ROME-TE 8
8
Hlagau Sunga Hinna
1Tua ahi ziehin Khris Jesu sunga a omte adingin tu-in mawsah thukhenna a om nawn sih hi. 2Azieh pen Jesu Khris sunga om hinna Hlagau’#8:2 Ahi sihle “hlagau” thukham in mawna le sina thukham panin note#8:2 Tam sunga “note” ci kammal pen Gk ah a tawm genna-in kizang hi; adang tang laibute ah “keima” ahi sihle “eite” ci-in kigiel hi. ang suohtasah zo ta hi. 3Cilesa zieha a thanem thukham in a bawl zawh lote, Pasien in a bawl zo hi; ama in mawna thoidam#8:3 Ahi sihle “mawna zieha biehpiehna dingin” nadingin mawna kidim cilesa mel a puo ama’ Tapa ang sawlna tawh cilesa sunga om mawna tungah thu a khen hi. 4Tami in cilesa deina bang hi loin Hlagau’#8:4 Ahi sihle “hlagau” deina banga a kalsuon eite sungah thukham in a kalh dihna thu a tangtun nading ahi hi. 5Bangzieh ahei cile cilesa deina banga a nungtate in a lungsim vuah cilesa tawh kisai thute a lunggul vua, ahi vangin Hlagau#8:5 Ahi sihle “hlagau” deina banga a nungtate in Hlagau#8:5 Ahi sihle “hlagau” tawh kisai thute ma a lunggul uhi. 6Cilesa tawh kisai thute lunggulna in sina hi a, Hlagau#8:6 Ahi sihle “hlagau” tawh kisai thute lunggulna in hinna le lungmuonna ahi hi. 7Tami thu ziehin cilesa tawh kisai lunggulna pen Pasien gal bawlna ahi a, tua in Pasien’ thukham a zui sih a, zong a zui thei mawng sih hi. 8Cilesa sunga a om mite in Pasien a lungdamsah thei sih uhi.
9Ahi vangin na sung vuah Pasien’ Hlagau#8:9 Ahi sihle “hlagau” ang ten ziehin note pen cilesa sunga om na hi sih vua, Hlagau#8:9 Ahi sihle “hlagau” sunga om na hi uhi. Khris’ Hlagau a nei lo poma Khris-a’ ahi sih hi. 10Ahi vangin na sung vuah Khris a op leh mawna ziehin na pumpite uh a si vangin dihna ziehin na Hlagau#8:10 Ahi sihle “hlagau” uh a hing hi. 11Na sung vuah misite lah panin Jesu a thosah ama’ Hlagau ang ten leh misite lah panin Khris#8:11 Adang tang laibute ah “tua Khris” ahi sihle “Khris Jesu” ahi sihle “Jesu Khris” ci-in kigiel hi. a thosah pa ahi ama in na sung vua a teng ama’ Hlagau tungtawnin#8:11 Adang tang laibute ah “ziehin” ci-in kigiel hi. a si thei na pumpite uzong hinna ang pie ding hi.#1Cor 3:16
12Tua ahi ciengin sanggamte aw, eite pen cilesa deina zui dinga cilesa tunga leibate i hi sih uhi. 13Azieh pen cilesa deina banga na hin uleh na si ding vua, ahi vangin Hlagau ziehin pumpi gamtatnate na thalia uleh na hing ding uhi. 14Bangzieh ahei cile Pasien’ Hlagau in a pui mite zosie Pasien’ tate ahi uhi. 15Azieh pen note in zauna sunga puakia nading sila hina hlagau na nga sih vua, tapa hina hlagau a nga zo na hizaw uhi. “Abba!#8:15 Aramaic hamin “Pa” a cinopna ahi hi. Pa!” ci-a i kiko ciengin,#Mrk 14:36; Gal 4:6 16Pasien’ tate i hi, ci thu tua Hlagau ma in eite’ hlagau tawh teci a pangton hi. 17Tuaci’n tate i hi uleh gouluote, Pasien’ gouluote le Khris tawh gouluo tonte i hi vua, Khris tawh i thuohton tahpi uleh eite zong ama tawh i minthangton ding uhi.#Gal 4:5-7
Mailam Hun Minthanna
18Tuhun taha i thuoh gimnate pen khatvei ciengin eite tunga minthanna ang kilang ding pen tawh tekah tah ka sa vet sih hi. 19Bangzieh ahei cile a kisiem nate in lawptahin Pasien’ tate kilah ding kal a ngahla mama uhi; 20azieh pen a kisiem nate kimanna nei lo suoh a, tua pen amau’ nop thu hi loin lametna sungah kimanna a nei lo a suohsah pa’ deina banga pieng ahi zaw hi.#Pien 3:17-19 21Bangzieh ahei cile a kisiem nate mama zong a muot dinga a kihenna panin kihlakhie-in a vanglien Pasien tate’ suohtatna a nga ding hi. 22Tuhun dongin a kisiem na vannuoi nausuoh takei natna vei bangin tau-in a om uhi, ci i thei hi. 23A kisiem nate beh ahi sih a, Hlagau’ ga masate a nei eite mama in zong tate ei suohsah ding ahi i pumpite uh tatkhietna ni ngah kawmin i sungtawng vuah khuisa-in i tau vangut uhi.#2Cor 5:2-4 24Azieh pen lametna sungah hutdamin i om zo ta uhi. Tu-in i musate i lametna pen lametna hi lo hi. Bang ding ahei cile koi in a musate lamen na lai ding ahei? 25Ahi vangin eite in i mu nai lote i lamet ciengin lungduoi tahin i ngah ngetngut uhi.
