Паччагьлугъар-2 19
19
Юавди Давуддиз тягьна йивуру
1Юавдиз гъапнийи:
– Паччагь Авессаломдихъ ишура ва дугъахъ дерд зигура.
2Ва вари кьушмиз думу йигъандин гъалибвал ясназ илтӀибкӀнийи, гьаз гъапиш думу йигъан эскрариз, фици «Паччагьди чан балихъ дерд зигура» кӀуруш, ебхьуйи. 3Эскрар шагьриз жиниди, дявдин вахтна гьергну, аьйибнакк ккахъур гъюруганси, гъюйи.
4Паччагьди маш элебкнийи ва ягъалди гьарйир апӀуйи:
– Агь, йиз бай Авессалом! Агь, Авессалом, йиз бай, йиз бай!
5Юавди, паччагьдихьна хулаз учӀвну, гъапнийи:
– Яв уьмур, яв баярин ва шубарин уьмрар, яв хпарин ва ашнийирин уьмрар гьамусяаьт къутармиш гъапӀу яв вари адмийир гъи уву асккан гъапӀунва. 6Увуз уву дяркънукьан дарккнидар ккундувуз ва уву ккунидар дяркънукьан ккундарвуз. Гъи уву кьушмин аьхюдар ва дурарин адмийир увуз фукӀа дарудар вуйивал ачухъди улупунва. Узу гъавриъ аза, эгер гъи Авессалом чӀивиди, хъа учу вари дукӀнади айиш, уву рази хьидийва. 7УдучӀвгьа, яв адмийирик рюгь капӀ. РАББИЙИИНДИ ху апӀурза, эгер уву удудучӀвиш, йишв улубкьайиз увухъди сар адмира гъузидар. Думу ляхин увуз яв живан вахтнахъанмина гьамусдиз улуркьу вари балйиртӀан чӀуруб хьибди.
8Паччагь гъудужву ва урнарихъ деу. Эскрариз «Паччагь урнарихъ деъна» гъапиган, дурар вари дугъахьна гъафнийи.
Давуд Ерусалимдиз кьяляхъ хътаркуру
Гьадму вахтна израилар чпин хулариз гъажаргънийи. 9Израилин вари тухмарин адмийири, сари сарихъди гьюжат апӀури, кӀуйи:
– Паччагьди ухьу ихь душмнарин хилариккан азад гъапӀну; лап гьаци ву, дугъу ухьу филистимарин хилариккан азад гъапӀну. Хъа гьамус думу Авессаломдин кӀуллан уьлкейиан гьергну; 10хъа ухьу ухьʼин идара апӀуз ччим ктату Авессалом дявдиъ гъакӀну. Паччагь кьяляхъ апӀбан бадали, учву сарира дидкан гьаз кӀурдарчвахъа?
11Давуд паччагьди Заанурин гъуллугъчйир Цадукдихьна ва Авиатарихьна гьамци пуз гьау:
– Ягьудайин гьюрматлу яшлуйирихьан гьерхай: «Паччагь хулаз кьяляхъ апӀбан ляхниъ учву гьаз ккебехъну дугъужвначва? Вари Израилиъ кӀурайиб паччагьдихьнара, дугъан тухумдихьнара гъурубкьну аьхир. 12Учву йиз чвйир, йиз ифина йикк вучва. Гьаци, паччагь кьяляхъ апӀбаъ учву гьаз аьхиримжидар вучва?» 13Хъа Амасайиз йипай: «Уву йиз ифи ва жан дарнахъа? Гъит Заанури узуз ижмиди жаза туври, гьамус ва гьамусдихъантина Юавдин ерина уву йиз кьушмин аьхюр дархьиш».
14Дугъу вари ягьударин юкӀвар сар адмийинси чаз багахь гъапӀу. Дурари паччагьдиз пуз гьау:
– Уву чав гъач ва яв вари адмийирра гъюри.
15Ва паччагь кьяляхъ хътаркнийи ва Ярдандихъна гъафнийи. Хъа ягьудар Гилгализ, паччагь къаршуламиш ва думу Ярдан ниркан ктагъбан бадали, гъафнийи.
