalm 22:23-31 (Lent-2 Year B)
23ᒋᔨᐛᐤ ᑲ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ;
ᒥᓯᐛ ᒋᔨᐛᐤ ᒐᑭᑉ ᐅᑦ ᐊᐛᓯᒥᓴ, ᒋᔅᑕᒋᒥᐧᒄ;
ᑭᔭ ᓇᓂᒋᔅᑕᐧᒄ ᒥᓯᐛ ᒋᔨᐛᐤ ᐃᔅᕋᐃᓪ ᐅᑦ ᐊᐛᓯᒥᓴ᙮
24ᐛᔅ ᓇᒪᐎᔾ ᒋ ᐊᑐᐛᔨᑎᒺᐤ ᑭᔭ ᒪᒐᔨᑎᒺᐤ ᐅᐎᓯᒐᔨᑎᒧᐅᓂᔪᐤ ᑲ ᐊᔨᒧᐊᑭᓄᐎᒋ;
ᓇᒪ ᑭᔭ ᐅᒋ ᑲᓱᔅᑐᐛᐤ;
ᐃᔅᐱ ᒪᒃ ᒥᔭᑕᑯᑦ ᒋ ᓂᑐᑐᐛᐤ᙮
Psalm 22:25-31 (Easter-5 Year B)
25ᒋᔾ ᒋᑭ ᒪᒥᒋᒥᑎᓐ ᒋᒋᒪᐛᒋᐃᑐᐅᓂᒡ:
ᓂᑭ ᑎᐸᐊᓐ ᑲ ᐃᓯ ᒋᒋ ᐃᔨᓐ ᐅᑎᔅᑯᐤ ᐊᓐᒡ ᑲ ᓇᓂᒋᔅᑐᐛᒡ᙮
26ᐅᔪᔅᑲᑎᓯᐅᒡ ᒋᑭ ᒥᒋᓱᐅᒡ ᑭᔭ ᒋᑭ ᒋᔅᐳᐅᒡ:
ᒋᑭ ᒪᒥᒋᒪᐅᒡ ᑎᐸᔨᒋᒐᓱᐛ ᐊᓐᒡ ᑲ ᓇᓂᑐᐛᔨᒪᒡ:
ᒋᑕᐃᐛᐛ ᓇᓂᑎᒻ ᒋᑭ ᐱᒪᑎᓯᒪᑭᓂᔨᐛ᙮
27ᒥᓯᐛᔅᑭᒥᒡ ᒋᑭ ᒋᔅᒋᑐᐛᐅᒡ ᑭᔭ ᒋᑭ ᒂᔅᒋᑲᐳᐅᔅᑐᐛᐅᒡ ᑎᐸᔨᒋᒐᓱᐛ:
ᑭᔭ ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐅᒋᒋᑯᓂᐱᔅᑐᐛᐅᒡ᙮
28ᐛᔅ ᐅᒋᒪᐅᓂᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ:
ᐎᔾ ᒪᒃ ᑎᐸᔨᒪᐤ ᒥᓯᐛ ᑲ ᑕᑐᔅᑲᓇᓯᔨᒋ ᐃᔪᐛ᙮
29ᒥᓯᐛ ᐊᓐᒡ ᑲ ᐎᔨᔪᐅᒡ ᒋᑭ ᒥᒋᓱᐅᒡ ᑭᔭ ᒋᑭ ᐊᔭᒥᐊᔅᑕᒐᐅᒡ:
ᒥᓯᐛ ᐊᓐᒡ ᑲ ᐃᑐᑕᒡ ᐊᓯᔅᒋᒡ ᒋᑭ ᐱᑕᐱᔅᑐᐛᐅᒡ,
ᓇᒪᐎᔾ ᐊᐛᓐ ᒪᒃ ᒋᑭ ᒋ ᐱᒪᒋᐊᐤ ᑎᐱᔨᐛ ᐅᑦ ᐊᒐᒂ᙮
30ᒋᑭ ᐊᑐᔅᑲᑯᐤ ᐊᐛᓴ;
ᑎᐸᔨᒋᒐᓱᐤ ᐅᑦ ᐊᓂᔅᒐ ᐱᒪᑎᓯᒪ ᒋᑭ ᐃᑕᒋᒪᑭᓄᐎᔪᐛ᙮
31ᒋᑭ ᐸᒋ ᐃᑐᑕᔪᐛ, ᑭᔭ ᐅᑯᐃᔅᑯᑕᑎᓯᐅᓐ ᒋᑭ ᐊᔨᒧᑎᒧᐛᔪᐛ ᐃᔪᐛ ᐊᔎ ᒐ ᓂᑕᐅᒋᔨᒋ,
ᐅᔭᔪᐤ ᐊᒋ ᐃᑐᑕᐧᒃ᙮
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᑎᐱᑦ ᐅᓂᑭᒧᐅᓇ 22
22
1ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ᐛᐱᓂᔨᓐ ?