26Tua ma bangin i thanemna ah Hlagau in eite ei panpi hi; azieh pen eite in nget dinga kilawmte i ngen thei sih vua, ahi vangin tua Hlagau mama in kamtenga gen thei lo tauna tawh eite adingin ei thumpieh hi. 27Lungsim a sui Pasien#8:27 Gk “tua pa” in tua Hlagau’ lungsim a thei hi, bangzieh ahei cile Pasien’ deina dung zui-in Hlagau in misiengthote adingin a thumpieh hi.
28Pasien a it mite, ama’ ngimna dung zui-a a hlatsa mite adingin sil bangkim in a hoi lamin#8:28 Adang tang laibute ah “Pasien in a hoi lamin bangkim in semsah” ahi sihle “Pasien in bangkimah a hoi lamin sem” ci-in kigiel hi. a seppieh hi, ci thu i thei hi. 29Pasien’ Tapa pen a kunta mama innkuon sungah#8:29 Gk “sanggam tampite lahah” tacil ahi thei nadingin ama in a theikholsa mite, a Tapa’ lim sun dinga a laitansa ahi hi. 30Ama in tua banga a laitansate hlanin a hlatsate dih tangsah pai a, dih a tansahsate zong a min a thangsah hi.
Jesu Khris Sunga Pasien’ Itna
31Tua ahile tam thu tungtang ah bang i gen ding vuoi? Eite lamah Pasien a pan po leh eite lang khatah koi pang zo ding ahei? 32A Tapa khat neisun sit loin eite zosie adinga ei piekhie Pasien in adang na vannuoi zong a Tapa tawh ei pieton loin a om ding amah? 33Pasien’ teelsa mite koi in mawsah ding ahei? Dih ei tangsah pa pen Pasien ahi hi. 34Mawsah thukhen ding koi pen ahiei? Sina a thuoh beh tham loin sina panin thokia a, Pasien’ zietlamah a om, eite adinga thu ei ngetpieh pa khu Khris Jesu ahi hi. 35Koi in Khris’ itna panin ei khen zo ding ahei? Hamsatna, lungmanna, bawlsietna, gilkielna, zawnna, zauhuoina, le namsaute in ei khen zo ding amah? 36Lai Siengtho sungah,
“Nangma ziehin sunthapai-in thana ka thuoh uhi;
a kigo ding tuu bangin ei kisim hi,” ci-in kigiel hi.#Late 44:22
37Bangma in ei khen zo vawt sih ding a, eite ei it ama ziehin bangkimah guolzo pente i hi uhi. 38Azieh pen sina ahi a, hinna ahi zongin, vantung mite ahi a, thuneite ahi zongin, tuhun nate ahi a, ang tung ding nate ahi zongin, vanglietna neite ahi a, 39a sangna ahi a, a thuhna ahi zongin, adang a kisiem na vannuoi lahah na khat beh in i Topa Jesu Khris sunga Pasien’ ei itna tawh ei khen zo vawt lo ding hi, ci thu ka theitel hi.
Zo Bible © Bible Society of Myanmar, 2018.
