Tegnum 19
19
Paulus Nyob Huv Efexus
1Thaus Apaulaus nyob huv lub nroog Kauleethaus, Paulus tau taug kev hlaa huv cheebtsaam Kalatias moog txug rua lub nroog Efexus. Nwg tau moog ntsib cov ntseeg qeeleej 2hab nug puab has tas, “Thaus mej lug ntseeg, mej puas tau txais Vaaj Ntsujplig tug Dlawbhuv?”
Puab teb tas, “Peb tub tsi tau nov dlua has tas muaj Vaaj Ntsujplig tug Dlawbhuv le.”
3Paulus nug has tas, “Yogle ntawd, mej ua kevcai rausdlej lecaag?”
Puab teb tas, “Peb ua lawvle Yauhaas txuj kevcai rausdlej.”
4Paulus has tas, “Yauhaas txuj kevcai rausdlej yog qha txug kev tso tej kev txhum tseg; hab qha kuas suavdlawg ntseeg tug kws tseem yuav lawv nwg qaab lug, tug ntawd yog Yexus.” #Math 3:11; Malak 1:4; Lukas 3:4, 16; Yauh 1:26-27
5Thaus puab nov le ntawd, puab txawm ua kevcai rausdlej lug ntawm tug Tswv Yexus lub npe. 6Paulus txawm tsaa teg rua sau puab, tes Vaaj Ntsujplig tug Dlawbhuv tau lug rua sau puab. Puab txawm haslug txawv-txawv hab qha Vaajtswv Txujlug. 7Puab cov ntawd muaj kwvlaam le kaum-ob tug txivneej.
8Paulus moog rua huv tej tsev saablaaj hab muaj sab tawv qha tej tuabneeg suavdlawg tau peb lub hlis. Nwg nrug puab siscaav hab yum puab txug Vaajtswv lub Tebchaws. 9Tabsis cov tuabneeg ntawd qeeleej muaj lub sab tawv hab tsi kaam ntseeg. Puab taabmeeg thuam txug tug Tswv Txujkev rua suavdlawg noog. Tes Paulus txawm tso puab tseg hab coj nwg cov thwjtim nrug nwg moog, hab nwg najnub#19:9: Tej phoo ntawv qub kws xuas teg sau, ntxiv pib thaus kaum-ib teev sawvntxuv moog txug rua plaub teev yaav nubqaij. moog coj kev sisthaam nyob rua huv Tilanus chaav tsev saablaaj. 10Nwg pheej qha le ntawd tau ob xyoos, ua rua taagnrho cov Yudais hab Lwmtsaav Tuabneeg kws nyob huv lub xeev Exias tau nov Vaajtswv Txujlug.
Xakevas Cov Tub
11Vaajtswv pub fwjchim rua Paulus ua tej txujci tseemceeb kws tsi tau ua dlua lug. 12Txawm yog Paulus tej phuam so fws hab nwg tej ntaub thaiv xubndlag xwb, los thaus coj moog tso rua sau cov tuabneeg kws muaj mob, tes puab tej mob txawm zoo hlo, hab tej ntsujplig phem los cale tawm ntawm puab moog lawm. 13Cov Yudais qeeleej kws taug kev rua qhov nuav qhov u uatxuj siv tug Tswv Yexus lub npe ntab tej ntsujplig phem tawm. Puab has rua tej ntsujplig phem ntawd has tas, “Kuv tuav Yexus, tug kws Paulus qha lub npe ntab mej tawm moog.” 14Muaj xyaa tug kwvtij, puab yog Xakevas kws cov Yudais tug Tuam Povthawj Hlub cov tub, yog cov ua le ntawd ntaag.
15Tabsis tug ntsujplig phem ntawd teb puab has tas, “Yexus los kuv kuj paub, hab Paulus los kuv kuj paub; tabsis mej ho yog leejtwg?”
