ᓭᑲᕒᐋᔭ 6
6
1ᐁᑲᐧ ᒥᓇ ᓂ ᑭ ᐃᑖᐱᐣ, ᓂ ᑭ ᐋᐧᐸᐦᑌᐣ ᒫᑲ, ᐁᑯᓯ ᐳᑎ, ᑭ ᐹᐸᔨᐊᐧᐠ ᓀᐤ ᑎᑎᐱᑖᐹᓈᐢᑲᐧᐠ ᑕᐢᑕᐋᐧᒪᑎᐣ ᓂᓱ ᐊᐧᒋᔭ ᐅᐦᒋ; ᐊᓂᐦᐃ ᒫᑲ ᐊᐧᒋᔭ ᐅᓵᐋᐧᐱᐢᑯ ᐊᐧᒋᔭ. 2#ᑭᐢᑫᔨᐦᑖᑯᐦᑫᐃᐧᐣ 6:4; ᑭᐢᑫᔨᐦᑖᑯᐦᑫᐃᐧᐣ 6:5ᐊᓇ ᓂᐢᑕᒼ ᑎᑎᐱᑖᐹᓈᐢᐠ ᑭ ᒥᐦᑯᐁᐧᐊᐧᐠ ᒥᐢᑕᑎᒪᐧᐠ; ᐁᑲᐧ ᐊᓇ ᐊᐢᑯᐦᐨ ᑭ ᑲᐢᑭᑌᓯᐊᐧᐠ ᒥᐦᑕᑎᒪᐧᐠ; 3#ᑭᐢᑫᔨᐦᑖᑯᐦᑫᐃᐧᐣ 6:2ᐁᑲᐧ ᐊᓇ ᓂᐢᑐ ᑎᑎᐱᑖᐹᓈᐢᐠ ᐁ ᐋᐧᐱᐢᑭᓯᒋᐠ ᒥᐢᑕᑎᒪᐧᐠ; ᐁᑲᐧ ᐊᓇ ᓀᐤ ᑎᑎᐱᑖᐹᓈᐢᐠ ᐁ ᒋᑭᓈᑯᐁᐧᒋᐠ ᒥᐢᑕᑎᒪᐧᐠ. 4ᐁᑲᐧ ᓂ ᑭ ᓇᐢᑫᐧᐊᐧᓯᒫᐤ ᒥᓇ ᓂ ᑭ ᐃᑖᐤ ᐊᓇ ᐅᑭᓯᑯ ᑳ ᐃᐧᒋᐱᑭᐢᑫᐧᒥᐟ, ᑫᑲᐧᔭᐠ ᐃᐧᔭ ᐅᑭ ᓄᑭᒫᒼ? 5#ᑭᐢᑫᔨᐦᑖᑯᐦᑫᐃᐧᐣ 7:1ᐊᓇ ᒫᑲ ᐅᑭᓯᑯ ᓂ ᑭ ᓇᐢᑫᐧᐊᐧᓯᒥᐠ ᒥᓇ ᓂ ᑭ ᐃᑎᐠ, ᐁᐊᐧᑯᓂᐠ ᐅᑭ ᐊᓂᑭ ᓀᐤ ᐅᐦᑎᓇᐧᐠ ᑭᓯᑯᕽ ᐅᐦᒋ, ᑳ ᓯᐯᐧᐸᔨᒋᐠ ᐁ ᑭ ᐅᑎᐢᑲᐃᐧᑳᐸᐃᐧᐢᑕᐋᐧᒋᐠ ᑳ ᑎᐯᔨᐦᑕᒥᔨᐟ ᒥᓯᐁᐧ ᐊᐢᑭ. 6ᐊᓇ ᒫᑲ ᑎᑎᐱᑖᐹᓈᐢᐠ ᐁ ᑲᐢᑭᑌᓯᒋᐠ ᒥᐢᑕᑎᒪᐧᐠ ᑳ ᐊᔮᒋᐠ ᑭᐁᐧᑎᓄᑖᕽ ᐃᑌᐦᑫ ᐊᐢᑭᕽ ᐃᐢᐸᔨᐤ; ᐁᑯᓯ ᑳ ᐋᐧᐱᐢᑭᓯᒋᐠ ᐱᒥᑎᓴᐁᐧᐊᐧᐠ; ᑳ ᒋᑭᓈᑯᐁᐧᒋᐠ ᒫᑲ ᓵᐊᐧᓄᑖᕽ ᐊᐢᑭᕽ ᐃᐢᐸᔨᐊᐧᐠ. 7ᐊᓂᑭ ᒫᑲ ᑳ ᒥᐦᑯᐁᐧᒋᐠ ᑭ ᓯᐯᐧᐸᔨᐊᐧᐠ, ᐁᑯᓯ ᑭ ᓇᑐᓇᒪᐧᐠ ᑭᑕ ᑭ ᐱᒧᑖᑐᑕᑭᐠ ᐊᐢᑭ; ᑭ ᐃᑌᐤ ᒫᑲ, ᓯᐯᐧᑌᐠ, ᑳᑫᐧᑯᐢᐠ ᐱᒧᑖᑐᑕᒧᐠ ᐊᐢᑭ. ᐁᑯᓯ ᑳᑫᐧᑯᐢᐠ ᑭ ᐱᒧᑖᑐᑕᒪᐧᐠ ᐊᐢᑭ.