ROME-TE 8
8
Hlagau Sunga Hinna
1Tua ahi ziehin Khris Jesu sunga a omte adingin tu-in mawsah thukhenna a om nawn sih hi. 2Azieh pen Jesu Khris sunga om hinna Hlagau’#8:2 Ahi sihle “hlagau” thukham in mawna le sina thukham panin note#8:2 Tam sunga “note” ci kammal pen Gk ah a tawm genna-in kizang hi; adang tang laibute ah “keima” ahi sihle “eite” ci-in kigiel hi. ang suohtasah zo ta hi. 3Cilesa zieha a thanem thukham in a bawl zawh lote, Pasien in a bawl zo hi; ama in mawna thoidam#8:3 Ahi sihle “mawna zieha biehpiehna dingin” nadingin mawna kidim cilesa mel a puo ama’ Tapa ang sawlna tawh cilesa sunga om mawna tungah thu a khen hi. 4Tami in cilesa deina bang hi loin Hlagau’#8:4 Ahi sihle “hlagau” deina banga a kalsuon eite sungah thukham in a kalh dihna thu a tangtun nading ahi hi. 5Bangzieh ahei cile cilesa deina banga a nungtate in a lungsim vuah cilesa tawh kisai thute a lunggul vua, ahi vangin Hlagau#8:5 Ahi sihle “hlagau” deina banga a nungtate in Hlagau#8:5 Ahi sihle “hlagau” tawh kisai thute ma a lunggul uhi. 6Cilesa tawh kisai thute lunggulna in sina hi a, Hlagau#8:6 Ahi sihle “hlagau” tawh kisai thute lunggulna in hinna le lungmuonna ahi hi. 7Tami thu ziehin cilesa tawh kisai lunggulna pen Pasien gal bawlna ahi a, tua in Pasien’ thukham a zui sih a, zong a zui thei mawng sih hi. 8Cilesa sunga a om mite in Pasien a lungdamsah thei sih uhi.
9Ahi vangin na sung vuah Pasien’ Hlagau#8:9 Ahi sihle “hlagau” ang ten ziehin note pen cilesa sunga om na hi sih vua, Hlagau#8:9 Ahi sihle “hlagau” sunga om na hi uhi. Khris’ Hlagau a nei lo poma Khris-a’ ahi sih hi. 10Ahi vangin na sung vuah Khris a op leh mawna ziehin na pumpite uh a si vangin dihna ziehin na Hlagau#8:10 Ahi sihle “hlagau” uh a hing hi. 11Na sung vuah misite lah panin Jesu a thosah ama’ Hlagau ang ten leh misite lah panin Khris#8:11 Adang tang laibute ah “tua Khris” ahi sihle “Khris Jesu” ahi sihle “Jesu Khris” ci-in kigiel hi. a thosah pa ahi ama in na sung vua a teng ama’ Hlagau tungtawnin#8:11 Adang tang laibute ah “ziehin” ci-in kigiel hi. a si thei na pumpite uzong hinna ang pie ding hi.#1Cor 3:16
12Tua ahi ciengin sanggamte aw, eite pen cilesa deina zui dinga cilesa tunga leibate i hi sih uhi. 13Azieh pen cilesa deina banga na hin uleh na si ding vua, ahi vangin Hlagau ziehin pumpi gamtatnate na thalia uleh na hing ding uhi. 14Bangzieh ahei cile Pasien’ Hlagau in a pui mite zosie Pasien’ tate ahi uhi. 15Azieh pen note in zauna sunga puakia nading sila hina hlagau na nga sih vua, tapa hina hlagau a nga zo na hizaw uhi. “Abba!#8:15 Aramaic hamin “Pa” a cinopna ahi hi. Pa!” ci-a i kiko ciengin,#Mrk 14:36; Gal 4:6 16Pasien’ tate i hi, ci thu tua Hlagau ma in eite’ hlagau tawh teci a pangton hi. 17Tuaci’n tate i hi uleh gouluote, Pasien’ gouluote le Khris tawh gouluo tonte i hi vua, Khris tawh i thuohton tahpi uleh eite zong ama tawh i minthangton ding uhi.#Gal 4:5-7
Mailam Hun Minthanna
18Tuhun taha i thuoh gimnate pen khatvei ciengin eite tunga minthanna ang kilang ding pen tawh tekah tah ka sa vet sih hi. 19Bangzieh ahei cile a kisiem nate in lawptahin Pasien’ tate kilah ding kal a ngahla mama uhi; 20azieh pen a kisiem nate kimanna nei lo suoh a, tua pen amau’ nop thu hi loin lametna sungah kimanna a nei lo a suohsah pa’ deina banga pieng ahi zaw hi.#Pien 3:17-19 21Bangzieh ahei cile a kisiem nate mama zong a muot dinga a kihenna panin kihlakhie-in a vanglien Pasien tate’ suohtatna a nga ding hi. 22Tuhun dongin a kisiem na vannuoi nausuoh takei natna vei bangin tau-in a om uhi, ci i thei hi. 23A kisiem nate beh ahi sih a, Hlagau’ ga masate a nei eite mama in zong tate ei suohsah ding ahi i pumpite uh tatkhietna ni ngah kawmin i sungtawng vuah khuisa-in i tau vangut uhi.#2Cor 5:2-4 24Azieh pen lametna sungah hutdamin i om zo ta uhi. Tu-in i musate i lametna pen lametna hi lo hi. Bang ding ahei cile koi in a musate lamen na lai ding ahei? 25Ahi vangin eite in i mu nai lote i lamet ciengin lungduoi tahin i ngah ngetngut uhi.