16Tug txivneej kws raug tug ntsujplig phem ntawd txawm muab puab ntaus saab kawg hab nwg ntaus yeej puab txhua tug. Puab txhaj tsiv tawm huv nwg lub tsev moog, tabsis puab tej rigtsho ndluag taag hab ibce to taag huv tuabsi. 17Cov tuabneeg Yudais hab Lwmtsaav Tuabneeg kws nyob huv Efexus puavleej nov txug zaaj nuav, puab ntshai kawg le. Tes Tswv Yexus lub npe txawm nrov-nchaa moog thoobplawg txhua qhov. 18Muaj cov ntseeg ntau leej tau tuaj hab leeg taabmeeg suavdlawg txug tej kev txhum kws puab tau ua lug lawm. 19Cov tuabneeg kws txawj ua khawvkoob ntau leej muab puab tej ntawv khawvkoob coj tuaj hlawv povtseg taabmeeg suavdlawg. Muab taagnrho puab tej ntawv ntawd sau lug uake yog raug nqe 50,000 lub nyaj.#19:19: lub nyaj: Ib tug tubzug ua num ib nub tsuas tau ib lub nyaj xwb (saib Math 20:2). 20Vimle ntawd, tug Tswv txujlug#19:20: Vimle ntawd, tug Tswv txujlug; lossis Vimle ntawd, lug ntawm tug Tswv lub fwjchim, txujlug. txhaj nthuav dlaav hab fuamvaam luj zujzug ntxiv.
Kev Kubntxhuv Nyob Huv Efexus
21Tomqaab tej xwm ntawd dlhau lawm, Paulus tau txavtxim sab#19:21: Paulus tau txavtxim sab; lossis Vaaj Ntsujplig tshoov Paulus sab, nwg txhaj txavtxim sab. hlaa phua lub xeev Makedaunias hab Akhayas moog rua nraag lub nroog Yeluxalees. Nwg has tas, “Tomqaab kuv moog txug nraag lawm, kuv yuavtsum moog saib kuas tau lub nroog Loos hab.” 22Nwg txhaj khaiv Timautes hab Elatus, ob tug kws nrug nwg ua num, moog rua tim lub xeev Makedaunias, tabsis nwg tseem nyob huv xeev Exias ib ntus hab.
23Thaus ntawd nyob huv lub nroog Efexus tau muaj kev kubntxhuv luj heev, vim yog tug Tswv Txujkev. 24Muaj ib tug kws ntaus-nyaj hu ua Demetius. Nwg muab nyaj ntaus ua tej lub nyuas tsev teev mlom miv-miv kws zoo le lub tsev teev tug mlom quaspuj Atemis, hab nwg lub chaw laagluam tau ua rua cov kws ntaus-nyaj tau nyaj ntau heev. 25Nwg txawm hu taagnrho cov kws ntaus-nyaj ntawd hab lwm cov kws ua dlejnum zoo ib yaam le puab tuaj uake. Nwg has rua puab has tas, “Mej suavdlawg yeej paub tas peb txuj kev npluanuj yog lug ntawm teg dlejnum nuav. 26Zagnua, mej tub pum hab nov tej kws tug nyuas Paulus ntawd ua lawm. Nwg tub moog haub-ntxag tau ntau tug tuabneeg kws nyob huv Efexus nuav hab yuavlaug thoob huv lub xeev Exias has tas, tej nyuas vaajtswv kws peb xuas teg ua nuav yeej tsi yog vaajtswv hlo le. 27Qhov nuav yog ib qho kws txaus ntshai heev, vim yuav ua rua peb lub laagluam nuav tau ib lub npe tsi zoo. Tsi taag le ntawd xwb, tseem yuav ua rua tug mlom quaspuj Atemis kws muaj fwjchim luj lub tuamtsev tsi muaj qaabhau hab nwg lub fwjchim cale raug puamtsuaj moog; nwg tub yog tug mlom kws txhua tug tuabneeg huv lub xeev Exias hab thoobplawg huv qaabntuj nuav txeev pehawm!”
28Thaus suavdlawg nov le ntawd taag, suavdlawg chim heev, puab txawm qw nrov-nrov has tas, “Cov tuabneeg Efexus tug mlom Atemis yog tug luj kawg!” 29Tuabplag xwb tes txawm muaj kev kubntxhuv moog thoobplawg huv lub nroog. Puab txawm tuaj nteg kag Nkai-us hab Alitakhus kws yog tuabneeg Makedaunias, kws nrug Paulus taug kev, caab kag dlha moog rua tom lub tshaavpuam ua yeebyaam. 30Paulus xaav moog rua ntawm cov tuabneeg ntawd hauvntej, tabsis cov ntseeg tsi kheev Paulus moog. 31Qeetug numtswv huv lub xeev Exias kws yog Paulus cov phoojywg, kuj xaa xuv moog cheem kuas nwg tsi xob moog tshwm huv lub tshaavpuam ua yeebyaam ntawd hab.