Давуддин рягьим
16Бахурим шагьрин агьали, Вениаминдин наслиан вуйи Герайин бай Шимей ягьударихъди сатӀиди Давуд паччагьдин гъаншаризди удучӀвнийи. 17Дурарихъди агъзур кас вениаминар, хъа гьацира Цива, Саулин тухумдин гъараваш, йицӀихьур дугъан бай ва къар гъараваш хъайи. Дурар паччагь хъайи Ярдан нирихъна гьялакди рякъюъ учӀву. 18Паччагьдин тухум ктагъбан ва дугъаз ккуниб вари тамам апӀбан бадали, дурар ниркан ктучӀву. Шимей, Герайин бай, ниркан ктучӀвиган, думу паччагьдин улихь кьамкьариинди деу 19ва дугъу дугъаз гъапи:
– Гъит йиз агъайи узук йиз тахсир кидрипри. Йиз агъа вуйи паччагь Ерусалимдиан удучӀву йигъан яв гъаравашди фици писвал гъапӀнуш, кӀваин мапӀан. Гъит паччагьди думу кӀваин гъидрибтри. 20Яв гъаравашдиз чав гунагь гъапӀувал аьгъя аьхир, амма гъи узу Юсуфдин насликан сарпир вуди йиз агъа вуйи паччагь къаршуламиш апӀуз дуфназа.
21Авишайи, Церуяйин бали, гъапнийи:
– Дидиз лигну Шимей аьжлин хлиз тувну ккундаринхъа? Дугъу РАББИЙИ ччим кадатнайириз агьрар гъапӀнийи.
22Давудди жаваб тувнийи:
– Учвкан фу апӀуза, Церуяйин баяр? Гъи учву узуз аькси вуйидар гьаз вучва? Гъи узуз узу Израилин паччагь вуйивал ижмиди аьгъязуз, ва гьаддиз сарира саркьан Израилиъ аьжалин хлиз тувидар!
23Паччагьди Шимейиз гъапнийи:
– Уву йикӀидарва!
Ва паччагьди дугъаз ху гъапӀнийи.
24Мефи-Бошетра, Саулин хтул, паччагьдиз гъаншарди удучӀвнийи. Паччагь гъушу йигъхъанмина думу сагъ-саламатди кьяляхъ гъафи йигъазкьан Мефи-Бошетди ликар гъижикӀундайи, сумплар кутӀукъундайи ва чан палат гъубччундайи. 25Паччагь къаршуламиш апӀуз думу Ерусалимдиан гъафиган, паччагьди дугъхьан гьерху:
– Уву узухъди гьаз гъафундайва, Мефи-Бошет?
26Дугъу жаваб туву:
– Йиз агъа вуйи паччагь, яв гъараваш ликур вуйивализ лигну, узу гъапнийза: «Йиз даждиин хъюрар иливидиза ва паччагьдихъди рякъюъ учӀвуз дидʼинди гъягъидиза». Хъа Цивайи, йиз гъаравашди, узу масу тувну. 27Дугъу гьацира яв гъаравашдилан йиз агъа вуйи паччагьдин улихь футнйир гъапӀну. Йиз агъа вуйи паччагь, Заанурин малайикдиси, увуз фици ккундуш, гьаци апӀин. 28Йиз абайин вари наслар йиз агъа вуйи паччагьдихьан аьжализтӀан фукӀайизра лайикьлу гъахьундар, хъа уву яв гъаравашдиз яв суфрайихъ деърударин арайиъ йишв тувунва. Паччагьдикан хъана фукӀа ккун апӀуз узуз фу ихтияр ахъа?
29Паччагьди дугъаз гъапи:
– Мушвхъантина улхуб гьаз ву? Узу увуз ва Цивайиз хутӀлар пай апӀуз амур апӀураза.
30Мефи-Бошетди паччагьдиз гъапи:
– Гъит дугъу вари чаз бисри, йиз агъа вуйи паччагь хулаз сагъ-саламатди гъафихъантина узуз фукӀара ккунди имдарзуз.
