Паччагьлугъар-1 20
20
Юнатандин ва Давуддин дуствал
1Давуд Рамайиъ айи Наютдиан гьергру, Юнатандихьна гъюру ва дугъахьна гьамци илтӀикӀуру:
– Узу фу гъапӀну? Дугъаз узу йивну йикӀуз ккун хьуз, узкан яв адашдин улихь фу тахсир ктубчӀвну?
2Юнатанди жаваб туву:
– Мици хьибдар! Уву йикӀидарва. Узухъди насигьятнан гаф-чӀал дарапӀди, йиз адашди саб ляхинра апӀурдар. Мегер гьациб кьаст дугъу узхьан жин апӀидийин? Гьелбетда, ваъ!
3Давудди гъапи:
– Увуз узу фукьан ккундуш, яв адашдиз ужуйи аьгъя. Дугъу увхьан чан кьастар жин апӀура, гьаз гъапиш уву пашман апӀуз ккундар. Амма узу аьжлиз саб чӀарниинди багахь хьайивалин РАББИЙИИНДИ ва яв хусуси уьмриинди ху апӀураза.
4Думуган Юнатанди гъапи:
– Йип, узу фу апӀуза? Уву бадали вари апӀуз гьязур вуза.
5Давудди Юнатандиз гъапи:
– Закур, ваз цӀийи хьпан машквраъ, узу паччагьдихь суфрайихъ деъну ккунду. Уву узу деетидива, ва узу хутӀлиин саритӀдизкьан жин хьидиза. 6Эгер яв адашдиз узу адрувал аьгъю гъабхьиш, йип: «Давудди, чан тухумди гьарисан апӀру гъурбан апӀбаъ иштирак хьпан бадали, узхьан жикъи вахтназ чахьна, Вифлеемдиз, гъягъюз ихтияр гъадабгъну». 7Дугъу дидиз «баладар» гъапиш, яв лукӀ къутармиш духьна, хъа эгер хъял кубчӀвиш, аьгъю йибхь: дугъу чӀуруб апӀуз кьаст апӀура. 8Миннат апӀурза увкан, РАББИЙИН ччвурнан гьюрматназ уву йикьрар йитӀнайи яв лукӀраз рягьим апӀин. Хъа узу тахсиркар вуш, уву йивну йикӀ узу, анжагъ адашдин хилариз мутуван.
9Юнатанди гъапи:
– Дидкан фикирра мапӀан! Адашди чӀуруб апӀуз кьаст дапӀнайивал гьякь вуйин вая дарин, узу ахтармиш апӀидайин ва увуз хабар тувидайин?!
10Давудди Юнатандиз гъапи:
– Яв адашди чӀуруди жаваб тувиш, шли узуз хабар дебккиди?
11Юнатанди Давуддиз гъапи:
– Гъач хутӀлиз удучӀвурхьа.
Ва дурар кьюридра хутӀлиз удучӀву. 12Юнатанди Давуддиз гъапи:
– РАББИЙИИНДИ, Израилин Заануриинди, ху апӀураза: саритӀ гьаму вахтна адашдин ниятар суракь апӀурза. Увухьна думу ужувлиинди янашмиш шулайин ясан шуладарин, дишлади увуз хабар дебккурза. 13Адашди увуз къаршуди фу-вуш кьаст дапӀнайиваликан уву хабардар дарапӀиш ва увуз жин хьуз мумкинвал тутрувиш, гъит РАББИЙИН хъял Юнатандиин алабхъри. Ва гъит РАББИ увухъди ишри, Думу йиз адашдихъди гъахьиганси. 14Хъа увура, узу чӀивиди имидикьан гагьди, РАББИЙИН ччвур кӀваъ ади, узуз вафалу йихь. Хъа узу гъакӀиш, 15йиз наслариз гьаргандиз – РАББИЙИ Давуддин вари душмнар жилилан терг гъапӀиганра – вафалу йихь.
16Гьаци Юнатанди Давуддин тухмихъди йикьрар гъийитӀу ва гъапи:
– Гъит РАББИЙИ Давуддин душмнар жавабнахьна зигри.
17Ва Юнатанди Давуд учв ккунивалин гьякьнаан ху апӀуз цӀийикӀултӀан мажбур гъапӀу, гьаз гъапиш дугъаз думу учвси ккундийи. 18Юнатанди дугъаз гъапи:
– Закур ваз цӀийи хьпан машквар ву. Уву адрувал рябкъиди, гьаз гъапиш уву суфрайихъ хьидарва. 19Хъа шубудпи йигъан уву чкиди дуфну ккунду, хъасин гъубшу ражну жин гъахьи йишваз гъарах ва душваъ Эзел гъарзухъ деъ. 20Хъа узу думу терефназди, лишниз йивурайисиб тӀул дапӀну, шубуб чӀимир деетидиза. 21Ва, чӀимрар агуз буйругъ тувну, гъараваш гьаъдиза. Эгер узу гъаравашдиз гъапиш: «Лиг, чӀимрар яв кьяляхъ хъа, дурар за апӀин», увхьан кӀубанди учухьна кьяляхъ гъюз шулвухьан: РАББИЙИИНДИ ху апӀурза, увуз сабдихьанра къурху адар. 22Эгер узу гъаравашдиз гъапиш: «ЧӀимрар яв улихь хьа», думуган гъарах, РАББИЙИН амур гьациб ву. 23Хъа ухьу фтин йикьрар гъапӀнуш, гьаддин РАББИ даима шагьид ву.
24Давуд хутӀлиъ жин гъахьи. Хъа ваз цӀийи шлу йигъ улубкьиган, паччагь демдин#20:24 Дем: ипӀруб-убхъруб гьивувал. суфрайихъ деу. 25Паччагь чан аьдати йишвахь, цалихъ, деу, Юнатан дугъаз машна-машди, хъа Авнер Саулин багахь деу. Давуддин йишв ичӀиди айи. 26Думу йигъан Саули фукӀа гъапундайи. Дугъу фикир гъапӀнийи: «Думу дюшюшдиан марцциди адаршул. Ав, гьелбетда думу марцциди адар#20:26 Марцциди адар: суфрайихъ РАББИЙИЗ ибадат апӀузси марцциди вуйидартӀан деъри гъахьундар.».
27Амма ваз цӀийи хьпахъан кьюдпи йигъанра Давуддин йишв ичӀиди гъубзнийи. Думуган Саули чан бай Юнатандиз гъапи:
– Ессейин бай ипӀрубдихъна я накь, я гъи гьаз гъафундар?
28Юнатанди жаваб туву:
– Давудди Вифлеемдиз гъягъюз узхьан тядиди гьерхну. 29Давудди гъапну: «Деет узу: ич тухумди шагьриъ демдин гъурбан апӀуру, ва йиз чвуччву узуз душваъ хьуз амур гъапӀунзуз. Гьаци вуйиган, узухьна рягьимлу йихь, узхьан йиз чвйир рякъюз хьпан бадали, деет узу». Гьаддиз думу паччагьдин ипӀрубдихъна гъафундар.
30Гьаму вахтна Саули, Юнатандиина дишла ажугълу духьну, дугъаз гъапи:
– Лицру дишагьлийин бич бай! Уву Ессейин балин дуст хьувал узуз аьгъдар кӀуру фикир апӀурава? Увузра, яв дадайизра аьйиб ибшри! 31Ессейин бай жилиин яшамиш шули имидикьан гагьди, уву ва яв паччагьвалин гьюкум къурхулуваликк хьиди. Гьамусяаьт дугъахьна адмийир гьаъ, гъит думу гьамина хри: думу йикӀну ккунду!
32Юнатанди чан адаш Саулиз жаваб туву:
– Гьаз думу жазайиинди йивну йи кӀуру? Фу гъапӀну дугъу?
33Хъа Саули дугъахьинди, йивну йикӀбан бадали, жида гатӀабхьу. Гьадмуган Юнатан адашдиз Давуд йивну йикӀуз якьинди ккунивалин гъавриъ гъахьи. 34Юнатан ажугълуди суфрайихъан гъудужву, ва дугъу ваз цӀийи хьпахъан кьюдпи йигъан фукӀа гъипӀундар, гьаз гъапиш адашди биябур гъапӀу Давуддикан дугъаз гизаф дерд кайи.
35Хъайигъан гвачӀнинган, гъараваш байра хъади, Юнатан, Давуддихъди шартӀ дивганси, хутӀлиз гъушу. 36Дугъу гъаравашдиз гъапи:
– Жаргъ, узу деетру чӀимрар аг.
Ва гъараваш гъажаргъубси, дугъу байтӀан ярхлаз тӀибхрубси чӀимир деебту. 37Гъараваш Юнатанди деебту чӀимир дабхъу йишвахьна жаргъури хъуркьу, хъа Юнатанди кьяляхъди чӀигъар гъапӀу:
– ЧӀимир яв улихь хьа!
38Юнатанди гъаравашдин кьяляхъди чӀигъар гъапӀу:
– Чкиди, гьялак йихь, энгел махьан!
Юнатандин гъаравашди чӀимир за гъапӀу ва эйсийихьна кьяляхъ гъафи. 39Амма гъараваш сабдинра гъавриъ ахъундайи, анжагъ Юнатандиз ва Давуддиз аьгъяйи, ляхин фтиъ аш. 40Юнатанди, гъаравашдиз: «Гъарах, гьамрар шагьриз гъайих» дупну, дугъахьна деркку-чӀимрар ва чӀимрар туву.
41Гъараваш гъушубси, Давуд гъарзхъан гъудужву, ва дугъу Юнатандиз шубубан жилиинакьан икрам гъапӀу. Дурари чиб-чпиз макар гъапӀу, ва кьюридра гъишу, хъа Давуд артухъди ишурайи. 42Юнатанди Давуддиз гъапи:
– Гъарах, ягъур ибшривуз! Ухьу сари сариз РАББИЙИН ччвурниинди йиз ва яв арайиъ, йиз ва яв насларин арайиъ даимайиз РАББИ шагьид шлувалин ху гъапӀунхьа.
43Давуд гъушу, хъа Юнатан шагьриз кьяляхъ хътарку.
© Институт перевода Библии, 2010, 2013, 2016, 2018, 2023
Паччагьлугъар-1 20
20
Юнатандин ва Давуддин дуствал
1Давуд Рамайиъ айи Наютдиан гьергру, Юнатандихьна гъюру ва дугъахьна гьамци илтӀикӀуру:
– Узу фу гъапӀну? Дугъаз узу йивну йикӀуз ккун хьуз, узкан яв адашдин улихь фу тахсир ктубчӀвну?
2Юнатанди жаваб туву:
– Мици хьибдар! Уву йикӀидарва. Узухъди насигьятнан гаф-чӀал дарапӀди, йиз адашди саб ляхинра апӀурдар. Мегер гьациб кьаст дугъу узхьан жин апӀидийин? Гьелбетда, ваъ!
3Давудди гъапи:
– Увуз узу фукьан ккундуш, яв адашдиз ужуйи аьгъя. Дугъу увхьан чан кьастар жин апӀура, гьаз гъапиш уву пашман апӀуз ккундар. Амма узу аьжлиз саб чӀарниинди багахь хьайивалин РАББИЙИИНДИ ва яв хусуси уьмриинди ху апӀураза.
4Думуган Юнатанди гъапи:
– Йип, узу фу апӀуза? Уву бадали вари апӀуз гьязур вуза.
5Давудди Юнатандиз гъапи:
– Закур, ваз цӀийи хьпан машквраъ, узу паччагьдихь суфрайихъ деъну ккунду. Уву узу деетидива, ва узу хутӀлиин саритӀдизкьан жин хьидиза. 6Эгер яв адашдиз узу адрувал аьгъю гъабхьиш, йип: «Давудди, чан тухумди гьарисан апӀру гъурбан апӀбаъ иштирак хьпан бадали, узхьан жикъи вахтназ чахьна, Вифлеемдиз, гъягъюз ихтияр гъадабгъну». 7Дугъу дидиз «баладар» гъапиш, яв лукӀ къутармиш духьна, хъа эгер хъял кубчӀвиш, аьгъю йибхь: дугъу чӀуруб апӀуз кьаст апӀура. 8Миннат апӀурза увкан, РАББИЙИН ччвурнан гьюрматназ уву йикьрар йитӀнайи яв лукӀраз рягьим апӀин. Хъа узу тахсиркар вуш, уву йивну йикӀ узу, анжагъ адашдин хилариз мутуван.
9Юнатанди гъапи:
– Дидкан фикирра мапӀан! Адашди чӀуруб апӀуз кьаст дапӀнайивал гьякь вуйин вая дарин, узу ахтармиш апӀидайин ва увуз хабар тувидайин?!
10Давудди Юнатандиз гъапи:
– Яв адашди чӀуруди жаваб тувиш, шли узуз хабар дебккиди?
11Юнатанди Давуддиз гъапи:
– Гъач хутӀлиз удучӀвурхьа.
Ва дурар кьюридра хутӀлиз удучӀву. 12Юнатанди Давуддиз гъапи:
– РАББИЙИИНДИ, Израилин Заануриинди, ху апӀураза: саритӀ гьаму вахтна адашдин ниятар суракь апӀурза. Увухьна думу ужувлиинди янашмиш шулайин ясан шуладарин, дишлади увуз хабар дебккурза. 13Адашди увуз къаршуди фу-вуш кьаст дапӀнайиваликан уву хабардар дарапӀиш ва увуз жин хьуз мумкинвал тутрувиш, гъит РАББИЙИН хъял Юнатандиин алабхъри. Ва гъит РАББИ увухъди ишри, Думу йиз адашдихъди гъахьиганси. 14Хъа увура, узу чӀивиди имидикьан гагьди, РАББИЙИН ччвур кӀваъ ади, узуз вафалу йихь. Хъа узу гъакӀиш, 15йиз наслариз гьаргандиз – РАББИЙИ Давуддин вари душмнар жилилан терг гъапӀиганра – вафалу йихь.
16Гьаци Юнатанди Давуддин тухмихъди йикьрар гъийитӀу ва гъапи:
– Гъит РАББИЙИ Давуддин душмнар жавабнахьна зигри.
17Ва Юнатанди Давуд учв ккунивалин гьякьнаан ху апӀуз цӀийикӀултӀан мажбур гъапӀу, гьаз гъапиш дугъаз думу учвси ккундийи. 18Юнатанди дугъаз гъапи:
– Закур ваз цӀийи хьпан машквар ву. Уву адрувал рябкъиди, гьаз гъапиш уву суфрайихъ хьидарва. 19Хъа шубудпи йигъан уву чкиди дуфну ккунду, хъасин гъубшу ражну жин гъахьи йишваз гъарах ва душваъ Эзел гъарзухъ деъ. 20Хъа узу думу терефназди, лишниз йивурайисиб тӀул дапӀну, шубуб чӀимир деетидиза. 21Ва, чӀимрар агуз буйругъ тувну, гъараваш гьаъдиза. Эгер узу гъаравашдиз гъапиш: «Лиг, чӀимрар яв кьяляхъ хъа, дурар за апӀин», увхьан кӀубанди учухьна кьяляхъ гъюз шулвухьан: РАББИЙИИНДИ ху апӀурза, увуз сабдихьанра къурху адар. 22Эгер узу гъаравашдиз гъапиш: «ЧӀимрар яв улихь хьа», думуган гъарах, РАББИЙИН амур гьациб ву. 23Хъа ухьу фтин йикьрар гъапӀнуш, гьаддин РАББИ даима шагьид ву.
24Давуд хутӀлиъ жин гъахьи. Хъа ваз цӀийи шлу йигъ улубкьиган, паччагь демдин#20:24 Дем: ипӀруб-убхъруб гьивувал. суфрайихъ деу. 25Паччагь чан аьдати йишвахь, цалихъ, деу, Юнатан дугъаз машна-машди, хъа Авнер Саулин багахь деу. Давуддин йишв ичӀиди айи. 26Думу йигъан Саули фукӀа гъапундайи. Дугъу фикир гъапӀнийи: «Думу дюшюшдиан марцциди адаршул. Ав, гьелбетда думу марцциди адар#20:26 Марцциди адар: суфрайихъ РАББИЙИЗ ибадат апӀузси марцциди вуйидартӀан деъри гъахьундар.».
