2 Kauleethaus 9
9
Paab Cov Ntseeg Kws Txomnyem
1Tsi taag kuv yuav sau ntawv tuaj qha mej has txug tej nyaj kws tau muab xaa moog paab cov ntseeg Vaajtswv huv lub xeev Yudas. 2Kuv paub tas mej yeej txaussab hlo paab, hab kuv tub khaav ntxhas txug mej rua cov tuabneeg huv lub xeev Makedaunias lawm has tas, tseb nua mej cov kws nyob huv lub xeev Akhayas tub npaaj tau nyaj txhij ca lawm. Qhov kws mej kubsab lug xaav paab ntawd ua rua puab raag lawm ntau heev.
3Kuv khaiv cov kwvtij nuav tuaj saib mej, sub tej lug kws peb khaav txug mej ntawd txhaj tsi yog tej lug khaav qhuav-qhuav xwb, tabsis mej yeej npaaj nyaj txhij lawvle kuv has lawm tag. 4Tabsis, yog cov tuabneeg Makedaunias nrug kuv tuaj es puab pum tas mej tseem tsi tau npaaj txhij, mas sov peb hab mej yuav uacaag txaajmuag, vim peb tsosab rua mej heev! 5Yogle ntawd, kuv txhaj xaav tas kuv yuavtsum thov cov kwvtij ntawd ua kuv ntej tuaj rua ntawm mej hab sau cov nyaj kws mej tub xub coglug tseg lawm, sub thaus kuv tuaj txug tes mej tub npaaj txhij lawm. Qhov ntawd yuav ua rua puab pum tas mej yeej zoosab hlo muab tsi yog kuv yuam kuas mej muab.
6Mej yuavtsum ncuntsoov tas tug kws cog tsawg nwg yeej yuav tau sau tsawg; tug kws cog ntau nwg yeej yuav tau sau ntau. 7Yogle ntawd, nyag yuavtsum muab lawvle nyag tub xub xaav tseg lawm, tsi yog yuav khauvxwm lossis yuam yug lub sab muab, ruaqhov Vaajtswv hlub tug kws zoosab hlo muab. 8Vaajtswv yog tug kws muaj peevxwm muab tau ntau tshaaj tej kws mej xaav tau rua mej, kuas mej txhaj yuav muaj txaus siv hab muaj txaus coj moog paab rua txhua tegnum kws zoo. 9Lawvle Vaajtswv Txujlug has tas:
“Nwg muaj nploojsab dlawbpaug pub rua cov tuabneeg pluag;
Nwg txuj kev ua zoo yuav nyob moog ibtxhis.” #Nnkauj 112:9
10Vaajtswv tug kws pub noobqoob noobloo rua tug kws cog hab pub zaub pub mov rua nwg noj, yeej yuav pub noobqoob noobloo ntau npaug rua mej, hab Nwg yuav ua kuas tej qoobloo kws mej cog lujhlub hab mej yuav tau sau nplua-mag vim mej lub sabdlawb sabzoo. #Yaxaya 55:10
11Nwg yuav pub txhua yaam rua mej kuas mej npluanuj sub mej txhaj yuav paab tau lwmtug txhua lub sijhawm. Yuav muaj ntau leej ua Vaajtswv tsaug, vim mej tej nyaj kws mej muab rua peb nqaa moog paab puab. 12Ruaqhov tej kws mej ua nuav tsi yog yuav paab tau cov ntseeg Vaajtswv kws txomnyem xwb, tabsis yuav ua rua muaj kev ua Vaajtswv tsaug ntau kawg nkaus le hab. 13Thaus suavdlawg pum tej nyaj sabdlawb kws mej paab nuav, yuav ua rua ntau leej qhuas Vaajtswv, vim mej muab sab npuab hab ntseeg Txuj Moo Zoo kws has txug Khetos, hab vim mej muaj lub sabdlawb sabzoo paab puab hab paab txhua leej txhua tug. 14Puab yuav ncuntsoov mej hab thov Vaajtswv paab mej, ruaqhov Vaajtswv txuj moovhlub tub muaj nyob rua huv mej ntau kawg le lawm. 15Peb cale ua Vaajtswv tsaug rua Nwg qhov khoomplig kws peb tsi muaj cuabkaav yuav pav tau!
© 2022 United Bible Societies. All rights reserved.
