Паччагьлугъар-1 21
21
Давуд Саулихьан гьергру
1Давуд Новдиз, Заанурин гъуллугъчи Ахимелехдихьна гъафи. ГучӀʼвалиан гукӀниди, Ахимелех дугъаз машна-машди гъушу ва гъапи:
– Уву гьаз сар вува, увухъди гьаз фужкӀа хътарвухъди?
2Давудди Заанурин гъуллугъчи Ахимелехдиз гъапи:
– Паччагьди узуз табшуругъ тувну ва гъапунзуз: «Узу уву гьаз гьаънуш ва увуз фу табшуругъ тувнуш, саризра аьгъяди ккундар». Йиз адмийир шартӀ дивнайи йишвахь гъитунза. 3Гьаци вуйиган, яв хликк фу ккаяв? Узуз хьуб уьл вая, фу аш, ча.
4Заанурин гъуллугъчийи Давуддиз жаваб туву:
– Аьдати уьл йиз адариз, хъа РАББИЙИЗ гъурбан дапӀнайи уьл#21:4 РАББИЙИЗ гъурбан дапӀнайи уьл: РАББИЙИН улихь гьарсад шембе йигъан йицӀикьюб уьл диври гъахьну. Думу уьлер саб гьяфтайиъ дивну гъитуйи, хъасин Заанурин гъуллугъчйириз тувуйи, хъа дурарин ерина тазадар дивуйи. айиз, тувурза, эгер яв адмийир дишагьлийириз багахь дархьиди гъузнуш.
5Давудди Заанурин гъуллугъчийиз жаваб туву:
– ИкибаштӀан! Учу дявдиз гъягъюз удучӀвган, дишагьлийир учуз гьарган гъадагъа вучуз. Учу аьдати табшуругъ тамам апӀуз гъягъруганра, йиз адмийирин дявдин палатна яракь сабдииндира чиркинди шулдар, хъа гьамус – асуллагь.
6Заанурин гъуллугъчийи дугъаз РАББИЙИН уьл туву, гьаз гъапиш дугъан гьадму уьлтӀан адайи. Думу уьл гьадму йигъан РАББИЙИН улгьан, дидин ерина таза уьл дивбан бадали, гъадабгънайиб вуйи.
7Гьаци гъабхьнуки, гьадму вахтна РАББИЙИН улихь Саулин гъуллугънаъ айидарикан сар – фуж-вуш Эдумдиан вуйи Доэг, Саулин габнариин аьхюр – хьади гъахьну.
8Давудди Ахимелехдиз гъапи:
– Яв мушваъ жида вая тур бихъидин? Паччагьдин табшуругъ тамам апӀуз гьялак духьну, узу узухьди я тур, я жара яракь гъадабгъундарза.
9Заанурин гъуллугъчийи жаваб туву:
– Мушваъ уву Эла дерейиъ йивну гъакӀи филистим Голиафдин туртӀан адар. Магьа думу, чарчлигъян гъибиржну, гьатушвахь, улгьанийин кьяляхъ хъа. Эгер ккундуш, гъадабгъ думу. Жараб мушваъ адар.
Давудди гъапи:
– МутӀан ужуйи шулира дар. Ча думу узуз.
10Гьадму йигъан Давуд, Саулихьан къутармиш шули, Ахишдихьна, Гъатдин паччагьдихьна, гъафи. 11Паччагьдин везирари Ахишдиз гъапи:
– Му Давуд ву аьхир, гьаму йишварин паччгьарикан сар. Ялхъван апӀругандин мяълийиъ дугъкан дупна:
«Саули агъзрар ккагъну,
Давудди – йицӀуд агъзрар!»
12Гьаму гафари Давуддиз гужалди тясир гъапӀу, ва дугъаз Ахишдихьан, Гъатдин паччагьдихьан, яманди гучӀ гъабхьи. 13Дугъан улихь учв авалиси улупури, Давудди шагьрин урнарик фицдар-вуш лишнар зигуз ва чан мужрийиинди ширшар деетуз хъюгъю. 14Ахишди чан багахь хьайидариз гъапи:
– Учвуз рябкъюрачвузки, му авали ву. Гьаз думу узухьна гъахунчва? 15Узуз анжагъ авалйир гьудруркӀрайзуз! Ичв фикриан, йиз гьамушвахь аваливалар апӀбан бадали, думу узухьна хуб лазим вуййин? Ва думу йиз хулаз гъитуз узу буржлу вуйин?!