Давудди Барзиллайиз баркаллагь кӀуру
31Ярдандикан паччагьдихъди ктучӀвуз ва душв-хьан думу рякъюъ ауз Роглимдиан гьацира Галаадиан Барзиллайра гъафнийи.
32Барзиллай лапра кьабир вуйи, дугъан миржцӀур йис дубхьнайи. Паччагь Маханаимдиъ айиган, дугъу думу тямин апӀуйи, гьаз гъапиш думу гизаф девлетлур вуйи. 33Паччагьди Барзиллайиз гъапи:
– Узухъди ниркан кудучӀв ва узухь Ерусалимдиъ яшамиш йихь, хъа узу уву тямин апӀидиза.
34Хъа Барзиллайи паччагьдиз жаваб туву:
– Паччагьдихъди Ерусалимдиз гъягъбан бадали, узуз яшамиш хьуз швнуд йис ими? 35Гьамус йиз миржицӀур йис вуйиз. Хуш вуйиб хуш дарубдихьан узхьан жара апӀуз шулинхъа? Яв гъаравашдихьан чав ипӀрубдин ва убхърубдин дад гьисс апӀуз шулинхъа? Мяълийир апӀру баярин ва шубарин сесер узхьан сарун жара апӀуз шулинхъа? Йиз агъа вуйи паччагьдиз гъагъ хьувал яв гъаравашдин гьаз ву? 36Яв гъаравашдихьан паччагьдихъди Ярдандиканра гужназ ктучӀвуз шул, хъа узуз мициб ужʼвал пешкеш дапӀну паччагьдин гьаз ву? 37Узхьан йиз шагьриъ, йиз адашдин ва дадайин накьвдин багахь кечмиш хьпан бадали, яв гъаравашдиз кьяляхъ хътаркуз ихтияр тув. Хъа магьа яв гъараваш Кимгам. Гъит думу йиз агъа вуйи паччагьдихъди ниркан кудучӀври. Дугъаз вари увуз ккуниб апӀин.
38Паччагьди гъапи:
– Кимгам узухъди ниркан кудучӀвиди, ва узу увуз апӀуз ккуниб вари дугъаз апӀидиза. Хъа увуз, уву фу ккун гъапӀишра, вари апӀидиза.
39Ва вари халкь Ярдандикан кудубчӀвнийи, хъасин паччагьра кудучӀвнийи. Паччагьди Барзиллайиз мак гъапӀу, дугъаз ужʼвал ккун гъапӀу, ва Барзиллай хулаз хътарку.
40Паччагь Гилгализ кудучӀвиган, Кимгам дугъахъди сатӀиди кудучӀву. Ягьудайин вари эскрар ва Израилин гьацӀ эскрар дурарихъди гъушнийи.
Ягьударихъди израиларин гьюжат
41ЦӀиб вахтналан вари израилар паччагьдихьна гъафнийи ва дугъаз гъапнийи:
– Гьаз ич чвйир ягьудари паччагь чпин ликрихъ хъитӀну? Гьаз дурари паччагь, дугъан тухум, дугъан вари адмийир хъади, Ярдан ниркан ктаъну?
42Вари ягьудари израилариз жаваб тувуйи:
– Думу ляхин учу, паччагь ич ифдиинди багахьлу вуди хьпаз лигну, гъапӀунча. Дидин кӀуллан учвук гьаз хъял кубчӀвурчвук? Учу паччагьдин тадарукарикан фукӀа гъипӀнинхъа? Учу дугъхьан пешкешар гъадагънийин?
43Израилари ягьудариз жаваб тувуйи:
– Давуд паччагьдик ичра йицӀуб наслин пай кайич, гьаддиз Давуддиина учвузтӀан артухъ ихтиярар ачуз. Гьаз учву учу саймиш апӀурдарчва? Паччагь кьяляхъ хуваликан учу садпидариди пуз хъюгъюндайин?
Амма ягьудари израиларитӀан артухъди ижмиди жавабар тувуйи.