ᑕᓇᒡ ᐛᒋ ᐅᓴᒻ ᔭᐅᓇᑯᓯᔨᓐ ᒐᒋ ᐎᒋᔨᓐ, ᑭᔭ ᒪᒃ ᒐᒋ ᐸᑐᐎᓐ ᐊ ᒥᑥᒪᔭᓐ᙮
2ᐅ ᓂᒋᓴᒪᓂᑐᒻ, ᓂᒋ ᒪᓐ ᒪᒂᒡ ᐊ ᒋᓯᑲᒡ, ᒪᒃ ᓇᒪᐎᔾ ᒋ ᐸᑕᓐ;
ᑭᔭ ᒪᒂᒡ ᐊ ᑎᐱᔅᑲᒡ, ᓇᒪ ᑭᔭ ᓂᒋ ᒋᒺᓐ᙮
3ᒪᒃ ᒋᔾ ᒋ ᐸᔭᒋᓯᓐ,
ᐅ ᒋᔾ ᐊ ᑕᐅᑦ ᐅᒪᒥᒋᒧᐛᐅᓂᒡ ᐃᔅᕋᐃᓪ᙮
4ᓄᑕᐎᓇᓐᒡ ᔅᒋ ᒪᒥᓯᑐᑕᑯᒡ:
ᔅᒋ ᒪᒥᓯᑐᑕᑯᒡ, ᔅᒋ ᐱᒪᒋᐊᐅᒡ ᒪᒃ᙮
5ᔅᒋ ᒧᔎᑎᑯᒡ, ᐊᑯ ᑲ ᐱᒪᒋᐊᑭᓄᐅᒡ:
ᔅᒋ ᒪᒥᓯᑐᑎᑯᒡ, ᐊᑯ ᓇᒪ ᐅᒋ ᓴᒂᔨᒧᐅᒡ᙮
6ᒪᒃ ᓂᔾ ᓂ ᒥᓐᑐᓱᐅᓐ;
ᐊ ᒥᒪᔭᔨᒥᒡ ᐃᔪᒡ, ᑭᔭ ᐊ ᐊᑐᐛᔨᒥᒡ ᐃᔪᒡ᙮
7ᒥᓯᐛ ᐊᓐᒡ ᑲ ᐛᐱᒥᒡ ᓂ ᒪᔭᔨᒥᑯᒡ:
ᒋᓱᔅᑐᐛᔪᐅᒡ, ᑭᔭ ᐊ ᐛᐛᐱᔎᔨᒡ, ᐃᔅᒋᔄᐅᒡ,
8“ᒋ ᒪᒥᓯᑐᑕᐛᐤ ᑎᐸᔨᒋᒐᓱᐛ ᒐᒋ ᐱᒪᒋᐃᑯᑦ;
ᐊᑯᔅ ᒋᑭ ᐱᒪᒋᐃᑯᐤ ᒪᔽᔨᒥᑯᒂ᙮”
9ᒪᒃ ᒋᔾ ᑲ ᐅᑎᓂᔨᓐ ᒥᔅᐸᔭᒡ ᐅᒡ:
ᔅᒋ ᐱᑯᓴᔨᒧᔨᓐ ᒪᒂᒡ ᓂᑲᐎᔾ ᐅᒋᒋᓯᒥᒡ ᑲ ᐃᓯ ᐱᒥᓯᓂᔭᓐ᙮
10ᓂᒋ ᐱᔅᑎᓂᑯᐅᓐ ᒋᑎᒋᒡ ᒥᔅᐸᔭᒡ ᐅᒋ:
ᒋᔾ ᓂᒋᓴᒪᓂᑐᒻ ᓂᑲᐎᔾ ᐊᑕᐅᒡ ᐅᒋ᙮
11ᐊᑲᐎᔾ ᔭᐛᐱᒥ;
ᐛᔅ ᐊᔨᒥᓯᐅᓐ ᐸᓱᓇᑯᓐ;
ᐛᔅ ᓇᒪ ᑕᐤ ᐊᐛᓐ ᒐ ᐎᒋᐃᐛᑦ᙮
12ᒥᒐᑦ ᒥᒋᑎᐧᑯᒡ ᓂᒋ ᐛᔅᑲᔅᑲᑯᒡ:
ᑲ ᒥᔅᑯᐅᓯᒡ ᒥᒋᑎᐧᑯᒡ ᐸᓴᓂᒡ ᐅᒋ ᓂ ᐛᔅᑲᑲᐳᐅᔅᑕᑯᒡ᙮
13ᓂᒋ ᑕᐅᑐᓇᔨᔅᑕᑯᒡ,
ᒧᔭᒻ ᐊ ᐱᒂᐧᑭᑕᑦ ᑭᔭ ᐊ ᐎᔪᑦ ᒥᓯᐱᓱᐤ᙮
14ᓂ ᓯᒋᓂᑯᐅᓐ ᒧᔭᒻ ᓂᐱᔾ,
ᑭᔭ ᒥᓯᐛ ᓂᔅᑭᓇ ᐸᐱᓯᑯᔅᒐᐱᔪᐛ,
ᓂᑕᐃ ᒧᔭᒻ ᐱᓴᒂᐃᑭᓐ;