32Thaus ntawd cov tuabneeg coob-coob kws tuaj uake ntawd taabtom ntxhuv heev; nyag taug nyag qw le nuav le u, ruaqhov feem coob yeej tsi paub tas qhov kws puab tuaj ntawd yog tuaj ua dlaabtsi. 33Cov Yudais txawm muab Alexaadaws thawb moog rua tom hauvntej hab kuas nwg qha rua suavdlawg paub txug qhov teebmeem. Alexaadaws txhaj cu teg kuas suavdlawg nyob tuabywv, nwg yuav has ib cov lug dlaws txug zaaj ntawd. 34Tabsis thaus puab pum tas Alexaadaws yog tuabneeg Yudais, taagnrho puab suavdlawg qw tau ob txoogteev has tas, “Cov tuabneeg Efexus tug mlom Atemis yog tug luj kawg!”
35Thaus kawg tug teevntawv huv lub nroog txhaj has tau kuas suavdlawg nyob tuabywv. Nwg has tas, “Cov tuabneeg Efexus, suavdlawg puavleej paub tas lub nroog Efexus nuav yog lub nroog kws saib hab tu lub tsev teev tug mlom Atemis kws muaj fwjchim luj hab nwg tug fwvxyeej kws poob sau ntuj lug. 36Yeej tsi muaj ib tug twg kws yuav tsi leeg paub txug tej nuav. Yogle ntawd, mej cale tswmseeb hab tsi xob laam tau laam ua ub ua nua. 37Mej coj ob tug txivneej lug rua ntawm nuav, tabsis obtug tub tsi tau moog nyag ib yaam dlaabtsi huv tej tsev teev mlom lossis thuam peb tug mlom los sav.
38“Yog Demetius hab nwg cov tuabneeg ntaus-nyaj ntawd muaj plaub rua leejtwg, peb muaj cov tuabneeg has plaub hab tej tsev has plaub los yeej qheb lug tog; kuas puab moog sishas lawm tod. 39Tabsis yog mej ho muaj dlua lwmyaam ntxiv, yuavtsum yog coj moog has huv tej pejxeem lub chaw saablaaj lawvle txujcai. 40Yog peb tsi ua le nuav, nyobtsaam numtswv yuav has tas tej kev kubntxhuv nubnua yog peb ua, tes peb yuav tsi muaj lug teb puab, ruaqhov tej kev kubntxhuv nuav tsi muaj hauvpaug hauvntsis dlaabtsi.” 41Thaus nwg has le ntawd taag, tes nwg txawm kuas suavdlawg moog tsev.
© 2022 United Bible Societies. All rights reserved.
Tegnum 19
19
Paulus Nyob Huv Efexus
1Thaus Apaulaus nyob huv lub nroog Kauleethaus, Paulus tau taug kev hlaa huv cheebtsaam Kalatias moog txug rua lub nroog Efexus. Nwg tau moog ntsib cov ntseeg qeeleej 2hab nug puab has tas, “Thaus mej lug ntseeg, mej puas tau txais Vaaj Ntsujplig tug Dlawbhuv?”
Puab teb tas, “Peb tub tsi tau nov dlua has tas muaj Vaaj Ntsujplig tug Dlawbhuv le.”
3Paulus nug has tas, “Yogle ntawd, mej ua kevcai rausdlej lecaag?”
Puab teb tas, “Peb ua lawvle Yauhaas txuj kevcai rausdlej.”
4Paulus has tas, “Yauhaas txuj kevcai rausdlej yog qha txug kev tso tej kev txhum tseg; hab qha kuas suavdlawg ntseeg tug kws tseem yuav lawv nwg qaab lug, tug ntawd yog Yexus.” #Math 3:11; Malak 1:4; Lukas 3:4, 16; Yauh 1:26-27
5Thaus puab nov le ntawd, puab txawm ua kevcai rausdlej lug ntawm tug Tswv Yexus lub npe. 6Paulus txawm tsaa teg rua sau puab, tes Vaaj Ntsujplig tug Dlawbhuv tau lug rua sau puab. Puab txawm haslug txawv-txawv hab qha Vaajtswv Txujlug. 7Puab cov ntawd muaj kwvlaam le kaum-ob tug txivneej.
8Paulus moog rua huv tej tsev saablaaj hab muaj sab tawv qha tej tuabneeg suavdlawg tau peb lub hlis. Nwg nrug puab siscaav hab yum puab txug Vaajtswv lub Tebchaws. 9Tabsis cov tuabneeg ntawd qeeleej muaj lub sab tawv hab tsi kaam ntseeg. Puab taabmeeg thuam txug tug Tswv Txujkev rua suavdlawg noog. Tes Paulus txawm tso puab tseg hab coj nwg cov thwjtim nrug nwg moog, hab nwg najnub#19:9: Tej phoo ntawv qub kws xuas teg sau, ntxiv pib thaus kaum-ib teev sawvntxuv moog txug rua plaub teev yaav nubqaij. moog coj kev sisthaam nyob rua huv Tilanus chaav tsev saablaaj. 10Nwg pheej qha le ntawd tau ob xyoos, ua rua taagnrho cov Yudais hab Lwmtsaav Tuabneeg kws nyob huv lub xeev Exias tau nov Vaajtswv Txujlug.