© Институт перевода Библии, 2010, 2013, 2016, 2018, 2023
Паччагьлугъар-2 19
19
Юавди Давуддиз тягьна йивуру
1Юавдиз гъапнийи:
– Паччагь Авессаломдихъ ишура ва дугъахъ дерд зигура.
2Ва вари кьушмиз думу йигъандин гъалибвал ясназ илтӀибкӀнийи, гьаз гъапиш думу йигъан эскрариз, фици «Паччагьди чан балихъ дерд зигура» кӀуруш, ебхьуйи. 3Эскрар шагьриз жиниди, дявдин вахтна гьергну, аьйибнакк ккахъур гъюруганси, гъюйи.
4Паччагьди маш элебкнийи ва ягъалди гьарйир апӀуйи:
– Агь, йиз бай Авессалом! Агь, Авессалом, йиз бай, йиз бай!
5Юавди, паччагьдихьна хулаз учӀвну, гъапнийи:
– Яв уьмур, яв баярин ва шубарин уьмрар, яв хпарин ва ашнийирин уьмрар гьамусяаьт къутармиш гъапӀу яв вари адмийир гъи уву асккан гъапӀунва. 6Увуз уву дяркънукьан дарккнидар ккундувуз ва уву ккунидар дяркънукьан ккундарвуз. Гъи уву кьушмин аьхюдар ва дурарин адмийир увуз фукӀа дарудар вуйивал ачухъди улупунва. Узу гъавриъ аза, эгер гъи Авессалом чӀивиди, хъа учу вари дукӀнади айиш, уву рази хьидийва. 7УдучӀвгьа, яв адмийирик рюгь капӀ. РАББИЙИИНДИ ху апӀурза, эгер уву удудучӀвиш, йишв улубкьайиз увухъди сар адмира гъузидар. Думу ляхин увуз яв живан вахтнахъанмина гьамусдиз улуркьу вари балйиртӀан чӀуруб хьибди.
8Паччагь гъудужву ва урнарихъ деу. Эскрариз «Паччагь урнарихъ деъна» гъапиган, дурар вари дугъахьна гъафнийи.
Давуд Ерусалимдиз кьяляхъ хътаркуру
Гьадму вахтна израилар чпин хулариз гъажаргънийи. 9Израилин вари тухмарин адмийири, сари сарихъди гьюжат апӀури, кӀуйи:
– Паччагьди ухьу ихь душмнарин хилариккан азад гъапӀну; лап гьаци ву, дугъу ухьу филистимарин хилариккан азад гъапӀну. Хъа гьамус думу Авессаломдин кӀуллан уьлкейиан гьергну; 10хъа ухьу ухьʼин идара апӀуз ччим ктату Авессалом дявдиъ гъакӀну. Паччагь кьяляхъ апӀбан бадали, учву сарира дидкан гьаз кӀурдарчвахъа?
11Давуд паччагьди Заанурин гъуллугъчйир Цадукдихьна ва Авиатарихьна гьамци пуз гьау:
– Ягьудайин гьюрматлу яшлуйирихьан гьерхай: «Паччагь хулаз кьяляхъ апӀбан ляхниъ учву гьаз ккебехъну дугъужвначва? Вари Израилиъ кӀурайиб паччагьдихьнара, дугъан тухумдихьнара гъурубкьну аьхир. 12Учву йиз чвйир, йиз ифина йикк вучва. Гьаци, паччагь кьяляхъ апӀбаъ учву гьаз аьхиримжидар вучва?» 13Хъа Амасайиз йипай: «Уву йиз ифи ва жан дарнахъа? Гъит Заанури узуз ижмиди жаза туври, гьамус ва гьамусдихъантина Юавдин ерина уву йиз кьушмин аьхюр дархьиш».
14Дугъу вари ягьударин юкӀвар сар адмийинси чаз багахь гъапӀу. Дурари паччагьдиз пуз гьау:
– Уву чав гъач ва яв вари адмийирра гъюри.
15Ва паччагь кьяляхъ хътаркнийи ва Ярдандихъна гъафнийи. Хъа ягьудар Гилгализ, паччагь къаршуламиш ва думу Ярдан ниркан ктагъбан бадали, гъафнийи.