© Институт перевода Библии, 2010, 2013, 2016, 2018, 2023
Паччагьлугъар-1 21
21
Давуд Саулихьан гьергру
1Давуд Новдиз, Заанурин гъуллугъчи Ахимелехдихьна гъафи. ГучӀʼвалиан гукӀниди, Ахимелех дугъаз машна-машди гъушу ва гъапи:
– Уву гьаз сар вува, увухъди гьаз фужкӀа хътарвухъди?
2Давудди Заанурин гъуллугъчи Ахимелехдиз гъапи:
– Паччагьди узуз табшуругъ тувну ва гъапунзуз: «Узу уву гьаз гьаънуш ва увуз фу табшуругъ тувнуш, саризра аьгъяди ккундар». Йиз адмийир шартӀ дивнайи йишвахь гъитунза. 3Гьаци вуйиган, яв хликк фу ккаяв? Узуз хьуб уьл вая, фу аш, ча.
4Заанурин гъуллугъчийи Давуддиз жаваб туву:
– Аьдати уьл йиз адариз, хъа РАББИЙИЗ гъурбан дапӀнайи уьл#21:4 РАББИЙИЗ гъурбан дапӀнайи уьл: РАББИЙИН улихь гьарсад шембе йигъан йицӀикьюб уьл диври гъахьну. Думу уьлер саб гьяфтайиъ дивну гъитуйи, хъасин Заанурин гъуллугъчйириз тувуйи, хъа дурарин ерина тазадар дивуйи. айиз, тувурза, эгер яв адмийир дишагьлийириз багахь дархьиди гъузнуш.
5Давудди Заанурин гъуллугъчийиз жаваб туву:
– ИкибаштӀан! Учу дявдиз гъягъюз удучӀвган, дишагьлийир учуз гьарган гъадагъа вучуз. Учу аьдати табшуругъ тамам апӀуз гъягъруганра, йиз адмийирин дявдин палатна яракь сабдииндира чиркинди шулдар, хъа гьамус – асуллагь.
6Заанурин гъуллугъчийи дугъаз РАББИЙИН уьл туву, гьаз гъапиш дугъан гьадму уьлтӀан адайи. Думу уьл гьадму йигъан РАББИЙИН улгьан, дидин ерина таза уьл дивбан бадали, гъадабгънайиб вуйи.
7Гьаци гъабхьнуки, гьадму вахтна РАББИЙИН улихь Саулин гъуллугънаъ айидарикан сар – фуж-вуш Эдумдиан вуйи Доэг, Саулин габнариин аьхюр – хьади гъахьну.
8Давудди Ахимелехдиз гъапи:
– Яв мушваъ жида вая тур бихъидин? Паччагьдин табшуругъ тамам апӀуз гьялак духьну, узу узухьди я тур, я жара яракь гъадабгъундарза.
9Заанурин гъуллугъчийи жаваб туву:
– Мушваъ уву Эла дерейиъ йивну гъакӀи филистим Голиафдин туртӀан адар. Магьа думу, чарчлигъян гъибиржну, гьатушвахь, улгьанийин кьяляхъ хъа. Эгер ккундуш, гъадабгъ думу. Жараб мушваъ адар.
Давудди гъапи:
– МутӀан ужуйи шулира дар. Ча думу узуз.
10Гьадму йигъан Давуд, Саулихьан къутармиш шули, Ахишдихьна, Гъатдин паччагьдихьна, гъафи. 11Паччагьдин везирари Ахишдиз гъапи:
– Му Давуд ву аьхир, гьаму йишварин паччгьарикан сар. Ялхъван апӀругандин мяълийиъ дугъкан дупна:
«Саули агъзрар ккагъну,
Давудди – йицӀуд агъзрар!»
12Гьаму гафари Давуддиз гужалди тясир гъапӀу, ва дугъаз Ахишдихьан, Гъатдин паччагьдихьан, яманди гучӀ гъабхьи. 13Дугъан улихь учв авалиси улупури, Давудди шагьрин урнарик фицдар-вуш лишнар зигуз ва чан мужрийиинди ширшар деетуз хъюгъю. 14Ахишди чан багахь хьайидариз гъапи:
– Учвуз рябкъюрачвузки, му авали ву. Гьаз думу узухьна гъахунчва? 15Узуз анжагъ авалйир гьудруркӀрайзуз! Ичв фикриан, йиз гьамушвахь аваливалар апӀбан бадали, думу узухьна хуб лазим вуййин? Ва думу йиз хулаз гъитуз узу буржлу вуйин?!
© Институт перевода Библии, 2010, 2013, 2016, 2018, 2023