Паччагьлугъар-2 17
17
Ахитофелин ва Хушайин насигьятар
1Ахитофели Авессаломдиз гъапи:
– Узуз йицӀикьюд агъзур кас гъядягъюз ва ахъли Давуддихъ хъергуз гъягъюз ихтияр тув. 2Думу бизар ва зяиф духьну имиди, узу дугъʼин алархьидиза. Узу дугъак зегьле гъабхру гучӀʼвал кипдиза, ва думуган дугъахъ хъайи вари адмийир гьергиди. Узу сар паччагь йикӀидиза 3ва вари халкь увухьна кьяляхъ хъади гъидиза. Увуз анжагъ сар адмийин уьмур гъадабгъуз ккундувуз, хъа вари эскрар сагъ-саламатди гъитуз ккундувуз.
4Гьаму кьаст Авессаломдиз ва Израилин вари гьюрматлу яшлуйириз кьабул гъабхьи. 5Амма Авессаломди гъапи:
– Аркижви Хушайизра дих апӀинай, дугъу фу кӀуруш, ухьу хъпехъбан бадали.
6Чахьна Хушай гъафиган, Авессаломди гъапи:
– Ахитофели гьаму насигьят тувну. Дугъу кӀурубси апӀуча? Эгер ваъ кӀуруш, учуз яв фикир ашкар апӀин.
7Хушайи Авессаломдиз жаваб туву:
– Гьаму ражари Ахитофели туву насигьят ужуб дар. 8Увуз яв адаш ва дугъан адмийир аьгъявузки; дурар кьудратлу эскрар, чан чиркквар тадагъу швеъси, дебккуз даршлу хъял кайидар ву. Дидланна савайи, яв адаш тажруба айи эскер ву; дугъу кьушмихъди йишв адапӀидар. 9ГьамустӀан думу фициб-вуш хьараъ ясана жара йишваъ жин гъахьну. Эгер яв бязи эскрар сабпи дявдиъ гъакӀиш, дидкан гъеебхьу гьарсари пиди: «Авессаломдихъди гъушдар талаф гъахьну». 10Ва думуган гьятта варитӀан кӀубан, чан юкӀв асландин кӀваз ухшар вуйи эскерра, гучӀ хьувалиан асуллагь зяиф хьиди, гьаз гъапиш вари Израилиз яв адаш кьудратлу эскер, хъа дугъахъди хъайидар кьягьялар вуйиваликан аьгъя.
11Гьаддиз узу увуз гьамциб насигьят тувраза: гъит Дандихъан Беэр-Шевайихъна#17:11 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. вари Израил, гьюлин гъирагъдихъ гъумкьан гизаф вуйиб, увухьна уч ибшри, ва уву хусусиди думу женгназ хъади гъягъидива. 12Думуган ухьу Давуддиин, думу наан ади гъахьишра, алархьидихьа, дугъʼина жилиина цӀабул абхъруганси алжагъидихьа, я думу учв, я дугъан инсанарикан сарра чӀивиди гъузидар 13Эгер думу шагьриъ учӀвиш, думу шагьрихьна вари Израили тӀурнар хиди, ва ухьу думу гъяризди хъючӀюбхидихьа, дидкан саб бицӀи гъванкьан гъудрубзайизкьан.
14Авессаломди ва вари израилари гъапи:
– Аркижви Хушайин насигьят Ахитофелин насигьяттӀан ужуб ву.
Авессаломдиин бала алапӀбан бадали, гьамци РАББИЙИ Ахитофелин ужуб насигьят кьабул дархьуз амур гъапӀнийи.
