ᓭᑲᕒᐋᔭ 5
5
1ᐁᑲᐧ ᒥᓇ ᓂ ᑭ ᐃᑖᐱᐣ, ᐁᑯᓯ ᓂ ᐋᐧᐸᐦᑌᐣ ᐁ ᐱᒪᑯᑌᐠ ᑎᑎᐯᑭᓂᑲᐣ. 2ᓂ ᑭ ᐃᑎᐠ ᒫᑲ, ᑫᑲᐧᐩ ᐃᐧᔮᐸᐦᑕᒪᐣ? ᐁᑯᓯ ᓂ ᑭ ᓇᐢᑫᐧᐊᐧᓯᒫᐤ, ᓂ ᐋᐧᐸᐦᑌᐣ ᑎᑎᐯᑭᓂᑲᐣ ᐁ ᐱᒪᑲᑌᐠ; ᓂᓯᑕᓇᐤ ᑯᐱᑕ ᐃᐢᑳᐧᐤ, ᒥᓇ ᒥᑖᑕᐦᐟ ᑯᐱᑕ ᐃᐢᐱᑕᔭᑲᐢᑳᐤ. 3ᐁᑲᐧ ᓂ ᑭ ᐃᑎᐠ, ᐁᐊᐧᑯᒪ ᓈᓂᐳᒥᐁᐧᐃᐧᐣ ᑳ ᓯᐯᐧᐸᔨᐠ ᒥᓯᐁᐧ ᐁᐢᐱᒑᐠ ᐅᒪ ᐊᐢᑭ; ᒋᑫᒫ ᑲᐦᑭᔭᐤ ᐊᐃᐧᔭᐠ ᑳ ᑭᒧᑎᐟ ᑭᑕ ᑳᓯᐋᐧᐤ ᓇᐸᑌ ᑳ ᐃᑕᐢᑌᐠ ᐁᐊᐧᑯ; ᒥᓇ ᑲᐦᑭᔭᐤ ᐊᐃᐧᔭᐠ ᑳ ᒪᒋᐃᑌᐧᐟ ᑭᑕ ᑳᓯᐋᐧᐤ ᑫᐧᐢᑭ ᑳ ᐃᑕᐢᑌᐠ ᐁᐊᐧᑯ.
4ᓂ ᑲ ᓯᐯᐧᑎᓴᐁᐣ ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐁᑯᓯ ᑭᑕ ᐱᐦᑐᑫᒪᑲᐣ ᐅ ᐋᐧᐢᑳᐦᐃᑲᓂᕽ ᑭᒧᑎᐢᐠ, ᒥᓇ ᐅ ᐋᐧᐢᑳᐦᐃᑲᓂᕽ ᐊᓇ ᓇᐢᐹᐨ ᑳ ᐃᓯ ᑭᐦᒋᐃᑌᐧᐟ ᓂ ᐃᐧᔪᐃᐧᐣ ᐁ ᐊᐢᐱᒧᐟ; ᑭᑕ ᑕᓯᑫᒪᑲᐣ ᒫᑲ ᐅ ᐋᐧᐢᑳᐦᐃᑲᓂᕽ, ᐁᑯᓯ ᑭᑕ ᓂᓯᐊᐧᓈᒋᐦᑖᒪᑲᐣ ᑭᑭ ᐋᐧᐢᑳᐦᐃᑲᓈᑎᑲᐧ ᒥᓇ ᐊᓯᓂᔭᐠ ᐁᑯᑕ.