Xakevas Cov Tub
11Vaajtswv pub fwjchim rua Paulus ua tej txujci tseemceeb kws tsi tau ua dlua lug. 12Txawm yog Paulus tej phuam so fws hab nwg tej ntaub thaiv xubndlag xwb, los thaus coj moog tso rua sau cov tuabneeg kws muaj mob, tes puab tej mob txawm zoo hlo, hab tej ntsujplig phem los cale tawm ntawm puab moog lawm. 13Cov Yudais qeeleej kws taug kev rua qhov nuav qhov u uatxuj siv tug Tswv Yexus lub npe ntab tej ntsujplig phem tawm. Puab has rua tej ntsujplig phem ntawd has tas, “Kuv tuav Yexus, tug kws Paulus qha lub npe ntab mej tawm moog.” 14Muaj xyaa tug kwvtij, puab yog Xakevas kws cov Yudais tug Tuam Povthawj Hlub cov tub, yog cov ua le ntawd ntaag.
15Tabsis tug ntsujplig phem ntawd teb puab has tas, “Yexus los kuv kuj paub, hab Paulus los kuv kuj paub; tabsis mej ho yog leejtwg?”
16Tug txivneej kws raug tug ntsujplig phem ntawd txawm muab puab ntaus saab kawg hab nwg ntaus yeej puab txhua tug. Puab txhaj tsiv tawm huv nwg lub tsev moog, tabsis puab tej rigtsho ndluag taag hab ibce to taag huv tuabsi. 17Cov tuabneeg Yudais hab Lwmtsaav Tuabneeg kws nyob huv Efexus puavleej nov txug zaaj nuav, puab ntshai kawg le. Tes Tswv Yexus lub npe txawm nrov-nchaa moog thoobplawg txhua qhov. 18Muaj cov ntseeg ntau leej tau tuaj hab leeg taabmeeg suavdlawg txug tej kev txhum kws puab tau ua lug lawm. 19Cov tuabneeg kws txawj ua khawvkoob ntau leej muab puab tej ntawv khawvkoob coj tuaj hlawv povtseg taabmeeg suavdlawg. Muab taagnrho puab tej ntawv ntawd sau lug uake yog raug nqe 50,000 lub nyaj.#19:19: lub nyaj: Ib tug tubzug ua num ib nub tsuas tau ib lub nyaj xwb (saib Math 20:2). 20Vimle ntawd, tug Tswv txujlug#19:20: Vimle ntawd, tug Tswv txujlug; lossis Vimle ntawd, lug ntawm tug Tswv lub fwjchim, txujlug. txhaj nthuav dlaav hab fuamvaam luj zujzug ntxiv.
Kev Kubntxhuv Nyob Huv Efexus
21Tomqaab tej xwm ntawd dlhau lawm, Paulus tau txavtxim sab#19:21: Paulus tau txavtxim sab; lossis Vaaj Ntsujplig tshoov Paulus sab, nwg txhaj txavtxim sab. hlaa phua lub xeev Makedaunias hab Akhayas moog rua nraag lub nroog Yeluxalees. Nwg has tas, “Tomqaab kuv moog txug nraag lawm, kuv yuavtsum moog saib kuas tau lub nroog Loos hab.” 22Nwg txhaj khaiv Timautes hab Elatus, ob tug kws nrug nwg ua num, moog rua tim lub xeev Makedaunias, tabsis nwg tseem nyob huv xeev Exias ib ntus hab.
