1 CORINTH 2
2
A Kikhailia Khris’ Thu Phuongzahna
1Sanggamte aw, na kung vuah Pasien’ thu thuhpi#2:1 Adang tang laibute ah “tecipanna” ci-in kigiel hi. a phuongzah dingin kang haw lai-in kihisahna kam le pilna kamte ka zang sih hi. 2Azieh pen note lahah singlamte tunga a kikhailia Jesu Khris simlo bangma thei ka sawm sih hi. 3Na kung vuah kang pei lai-in ka tha a nem a, zau-in ka ci nahpi-in a tun hi.#Sawl 18:9 4Ka kamham le ka thu phuongzahte zong pilna#2:4 Adang tang laibute ah “pilna tawh mi zolna” ci-in kigiel hi. kam tawh ahi sih a, Pasien’ Hlagau le a vanglietna tawh ahi zaw hi. 5Tuami in na upna uh mihing pilna tungah kinga loin Pasien’ vanglietna tungah a kingah zawh nading ahi hi.
Pasien’ Pilna Tahtah
6Hinanle kote in a picingsate lahah pilna thu ka gen uhi, tua pilna pen tu khanghun ahi sihle a maimang kuonkuon ta ding ahi tu khanghun gam-uhte’ pilna ahi sih hi. 7Ahi vangin kote in leitung pien masang peha eite minthan nadinga Pasien in a na sekholsa Pasien’ pilna, a thusim le a phuolsel thute ka gen uhi. 8Tam khanghun lai-a gam-uhte khat beh in tami thu a telsiem sih uhi; azieh pen amate in a na telsiem uh hileh minthang Topa a na khailia sih ding uhi. 9Ahi vangin,
“Mit in a mu ngai lo, bil in a zah ngai lo,
mihing lungsim in a ngaisut ngai lo,
Pasien in ama a it mite adingin
a bawlpiehsa thu ahi hi,” ci-a a kigiel bang ahi hi.#Isa 64:4
10Pasien in tam thu teng Hlagau tungtawnin ei theisah zo hi; azieh pen Hlagau in na vannuoi sui a, Pasien’ thuthuhte nangawn a kankhie hi. 11Bangzieh ahei cile a sunga a om mihing’ hlagau simlo koi mihing in tua mihing tahtah pen thei ahei? Tua ma bangin Pasien’ Hlagau simlo Pasien’ ngaisutna tahtahte koima in thei zo lo hi. 12Tu-in eite pen leitung hlagau nga i hi sih vua, Pasien in eite tunga ei pieh letsongte i telsiem thei nadingin Pasien tung pana ang pei hlagau nga i hizaw uhi. 13Tuale kote pen mihing pilna tawh a kihil kammalte zanga thu gen ka hi sih vua, Hlagau’ pilna tawh hlagau mite kungah hlagau lam thute letkhie-in a gen ka hizaw uhi.
14Hlagau mi ahi lote#2:14 Ahi sihle “cilesa mi” adingin Pasien’ Hlagau letsongte pen motna hi lel ahi ziehin amate in a sang zo sih uhi, bangzieh ahei cile tuate pen hla lam thu beh tawh kikhentel thei ahi ziehin amate in a telthei sih uhi. 15Hlagau mite in na vannuoi a khentel thei vua, amate in koima’ sittelna a thuoh sih uhi.
16“Azieh pen Topa a hil thei nadingin
koi in ama’ lungsim thei ahei?” kici hi.
Ahi vangin eite in Khris’ lungsim i nei uhi.#Isa 40:13
Zo Bible © Bible Society of Myanmar, 2018.