Ebiholwa EMANYISA

EMANYISA

Esitabo esilaangwa, Ebiholwa by'Abatume, simeeda hu Mboosi Ndai yi Luka yandiika. Esichiiririrwa syasyo sihuluundu nisyo ohweekesa koti lu baloondi ba Yesu bataangira bayaala basalaania Emboosi Ndai, “mu Yerusalemu, mu Buyudaaya mwoosi, neende mu Samaria, neende ohwoolera elalira yi syaalo syaakama” nga beemirirwa neende Mwooyo Mwoolerefu.

(1:8) Esitabo sino silomaloma koti Obukristo bwachaakira mu Buyudaaya, mani bwaahula bweehola efukiirira y'esyaalo syoosi. Omwandiiki haandi yachiiririra ohwomiisa abasoma ebyandiiko byae bino ati Obukristo haba sibweecha ohutiisa-tiisa bumaleo obutuki bw'Abarooma, haandi ati efukiirira y'Obukristo niyo eyoseresa abweene ediini y'Abayudea.

Esitabo sy'Ebiholwa by'Abatume, sinyala ohukabulwamo ebituundu bihuluundu bidatu, ohweema hu huhulaahulana hw'ebyaalo bi Mboosi Ndai ya Yesu yayaalwamo, neende ohuteebwao hwomukaanda kw'abafukiiriri:

(1) Ohuchaaka hw'Efukiirira y'Esikristo mu Yerusalemu luunyuma lwa Yesu ohuniina Muukulu;

(2) Efukiirira y'Esikristo ohusalaanira mu byaalo biindi bya Palesitina;

(3) Efukiirira ohwemeeda ohusalaanira mu byaalo byebodohaania enyaanja ya Mediterania, ohwoolera elalira mu Rooma.

Esiindu sihuluundu siboneha mu sitabo sy'Ebiholwa by'Abatume sino, nikwo omulimo kwa Mwooyo Mwoolerefu oweecha neende amaani maangi hu bafukiiriri mu Yerusalemu hu ludaalo lwa Pentekosti haandi yemeeda ohwimiriraanga neende ohwomiisa Abakristo neende abeemeresi baabwe mu biindu byoosi ebyaholehana bilomwalomwaho mu sitabo sino. Omulaanga kw'Abakristo bataangira kulomwalomwa mu bwiimbikiti, enjaala chiyeraho ech'abatume haandi ebiindu byandiikwa mu sitabo sy'Ebiholwa by'Abatume byeekesa amaani k'emboosi yino mu bulamu bw'abafukiiriri neende mu huholera alala hw'Abafukiiriri.

Ebiri mu sitabo sino mu bwiimbikiti

1. Ohwetekeha ohutusa obuloli 1:1-26

(a) Esilagiro sya Yesu simaliiriha neende si yasuubisa 1:1-14

(b) Owakobola mu makulu ka Yuda 1:15-26

2. Ohutusa obuloli mu Yerusalemu 2:1—8:3

3. Ohutusa obuloli mu Yudea neende mu Samaria 8:4—12:25

4. Omulimo kwa Paulo 13:1—28:31

(a) Olukeendo lutaangira lwa Paulo olw'ohuyaala Emboosi Ndai 13:1—14:28

(b) Omuhung'aano kwa Yerusalemu 15:1-35

(d) Olukeendo lwa Paulo lwohudatu lw'ohuyaala Emboosi Ndai 18:23—21:16

(e) Ohuboywa hwa Paulo mu Yerusalemu, Kaisarea, neende mu Rooma 21:17—28:31

目前选定：

Ebiholwa EMANYISA: SAMDC

高亮显示

复制

想要在所有设备上保存你的高亮显示吗？注册或登录

进一步了解EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Ebiholwa EMANYISA