Давуддин рягьим
16Бахурим шагьрин агьали, Вениаминдин наслиан вуйи Герайин бай Шимей ягьударихъди сатӀиди Давуд паччагьдин гъаншаризди удучӀвнийи. 17Дурарихъди агъзур кас вениаминар, хъа гьацира Цива, Саулин тухумдин гъараваш, йицӀихьур дугъан бай ва къар гъараваш хъайи. Дурар паччагь хъайи Ярдан нирихъна гьялакди рякъюъ учӀву. 18Паччагьдин тухум ктагъбан ва дугъаз ккуниб вари тамам апӀбан бадали, дурар ниркан ктучӀву. Шимей, Герайин бай, ниркан ктучӀвиган, думу паччагьдин улихь кьамкьариинди деу 19ва дугъу дугъаз гъапи:
– Гъит йиз агъайи узук йиз тахсир кидрипри. Йиз агъа вуйи паччагь Ерусалимдиан удучӀву йигъан яв гъаравашди фици писвал гъапӀнуш, кӀваин мапӀан. Гъит паччагьди думу кӀваин гъидрибтри. 20Яв гъаравашдиз чав гунагь гъапӀувал аьгъя аьхир, амма гъи узу Юсуфдин насликан сарпир вуди йиз агъа вуйи паччагь къаршуламиш апӀуз дуфназа.
21Авишайи, Церуяйин бали, гъапнийи:
– Дидиз лигну Шимей аьжлин хлиз тувну ккундаринхъа? Дугъу РАББИЙИ ччим кадатнайириз агьрар гъапӀнийи.
22Давудди жаваб тувнийи:
– Учвкан фу апӀуза, Церуяйин баяр? Гъи учву узуз аькси вуйидар гьаз вучва? Гъи узуз узу Израилин паччагь вуйивал ижмиди аьгъязуз, ва гьаддиз сарира саркьан Израилиъ аьжалин хлиз тувидар!
23Паччагьди Шимейиз гъапнийи:
– Уву йикӀидарва!
Ва паччагьди дугъаз ху гъапӀнийи.
24Мефи-Бошетра, Саулин хтул, паччагьдиз гъаншарди удучӀвнийи. Паччагь гъушу йигъхъанмина думу сагъ-саламатди кьяляхъ гъафи йигъазкьан Мефи-Бошетди ликар гъижикӀундайи, сумплар кутӀукъундайи ва чан палат гъубччундайи. 25Паччагь къаршуламиш апӀуз думу Ерусалимдиан гъафиган, паччагьди дугъхьан гьерху:
– Уву узухъди гьаз гъафундайва, Мефи-Бошет?
26Дугъу жаваб туву:
– Йиз агъа вуйи паччагь, яв гъараваш ликур вуйивализ лигну, узу гъапнийза: «Йиз даждиин хъюрар иливидиза ва паччагьдихъди рякъюъ учӀвуз дидʼинди гъягъидиза». Хъа Цивайи, йиз гъаравашди, узу масу тувну. 27Дугъу гьацира яв гъаравашдилан йиз агъа вуйи паччагьдин улихь футнйир гъапӀну. Йиз агъа вуйи паччагь, Заанурин малайикдиси, увуз фици ккундуш, гьаци апӀин. 28Йиз абайин вари наслар йиз агъа вуйи паччагьдихьан аьжализтӀан фукӀайизра лайикьлу гъахьундар, хъа уву яв гъаравашдиз яв суфрайихъ деърударин арайиъ йишв тувунва. Паччагьдикан хъана фукӀа ккун апӀуз узуз фу ихтияр ахъа?
29Паччагьди дугъаз гъапи:
– Мушвхъантина улхуб гьаз ву? Узу увуз ва Цивайиз хутӀлар пай апӀуз амур апӀураза.
30Мефи-Бошетди паччагьдиз гъапи:
– Гъит дугъу вари чаз бисри, йиз агъа вуйи паччагь хулаз сагъ-саламатди гъафихъантина узуз фукӀара ккунди имдарзуз.