8ᐁᑲᐧ ᓂ ᑭ ᑌᐹᐧᑎᐠ ᒥᓇ ᓂ ᑭ ᑭᑐᑎᐠ, ᐁ ᐃᑌᐧᐟ, ᒫᑎᑲ, ᐊᓂᑭ ᑭᐁᐧᑎᓄᑖᕽ ᐊᐢᑭᕽ ᑳ ᐃᑐᐦᑌᒋᐠ ᓂ ᑭ ᐋᐢᑌᔦᔨᑕᒥᐃᑲᐧᐠ ᐁᑯᑕ ᑭᐁᐧᑎᓄᐃᐧ ᐊᐢᑭᕽ.
9ᐅᐟ ᐃᑌᐧᐃᐧᐣ ᒫᑲ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 10ᐅᑎᓂᐠ ᐊᓂᑭ ᐊᐊᐧᑳᑎᑯᐃᐧᓂᕽ ᐅᐦᒋ, ᐊᓂᑭ ᐅᑎ ᐦᐁᓬᑕᐩ ᐅᐦᒋ, ᑖᐸᐃᒐ ᐅᐦᒋ, ᒥᓇ ᒉᑌᐋᔭ ᐅᐦᒋ; ᐁᑯᓯ ᐁᐊᐧᑳᐧᓂᒪ ᐁ ᑭᓯᑳᐠ ᐯ ᐃᑐᐦᑌ, ᒥᓇ ᐱᐦᑐᑫ ᐅ ᐋᐧᐢᑳᐦᐃᑲᓂᕽ ᒑᓵᔭ ᐅᑯᓯᓴ ᓭᐦᐸᓈᔭ, ᐃᑕ ᑳ ᐯ ᐃᑐᐦᑌᒋᐠ ᐹᐱᓬᐊᓂᕽ ᐅᐦᒋ; 11ᐁᐦᐁ, ᐅᑎᓂᒼ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ, ᐁᑯᓯ ᐅᓯᐦᑖ ᑭᐦᒋ ᐅᑭᒫᐊᐧᐢᑐᑎᐣ, ᐊᐢᑖᐤ ᒫᑲ ᐅᐢᑎᑳᐧᓂᕽ ᒑᐢᔪᐊ ᐅᑯᓯᓴ ᒋᐦᐋᓴᑖᐠ, ᑭᐦᒋᐊᔭᒥᐦᐁᐃᐧᔨᓂᐤ; 12#ᒉᕒᐃᒫᔭ 23:5; 33:15; ᓭᑲᕒᐋᔭ 3:8ᑭ ᑲ ᑭᑐᑖᐤ ᒫᑲ, ᐁ ᐃᑌᐧᔭᐣ, ᐅᒥᓯ ᐃᓯ ᐱᑭᐢᑫᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐁ ᐃᑌᐧᐟ, ᒫᑎᑲ ᐊᓇ ᓈᐯᐤ ᑳ ᐅ ᐃᐧᔪᐃᐧᓂᐟ ᐅᐸᐢᑫᓂᑖᐃᐧᑭᐤ; ᐁᑯᓯ ᑭᑕ ᐅᐦᐱᑭᐤ ᐁᑯᑕ ᐅᐟ ᐃᐦᑖᐃᐧᓂᕽ ᐅᐦᒋ, ᒥᓇ ᑭᑕ ᐅᓯᐦᑖᐤ ᐅ ᑭᐦᒋᐊᔭᒥᐦᐁᐃᐧᑲᒥᑯᔨᐤ ᑳ ᑎᐯᔨᐦᒋᑫᔨᐟ; 13ᐁᐊᐧᑯ ᐅᑎ ᑭᑕ ᐅᓯᐦᑖᐤ ᐅ ᑭᐦᒋᐊᔭᒥᐦᐁᐃᐧᑲᒥᑯᔨᐤ ᑳ ᑎᐯᔨᐦᒋᑫᔨᐟ; ᒥᓇ ᑭᑕ ᑭᑭᐢᑲᒼ ᑭᐢᑌᔨᑖᑯᓯᐃᐧᐣ, ᑭᑕ ᐊᐱᐤ ᒫᑲ, ᒥᓇ ᑭᑕ ᐅᔭᓱᐁᐧᐤ ᐅ ᑭᐦᒋ ᐅᑭᒫᐊᐧᐱᐃᐧᓂᕽ; ᑭᑕ ᐊᔭᒥᐦᐁᐃᐧᔨᓂᐃᐧᐤ ᒫᑲ ᐅ ᑭᐦᒋ ᐅᑭᒫᐊᐧᐱᐃᐧᓂᕽ; ᐁᑯᓯ ᑕᐢᑕᐋᐧᔨᕽ ᐯᔭᐦᑕᑫᔨᒧᐃᐧ ᐅᔭᓱᐁᐧᐃᐧᐣ ᑭᑕ ᐊᔮᐤ. 14ᐁᑯᓯ ᑭᐦᒋ ᐅᑭᒫᐊᐧᐢᑐᑎᐣ ᑭᑕ ᐊᔮᐊᐧᐠ ᐦᐃᓬᐁᒼ, ᒥᓇ ᑖᐸᐃᒐ, ᒥᓇ ᒉᑌᐋᔭ, ᒥᓇ ᐦᐁᐣ ᐅᑯᓯᓴ ᓭᐦᐸᓈᔭ, ᑭᑕ ᒪᓂ ᐅ ᑭᐢᑭᓯᑐᑖᑯᐃᐧᓂᒋᐠ ᐅ ᑭᐦᒋᐊᔭᒥᐦᐁᐃᐧᑲᒥᑯᔨᕽ ᑳ ᑎᐯᔨᐦᒋᑫᔨᐟ. 15ᐊᓂᑭ ᒫᑲ ᐋᐧᔭᐤ ᑳ ᐊᔮᒋᐠ ᑭᑕ ᐯ ᓇᑕᐃᐧ ᐋᐧᐢᑳᐦᐃᑲᓂᑫᐊᐧᐠ ᐅ ᑭᐦᒋᐊᔭᒥᐦᐁᐃᐧᑲᒥᑯᔨᕽ ᑳ ᑎᐯᔨᐦᒋᑫᔨᐟ, ᑭ ᑲ ᑭᐢᑫᔨᑌᓈᐋᐧᐤ ᒫᑲ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᐁ ᑭ ᐯ ᐃᓯᑎᓴᐦᐅᐟ ᑭᑕ ᐯ ᓈᑎᑕᑯᐠ. ᐅᒪ ᒫᑲ ᑭᑕ ᐃᐦᑭᐣ, ᑭᐢᐱᐣ ᐋᐦᑲᒥ ᓇᓇᐃᑕᒣᑯ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ.
This Bible text is a corrected edition of the 1908 Western Cree Bible; it is in the public domain.