5ᐁᑲᐧ ᐊᓇ ᐅᑭᓯᑯ ᑳ ᐃᐧᒋᐱᑭᐢᑫᐧᒥᐟ ᑭ ᓯᐯᐧᑌᐤ, ᒥᓇ ᓂ ᑭ ᐃᑎᐠ, ᐃᑖᐱ ᐁᑲᐧ ᑫᑲᐧᐩ ᐅᒪ ᑳ ᓯᐯᐧᐸᔨᐠ. 6ᓂ ᑭ ᐃᑖᐧᐣ ᒫᑲ, ᑫᑲᐧᐩ ᐊᓂ? ᐁᑯᓯ ᑭ ᐃᑌᐧᐤ, ᐁᐊᐧᑯᒪ ᐊᓂᒪ ᐃᐦᐸ ᑳ ᓯᐯᐧᐸᔨᐠ. ᑭ ᐃᑌᐧᐤ ᒥᓇ, ᐁᐊᐧᑯᒪ ᐁᓯ ᑭᐢᑭᓇᐋᐧᓯᓈᑯᓯᒋᐠ ᒥᓯᐁᐧ ᐊᐢᑭᐠ. 7ᐁᑯᓯ ᐳᑎ ᑭ ᐅᐦᐱᓂᑳᑌᐤ ᐯᔭᐠ ᑖᓬᐊᐣᐟ ᐃᔨᑯᕽ ᒧᓱᓯᓂᐋᐧᐱᐢᐠ; ᐁᑯᓯ ᐊᐊᐧ ᐃᐢᑫᐧᐤ ᐁ ᐊᐱᐟ ᐁᑯᑕ ᐊᓂᒪ ᐃᐦᐸ. 8ᑭ ᐃᑌᐧᐤ ᒫᑲ, ᐁᐊᐧᑯᒪ ᒪᒑᔨᐃᐧᐃᐧᐣ; ᐁᑯᓯ ᑭ ᐸᑕᐱᐁᐧᐱᓀᐤ ᐁᑯᑕ ᐊᓂᒪ ᐃᐦᐸ; ᐁᑯᓯ ᑭ ᑭᐱᐁᐧᐱᓇᒼ ᐊᓂᒪ ᒧᓱᓯᓂᐊᐧᐱᐢᐠ. 9ᐁᑲᐧ ᓂ ᑭ ᐃᑖᐱᐣ ᒥᓇ ᓂ ᑭ ᐋᐧᐸᐦᑌᐣ, ᐳᑎ ᒫᑲ, ᑭ ᐯ ᓄᑯᓯᐊᐧᐠ ᓂᓱ ᐃᐢᑫᐧᐊᐧᐠ ᐁᑯᓯ ᔪᑎᐣ ᐅᑕᑕᑲᐧᓂᐊᐧᕽ ᑭ ᐊᔮᔨᐤ; ᑭ ᐅᑕᑕᑲᐧᓂᐊᐧᐠ ᒫᑲ ᑖᐱᐢᑯᐨ ᑭᐦᒋᐅᒋᒑᕽ ᐅᑕᑕᑲᐧᓇ; ᐁᑯᓯ ᑭ ᐅᐦᐸᐅᑖᐊᐧᐠ ᐊᓂᒪ ᐃᐦᐸ ᓇᔦᐊᐧᐨ ᐊᐢᑭ ᒥᓇ ᑭᓯᐠ. 10ᐁᑲᐧ ᓂ ᑭ ᐃᑖᐤ ᐊᓇ ᐅᑭᓯᑯ ᑳ ᐃᐧᒋᐱᑭᐢᑫᐧᒥᐟ, ᑖᓂᑌ ᐅᑭ ᐁᑐᑕᑖᒋᐠ ᐊᓂᒪ ᐃᐦᐸ? 11ᓂ ᑭ ᐃᑎᐠ ᒫᑲ, ᑭᑕ ᐋᐧᐢᑳᐦᐃᑲᓂᑲᐋᐧᒋᐠ ᐊᓂᑕ ᓵᐃᓇᕒ ᐊᐢᑭᕽ; ᐃᐢᐱ ᒫᑲ ᑲᐧᔮᑕᑭ ᑭᑕ ᐸᑭᑎᓈᐤ ᐁᑯᑕ ᐃᐧᔭ ᐅᐟ ᐃᐦᑖᐃᐧᓂᕽ.
This Bible text is a corrected edition of the 1908 Western Cree Bible; it is in the public domain.