27Амма ваз цӀийи хьпахъан кьюдпи йигъанра Давуддин йишв ичӀиди гъубзнийи. Думуган Саули чан бай Юнатандиз гъапи:
– Ессейин бай ипӀрубдихъна я накь, я гъи гьаз гъафундар?
28Юнатанди жаваб туву:
– Давудди Вифлеемдиз гъягъюз узхьан тядиди гьерхну. 29Давудди гъапну: «Деет узу: ич тухумди шагьриъ демдин гъурбан апӀуру, ва йиз чвуччву узуз душваъ хьуз амур гъапӀунзуз. Гьаци вуйиган, узухьна рягьимлу йихь, узхьан йиз чвйир рякъюз хьпан бадали, деет узу». Гьаддиз думу паччагьдин ипӀрубдихъна гъафундар.
30Гьаму вахтна Саули, Юнатандиина дишла ажугълу духьну, дугъаз гъапи:
– Лицру дишагьлийин бич бай! Уву Ессейин балин дуст хьувал узуз аьгъдар кӀуру фикир апӀурава? Увузра, яв дадайизра аьйиб ибшри! 31Ессейин бай жилиин яшамиш шули имидикьан гагьди, уву ва яв паччагьвалин гьюкум къурхулуваликк хьиди. Гьамусяаьт дугъахьна адмийир гьаъ, гъит думу гьамина хри: думу йикӀну ккунду!
32Юнатанди чан адаш Саулиз жаваб туву:
– Гьаз думу жазайиинди йивну йи кӀуру? Фу гъапӀну дугъу?
33Хъа Саули дугъахьинди, йивну йикӀбан бадали, жида гатӀабхьу. Гьадмуган Юнатан адашдиз Давуд йивну йикӀуз якьинди ккунивалин гъавриъ гъахьи. 34Юнатан ажугълуди суфрайихъан гъудужву, ва дугъу ваз цӀийи хьпахъан кьюдпи йигъан фукӀа гъипӀундар, гьаз гъапиш адашди биябур гъапӀу Давуддикан дугъаз гизаф дерд кайи.
35Хъайигъан гвачӀнинган, гъараваш байра хъади, Юнатан, Давуддихъди шартӀ дивганси, хутӀлиз гъушу. 36Дугъу гъаравашдиз гъапи:
– Жаргъ, узу деетру чӀимрар аг.
Ва гъараваш гъажаргъубси, дугъу байтӀан ярхлаз тӀибхрубси чӀимир деебту. 37Гъараваш Юнатанди деебту чӀимир дабхъу йишвахьна жаргъури хъуркьу, хъа Юнатанди кьяляхъди чӀигъар гъапӀу:
– ЧӀимир яв улихь хьа!
38Юнатанди гъаравашдин кьяляхъди чӀигъар гъапӀу:
– Чкиди, гьялак йихь, энгел махьан!
Юнатандин гъаравашди чӀимир за гъапӀу ва эйсийихьна кьяляхъ гъафи. 39Амма гъараваш сабдинра гъавриъ ахъундайи, анжагъ Юнатандиз ва Давуддиз аьгъяйи, ляхин фтиъ аш. 40Юнатанди, гъаравашдиз: «Гъарах, гьамрар шагьриз гъайих» дупну, дугъахьна деркку-чӀимрар ва чӀимрар туву.
41Гъараваш гъушубси, Давуд гъарзхъан гъудужву, ва дугъу Юнатандиз шубубан жилиинакьан икрам гъапӀу. Дурари чиб-чпиз макар гъапӀу, ва кьюридра гъишу, хъа Давуд артухъди ишурайи. 42Юнатанди Давуддиз гъапи:
– Гъарах, ягъур ибшривуз! Ухьу сари сариз РАББИЙИН ччвурниинди йиз ва яв арайиъ, йиз ва яв насларин арайиъ даимайиз РАББИ шагьид шлувалин ху гъапӀунхьа.
43Давуд гъушу, хъа Юнатан шагьриз кьяляхъ хътарку.
© Институт перевода Библии, 2010, 2013, 2016, 2018, 2023