ᑎᔅᑕᐤ ᑕᑕᐅᒡ ᐱᒡ ᓂᔭᒡ᙮
15ᓂ ᒥᔅᑯᐅᓯᐅᓐ ᐸᔅᑕᐤ ᒧᔭᒻ ᐊᒋ ᐅᒋ ᐱᓂᐱᔨᒡ ᒥᓂᒂᑭᓐ,
ᑭᔭ ᓂᑕᔨᔾ ᓂᑕᐱᔅᒋᑭᓂᒡ ᒋᑭᒧᐤ;
ᑭᔭ ᔅᒋ ᐸᓱᐅᓐ ᓂᐳᐅᓐ ᐊᓯᔅᒋᒡ᙮
16ᐛᔅ ᐊᑎᒧᒡ ᓂᒋ ᐛᔅᑲᔅᑲᑯᒡ;
ᑲ ᒪᒧᐎᔨᑐᒡ ᐅᒥᒋᑥᐅᒡ ᓂ ᐛᔅᑲᑲᐳᐅᔅᑕᑯᒡ:
ᒋ ᑕᐧᑲᑎᒧᒡ ᓂᑎᒋᔭ ᑭᔭ ᓂᓯᑕ᙮
17ᓂᒋ ᐊᒋᑕᓐ ᒥᓯᐛ ᓂᔅᑭᓇ:
ᓂ ᑭᓄᐛᐱᒥᑯᒡ ᑭᔭ ᓂ ᒥᔅᑲᓯᓇᑯᒡ᙮
18ᒋ ᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ,
ᑭᔭ ᒪᐃᑭᓇᑎᑯᒐᐅᒡ ᓂᑦ ᐊᑯᐱᔪᐤ᙮
Psalm 22:19-28 (Proper-7 Year C)
19ᒪᒃ ᐊᑲᐎᔾ ᔭᐛᐱᒥ, ᐅ ᑎᐸᔨᒋᒐᓱᐤ:
ᐅ ᓂᒥᔅᑯᐅᓯᐅᓐ, ᒋᐱᔾ ᐎᒋᐃ᙮
20ᐱᒪᒋ ᓂᑦ ᐊᒐᐧᒄ ᓂᑐᐱᔪᐅ-ᒧᐧᑯᒪᓂᔪᐤ ᐅᒋ:
ᓂᓴᒋᐊᑭᓐ ᐅᑭᔅᒋᐅᓂᔨᒡ ᐊᑎᒺ ᐅᒋ᙮
21ᐱᒪᒋᐃ ᒥᓯᐱᓱᐤ ᐅᑐᓂᒡ ᐅᒋ:
ᐛᔅ ᔅᒋ ᐸᑐᐅᓐ ᐅᑦ ᐊᔅᑭᓂᒡ ᐅᐸᔭᑯᑕᔅᑭᓇᐤ ᐅᒋ᙮
22ᓂᑭ ᐎᑎᒧᐛᐅᒡ ᒋᑦ ᐃᓯᓂᐧᑲᓱᐅᓂᔪᐤ ᓂᐧᑲᓂᓯᒡ;
ᐊᓐᑕ ᐊ ᐃᓯ ᒪᒧᒥᒐᑎᒡ ᒋᑭ ᒪᒥᒋᒥᑎᓐ᙮
Psalm 22:23-31 (Lent-2 Year B)
23ᒋᔨᐛᐤ ᑲ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ;
ᒥᓯᐛ ᒋᔨᐛᐤ ᒐᑭᑉ ᐅᑦ ᐊᐛᓯᒥᓴ, ᒋᔅᑕᒋᒥᐧᒄ;
ᑭᔭ ᓇᓂᒋᔅᑕᐧᒄ ᒥᓯᐛ ᒋᔨᐛᐤ ᐃᔅᕋᐃᓪ ᐅᑦ ᐊᐛᓯᒥᓴ᙮
24ᐛᔅ ᓇᒪᐎᔾ ᒋ ᐊᑐᐛᔨᑎᒺᐤ ᑭᔭ ᒪᒐᔨᑎᒺᐤ ᐅᐎᓯᒐᔨᑎᒧᐅᓂᔪᐤ ᑲ ᐊᔨᒧᐊᑭᓄᐎᒋ;