Давудди Барзиллайиз баркаллагь кӀуру
31Ярдандикан паччагьдихъди ктучӀвуз ва душв-хьан думу рякъюъ ауз Роглимдиан гьацира Галаадиан Барзиллайра гъафнийи.
32Барзиллай лапра кьабир вуйи, дугъан миржцӀур йис дубхьнайи. Паччагь Маханаимдиъ айиган, дугъу думу тямин апӀуйи, гьаз гъапиш думу гизаф девлетлур вуйи. 33Паччагьди Барзиллайиз гъапи:
– Узухъди ниркан кудучӀв ва узухь Ерусалимдиъ яшамиш йихь, хъа узу уву тямин апӀидиза.
34Хъа Барзиллайи паччагьдиз жаваб туву:
– Паччагьдихъди Ерусалимдиз гъягъбан бадали, узуз яшамиш хьуз швнуд йис ими? 35Гьамус йиз миржицӀур йис вуйиз. Хуш вуйиб хуш дарубдихьан узхьан жара апӀуз шулинхъа? Яв гъаравашдихьан чав ипӀрубдин ва убхърубдин дад гьисс апӀуз шулинхъа? Мяълийир апӀру баярин ва шубарин сесер узхьан сарун жара апӀуз шулинхъа? Йиз агъа вуйи паччагьдиз гъагъ хьувал яв гъаравашдин гьаз ву? 36Яв гъаравашдихьан паччагьдихъди Ярдандиканра гужназ ктучӀвуз шул, хъа узуз мициб ужʼвал пешкеш дапӀну паччагьдин гьаз ву? 37Узхьан йиз шагьриъ, йиз адашдин ва дадайин накьвдин багахь кечмиш хьпан бадали, яв гъаравашдиз кьяляхъ хътаркуз ихтияр тув. Хъа магьа яв гъараваш Кимгам. Гъит думу йиз агъа вуйи паччагьдихъди ниркан кудучӀври. Дугъаз вари увуз ккуниб апӀин.
38Паччагьди гъапи:
– Кимгам узухъди ниркан кудучӀвиди, ва узу увуз апӀуз ккуниб вари дугъаз апӀидиза. Хъа увуз, уву фу ккун гъапӀишра, вари апӀидиза.
39Ва вари халкь Ярдандикан кудубчӀвнийи, хъасин паччагьра кудучӀвнийи. Паччагьди Барзиллайиз мак гъапӀу, дугъаз ужʼвал ккун гъапӀу, ва Барзиллай хулаз хътарку.
40Паччагь Гилгализ кудучӀвиган, Кимгам дугъахъди сатӀиди кудучӀву. Ягьудайин вари эскрар ва Израилин гьацӀ эскрар дурарихъди гъушнийи.
Ягьударихъди израиларин гьюжат
41ЦӀиб вахтналан вари израилар паччагьдихьна гъафнийи ва дугъаз гъапнийи:
– Гьаз ич чвйир ягьудари паччагь чпин ликрихъ хъитӀну? Гьаз дурари паччагь, дугъан тухум, дугъан вари адмийир хъади, Ярдан ниркан ктаъну?
42Вари ягьудари израилариз жаваб тувуйи:
– Думу ляхин учу, паччагь ич ифдиинди багахьлу вуди хьпаз лигну, гъапӀунча. Дидин кӀуллан учвук гьаз хъял кубчӀвурчвук? Учу паччагьдин тадарукарикан фукӀа гъипӀнинхъа? Учу дугъхьан пешкешар гъадагънийин?
43Израилари ягьудариз жаваб тувуйи:
– Давуд паччагьдик ичра йицӀуб наслин пай кайич, гьаддиз Давуддиина учвузтӀан артухъ ихтиярар ачуз. Гьаз учву учу саймиш апӀурдарчва? Паччагь кьяляхъ хуваликан учу садпидариди пуз хъюгъюндайин?
Амма ягьудари израиларитӀан артухъди ижмиди жавабар тувуйи.
© Институт перевода Библии, 2010, 2013, 2016, 2018, 2023