23Thaus ntawd nyob huv lub nroog Efexus tau muaj kev kubntxhuv luj heev, vim yog tug Tswv Txujkev. 24Muaj ib tug kws ntaus-nyaj hu ua Demetius. Nwg muab nyaj ntaus ua tej lub nyuas tsev teev mlom miv-miv kws zoo le lub tsev teev tug mlom quaspuj Atemis, hab nwg lub chaw laagluam tau ua rua cov kws ntaus-nyaj tau nyaj ntau heev. 25Nwg txawm hu taagnrho cov kws ntaus-nyaj ntawd hab lwm cov kws ua dlejnum zoo ib yaam le puab tuaj uake. Nwg has rua puab has tas, “Mej suavdlawg yeej paub tas peb txuj kev npluanuj yog lug ntawm teg dlejnum nuav. 26Zagnua, mej tub pum hab nov tej kws tug nyuas Paulus ntawd ua lawm. Nwg tub moog haub-ntxag tau ntau tug tuabneeg kws nyob huv Efexus nuav hab yuavlaug thoob huv lub xeev Exias has tas, tej nyuas vaajtswv kws peb xuas teg ua nuav yeej tsi yog vaajtswv hlo le. 27Qhov nuav yog ib qho kws txaus ntshai heev, vim yuav ua rua peb lub laagluam nuav tau ib lub npe tsi zoo. Tsi taag le ntawd xwb, tseem yuav ua rua tug mlom quaspuj Atemis kws muaj fwjchim luj lub tuamtsev tsi muaj qaabhau hab nwg lub fwjchim cale raug puamtsuaj moog; nwg tub yog tug mlom kws txhua tug tuabneeg huv lub xeev Exias hab thoobplawg huv qaabntuj nuav txeev pehawm!”
28Thaus suavdlawg nov le ntawd taag, suavdlawg chim heev, puab txawm qw nrov-nrov has tas, “Cov tuabneeg Efexus tug mlom Atemis yog tug luj kawg!” 29Tuabplag xwb tes txawm muaj kev kubntxhuv moog thoobplawg huv lub nroog. Puab txawm tuaj nteg kag Nkai-us hab Alitakhus kws yog tuabneeg Makedaunias, kws nrug Paulus taug kev, caab kag dlha moog rua tom lub tshaavpuam ua yeebyaam. 30Paulus xaav moog rua ntawm cov tuabneeg ntawd hauvntej, tabsis cov ntseeg tsi kheev Paulus moog. 31Qeetug numtswv huv lub xeev Exias kws yog Paulus cov phoojywg, kuj xaa xuv moog cheem kuas nwg tsi xob moog tshwm huv lub tshaavpuam ua yeebyaam ntawd hab.
32Thaus ntawd cov tuabneeg coob-coob kws tuaj uake ntawd taabtom ntxhuv heev; nyag taug nyag qw le nuav le u, ruaqhov feem coob yeej tsi paub tas qhov kws puab tuaj ntawd yog tuaj ua dlaabtsi. 33Cov Yudais txawm muab Alexaadaws thawb moog rua tom hauvntej hab kuas nwg qha rua suavdlawg paub txug qhov teebmeem. Alexaadaws txhaj cu teg kuas suavdlawg nyob tuabywv, nwg yuav has ib cov lug dlaws txug zaaj ntawd. 34Tabsis thaus puab pum tas Alexaadaws yog tuabneeg Yudais, taagnrho puab suavdlawg qw tau ob txoogteev has tas, “Cov tuabneeg Efexus tug mlom Atemis yog tug luj kawg!”
35Thaus kawg tug teevntawv huv lub nroog txhaj has tau kuas suavdlawg nyob tuabywv. Nwg has tas, “Cov tuabneeg Efexus, suavdlawg puavleej paub tas lub nroog Efexus nuav yog lub nroog kws saib hab tu lub tsev teev tug mlom Atemis kws muaj fwjchim luj hab nwg tug fwvxyeej kws poob sau ntuj lug. 36Yeej tsi muaj ib tug twg kws yuav tsi leeg paub txug tej nuav. Yogle ntawd, mej cale tswmseeb hab tsi xob laam tau laam ua ub ua nua. 37Mej coj ob tug txivneej lug rua ntawm nuav, tabsis obtug tub tsi tau moog nyag ib yaam dlaabtsi huv tej tsev teev mlom lossis thuam peb tug mlom los sav.
38“Yog Demetius hab nwg cov tuabneeg ntaus-nyaj ntawd muaj plaub rua leejtwg, peb muaj cov tuabneeg has plaub hab tej tsev has plaub los yeej qheb lug tog; kuas puab moog sishas lawm tod. 39Tabsis yog mej ho muaj dlua lwmyaam ntxiv, yuavtsum yog coj moog has huv tej pejxeem lub chaw saablaaj lawvle txujcai. 40Yog peb tsi ua le nuav, nyobtsaam numtswv yuav has tas tej kev kubntxhuv nubnua yog peb ua, tes peb yuav tsi muaj lug teb puab, ruaqhov tej kev kubntxhuv nuav tsi muaj hauvpaug hauvntsis dlaabtsi.” 41Thaus nwg has le ntawd taag, tes nwg txawm kuas suavdlawg moog tsev.
© 2022 United Bible Societies. All rights reserved.