ᓇᒪ ᑭᔭ ᐅᒋ ᑲᓱᔅᑐᐛᐤ;
ᐃᔅᐱ ᒪᒃ ᒥᔭᑕᑯᑦ ᒋ ᓂᑐᑐᐛᐤ᙮
Psalm 22:25-31 (Easter-5 Year B)
25ᒋᔾ ᒋᑭ ᒪᒥᒋᒥᑎᓐ ᒋᒋᒪᐛᒋᐃᑐᐅᓂᒡ:
ᓂᑭ ᑎᐸᐊᓐ ᑲ ᐃᓯ ᒋᒋ ᐃᔨᓐ ᐅᑎᔅᑯᐤ ᐊᓐᒡ ᑲ ᓇᓂᒋᔅᑐᐛᒡ᙮
26ᐅᔪᔅᑲᑎᓯᐅᒡ ᒋᑭ ᒥᒋᓱᐅᒡ ᑭᔭ ᒋᑭ ᒋᔅᐳᐅᒡ:
ᒋᑭ ᒪᒥᒋᒪᐅᒡ ᑎᐸᔨᒋᒐᓱᐛ ᐊᓐᒡ ᑲ ᓇᓂᑐᐛᔨᒪᒡ:
ᒋᑕᐃᐛᐛ ᓇᓂᑎᒻ ᒋᑭ ᐱᒪᑎᓯᒪᑭᓂᔨᐛ᙮
27ᒥᓯᐛᔅᑭᒥᒡ ᒋᑭ ᒋᔅᒋᑐᐛᐅᒡ ᑭᔭ ᒋᑭ ᒂᔅᒋᑲᐳᐅᔅᑐᐛᐅᒡ ᑎᐸᔨᒋᒐᓱᐛ:
ᑭᔭ ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐅᒋᒋᑯᓂᐱᔅᑐᐛᐅᒡ᙮
28ᐛᔅ ᐅᒋᒪᐅᓂᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ:
ᐎᔾ ᒪᒃ ᑎᐸᔨᒪᐤ ᒥᓯᐛ ᑲ ᑕᑐᔅᑲᓇᓯᔨᒋ ᐃᔪᐛ᙮
29ᒥᓯᐛ ᐊᓐᒡ ᑲ ᐎᔨᔪᐅᒡ ᒋᑭ ᒥᒋᓱᐅᒡ ᑭᔭ ᒋᑭ ᐊᔭᒥᐊᔅᑕᒐᐅᒡ:
ᒥᓯᐛ ᐊᓐᒡ ᑲ ᐃᑐᑕᒡ ᐊᓯᔅᒋᒡ ᒋᑭ ᐱᑕᐱᔅᑐᐛᐅᒡ,
ᓇᒪᐎᔾ ᐊᐛᓐ ᒪᒃ ᒋᑭ ᒋ ᐱᒪᒋᐊᐤ ᑎᐱᔨᐛ ᐅᑦ ᐊᒐᒂ᙮
30ᒋᑭ ᐊᑐᔅᑲᑯᐤ ᐊᐛᓴ;
ᑎᐸᔨᒋᒐᓱᐤ ᐅᑦ ᐊᓂᔅᒐ ᐱᒪᑎᓯᒪ ᒋᑭ ᐃᑕᒋᒪᑭᓄᐎᔪᐛ᙮
31ᒋᑭ ᐸᒋ ᐃᑐᑕᔪᐛ, ᑭᔭ ᐅᑯᐃᔅᑯᑕᑎᓯᐅᓐ ᒋᑭ ᐊᔨᒧᑎᒧᐛᔪᐛ ᐃᔪᐛ ᐊᔎ ᒐ ᓂᑕᐅᒋᔨᒋ,
ᐅᔭᔪᐤ ᐊᒋ ᐃᑐᑕᐧᒃ᙮
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada