We-ɛɛla 2
2
Korowii Domadɛɛɡe bala Pɛntekɔs Tɔpejen ta wa
1Ba tɔpejen baa dɛ yerɔ Pɛntekɔs#2:1 Pɛntekɔs munii tɔpera fifraanuanɛ.#Lew 23:15-21 la telo, asɛ ba bwa cheme bobeŋkpoŋ. 2Kerabeŋkpoŋ dɛ komɛl dɛ ɡbɔɡre nyundua dɛɛ si kɛŋɔ peujen bɛl aa dɛ ta ken. Asɛ a ɡɛ ɡbɔɡa la tɔ dem la baa lɔ o ta la bwa. 3Asɛ ba na kwaane kɛŋɔ ninlao ken, asɛ a peɡri dɛ ba so ba nɛra baa lɔ bela la te bɛlbwa nɛ. 4Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.
5Dɛ nɛra baa dɛ ɔmɛ Korowii dɛɛ tomɔ ɡɛ Juu tena aa dɛ tomɔ la le harɛ ta bobɛlbwa dɛ ba su Jerusalam bwa. 6Baa no ɡbɔɡa la la, ba bwa baa cheme bela, asɛ a ɛɛ ba anebɛlbwa kɛŋɔ nɛra la aa dɛ bol waa ba bɛlbwa bwɛɛ wobol ta la. 7Belaa ba nyoa aa kpoa kohona la, baa bɔɔ dɔŋa ŋɔ, “Galilia tena laa nɛra nɔ kɛɛ? 8Aah ɛrɛɛ ba ɛ dɛ won dɛɛ bol ya bɛlbwa wobol nɔɔ? 9Ya bwa harɛre kokoɡrɔ. Ya bane le Paatea, bane le Midia ne Elam, bane ɡe le Mɛsopoteemea ne Juda, ne Kapadoosia. Ya bane ɡe le Pɔntos ne Eesia, 10bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom. 11Ba lolɛ ya bane Juu tena harɛ, bane ɡe ɛ hɔɔhra, kɛ ya bwa ɡe dɛ tomɛ Korowii ɡɛ Juu tena aa dɛ tomɔ la. Ya bane ɡe le Kret ne Arab harɛre ta. Kɛ ya bwa dɛ no kɛŋɔ baa dɛ bol waa ya ɡbaɡba wobol ta dɛɛ baɡle wejena Korowii aa ɛa!” 12Asɛ ba nyoa kpo kohona, baa bɔɔ dɔŋa ŋɔ, “Aah bɔkwa soo waa nɔɔ?”
13Asɛ bane ɡe ɛɛ mamɛ Yeesu habɔteŋra la ŋɔ senee ba nyɔ.
Pita bol waa baɡle nɛra
14Belaa Pita ne o bala Yeesu toroma fi dɛ beŋkpoŋ la ir che, asɛ Pita ɛɛ bol waa takpeɡ ne dɛ ŋɔ, “Yabala Juu tena ne he nɛra haa cheme Jerusalam bwa, hé cheɡ deŋne dɛ́ no waa nɔ aa dɛ ɛ nɔ mun. 15Gɛ haa dɛ lii ŋɔ senee nɛra nɔ nyɔ nɔ, sen laa ba nyɔ. Chɔɔ laa ta naa? 16Waa Korowii keame Joel fa aa bola laanee hɛɛ na chɔɔ nɔ ne la. O bolɔ ŋɔ,
17‘Korowii ŋɔ,
Harɛ chɔɡa tɔpera aa ka mun ta la,
mɛɛ tɛ nɛra bwa soo siwi
n Domadɛɛɡe la kohonaa,
ásɛ he bibaala ne bihaahna bwa
bol n waa aa dɛ ba chiɡa kerekere la,
ásɛ he bonɔɔna na chaahna,
ásɛ he banjeni dee deera.#Joe 2:28-32
18Gɛ saŋ la, mɛɛ ɡeloo n Doma ba so
n bonɔɔna ne toli bwa nɛ,
ásɛ ba bol n waa la.
19Mɛɛ ɛ nyokpowaa nyundua ne harɛ taa,
ásɛ nɛra na chal ne nii ne ninchuu kohona.
20Wee dɛ ba bira, ásɛ korobie swɛɛ
kɛŋɔ chal ken mɔɔ Korowii jirima Tɔpejen la ba.
21A ɡɛ saŋ la, nomɛlbwa waa yerɛ
men Korowii sɔn la, mɛɛ lɛo.’
22N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ. 23Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo. 24Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir. 25O waa Devid bol ŋɔ,
‘N ne Korowii lole saŋ bɛlbwa.
Maa ɔmɛ bwa, dɛkalkɛŋɔ o cheɡɛ n habɔɔ.#Yel 16:8-11
26Anomanta, n sie lɛo, n wobol
ɡe bwa ɛ bansɔɔhna wobol.
Maa n bwadabii waa jare,
dɛkalkɛŋɔ n sie dawɛ Korowii nɛ.
27N Naa Korowii, haa he Biɡoroŋ
waa soeh ba lalabwɛ.
Haa ɡel o chɔ bɔɔ bini pɔh.
28He baɡ mɛ ŋwɛnɛ maa kpɔ dɛ́ dɔ mkpa
saŋ bɛlbwa maa na he siwi la,
n bwara ɛɛ sɔɔh mɛɛ.’
29Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ. 30Kɛ o ɛ Korowii keame, dɛ berɛ jemɛ nyoa Korowii aa ŋwɛɛ ntam baɡɛ ŋɔ wɛɛ ɡeloo Devid naa bɛl ba di o kara la. 31Devid na chaahna dɛ won jemɛ waa Korowii aa dɛ ba ɛɛ kerekere. Anomanta, Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la seo ta ira waa o faa bol ŋɔ Korowii ta o waa soɛh lalabwɛ, o ta bɔɔ bini chɔe pɔh la. 32A ɡɛ Yeesu nɔɔ Korowii ir seo ta la. Ya bwa kpɔ ya sie nao dɛɛ diu danseɛ. 33O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la. 34He jemɔ kɛŋɔ Devid ɡbaɡba laa ira kaa nyundua, kɛ waa waa bola laanee nɔ. O ŋɔ,
‘N Naa Korowii ŋɔ n Dɔɔ be ŋɔ ó so
nomombɔr o diɡ ta bela#Yel 110:1
35ásɛ o ba o dɔma ne harɛ
dɛ́ tiɡri ba nɛ.’
36Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”
37Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”
38Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,#Luk 24:47 39dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”
40O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.” 41Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.
Nɛra baa yarada Yeesu nyopɛo wa
42A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii. 43Dɛ Korowii cheɡɛ Yeesu toroma la nɛɛ dɛɛ ɛ tomkpeɡa, asɛ nɛra bwa nyoa kpo baa ɔmɛ. 44Dɛ nɛra baa yarada Yeesu waa dɛ ɛ asɔre tena la bwa pɛo dɛɛ ɛ wobɛlbwa, dɛɛ bɔne komɛlbwa baa dɔa.#Weɛ 4:32, 34-35 45Dɛ ba dɛ yoɡ ba koŋkwaare ne harɛre dɛ kpɔ a suuɡa la dɛɛ bɔne dɔŋa ɡɛ bɛlbwa aa hiah, ásɛ bɛlbwa won yawɛ o konnyina. 46Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne. 47Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 2
2
Korowii Domadɛɛɡe bala Pɛntekɔs Tɔpejen ta wa
1Ba tɔpejen baa dɛ yerɔ Pɛntekɔs#2:1 Pɛntekɔs munii tɔpera fifraanuanɛ.#Lew 23:15-21 la telo, asɛ ba bwa cheme bobeŋkpoŋ. 2Kerabeŋkpoŋ dɛ komɛl dɛ ɡbɔɡre nyundua dɛɛ si kɛŋɔ peujen bɛl aa dɛ ta ken. Asɛ a ɡɛ ɡbɔɡa la tɔ dem la baa lɔ o ta la bwa. 3Asɛ ba na kwaane kɛŋɔ ninlao ken, asɛ a peɡri dɛ ba so ba nɛra baa lɔ bela la te bɛlbwa nɛ. 4Ate, dɛ Korowii Domadɛɛɡe baa so ba bwa nɛɛ kpeɡri ne dɛ ir ba nɛ, asɛ baa bol wobofala. Korowii Domadɛɛɡe laanee ɡela ba won dɛɛ bol a ɡɛ wobofala la.
5Dɛ nɛra baa dɛ ɔmɛ Korowii dɛɛ tomɔ ɡɛ Juu tena aa dɛ tomɔ la le harɛ ta bobɛlbwa dɛ ba su Jerusalam bwa. 6Baa no ɡbɔɡa la la, ba bwa baa cheme bela, asɛ a ɛɛ ba anebɛlbwa kɛŋɔ nɛra la aa dɛ bol waa ba bɛlbwa bwɛɛ wobol ta la. 7Belaa ba nyoa aa kpoa kohona la, baa bɔɔ dɔŋa ŋɔ, “Galilia tena laa nɛra nɔ kɛɛ? 8Aah ɛrɛɛ ba ɛ dɛ won dɛɛ bol ya bɛlbwa wobol nɔɔ? 9Ya bwa harɛre kokoɡrɔ. Ya bane le Paatea, bane le Midia ne Elam, bane ɡe le Mɛsopoteemea ne Juda, ne Kapadoosia. Ya bane ɡe le Pɔntos ne Eesia, 10bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom. 11Ba lolɛ ya bane Juu tena harɛ, bane ɡe ɛ hɔɔhra, kɛ ya bwa ɡe dɛ tomɛ Korowii ɡɛ Juu tena aa dɛ tomɔ la. Ya bane ɡe le Kret ne Arab harɛre ta. Kɛ ya bwa dɛ no kɛŋɔ baa dɛ bol waa ya ɡbaɡba wobol ta dɛɛ baɡle wejena Korowii aa ɛa!” 12Asɛ ba nyoa kpo kohona, baa bɔɔ dɔŋa ŋɔ, “Aah bɔkwa soo waa nɔɔ?”
13Asɛ bane ɡe ɛɛ mamɛ Yeesu habɔteŋra la ŋɔ senee ba nyɔ.
Pita bol waa baɡle nɛra
14Belaa Pita ne o bala Yeesu toroma fi dɛ beŋkpoŋ la ir che, asɛ Pita ɛɛ bol waa takpeɡ ne dɛ ŋɔ, “Yabala Juu tena ne he nɛra haa cheme Jerusalam bwa, hé cheɡ deŋne dɛ́ no waa nɔ aa dɛ ɛ nɔ mun. 15Gɛ haa dɛ lii ŋɔ senee nɛra nɔ nyɔ nɔ, sen laa ba nyɔ. Chɔɔ laa ta naa? 16Waa Korowii keame Joel fa aa bola laanee hɛɛ na chɔɔ nɔ ne la. O bolɔ ŋɔ,
17‘Korowii ŋɔ,
Harɛ chɔɡa tɔpera aa ka mun ta la,
mɛɛ tɛ nɛra bwa soo siwi
n Domadɛɛɡe la kohonaa,
ásɛ he bibaala ne bihaahna bwa
bol n waa aa dɛ ba chiɡa kerekere la,
ásɛ he bonɔɔna na chaahna,
ásɛ he banjeni dee deera.#Joe 2:28-32
18Gɛ saŋ la, mɛɛ ɡeloo n Doma ba so
n bonɔɔna ne toli bwa nɛ,
ásɛ ba bol n waa la.
19Mɛɛ ɛ nyokpowaa nyundua ne harɛ taa,
ásɛ nɛra na chal ne nii ne ninchuu kohona.
20Wee dɛ ba bira, ásɛ korobie swɛɛ
kɛŋɔ chal ken mɔɔ Korowii jirima Tɔpejen la ba.
21A ɡɛ saŋ la, nomɛlbwa waa yerɛ
men Korowii sɔn la, mɛɛ lɛo.’
22N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ. 23Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo. 24Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir. 25O waa Devid bol ŋɔ,
‘N ne Korowii lole saŋ bɛlbwa.
Maa ɔmɛ bwa, dɛkalkɛŋɔ o cheɡɛ n habɔɔ.#Yel 16:8-11
26Anomanta, n sie lɛo, n wobol
ɡe bwa ɛ bansɔɔhna wobol.
Maa n bwadabii waa jare,
dɛkalkɛŋɔ n sie dawɛ Korowii nɛ.
27N Naa Korowii, haa he Biɡoroŋ
waa soeh ba lalabwɛ.
Haa ɡel o chɔ bɔɔ bini pɔh.
28He baɡ mɛ ŋwɛnɛ maa kpɔ dɛ́ dɔ mkpa
saŋ bɛlbwa maa na he siwi la,
n bwara ɛɛ sɔɔh mɛɛ.’
29Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ. 30Kɛ o ɛ Korowii keame, dɛ berɛ jemɛ nyoa Korowii aa ŋwɛɛ ntam baɡɛ ŋɔ wɛɛ ɡeloo Devid naa bɛl ba di o kara la. 31Devid na chaahna dɛ won jemɛ waa Korowii aa dɛ ba ɛɛ kerekere. Anomanta, Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la seo ta ira waa o faa bol ŋɔ Korowii ta o waa soɛh lalabwɛ, o ta bɔɔ bini chɔe pɔh la. 32A ɡɛ Yeesu nɔɔ Korowii ir seo ta la. Ya bwa kpɔ ya sie nao dɛɛ diu danseɛ. 33O Mɛɛ Korowii aa kpɔɔ kaa nyundua dɛ ɡel o so nomombɔr o diɡ ta la, o tɛo o Domadɛɛɡe la ɡɛ o fa aa baɡɛ nyoa la, asɛ Yeesu ɡe berɛ kpɔ tɛ yaa. O tomaa hɛɛ na dɛɛ no la. 34He jemɔ kɛŋɔ Devid ɡbaɡba laa ira kaa nyundua, kɛ waa waa bola laanee nɔ. O ŋɔ,
‘N Naa Korowii ŋɔ n Dɔɔ be ŋɔ ó so
nomombɔr o diɡ ta bela#Yel 110:1
35ásɛ o ba o dɔma ne harɛ
dɛ́ tiɡri ba nɛ.’
36Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”
37Nɛra la aa no a ɡɛ waa nɔ la, ba nao kɛŋɔ ba ɛ wechɔɡa, asɛ ba tea bini chɔɡ, ba bɔɔ Pita wa ŋɔ, “Aah ɛrɛɛ yaa ba ɛɛ yɔ, yabala?”
38Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,#Luk 24:47 39dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”
40O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.” 41Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.
Nɛra baa yarada Yeesu nyopɛo wa
42A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii. 43Dɛ Korowii cheɡɛ Yeesu toroma la nɛɛ dɛɛ ɛ tomkpeɡa, asɛ nɛra bwa nyoa kpo baa ɔmɛ. 44Dɛ nɛra baa yarada Yeesu waa dɛ ɛ asɔre tena la bwa pɛo dɛɛ ɛ wobɛlbwa, dɛɛ bɔne komɛlbwa baa dɔa.#Weɛ 4:32, 34-35 45Dɛ ba dɛ yoɡ ba koŋkwaare ne harɛre dɛ kpɔ a suuɡa la dɛɛ bɔne dɔŋa ɡɛ bɛlbwa aa hiah, ásɛ bɛlbwa won yawɛ o konnyina. 46Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne. 47Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.