We-ɛɛla 1
1
Yeesu iro kaa nyundua
1Nomoa Teɔfelɔs, n tɔn la maa tɔ sie chwerɛ la, n le Yeesu toma la mumpar dɛ baɡle o we-ɛɛla ne o webaɡla waa bwa#Luk 1:3 2ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua. 3Waa sewa dɛ ir la, o kpɔ o te baɡle o toroma la kera aŋwɛnɛ bwa tɔpera fifraanaarɛ baah ta, dɛɛ bol Korowii Kora waa ba be. Gɛ baa nao la ɡelɔ ba jemɛ kpelakpela kɛŋɔ o ir seo ta. 4Ba ne waa bera ba cheme ja la, o ŋɔ ba be ŋɔ, “He bɛ Jerusalam le mɔɔ. Hé so kpa koŋkɛɛle la maa ŋɔa n Mɛɛ baɡɛ nyoa ŋɔ wɛɛ tɛ heyaa la. 5Nee nee Jɔn sɔ nɛra Korowii ne, kɛ aa tɔpere bɛlee di ásɛ Korowii kpɔ o Domadɛɛɡe la sɔ heya. Anomanta, hé so kpao.”#Mat 3:11; Luk 3:16; Weɛ 11:16
6Ba ne waa baa cheme la, ba bɔɔro ŋɔ, “Ya Dɔɔ, taraken te hɛɛ ɡeloo ya Israel tena berɛ di ya kora la ɡba ɔ?”
7Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa. 8Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”#Mak 16:15; Luk 24:49
9Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.#Mak 16:19-20; Luk 24:50-53
10Waa dɛ kaa, dɛ ba sie ta pa nyundua haah ken. Buɡ la ta, baala banɛ bane baa do laalapoŋa baa che ba jwɛh, 11dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”
Ba le Matayas o chiɡ Judas naa ta
12Asɛ Yeesu toroma la le Ɔlevere Bwejen la ta baa cheɡa o kaa nyundua ɡel ba la ta, dɛɛ kaa bwɛjen Jerusalam. A ka tama bwe la ne Jerusalam ɛ kwansini beŋkpoŋ. 13Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.#Mat 10:2-4 14Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.#Mat 12:46
15Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ, 16“Yabala, Korowii Domadɛɛɡe cheɡɛ Devid nɛɛ dɛ pu sie baɡle Judas waa tɔ nɛra sie dɛ baɡ ba Yeesu ba lawɔ la wa. Gɛ waa baɡla laanee chɛ kɛ a ɛ. A waa a ɛ ɡɛ la. 17O fa ja ya nɛ. Ya ne o bwaa fa dɛ ɛ Korowii toma nɔ.”
18Waa yoɡ Yeesu la, o kpɔ o tonchɔɡa la suuɡa dɛ ka yawɛ harɛ bɛl. A ɡɛ harɛ nɔ taa o chole, o tea pere, o looni le, asɛ o sewɛ.#Mat 27:3-8 19Jerusalam tena bwa no o seo la wa. Anomanta, ba pa a ɡɛ harɛ la sɔn ba wobol ta Akɛldama. O munii Chal Harɛ.
20Pita ŋɔ, “Ba chwerɛ Korowii Kpɛɛra Tɔn la bini ŋɔ,
‘Gel o sobɔr chɔ pɛɛ, nomɛlbwa bɛ o ta do.’#Yel 69:25
Dɛ berɛ chwerɛ ŋɔ,
‘Berɛ o toma tɛ nomɛl.’
21Anomanta, a chɛ kɛŋɔ nomɛl ba ja ya nɛɛ dɛ́ di ya Dɔɔ Yeesu seo ta ira la danseɛ. Nɛra ya ne ba fa aa teŋɛ ya Dɔɔ Yeesu nɛɛ dɛɛ ɡaaɡe la, 22dɛ kpoŋe le ɡɛ saŋ la Jɔn fa aa dɛ sɔ nɛra Korowii nee la dɛ ba le saŋ la Korowii aa baa kpɔ ya Dɔɔ le ya be kaa nyundua la, a ɡɛ nɛra nɔ bɛlee dɛ won ja ya nɛɛ dɛ́ di o seo ta ira la danseɛ.”