Хушайи Давуддиз улихь ккимиди хабар тувру
15Хушайи Заанурин гъуллугъчйир Цадукдиз ва Авиатариз гъапи:
– Ахитофели Авессаломдиз ва Израилин гьюрматлу яшлуйириз гьамци ва гьамци апӀуз насигьят тувну, хъа узу гьамци ва гьамци апӀуз насигьят тувунза. 16Ва гьаци, кьан дарапӀди Давуддиз хабар дебккуз гьаай: «Буш чюлиъ ниркан ктучӀврушвахь йишв маадапӀан; фу дапӀнура, кудучӀв, дархьиш паччагь ва дугъахъди хъайи вари адмийир тӀанкь апӀиди».
17Юнатан ва Ахимаац Рогел булагъдихь хьади гъахьнийи. Гъараваш дишагьлийи, душну, дурариз хабар дебккну ккундийи, хъа дурар Давуд паччагьдиз хабар дебккуз душну ккундийи, гьаз гъапиш дурар шагьриз гъювал хатӀалу вуйи. 18Амма фуж-вуш живандиз дурар гъяркъну ва дидкан Авессаломдихьна гъурубкьну. Гьаддиз дурар кьюридра чкиди гъушу ва Бахуримдиъ сар касдин хуларихъна гъафи. Дугъан гьяятдиъ гъуйи айи, ва дурар гьаддиъ учӀву. 19Бахуримдиъ айи сар касдин хпири гъуйдин зиин чарч илипу ва дидʼин удар гьарабгъу. Саризра дидкан фукӀа аьгъдайи. 20Думу дишагьлийин хулариз Авессаломдин адмийир гъафиган, дурари гьерху:
– Наан а Ахимаац ва Юнатан?
Дишагьлийи дурариз жаваб туву:
– Дурар ниркан ктучӀвну.
Думу адмийири дурар гъагнийи, амма фужкӀа гъидихъундайи ва Ерусалимдиз кьяляхъ хътаркнийи. 21Хъасин дурар гъягъбахъан думу кьюр гъуйдиан удучӀву ва Давуд паччагьдиз хабар дебккуз гъушу. Дурари дугъаз гъапи:
– Кьан дарапӀди рякъюъ учӀв ва ниркан кудучӀв; Ахитофели увуз къаршуди гьамци ва гьамци насигьят тувну.
22Давуд чахъди хъайи вари адмийирихъди рякъюъ учӀву ва Ярдандикан ктучӀву. Ахсрар ккивайиз Ярдандикан ктручӀву сар касра гъузундайи.
23Чан насигьят тамам дарапӀуб гъябкъиган, Ахитофели чан даждиин хъюрар иливу ва чан шагьриз хулаз гъушу. Дугъу чан мал-мутмуйин гьякьнаан табшуругъ туву ва чав учв ккерху. Гьаци думу кечмиш гъахьнийи ва чан адашдин гюмбетдиъ кивнийи.
24Давуд Маханаимдиз гъафнийи, хъа Авессалом вари израиларихъди Ярдандикан ктучӀвнийи. 25Юавдин ерина кьушмин зиин Авессаломди Амаса дерккнийи. Амаса израил Етерайин бай вуйи. Етерайин хпир Авигал Нахашдин риш, Церуяйин чи ва Юавдин дада вуйи.
26Израилари ва Авессаломди Галааддин жилиин бина гъивнийи.
27Давуд Маханаимдиз гъафиган, аммунарин Раввайиан вуйи Нахашдин бай Шовийи, Ло-Девариан вуйи Аммиилин бай Махири, Роглимдиан вуйи Галаад вилаятдиан вуйи Барзиллайи ахнар-леъфар, гъабар ва ругдин чӀакьар гъахнийи. 28Хъана дурари Давуддиз ва дугъан адмийириз хураг вуди дяхин ва мух, хю ва кьуяр (гъубцу тахил), харар ва мержемег харар, 29йиччв ва шур, марччар ва хюндин никкдикан гъапӀу нис гъахну, гьаз гъапиш дурари гъапнийи:
– Буш чюлиъ адмийириз гаш гъабхьну, дурар бизар гъахьну ва дурариз шид убхъуз ккунду.
© Институт перевода Библии, 2010, 2013, 2016, 2018, 2023
Паччагьлугъар-2 17
17
Ахитофелин ва Хушайин насигьятар
1Ахитофели Авессаломдиз гъапи:
– Узуз йицӀикьюд агъзур кас гъядягъюз ва ахъли Давуддихъ хъергуз гъягъюз ихтияр тув. 2Думу бизар ва зяиф духьну имиди, узу дугъʼин алархьидиза. Узу дугъак зегьле гъабхру гучӀʼвал кипдиза, ва думуган дугъахъ хъайи вари адмийир гьергиди. Узу сар паччагь йикӀидиза 3ва вари халкь увухьна кьяляхъ хъади гъидиза. Увуз анжагъ сар адмийин уьмур гъадабгъуз ккундувуз, хъа вари эскрар сагъ-саламатди гъитуз ккундувуз.
4Гьаму кьаст Авессаломдиз ва Израилин вари гьюрматлу яшлуйириз кьабул гъабхьи. 5Амма Авессаломди гъапи:
– Аркижви Хушайизра дих апӀинай, дугъу фу кӀуруш, ухьу хъпехъбан бадали.
6Чахьна Хушай гъафиган, Авессаломди гъапи:
– Ахитофели гьаму насигьят тувну. Дугъу кӀурубси апӀуча? Эгер ваъ кӀуруш, учуз яв фикир ашкар апӀин.
7Хушайи Авессаломдиз жаваб туву:
– Гьаму ражари Ахитофели туву насигьят ужуб дар. 8Увуз яв адаш ва дугъан адмийир аьгъявузки; дурар кьудратлу эскрар, чан чиркквар тадагъу швеъси, дебккуз даршлу хъял кайидар ву. Дидланна савайи, яв адаш тажруба айи эскер ву; дугъу кьушмихъди йишв адапӀидар. 9ГьамустӀан думу фициб-вуш хьараъ ясана жара йишваъ жин гъахьну. Эгер яв бязи эскрар сабпи дявдиъ гъакӀиш, дидкан гъеебхьу гьарсари пиди: «Авессаломдихъди гъушдар талаф гъахьну». 10Ва думуган гьятта варитӀан кӀубан, чан юкӀв асландин кӀваз ухшар вуйи эскерра, гучӀ хьувалиан асуллагь зяиф хьиди, гьаз гъапиш вари Израилиз яв адаш кьудратлу эскер, хъа дугъахъди хъайидар кьягьялар вуйиваликан аьгъя.
11Гьаддиз узу увуз гьамциб насигьят тувраза: гъит Дандихъан Беэр-Шевайихъна#17:11 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. вари Израил, гьюлин гъирагъдихъ гъумкьан гизаф вуйиб, увухьна уч ибшри, ва уву хусусиди думу женгназ хъади гъягъидива. 12Думуган ухьу Давуддиин, думу наан ади гъахьишра, алархьидихьа, дугъʼина жилиина цӀабул абхъруганси алжагъидихьа, я думу учв, я дугъан инсанарикан сарра чӀивиди гъузидар 13Эгер думу шагьриъ учӀвиш, думу шагьрихьна вари Израили тӀурнар хиди, ва ухьу думу гъяризди хъючӀюбхидихьа, дидкан саб бицӀи гъванкьан гъудрубзайизкьан.
14Авессаломди ва вари израилари гъапи:
– Аркижви Хушайин насигьят Ахитофелин насигьяттӀан ужуб ву.
Авессаломдиин бала алапӀбан бадали, гьамци РАББИЙИ Ахитофелин ужуб насигьят кьабул дархьуз амур гъапӀнийи.
Хушайи Давуддиз улихь ккимиди хабар тувру
15Хушайи Заанурин гъуллугъчйир Цадукдиз ва Авиатариз гъапи:
– Ахитофели Авессаломдиз ва Израилин гьюрматлу яшлуйириз гьамци ва гьамци апӀуз насигьят тувну, хъа узу гьамци ва гьамци апӀуз насигьят тувунза. 16Ва гьаци, кьан дарапӀди Давуддиз хабар дебккуз гьаай: «Буш чюлиъ ниркан ктучӀврушвахь йишв маадапӀан; фу дапӀнура, кудучӀв, дархьиш паччагь ва дугъахъди хъайи вари адмийир тӀанкь апӀиди».
17Юнатан ва Ахимаац Рогел булагъдихь хьади гъахьнийи. Гъараваш дишагьлийи, душну, дурариз хабар дебккну ккундийи, хъа дурар Давуд паччагьдиз хабар дебккуз душну ккундийи, гьаз гъапиш дурар шагьриз гъювал хатӀалу вуйи. 18Амма фуж-вуш живандиз дурар гъяркъну ва дидкан Авессаломдихьна гъурубкьну. Гьаддиз дурар кьюридра чкиди гъушу ва Бахуримдиъ сар касдин хуларихъна гъафи. Дугъан гьяятдиъ гъуйи айи, ва дурар гьаддиъ учӀву. 19Бахуримдиъ айи сар касдин хпири гъуйдин зиин чарч илипу ва дидʼин удар гьарабгъу. Саризра дидкан фукӀа аьгъдайи. 20Думу дишагьлийин хулариз Авессаломдин адмийир гъафиган, дурари гьерху:
– Наан а Ахимаац ва Юнатан?
Дишагьлийи дурариз жаваб туву:
– Дурар ниркан ктучӀвну.
Думу адмийири дурар гъагнийи, амма фужкӀа гъидихъундайи ва Ерусалимдиз кьяляхъ хътаркнийи. 21Хъасин дурар гъягъбахъан думу кьюр гъуйдиан удучӀву ва Давуд паччагьдиз хабар дебккуз гъушу. Дурари дугъаз гъапи:
– Кьан дарапӀди рякъюъ учӀв ва ниркан кудучӀв; Ахитофели увуз къаршуди гьамци ва гьамци насигьят тувну.
22Давуд чахъди хъайи вари адмийирихъди рякъюъ учӀву ва Ярдандикан ктучӀву. Ахсрар ккивайиз Ярдандикан ктручӀву сар касра гъузундайи.
23Чан насигьят тамам дарапӀуб гъябкъиган, Ахитофели чан даждиин хъюрар иливу ва чан шагьриз хулаз гъушу. Дугъу чан мал-мутмуйин гьякьнаан табшуругъ туву ва чав учв ккерху. Гьаци думу кечмиш гъахьнийи ва чан адашдин гюмбетдиъ кивнийи.
24Давуд Маханаимдиз гъафнийи, хъа Авессалом вари израиларихъди Ярдандикан ктучӀвнийи. 25Юавдин ерина кьушмин зиин Авессаломди Амаса дерккнийи. Амаса израил Етерайин бай вуйи. Етерайин хпир Авигал Нахашдин риш, Церуяйин чи ва Юавдин дада вуйи.
26Израилари ва Авессаломди Галааддин жилиин бина гъивнийи.
27Давуд Маханаимдиз гъафиган, аммунарин Раввайиан вуйи Нахашдин бай Шовийи, Ло-Девариан вуйи Аммиилин бай Махири, Роглимдиан вуйи Галаад вилаятдиан вуйи Барзиллайи ахнар-леъфар, гъабар ва ругдин чӀакьар гъахнийи. 28Хъана дурари Давуддиз ва дугъан адмийириз хураг вуди дяхин ва мух, хю ва кьуяр (гъубцу тахил), харар ва мержемег харар, 29йиччв ва шур, марччар ва хюндин никкдикан гъапӀу нис гъахну, гьаз гъапиш дурари гъапнийи:
– Буш чюлиъ адмийириз гаш гъабхьну, дурар бизар гъахьну ва дурариз шид убхъуз ккунду.
© Институт перевода Библии, 2010, 2013, 2016, 2018, 2023