2 Kauleethaus 9
9
Paab Cov Ntseeg Kws Txomnyem
1Tsi taag kuv yuav sau ntawv tuaj qha mej has txug tej nyaj kws tau muab xaa moog paab cov ntseeg Vaajtswv huv lub xeev Yudas. 2Kuv paub tas mej yeej txaussab hlo paab, hab kuv tub khaav ntxhas txug mej rua cov tuabneeg huv lub xeev Makedaunias lawm has tas, tseb nua mej cov kws nyob huv lub xeev Akhayas tub npaaj tau nyaj txhij ca lawm. Qhov kws mej kubsab lug xaav paab ntawd ua rua puab raag lawm ntau heev.
3Kuv khaiv cov kwvtij nuav tuaj saib mej, sub tej lug kws peb khaav txug mej ntawd txhaj tsi yog tej lug khaav qhuav-qhuav xwb, tabsis mej yeej npaaj nyaj txhij lawvle kuv has lawm tag. 4Tabsis, yog cov tuabneeg Makedaunias nrug kuv tuaj es puab pum tas mej tseem tsi tau npaaj txhij, mas sov peb hab mej yuav uacaag txaajmuag, vim peb tsosab rua mej heev! 5Yogle ntawd, kuv txhaj xaav tas kuv yuavtsum thov cov kwvtij ntawd ua kuv ntej tuaj rua ntawm mej hab sau cov nyaj kws mej tub xub coglug tseg lawm, sub thaus kuv tuaj txug tes mej tub npaaj txhij lawm. Qhov ntawd yuav ua rua puab pum tas mej yeej zoosab hlo muab tsi yog kuv yuam kuas mej muab.
6Mej yuavtsum ncuntsoov tas tug kws cog tsawg nwg yeej yuav tau sau tsawg; tug kws cog ntau nwg yeej yuav tau sau ntau. 7Yogle ntawd, nyag yuavtsum muab lawvle nyag tub xub xaav tseg lawm, tsi yog yuav khauvxwm lossis yuam yug lub sab muab, ruaqhov Vaajtswv hlub tug kws zoosab hlo muab. 8Vaajtswv yog tug kws muaj peevxwm muab tau ntau tshaaj tej kws mej xaav tau rua mej, kuas mej txhaj yuav muaj txaus siv hab muaj txaus coj moog paab rua txhua tegnum kws zoo. 9Lawvle Vaajtswv Txujlug has tas:
“Nwg muaj nploojsab dlawbpaug pub rua cov tuabneeg pluag;
Nwg txuj kev ua zoo yuav nyob moog ibtxhis.” #Nnkauj 112:9
10Vaajtswv tug kws pub noobqoob noobloo rua tug kws cog hab pub zaub pub mov rua nwg noj, yeej yuav pub noobqoob noobloo ntau npaug rua mej, hab Nwg yuav ua kuas tej qoobloo kws mej cog lujhlub hab mej yuav tau sau nplua-mag vim mej lub sabdlawb sabzoo. #Yaxaya 55:10
11Nwg yuav pub txhua yaam rua mej kuas mej npluanuj sub mej txhaj yuav paab tau lwmtug txhua lub sijhawm. Yuav muaj ntau leej ua Vaajtswv tsaug, vim mej tej nyaj kws mej muab rua peb nqaa moog paab puab. 12Ruaqhov tej kws mej ua nuav tsi yog yuav paab tau cov ntseeg Vaajtswv kws txomnyem xwb, tabsis yuav ua rua muaj kev ua Vaajtswv tsaug ntau kawg nkaus le hab. 13Thaus suavdlawg pum tej nyaj sabdlawb kws mej paab nuav, yuav ua rua ntau leej qhuas Vaajtswv, vim mej muab sab npuab hab ntseeg Txuj Moo Zoo kws has txug Khetos, hab vim mej muaj lub sabdlawb sabzoo paab puab hab paab txhua leej txhua tug. 14Puab yuav ncuntsoov mej hab thov Vaajtswv paab mej, ruaqhov Vaajtswv txuj moovhlub tub muaj nyob rua huv mej ntau kawg le lawm. 15Peb cale ua Vaajtswv tsaug rua Nwg qhov khoomplig kws peb tsi muaj cuabkaav yuav pav tau!
© 2022 United Bible Societies. All rights reserved.