23Asɛ ba kpɔ nɛra banɛ dɛ ŋɔ bá ta bie tɛɛ ba dɛ́ won jemɛ naate aa chɛ kɛ o ja ba nɛɛ la. Josef baa dɛ yerɔ Basabas, dɛ berɛ dɛɛ yerɔ Jastos la ne Matayasee ba kpɔ, 24dɛ soŋe Korowii ŋɔ, “Ya Dɔɔ, hen jemɛ nomɛlbwa nyu bini. Anomanta, baɡle yaa nɛra banɛ nɔ bini onɔ la haa dɛ nyin#Sɛɡ 16:33 25kɛŋɔ o chiɡ Judas naa ta dɛɛ ɛ he toma Judas aa vɛah dɛ kaa bela aa chɛ kɛ o do la.” 26Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
We-ɛɛla 1
1
Yeesu iro kaa nyundua
1Nomoa Teɔfelɔs, n tɔn la maa tɔ sie chwerɛ la, n le Yeesu toma la mumpar dɛ baɡle o we-ɛɛla ne o webaɡla waa bwa#Luk 1:3 2ka tel awola Korowii aa kpɔɔ kaa nyundua la. O cheɡɛ Korowii Domadɛɛɡe la kpeɡri ta dɛ baɡle baala la waa kpɔ ba ŋɔ bá ɛ o toroma la waa baa dɛ ba ɛɛ la, asɛ Korowii kpɔɔ kaa nyundua. 3Waa sewa dɛ ir la, o kpɔ o te baɡle o toroma la kera aŋwɛnɛ bwa tɔpera fifraanaarɛ baah ta, dɛɛ bol Korowii Kora waa ba be. Gɛ baa nao la ɡelɔ ba jemɛ kpelakpela kɛŋɔ o ir seo ta. 4Ba ne waa bera ba cheme ja la, o ŋɔ ba be ŋɔ, “He bɛ Jerusalam le mɔɔ. Hé so kpa koŋkɛɛle la maa ŋɔa n Mɛɛ baɡɛ nyoa ŋɔ wɛɛ tɛ heyaa la. 5Nee nee Jɔn sɔ nɛra Korowii ne, kɛ aa tɔpere bɛlee di ásɛ Korowii kpɔ o Domadɛɛɡe la sɔ heya. Anomanta, hé so kpao.”#Mat 3:11; Luk 3:16; Weɛ 11:16
6Ba ne waa baa cheme la, ba bɔɔro ŋɔ, “Ya Dɔɔ, taraken te hɛɛ ɡeloo ya Israel tena berɛ di ya kora la ɡba ɔ?”
7Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa. 8Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”#Mak 16:15; Luk 24:49
9Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.#Mak 16:19-20; Luk 24:50-53
10Waa dɛ kaa, dɛ ba sie ta pa nyundua haah ken. Buɡ la ta, baala banɛ bane baa do laalapoŋa baa che ba jwɛh, 11dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”
Ba le Matayas o chiɡ Judas naa ta
12Asɛ Yeesu toroma la le Ɔlevere Bwejen la ta baa cheɡa o kaa nyundua ɡel ba la ta, dɛɛ kaa bwɛjen Jerusalam. A ka tama bwe la ne Jerusalam ɛ kwansini beŋkpoŋ. 13Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.#Mat 10:2-4 14Dɛ ba ne haahna la ne Yeesu nya Mɛɛre ne Yeesu nimanar la pɛo cheme dɛ yon dɛɛ soŋe Korowii warawara.#Mat 12:46
15Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ, 16“Yabala, Korowii Domadɛɛɡe cheɡɛ Devid nɛɛ dɛ pu sie baɡle Judas waa tɔ nɛra sie dɛ baɡ ba Yeesu ba lawɔ la wa. Gɛ waa baɡla laanee chɛ kɛ a ɛ. A waa a ɛ ɡɛ la. 17O fa ja ya nɛ. Ya ne o bwaa fa dɛ ɛ Korowii toma nɔ.”
18Waa yoɡ Yeesu la, o kpɔ o tonchɔɡa la suuɡa dɛ ka yawɛ harɛ bɛl. A ɡɛ harɛ nɔ taa o chole, o tea pere, o looni le, asɛ o sewɛ.#Mat 27:3-8 19Jerusalam tena bwa no o seo la wa. Anomanta, ba pa a ɡɛ harɛ la sɔn ba wobol ta Akɛldama. O munii Chal Harɛ.
20Pita ŋɔ, “Ba chwerɛ Korowii Kpɛɛra Tɔn la bini ŋɔ,
‘Gel o sobɔr chɔ pɛɛ, nomɛlbwa bɛ o ta do.’#Yel 69:25
Dɛ berɛ chwerɛ ŋɔ,
‘Berɛ o toma tɛ nomɛl.’
21Anomanta, a chɛ kɛŋɔ nomɛl ba ja ya nɛɛ dɛ́ di ya Dɔɔ Yeesu seo ta ira la danseɛ. Nɛra ya ne ba fa aa teŋɛ ya Dɔɔ Yeesu nɛɛ dɛɛ ɡaaɡe la, 22dɛ kpoŋe le ɡɛ saŋ la Jɔn fa aa dɛ sɔ nɛra Korowii nee la dɛ ba le saŋ la Korowii aa baa kpɔ ya Dɔɔ le ya be kaa nyundua la, a ɡɛ nɛra nɔ bɛlee dɛ won ja ya nɛɛ dɛ́ di o seo ta ira la danseɛ.”
23Asɛ ba kpɔ nɛra banɛ dɛ ŋɔ bá ta bie tɛɛ ba dɛ́ won jemɛ naate aa chɛ kɛ o ja ba nɛɛ la. Josef baa dɛ yerɔ Basabas, dɛ berɛ dɛɛ yerɔ Jastos la ne Matayasee ba kpɔ, 24dɛ soŋe Korowii ŋɔ, “Ya Dɔɔ, hen jemɛ nomɛlbwa nyu bini. Anomanta, baɡle yaa nɛra banɛ nɔ bini onɔ la haa dɛ nyin#Sɛɡ 16:33 25kɛŋɔ o chiɡ Judas naa ta dɛɛ ɛ he toma Judas aa vɛah dɛ kaa bela aa chɛ kɛ o do la.” 26Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.