ཨེས་ཡོབ། 3
3
ལེའུ་གསུམ་པ།
ཨེས་ཡོབ་ཀྱིས་རང་ཉིད་ལ་དམོད་མོ་བརྒྱབ་པ།
1དེའི་རྗེས་སུ་ཨེས་ཡོབ་ཀྱིས་ཁ་ནས་རང་གི་ཚེ་ལ་དམོད་མོ་བརྒྱབ་སྟེ། 2འདི་ལྟར་སྨྲས་པ། 3ང་རང་བཙས་པའི་ཉིན་མོ་དང་། ། བུ་ཞིག་ཆགས་འདུག་ཅེས་སྨྲས་པའི། ། མཚན་མོ་དེ་ནི་སྟོངས་པར་ཤོག ། 4ཉིན་དེ་མུན་པར་གྱུར་ནས་ནི། ། དཀོན་མཆོག་གིས་དེར་མི་གཟིགས་ཤིང་། ། དེའི་སྟེང་འོད་ཀྱང་སྤྲོ་མ་འགྱུར། ། 5མུན་པ་དང་ནི་སྨག་རུམ་གྱིས། ། ཉིན་མོ་དེ་ལ་དབང་སྒྱུར་ཅིག ། དེའི་སྟེང་སྤྲིན་ནག་འཁྲིགས་ནས་ནི། ། ཉིན་འཛིན་དེ་ལ་འཇིགས་བསྐུལ་ཤོག ། 6མཚན་དེ་སྨག་རུམ་གྱིས་འཕྲོག་ཅིང་། ། ལོ་རྩིས་ནང་དེར་དགའ་སྤྲོ་མེད། ། ཟླ་རྩིས་ནང་དེ་མ་རྩིས་ཤིག ། 7ལྟོས་དང་མཚན་མོ་དེ་ལ་མངལ་ནི་མི་ཆགས་ཤིང་། ། དེའི་ནང་དགའ་སྤྲོའི་སྐད་ཀྱང་འབྱུང་བར་མ་གྱུར་ཅིག ། 8ཉིན་མོར་དམོད་མོ་འདེབས་པ་དང་། ། ཆུ་སྲིན་#འདིར་ཆུ་སྲིན་ཞེས་པར་མ་ཕྱི་ལས་ལེ་ཝི་ཡ་ཐན་ཞེས་བཀོད༌ཡོད།སློང་བར་ནུས་པ་རྣམས། ། མཚན་མོ་དེར་ཡང་དམོད་པར་ཤོག ། 9མཚན་དེའི་ཞོགས་པའི་སྐར་མ་སྒྲིབ་པར་ཤོག ། དེ་ཡིས་འོད་ལ་རེ་ཡང་རྙེད་མི་འགྱུར། ། སྐྱ་མདའ་གཏོང་བ་ཡང་ནི་མི་མཐོང་ངོ་། ། 10བདག་གི་མ་ཡི་མངལ་སྒོ་མ་བཅད་པར། ། ང་ཡི་མིག་ནས་སྡུག་བསྔལ་མ་སྦས་རྐྱེན། ། 11ཅིའི་ཕྱིར་བདག་ནི་མངལ་ནང་མ་ཤི་འམ། ། མངལ་ལས་ཐོན་དུས་དབུགས་ནི་ཅིའི་མ་ཆད། ། 12ཅིའི་ཕྱིར་པུས་མོ་བཙུགས་ནས་བདག་བསུས་ཏེ། ། ང་ཡིས་འཇིབ་ཏུ་ཅིའི་ཕྱིར་འོ་མ་ཐོན། ། 13དེ་མིན་ད་ལྟ་བདག་ནི་མར་ལོག་ཅིང་། ། བདེ་བར་ཤི་ནས་ངལ་གསོ་ཐོབ་པ་ཡིན། ། 14སྟོང་སར་རང་རང་གནས་ཕྱིར་བརྩིགས་པ་ཡི། ། རྒྱལ་པོ་བཀའ་བློན་རྣམས་དང་ལྷན་ཅིག་གམ། ། 15ཡང་ན་ཁང་པར་དངུལ་གྱིས་བཀང་བ་ཡི། ། གསེར་བདག་རྒྱལ་སྲས་མཉམ་དུ་འདུག་ཐུབ་ལ། ། 16ང་ནི་ཅིའི་ཕྱིར་མངལ་ནས་ཤོར་བ་དང་། ། དུར་དུ་སྦས་པའི་ཕྲུ་གུ་ནང་བཞིན་དང་། ། འོད་སྣང་མ་མཐོང་ཕྲུ་གུ་ལྟར་མ་ཡིན། ། 17གནས་དེར་མི་ངན་ཟིང་ཆ་མཚམས་བཞག་པས། ། ཉམ་ཐག་རྣམས་ལ་ངལ་གསོ་ཐོབ་པ་ཡིན། ། 18དེ་རུ་བཙོན་པའི་སེམས་ཀྱང་ལྷོད་ལ་བབས། ། དེ་ཚོས་ལས་རྒྱབ་པ་ཡི་སྒྲ་མི་ཐོས། ། 19ཆེ་ཆུང་ཐམས་ཅད་དེ་རུ་འདྲ་མཉམ་ཡིན། ། བྲན་པོ་བདག་པོའི་དབང་ལས་ཐར་བ་ཡིན། ། 20སྡུག་བསྔལ་ཅན་ལ་འོད་ནི་ཅི་ལ་གནང་། ། སེམས་སྡུག་ཅན་ལ་སྲོག་ནི་ཅི་ལ་གནང་། ། 21དེ་ཚོས་འཆི་བར་སྒུག་ཀྱང་དེ་མི་འོང་། ། སྦས་པའི་གཏེར་ལས་ལྷག་པར་འཆི་བ་འབྲུ། ། 22དེ་ཚོས་དུར་ཁྲོད་རྙེད་གྱུར་དུས། ། རབ་ཏུ་དགའ་ཞིང་མགུ་བར་བྱེད། ། 23མི་ཡི་ལམ་ནི་སྦས་ཤིང་དཀོན་མཆོག་གིས། ། ཕྱོགས་བཞིར་ཁོ་རང་སྡུག་ལ་སྦྱར་བས་ན། ། དེ་ལ་འོད་སྣང་སྦྱིན་པའི་རྒྱུ་མཚན་ཅི། ། 24ཁ་ཟས་ཚབ་ཏུ་བདག་གིས་ཤུགས་ནར་ཕྱུང་། ། ཆུ་བོ་བཞིན་དུ་བདག་གིས་འཁུན་སྒྲ་བསྒྲགས། ། 25ང་རང་འཇིགས་པ་དེ་ནི་ངའི་ཐོག་བབས། ། ང་རང་སྐྲག་པ་དེ་ཡིས་ང་རང་བསུས། ། 26བདག་ལ་ཞི་བདེ་དང་ནི་ལྷིང་འཇགས་མེད། ། ངལ་གསོ་མེད་པའི་སྟེང་དུ་དཀའ་སྡུག་སླེབས། །
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.