2 CORINTH 2
2
1Tuaci’n keima in note a dasah kia dinga kang haw lo nadingin ka lungsim ka khensat zo hi. 2Azieh pen note hing dasah mawh leng kang dasah nomate simlo ei lungdamsah ding koi om tuon ding ahei? 3Kang pei ciengin keima ei lungdamsah lawmte tung panin lungkhamna ka thuoh lo nadingin tami lai ang giel ka hi hi; bangzieh ahei cile keima’ lungdamna pen note zosie’ lungdamna zong hi ding hi, ci-in muonna ka nei hi. 4Bangzieh ahei cile note ang lungkhamsah nuom ka hi sih a, a kicing itna tawh note kang it lam kang theisah nopna ziehin hahsatna lienpi le lungkhamna teng kawmkal panin hlitui tampi luongin lai ang hlah ka hizaw hi.
A khiel Mi Maisahna
5Ahi vangin mi khatpo in dana a piensah leh keima tung beha ang bawl ahi sih a, ka uong genna ahi sih a, ama in no teng zosie tungah zong bangtan cieng khat ang bawl hizaw hi. 6Mi a tamzawte’ danpiehna pen tua bang mipa adingin kicing zo hi. 7Tuaci’n lungkham seng kisa-in tua dana in ama a vuacip lo nadingin a mawna maisahin na henem zaw un. 8Tuaci’n note in ama na itna uh na kipsahkia nading uh kang thum hi. 9Note in sil bangkimah thu na mang vuoi mah, ci kang ze-et nopna le kang thei nopna zieha tami lai kang giel ahi hi. 10Note in maw na maisah popo uh ke’n zong ka maisah hi. Mawna ka maisahte zong nomate zieha Khris’ min tawh ka maisah ahi hi. 11Satan in ei nop neh lo nadinga eite in tamte i bawl ahi hi; azieh pen satan’ gelnate a thei lo i hi sih uhi.
Troas Khuo-a Paul’ Lunghimawna
12Khris’ lungdamna thu phuongzah dingin Troas khuo ka tun ciengin kei adingin Topa sungah kot khat ang kihong hi; 13ahi vangin tua tahah ka sanggam pa Titus ka mu lo ziehin ka lung a nuom sih hi. Tuaci’n amate mangpha pai-in Macedonia ah ka peisuoh hi.#Sawl 20:1
14Khris sunga zawna pawikhamna ah kote ei pui-in muncin tengah Khris theina gimnamtui ang kizelsah Pasien tungah nuomthu tung taheh. 15Bangzieh ahei cile gup nga mite le a mangthai mite lahah kote pen Pasien tungah Khris’ gimnamtui ka hi uhi; 16kote ka hi ule a kisie mi khat adingin sina pan sina a ngasah gimnamtui ka hi vua, adang khat adingin hinna pan hinna a ngasah gimnamtui ka hi uhi. Tam bang nate a sem dingin koi kicing zo ding ahei? 17Bangzieh ahei cile kote ka hi ule sum nga thei nadinga Pasien’ thu a thangbawl mi tampite#2:17 Adang tang laibute ah “adangte bang” ci-in kigiel hi. bang ka hi sih vua, Pasien kung pana kisawl mite bangin ama mai-ah mi citahte ka hina utawh Khris sunga thu gente ka hizaw uhi.
Zo Bible © Bible Society of Myanmar, 2018.