26Tua ma bangin i thanemna ah Hlagau in eite ei panpi hi; azieh pen eite in nget dinga kilawmte i ngen thei sih vua, ahi vangin tua Hlagau mama in kamtenga gen thei lo tauna tawh eite adingin ei thumpieh hi. 27Lungsim a sui Pasien#8:27 Gk “tua pa” in tua Hlagau’ lungsim a thei hi, bangzieh ahei cile Pasien’ deina dung zui-in Hlagau in misiengthote adingin a thumpieh hi.
28Pasien a it mite, ama’ ngimna dung zui-a a hlatsa mite adingin sil bangkim in a hoi lamin#8:28 Adang tang laibute ah “Pasien in a hoi lamin bangkim in semsah” ahi sihle “Pasien in bangkimah a hoi lamin sem” ci-in kigiel hi. a seppieh hi, ci thu i thei hi. 29Pasien’ Tapa pen a kunta mama innkuon sungah#8:29 Gk “sanggam tampite lahah” tacil ahi thei nadingin ama in a theikholsa mite, a Tapa’ lim sun dinga a laitansa ahi hi. 30Ama in tua banga a laitansate hlanin a hlatsate dih tangsah pai a, dih a tansahsate zong a min a thangsah hi.
Jesu Khris Sunga Pasien’ Itna
31Tua ahile tam thu tungtang ah bang i gen ding vuoi? Eite lamah Pasien a pan po leh eite lang khatah koi pang zo ding ahei? 32A Tapa khat neisun sit loin eite zosie adinga ei piekhie Pasien in adang na vannuoi zong a Tapa tawh ei pieton loin a om ding amah? 33Pasien’ teelsa mite koi in mawsah ding ahei? Dih ei tangsah pa pen Pasien ahi hi. 34Mawsah thukhen ding koi pen ahiei? Sina a thuoh beh tham loin sina panin thokia a, Pasien’ zietlamah a om, eite adinga thu ei ngetpieh pa khu Khris Jesu ahi hi. 35Koi in Khris’ itna panin ei khen zo ding ahei? Hamsatna, lungmanna, bawlsietna, gilkielna, zawnna, zauhuoina, le namsaute in ei khen zo ding amah? 36Lai Siengtho sungah,
“Nangma ziehin sunthapai-in thana ka thuoh uhi;
a kigo ding tuu bangin ei kisim hi,” ci-in kigiel hi.#Late 44:22
37Bangma in ei khen zo vawt sih ding a, eite ei it ama ziehin bangkimah guolzo pente i hi uhi. 38Azieh pen sina ahi a, hinna ahi zongin, vantung mite ahi a, thuneite ahi zongin, tuhun nate ahi a, ang tung ding nate ahi zongin, vanglietna neite ahi a, 39a sangna ahi a, a thuhna ahi zongin, adang a kisiem na vannuoi lahah na khat beh in i Topa Jesu Khris sunga Pasien’ ei itna tawh ei khen zo vawt lo ding hi, ci thu ka theitel hi.
Zo Bible © Bible Society of Myanmar, 2018.